Connect with us

Entertainment

The Silent Wife

ជា​សៀវភៅ​រឿង​បែប​មនោសញ្ចេតនា​ប្រកប​ដោយ​សាច់រឿង​បត់បែន​នឹកស្មាន​មិន​ដល់​។​

ជា​សៀវភៅ​រឿង​បែប​មនោសញ្ចេតនា​ប្រកប​ដោយ​សាច់រឿង​បត់បែន​នឹកស្មាន​មិន​ដល់​។​
​តើ​អ្នក​ហ៊ាន​ប្រថុយ​គ្រប់យ៉ាង​ដើម្បី​បុរស​ដែល​អ្នក​ស្រលាញ់​ដែរឬទេ​? បើ​ទោះ​ជា​អ្នក​ដឹងថា​គេ​បាន​ប្រព្រឹត្ត​អំពើ​អាក្រក់​អ្វី​មួយ​ក៏ដោយ​? ជា​សៀវភៅ​រឿង​ដែល​អង្រួន​ចិត្ត​អ្នកអាន ខ្ញុំ​ជក់ចិត្ត​តាំង​ពី​អាន​ទំព័រ​ដំបូង​មកម្ល៉េះ​។ បើ​មើល​ពី​ខាងក្រៅ​ជីវិត​របស់​នាង​ឡា​រ៉ា​មើល​ទៅ​ល្អឥតខ្ចោះ​ណាស់ មាន​ស្វាមី​ដ៏​ស្រស់​សង្ហា Massimo និង​មាន​កូនប្រុស​ដ៏​គួរឱ្យ​ស្រលាញ់ Sandro និង​ផ្ទះ​ដ៏​កក់ក្តៅ​មួយ​។ នាង​បាន​ដឹង​រឿង​ខ្លះ​ទាក់ទង​នឹង Massimo ជា​រឿង​ដែល​នាង​មិន​អាច​ប្រាប់​នរណា​បាន បើ​មិន​ដូច្នោះ​ទេ​ការងារ​ដែល​ប្តី​នាង​ខំ​ប្រឹង​ទាំង​ប៉ុន្មាន​នឹង​ត្រូវ​បំផ្លាញ​ដូចជា​៖ ការងារ កេរ្តិ៍ឈ្មោះ និង​កូនប្រុស​របស់​គេ​។ អាថ៌កំបាំង​នេះ​ធ្វើឱ្យ​នាង​ប្រៀប​ដូច​ជា​អ្នកទោស​ក្នុង​អាពាហ៍ពិពាហ៍​របស់ខ្លួន​ដូច្នោះ​ឯង​។​
​នាង Maggie បាន​រៀបការ​ជាមួយ Nico ដែល​ជា​ប្អូនប្រុស​របស់ Massimo និង​រស់នៅ​ជាមួយ​កូនស្រី​ចុង​ដែល​ចូលចិត្ត​បង្កបញ្ហា​។ នាង​បាន​ដឹង​អាថ៌កំបាំង​ដ៏​ខ្មៅ​ងងឺតរបស់ Nico – ឬ​នាង​គិតតែ​ខ្លួនឯង​ក៏​មិនដឹង​។ ថ្ងៃមួយ​នាង​បាន​រកឃើញ​សំបុត្រ​មួយ​ច្បាប់​នៅក្នុង​បន្ទប់​ជិត​ដំបូលផ្ទះ ដែល​ក្នុង​សំបុត្រ​នោះ​បាន​បង្ហាញ​ពី​អាថ៌កំបាំង​ដ៏​នឹកស្មាន​មិន​ដល់​ទាក់ទង​នឹង​ប្រពន្ធ​មុន​របស់ Nico​។ តើ Maggie នឹង​បើក​ទម្លាយ​អាថ៌កំបាំង​នេះ ឬ​ក៏​សម្ងំ​ស្ងៀម​លាក់​រឿង​នេះ​ដើម្បី​ការពារ​មនុស្ស​ជាទី​ស្រលាញ់​របស់​ខ្លួន​?
​ចំពោះ​ក្រុម​គ្រួសារ​ដែល​រួមរស់​ជាមួយ​គ្នា​ដោយសារ​តែ​ពាក្យ​កុហក គឺ​មិន​អាច​នៅ​ឋិតថេរ​បានយូរ​ឡើយ​។ នេះ​ជា​សៀវភៅ​រឿង​ដ៏​រន្ធត់ បង្កប់​មនោសញ្ចេតនា ជឿ​ថា​ប្រិយមិត្ត​ដែល​គាំទ្រ​ស្នាដៃ​អ្នកនិពន្ធ​ដូចជា​អ្នកស្រី Amanda Prowse អ្នកស្រី Liane Moriarty និង​អ្នកស្រី Diane Chamberlain ច្បាស់​ជា​ចូលចិត្ត​រឿងនេះ​មិន​ខាន​។​
“​ទឹកដៃ​និពន្ធ​ដ៏​ជំនាញ​របស់ Sue Fortin ធ្វើឱ្យ​ទំព័រ​នី​មួយៗ​របស់​នាង​ផ្តល់ឱ្យ​អ្នកអាន​ពោរពេញ​ដោយ​អារម្មណ៍​តឹងតែង​។ ជាមួយនឹង​តួអង្គ និង​សាច់រឿង​ដ៏​គួរឱ្យ​ចាប់អារម្មណ៍ ធ្វើឱ្យ​នាង​ខ្ញុំ​ជក់ចិត្ត​អាន​មួយ​ទំព័រ​ហើយ​ចង់​អាន​មួយ​ទំព័រ​ទៀត​។​” – Amanda Jennings
​ពេលខ្លះ​មិត្ត​ល្អឥតខ្ចោះ​ម្នាក់​អាច​និយាយ​ពាក្យ​កុហក​ដ៏​សម​បំផុត​…
​នាង Erin និង Roisin កាលពីមុន​គឺជា​មិត្ត​ល្អ​នឹង​គ្នា តែ​គ្រប់យ៉ាង​ប្រែប្រួល​នៅពេលដែល​ពួកគេ​ជួប​គ្រោះថ្នាក់​ចរាចរណ៍​ដ៏​ធ្ងន់ធ្ងរ​មួយ​ដែល​ប៉ះពាល់​យ៉ាងខ្លាំង​ដល់​ជីវិត​រស់នៅ​របស់​ពួកគេ​។ នៅពេលនេះ នាង Roisin បានដឹង​ពី​អាថ៌កំបាំង​មួយ​- ជា​អាថ៌កំបាំង​ដែល​នាង Erin បាន​លាក់ទុក​អស់​រយៈពេល​ជាង ១០ ឆ្នាំ​មកហើយ​- នាង​ថា​នាង​នឹង​ឱ្យ Erin សង​នូវ​អ្វី​ដែល​នាង​បាន​កុហក​។​
​នៅពេលដែល​នាង Roisin សុខៗ​បាត់​ខ្លួន គេ​ក៏​ចាប់ផ្តើម​មាន​ការសង្ស័យ​លើ Erin​។ នាង​នឹង​ធ្វើ​អ្វី​គ្រប់​យ៉ាង​ដើម្បី​ការពារ​ក្រុមគ្រួសារ​របស់​នាង ក៏ប៉ុន្តែ​តើ​នាង​អាច​នឹង​ការពារ​បាន​ដល់​ពេល​ណា​នៅពេល​ដែល​ពេលវេលា​កាន់តែ​ខើចៗ​ទៅហើយនោះ​? សម្រាប់​អ្នក​និយម​ចូលចិត្ត​ស្នាដៃ​និពន្ធ​របស់​អ្នកស្រី CL Taylor និង​អ្នកស្រី BA Paris គួរតែ​កុំ​រំលង​សៀវភៅ​រឿង​មួយ​នេះ​។​
​រឿង “The Den Of Iniquity” គឺជា​ស្នាដៃ​និពន្ធ​ថ្មី​ចុងក្រោយ​បំផុត​របស់​អ្នកស្រី Anabelle Bryant នៅក្នុង​រឿង​ភាគ “Bastards of London” ហើយ​រឿង​នេះ​នឹង​មិន​ធ្វើឱ្យ​អ្នកអាន​ខកចិត្ត​ឡើយ​។ ខ្ញុំ​ពិតជា​ចូលចិត្ត​រឿងនេះ​ណាស់​។ Max និង Vivienne គឺ​មកពី​ពិភព​ខុសគ្នា តែ​ជា​គូ​មួយ​ដែល​ស័ក្តិសម​គ្នា​បំផុត ធ្វើឱ្យ​ខ្ញុំ​ជា​អ្នកអាន​ពិតជា​ចង់ឱ្យ​ខ្សែ​រឿង​ពួកគេ​បន្ត​រហូត​តែម្តង​។ ខ្ញុំ​សង្ឃឹមថា​នឹង​ជួប​គូស្នេហ៍​មួយគូ​នេះ​ទៀត​នៅ​ភាគ​ក្រោយៗ​។ ប៉ុន្តែ​អ្វី​ដែល​ខ្ញុំ​រំភើប​នោះ​គឺ​បាន​ស្គាល់​តួរង​ដទៃទៀត​ជាច្រើន​ជា​ពិសេស​គឺ Cole និង Luke ដែល​នឹង​មាន​វត្តមាន​នៅក្នុង​សៀវភៅ​នេះ​។ អ្វី​ដែល​អ្នក​ត្រូវ​ដឹង​គឺ​៖ អ្នកស្រី Anabelle Bryant គឺជា​អ្នកនិពន្ធ​ដ៏​មាន​ទេពកោសល្យ​ម្នាក់​។ ប្រសិនបើ​អ្នក​ចង់​អាន​ប្រលោមលោក​ស្នេហា​ពិតប្រាកដ​ជា​មួយ​សាច់​រឿង​ដ៏​ល្អ សៀវភៅ​នេះ​នឹង​នាំ​អារម្មណ៍​អ្នកអាន​ទៅកាន់​ពិភព និង​ពេលវេលា​ដ៏​អស្ចារ្យ បូករួម​ជាមួយ​តួអង្គ​ដ៏​សាំញ៉ាំ​ច្បាស់​ជា​ធ្វើ​ឱ្យ​បេះ​ដូង​អ្នក​លោត​ញាប់​ជាមិនខាន​។ ខ្ញុំ​សូម​ណែនាំ​សៀវភៅ​នេះ​ជា​ពិសេស​ជូន​ដល់​អ្នក​។​
​ប្រសិនបើ​អ្នក​នៅ​មិនទាន់​ជឿ​ខ្ញុំ​ទេ​ថា​វា​ជក់ចិត្ត​ប៉ុណ្ណា​…​សូម​ទុកឱ្យ​ខ្ញុំ​រៀបរាប់​ប្រាប់​អ្នក​ពី​សាច់​រឿង​ខ្លះៗ​នៅក្នុង​សៀវភៅ “The Den Of Iniquity” នេះ​។ ដំបូង សាច់​រឿង​គឺ​ដូច្នេះ​ឯង​…​នាង Vivienne Beaumont មិនអាច​បំភ្លេច​នៅ​ថ្ងៃ​ដំបូង​ដែល​នាង​បាន​ជួប​បុរស​សង្ហា Max Sinclair បានឡើយ ហើយ​នាង​ក៏​បាន​មក​កាន់ “The Underworld” ដើម្បី​ស្វែងរក​គេ​។ មិន​ចម្លែក​ទេ គេ​ក៏​បាន​ឱ្យ​នាមប័ណ្ណ​របស់​គេ​ទៅ​នាង​ក្រែងលោ​នាង​ត្រូវ​ការទាក់ទង​គេ​ពេល​ក្រោយ​។ ពេល​ដែល​ឃើញ​នាង​ភ្លាម គេ​ពិតជា​ខឹង​ក្នុង​ចិត្ត​ជា​ខ្លាំង​គិតថា​ហេតុ​អី​ក៏​នាង​ហ៊ាន​ប្រថុយ​ជីវិត​មកជួប​គេ​បែបនេះ​។ ពេលដែល​គេ​ឃើញ​នាង​នៅ​ម្នាក់ឯង​….
“​ដោយសារ​តែ​ចង់​ដឹង​ខ្លាំងពេក គេ​ក៏​តម្រង់​ទៅ​ជិត​នាង ហើយ​បាន​យកដៃ​ម្ខាង​ទៅ​ផ្អែក​ទ្វារ​នៅ​ជិត​កន្លែង​ដែល​នាង​ឈរ ដោយ​គេ​ឈរ​យ៉ាង​ត្រង់ ដៃ​ម្ខាង​ទៀត​ក៏​ដូចគ្នា ដោយ​មាន​ជាប់​សរសៃសក់​ដ៏​ខ្មៅ​រលើបរលោង​របស់​នា​ង​ជាប់​បាតដៃ​របស់គេ​។ ទម្រង់​មុខ​ដ៏​ស្រស់ស្អាត កែវភ្នែក​ពណ៌​បៃតង​ចែង​ចាំង បបូរមាត់​ពណ៌​ស៊ី​ជម្ពូ​របស់​គេ​ស្ទើរតែ​ប៉ះ​នឹង​បបូរមាត់​របស់​នាង​។ បេះដូង​របស់​គេ​លោត​យ៉ាងខ្លាំង​ស្ទើរតែ​ចេញមកក្រៅ​។ “​តើ​នាង​ត្រូវការ​អ្វី​ឱ្យ​ប្រាកដ Vivienne?” ”
​នេះ​ជា​លើកទីមួយ​ហើយ​ដែល​គេ​ហៅ​ឈ្មោះ​របស់​នាង ជាមួយ​សម្លេង​ដ៏​ស្រទន់ និង​ទាក់ទាញ​របស់គេ​។ នាង​ឈរ​នឹងថ្កល់​មិន​ហ៊ាន​កម្រើក​ដោយ​គិត​ថា​ហ៊ាន​តែ​កម្រើក​បន្តិច បបូរមាត់​របស់​គេ​នឹង​ប៉ះ​បបូរមាត់​របស់​នាង​ជាមិនខាន​។ បបូរមាត់​របស់​គេ​គឺ​នៅ​កៀក​នឹង​បបូរមាត់​នាង​មែនទែន​ដែល​សូម្បី​ដង្ហើម​របស់​គេ​ក៏​នាង​ទទួល​ដឹង​ដែរ​។​
​អូ​ខេ ខ្ញុំ​រៀបរាប់​ប៉ុណ្ណឹង​ល្មម​ហើយ​! កុំ​ភ្លេច​រីករាយ​ជាមួយ​សៀវភៅ​រឿង​ដ៏​ល្អ​នេះ​ណា​!
​ជា​សៀវភៅ​រឿង​ដ៏​ជក់​ចិត្ត និង​លក់ដាច់​បំផុត​របស់ Sunday Times ដែល​គ្រប់​គ្នា​កំពុង​ចាប់អារម្មណ៍​
​ឈាន​ជើង​ចូលទៅ​ក្នុង​ពិភព One Folgate Street ដើម្បី​ទទួល​បាន​ភាព​ឥតខ្ចោះ​…​ក៏ប៉ុន្តែ​តើ​អ្នក​ហ៊ាន​លះបង់​ដើម្បី​ភាព​ឥត​ខ្ចោះ​នេះ​ទេ​?
​នាង Jane ទទួលបាន​ឱកាស​ជួល​ផ្ទះ​ដ៏​ល្អ​បំផុត​ក្នុង​មួយជីវិត​៖ គឺ​មាន​ឱកាស​រស់នៅក្នុង​ផ្ទះ​ដ៏​ស្អាត​ធំ​ទូលាយ​ដែល​រចនា​ម៉ូដ​ដោយ​ស្ថាបត្យករ​ដ៏​អាថ៌កំបាំង​ម្នាក់ តែ​មាន​លក្ខខណ្ឌ​មួយ​ដោយ​នាង​ត្រូវ​គោរព​ទៅតាម​ច្បាប់​ដ៏​ច្រើន​នៅក្នុង​ផ្ទះ​នេះ​។ បន្ទាប់ពី​នាង​រើ​ចូល​មក​នៅ​ផ្ទះ​នេះ នាង​បាន​រកឃើញថា Emma មនុស្ស​ស្រី​ដែល​ជួល​ផ្ទះ​នេះ​ពី​មុន​បាន​ស្លាប់​យ៉ាង​អាថ៌កំបាំង ហើយ​នាង​ចាប់ផ្តើម​ភ័យព្រួយ​ថា​ជីវិត​នាង​អាច​នឹង​ដូចគ្នា​នឹង​នារី​ជួល​ផ្ទះ​ពី​មុន​ដែរ​ឬក៏​យ៉ាងណា​។ សាច់​រឿង​បត់បែន​ធ្វើឱ្យ​អ្នកអាន​នឹកស្មាន​មិន​ដល់ រឿង​អតីតកាល​របស់ Emma និង​រឿងរ៉ាវ​បច្ចុប្បន្ន​របស់ Jane បានធ្វើឱ្យ​សាច់រឿង​ជាប់​ជំពាក់ជំពិន រួម​ជាមួយ​ទឹកដៃ​និពន្ធ​ដែល​រៀបរាប់​ពី​ការ​ង​ប់ង​ល់​របស់​មនុស្ស​រោគ​ចិត្ត​ដ៏​ប៉ិនប្រសប់​។
​បន្ទាប់​ពី​រឿង Gone Girl និង​រឿង The Girl on the Train រឿង The Girl Before នេះ​នឹង​ត្រូវ​បាន​គេ​ថត​ជា​ខ្សែភាពយន្ត​ខ្នាត​ធំ​ដោយ​មាន​ការដឹកនាំ​ថត​ដោយ​លោក Ron Howard អ្នកដឹកនាំ​រឿង​ដែល​ឈ្នះ​ពានរង្វាន់ Academy Award​។
Gosnell៖ ឃាតករ​ដែល​សម្លាប់​ម​នុស្ស​ច្រើន​បំផុត​របស់​អាមេរិក​
​គេ​ជា​ឃាតករ​ដែល​សម្លាប់​មនុស្ស​ដ៏​ច្រើន​បំផុត​នៅ​អាមេរិក​។ ក៏ប៉ុន្តែ Kermit Gosnell គឺ​ជា​ឧក្រិដ្ឋជន​លាក់​មុខ​។ គ្រូពេទ្យ​ពន្លូតកូន​គឺជា​ជន​ដ៏​សំខាន់​នៅក្នុង​ក្រុម​របស់​គេ ជា​គ្រូពេទ្យ​ដែល​តែងតែ​និយាយ​គាំទ្រ​ថា “​ដើម្បី​សុខភាព​បន្ត​ពូជ​” ហើយ​គេ​ក៏​ជា​សមាជិក​គំរូ​ប្រចាំ​វរជន​ជំនាញ​នៅ Philadelphia​។ បើ​មើល​ពី​ខាងក្រៅ គ្លីនិក​សមាគម​ស្ត្រី​របស់គេ​គឺ​មើលទៅ​ដូចជា​គ្លីនិក​ដ៏​ល្អ​មួយ​ដែល​មាន​ដុកទ័​រ​ដ៏​ក្លាហាន​ម្នាក់​ដែល​តែងតែ​ជួយ​ការពារ​សិទ្ធិ​ស្ត្រី​។​
​ផ្ទុយ​មក​វិញ​នៅ​ក្នុង​អគារ​ពេទ្យ​ដ៏​ស្មោគគ្រោក​របស់គេ Gosnell តែងតែ​សម្លាប់​ទារក​ដែល​នៅរស់ និង​ម្តាយ​របស់​ក្មេង​យ៉ាង​ព្រៃផ្សៃ ហើយ​សន្សំទុក​នូវ​ជើង​ទារក​។ ដៃគូ​ដែល​ចូលរួម​ជាមួយ​គេ​គឺ​សុទ្ធតែ​ជា​អ្នក​បោះបង់​ការសិក្សា អ្នក​ញៀន​ថ្នាំ និង​គ្រូពេទ្យ​ដែល​គ្មាន​អាជ្ញា​បណ្ណ​ត្រឹមត្រូវ​តែ​ក្លែងខ្លួន​ជា​គ្រូពេទ្យ​។ ប៉ុន្តែ​អ្វី​ដែល​ធ្វើឱ្យ​គេ​អាច​បន្ត​អំពើ​ឃោរឃៅ​នេះ​បាន​យូរ​ឆ្នាំ គឺ​ដោយសារ​មាន​អ្នក​អនុញ្ញាត​ពី​ខាងក្រៅ​។ ពួក​មន្ត្រី​រដ្ឋាភិបាល​គឺ​មាន​ភស្តុតាង​ដែល​អាច​បង្ហាញ​ថា Gosnell គឺ​ល្មើសច្បាប់ ក៏​ប៉ុន្តែ​ពួកគេ​មិនបាន​ធ្វើ​អ្វី​ឡើយ ដោយសារ​តែ​អ្នកនយោបាយ​ទាំងនោះ​សុទ្ធតែ​ជា​អ្នកគាំទ្រ​សិទ្ធិ​ពន្លូតកូន​យ៉ាង​ខ្លាំងក្លា​ជាហេតុ​ធ្វើឱ្យ​ពុំ​មាន​អ្នក​មក​ត្រួតពិនិត្យ​គ្លីនិក​បាន​ត្រឹមត្រូវ​។ ក្រុម​អ្នកនយោបាយ អ្នកធ្វើការ​រដ្ឋ និង​បណ្តាញ​ព័ត៌មាន​ដែល​គាំទ្រ​សិទ្ធិ​ពន្លូតកូន​របស់​ស្ត្រី​គឺ​ត្រូវរ៉ូវ​គ្នា​យ៉ាងខ្លាំង​ជាមួយ Gosnell ហើយ​ថែមទាំង​ផ្តល់​សេរីភាព​ឱ្យ​គេ​សម្លាប់​ថែមទៀត​ផង​។ សូម្បី​ប៉ូលីស​ក៏​មិន​បាន​ខ្វល់ខ្វាយ​ពី​រឿង​នេះ​ដែរ​។ អង្គភាព​ប៉ូលីស​ផ្នែក​ឃាតកម្ម​នៅ Philadelphia ទទួលបាន​ពាក្យបណ្តឹង​យ៉ាងច្រើន​ទាក់ទង​ជាមួយ Gosnell ជា​យូរ​ឆ្នាំ​មកហើយ តែ​ពួកគេ​ពិនិត្យមើល​មួយ​ភ្លែត​រួច​ក៏​ទុក​សំណុំរឿង​ចោល​មិន​អើពើ​នឹង​ភស្តុតាង​។ មាន​ស្ត្រី​ពីរ​នាក់ និង​ទារក​រាប់រយ​នាក់​បាន​ស្លាប់​បន្ទាប់ពី​ពួកគេ​បាន​បិទ​សំណុំរឿង​នេះ​។ ក៏ប៉ុន្តែ​ជា​សំណាងល្អ មាន​លោក​អធិការ​ទទួលខុសត្រូវ​ផ្នែក​គ្រឿងញៀន​ម្នាក់​ឈ្មោះ Jim Wood បាន​សើរើ​ករណី​ថ្នាំញៀន​ប្តឹង Gosnell​។ អ្វី​ដែល​លោក​រកឃើញ​នៅ​ពេល​ចុះ​ទៅ​ឆែកឆេរ​បានធ្វើឱ្យ​សមាជិក​ប៉ូលីស​ភ្ញាក់ផ្អើល​យ៉ាងខ្លាំង​។ នៅពេល​នេះ​នាង Ann McElhinney និង​លោក Phelim McAleer ដែល​ជា​អ្នកកាសែត​ផ្នែក​ស៊ើបអង្កេត​យូរ​ឆ្នាំ និង​អ្នកជា​ដឹកនាំ​ថត​ខ្សែភាពយន្ត​ក៏​បាន​នាំគ្នា​ជីក​កកាយ​ពី​បទ​ឧក្រិដ្ឋ​របស់ Gosnell ផងដែរ​។ ជា​ខ្សែភាពយន្ត​ដែល​រៃអង្គាស​មូលនិធិ​ដើម្បី​ផលិត​នេះ​គឺ​មាន​ការចូលរួម​សម្តែង​ដោយ Dean Cain​។ ក៏​ប៉ុន្តែ​នៅពេលដែល​ពួកគេ​កំពុង​ស្រាវជ្រាវ​ព័ត៌មាន​បន្ថែម​ដើម្បី​ផលិត​ខ្សែភាពយន្ត ពួកគេ​ក៏​បាន​រកឃើញ​រឿង​មួយ​ដ៏​គួរឱ្យ​ចាប់អារម្មណ៍​ដែល​ពុំ​ធ្លាប់​មាន​នរណា​ដឹង និង​ពុំ​អាច​ដាក់​ចូល​ក្នុង​ខ្សែភាពយន្ត​បាន​។ Gosnell៖ ឃាតករ​ដែល​សម្លាប់​ម​នុស្ស​ច្រើន​ជាង​គេ​បំផុត​នៅ​អាមេរិក គឺ​ពោរពេញ​ទៅ​ដោយ​លទ្ធផល​ស៊ើបអង្កេត​ដ៏​ច្រើន​របស់​អ្នកដឹកនាំ​។​
​សៀវភៅ​លក់ដាច់​លេខ ១ នៃ NEW YORK TIMES​។ Alex Delaware និង​លោក​អធិការ​ឡូ​ស​អែន​ជឺ​ឡែ​ស Milo Sturgis នាំគ្នា​ស៊ើបអង្កេត​ពី​មូលហេតុ​ស្លាប់​ដ៏​អាថ៌កំបាំង​នៃ​អ្នកជំងឺ​របស់ Alex​។ ជា​រឿង​ស៊ើបអង្កេត​បែប​រន្ធត់​ពី​អ្នកនិពន្ធ​ដ៏​ល្បី​។ Jonathan Kellerman អ្នកនិពន្ធ​ដែលមាន​ស្នាដៃ​លក់ដាច់​ជាង​គេ​លេខ ១ របស់ New York Times​។
Thalia Mars ជា​អ្នកជំងឺ​ដែល​មាន​អាយុ​ជិត ១០០ ឆ្នាំ ដែល​អាច​និយាយបានថា​ជា​អ្នកជំងឺ​ដែល​ខុស​ឆ្ងាយ​ពី​អ្នកជំងឺ​ទូទៅ​ដែល​គ្រូពេទ្យ​ចិត្តសាស្ត្រ​កុមារ​ដូចជា Alex ធ្លាប់​ព្យាបាល​។ ក៏ប៉ុន្តែ​ដោយសារ​អ្នកស្រី​ជា​មនុស្ស​កំប្លែង គួរ​ឱ្យ​ចូល​ចិត្ត ក៏​បាន​ធ្វើឱ្យ Alex សម្រេច​ចិត្ត​ទៅ​ជួប​ព្យាបាល​នៅ​ឯ​សណ្ឋាគារ Aventura ដែល​ជា​សណ្ឋាគារ​ដ៏​ទំនើប​តែ​មាន​ប្រវត្តិ​មិនសូវ​ជា​ល្អ​។​
​អ្វីដែល Thalia ចង់បាន​ពី Alex គឺ​ចម្លើយ​នៃ​សំណួរ​ដ៏​ពិបាក​ឆ្លើយ​- ដូចជា​អា​រម្ម​ណ៌​សោកស្តាយ ប្រភេទ​នៃ​អត្តចរិត​របស់​ឧក្រិដ្ឋជន និង​ការជ្រើសរើស​ជនរងគ្រោះ​។ នៅពេលដែល Alex សួរ​អ្នកស្រី​ថា​ហេតុអ្វី​ចាប់អារម្មណ៍​រឿង​ទាំងនេះ អ្នកស្រី​ក៏​បាន​សន្យាថា​នឹង​ប្រាប់​រឿងរ៉ាវ​ទាំងអស់​ដល់ Alex នៅ​ថ្ងៃ​ណាត់​ជួប​លើក​ក្រោយ​។ ប៉ុន្តែ​ថ្ងៃ​បន្ទាប់​នៅ​ពេល​ដែល​គេ​ទៅ​ជួប​អ្នកស្រី​ព្រឹក​ឡើង ក៏​ឃើញ​ថា​អ្នកស្រី​បាន​ស្លាប់​នៅក្នុង​បន្ទប់​រួច​ទៅ​ហើយ​។​
​ដើម្បី​ដឹង​ពី​មូលហេតុ​នៃ​ការស្លាប់​របស់ Thalia លោក Alex និង Milo Sturgis អធិការ​ផ្នែក​ស៊ើបអង្កេត​ឃាតកម្ម​ក៏​នាំគ្នា​ស៊ើប​ឡើងវិញ​ពី​ជីវិត​ដ៏​គួរឱ្យ​ចាប់អារម្មណ៍ និង​ស្មុគស្មាញ​របស់​ស្ត្រី​ម្នាក់​នេះ ហើយ​ពួកគេ​ក៏​បាន​ជួប​នូវ​រឿងរ៉ាវ​មួយ​ដែល​ពួកគេ​ពុំ​ធ្លាប់​បាន​ជួប​ពីមុនមក​។ ព្រោះថា Thalia Mars មិន​ដូច​ជនរងគ្រោះ​ដទៃ​ឡើយ អ្នកស្រី​ជា​ស្ត្រី​ដ៏​អាថ៌កំបាំង និង​បាន​លាក់​រឿង​សម្ងាត់​អស់​រយៈពេល​ជិត ១០០ ឆ្នាំ ហើយ​ជីវិត និង​ការស្លាប់​របស់​ស្ត្រី​ម្នាក់​នេះ​បាន​ធ្វើឱ្យ​អ្នក​ជុំវិញ​ខ្លួន​ធ្លាក់​ចូលទៅក្នុង​ភ្លើង​ហិង្សា​៕​

Continue Reading
1 Comment

1 Comment

  1. Aly Chiman

    March 13, 2019 at 9:06 am

    Hello there,

    My name is Aly and I would like to know if you would have any interest to have your website here at ladies.com.kh promoted as a resource on our blog alychidesign.com ?

    We are in the midst of updating our broken link resources to include current and up to date resources for our readers. Our resource links are manually approved allowing us to mark a link as a do-follow link as well
    .
    If you may be interested please in being included as a resource on our blog, please let me know.

    Thanks,
    Aly

Leave a Reply

Your email address will not be published.

Entertainment

​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ

សំភារៈ​លំហែកាយ

សំភារៈ​លំហែកាយ

​រៀបចំ​ខ្លួន​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ ដែល ធ្វើអោយ​ដំណើរ​កំសាន្តរ​បស់​អ្នក​កាន់តែ​រីករាយ​និង​មាន​ភាពងាយស្រួល​។


​អស់​បញ្ហា​ជាមួយ
​សំបក​ទូរស័ព្ទ​មិន​ជ្រាប​ទឹក​ម៉ាក ECOXPRO

​សំបក​ទូរ​សព្ទ័​ដ៏​រឹងមាំ​មួយ​នេះ​មាន​មុខងារ​មិន​ត្រឹមតែ​ជា​សំបក​ទូរស័ព្ទ​ធម្មតា​នេះ​ទេ ប៉ុន្តែ​វា​ក៏ ជា​ប៉ាស​បំពង​សម្លេង​ដែល​មិន​ជ្រាប​ទឹកបាន​ទៀតផង​។ លើសពីនេះទៅទៀត សំបក​ទូរស័ព្ទ​ដ៏ នេះ​មាន​ថត​សម្រាប់​កាត​សំខាន់ៗ ដូចជា​កាត​ឥណទាន ឬ ប័ណ្ឌបើកបរ​របស់អ្នក បាន​យ៉ាង​ងាយស្រួល​ផងដែរ​។ ជាពិសេស ECOXPRO ក៏​នៅ​មាន​អត្ថប្រយោជន៍ ជាច្រើន​ទៀត​នៅពេល​ដែល​អ្នក​យក​វា​ទៅ​ជា​មួយ​តាម​ខ្លួន​នៅ​ពេល​ទៅលេង​ទឹកសមុទ្រ ឬ ងូតទឹក​ជាមួយ​ទូរស័ព្ទ​របស់​អ្នក​យ៉ាង​រំភើយ​ស្របពេល​ដែល​សំបក​ទូរស័ព្ទ​នេះ​អណ្តែត​លើទឹក​ក្បែរ​អ្នក​ដោយ​មិន​ជ្រាប​ទឹក​សូម្បីតែ​មួយ​ដំណក់​ផងដែរ​។​


​អស់​កង្វល់​ជា​មួយ​
​កន្ត្រក CGear

​នេះ​គឺជា​របស់​ក្នុង​ក្តី​សុ​បិនសម្រាប់​អ្នក​ដែល​ចូលចិត្ត​ទៅ​ស្រស់​ស្រង់​បរិយាកាស​បរិសុទ្ធ នៅឯ​ឆ្នេរសមុទ្រ​…
​តើ​អ្នក​ត្រៀមខ្លួន​ហើយ​ឬ​នៅ​?
​វា​គឺជា​កន្ត្រក​ដាក់​ឥ​វ៉ាន់​សម្រាប់​ពេល​ទៅ​លេង​សមុទ្រ​! តើ​អ្នក​ធុញ ទ្រាន់​នឹង​ដីខ្សាច់​ចូល​ពាស ពេញ​លើ ទូរស័ព្ទ​ដែល​វា​នឹង​អាច​ធ្វើឱ្យ​ខូច ឬ​ប្រឡាក់ប្រឡូស​អាហារ​ថ្ងៃ​ត្រង់​ដែល​អ្នក​ខំ ត្រៀម ទុក ធូលី​ខ្សាច់​ហុយ​ហើរ​ពេញ​ឡាន​របស់​អ្នក ឬ​ក៏​នៅ​ពេល មក​ដល់​គេហដ្ឋាន​វិញ ហើយ​ឃើញ​ធូលី​ខ្សាច់​នៅ​ពាសពេញ​ក្នុងផ្ទះ​ជាទី ស្រលាញ់​របស់​អ្នក​ដែរ​ហើយ​មែន​ទេ​? អ្នកនឹង​អស់​ក្តីបារម្ភ​ចំពោះ​បញ្ហា​ទាំងអស់​នេះ​ទៀតហើយ ជាមួយ​នឹង​ខ្សែ​យួរ​ដ៏​រឹង មាំ ស្រួល​ដាក់​ភេសជ្ជៈ ដូចជា ទឹកក្រូច ឬ​ស្រា​បៀរ​បាន​ច្រើន អ្នកនឹង​អស់​កង្វល់ ដោយឡែក​ផ្តល់នូវ​អារម្មណ៍​យ៉ាង​ស្រណុក​សុខ​ស្រួល​ជាមួយនឹង​បរិយាកាស​បរិសុទ្ធ​នៅឯ​ឆ្នេរសមុទ្រ​ជាមួយនឹង​ភាព​រីករាយ និង​ភាព​ស្រលះ​ក្នុង​ហទ័យ​យ៉ាង​ពិសេស​ជាមិនខាន​។

​កាន់តែ​ស្រស់ស្រាយ​
​ជាមួយនឹង​ដប​ទឹក​ម៉ាក S’well

​ទាំង​មាន​កំលាំង​គ្រប់គ្រាន់ ទាំង​ធ្វើអោយ​អ្នក​មើល​ទៅ​កាន់​លេចធ្លោ នឹង​អាច​ចែករំលែក​ជា មួយ​អ្នកដទៃ​ជាមួយនឹង​ដប​ទឹក​ម៉ាក S’well ។ ដប​ទឹក​ម៉ាក S’well នេះ​មាន​រូបរាង​ស្រស់​ស្អាត​ជាមួយនឹង​ពណ៌​ចិញ្ចាចចិញ្ចាំង​ដែល​រចនា​ដោយ​ដៃ​ហើយ​ជាពិសេស​ទៅទៀត នៅពេល​ដែល​អ្នកទិញ​ដប​ទឹក S’well នេះហើយ ចំនួន​ទឹកប្រាក់ មួយចំណែក​ដែល​អ្នក​បាន​ជាវ​ត្រូវបាន​យក​ទៅ​ធ្វើ​ជា​ជំនួយ​ជា​ទឹកស្អាត និង អនាម័យ​នៅឯ​ទ្វីប​អាហ្វ្រិក​។ ជាងនេះទៅទៀត ប្រសិនបើ​នៅ​មិន​គាប់ ចិត្ត​អ្នក​នៅ​ឡើយ ទេនោះ ដប់​ទឹក S’well នៅ​មាន​លក្ខណៈ​ពិសេស​មួយ​ទៀត គឺថា វា​អាច​រក្សា សីតុណ្ហភាព​ភេសជ្ជៈ​របស់​អ្នក​បាន​រហូត​ដល់​ទៅ ២៤​ម៉ោង​ឯណោះ​។

​វ៉ែនតា​ងូតទឹក​ដ៏​ទំនើប
​ម៉ាក Liquid Image ប្រភេទ 305 Hydra Series HD 720P

​វ៉ែនតា​ងូតទឹក​ដ៏​ទំនើប​មួយ​នេះ​បំពាក់​មក​ជាមួយនឹង​កាមេរ៉ា​វីដេអូ​កំរិត HD ភ្លឺ​ច្បាស់ ទាំង​រូបភាព​និង​សម្លេង​។ វ៉ែនតា​នេះ មិន​ត្រឹមតែ​អាច​ថត​វីដេអូ​បាន​តែ​ប៉ុណ្ណោះ​នោះ​ទេ តែ​ក៏​អាច​ថតរូប​ធម្មតា​បាន​ផងដែរ អ្នក​អាច​ថតរូប​ជា​លក្ខណៈ​បណ្តាក់​ក៏បាន ហើយ​វ៉ែនតា មួយ​នេះ​ក៏​អាច​ថត​បាន​យ៉ាងជ្រៅ រហូតដល់ ៤០ ម៉ែត្រ​ឯណោះ​។ ដូចនេះ តើ​ចាំ​អង្កាល់​ទៀត ចូរ​ថតរូប​ក្នុង​ទឹក​ជាមួយនឹង​វ៉ែនតា​ងូតទឹក ម៉ាក Liquid Image ប្រភេទ 305 Hydra Series HD 720P ពិតជា​មិន​ធ្វើអោយ​លោកអ្នក​ខក​បំណង​ឡើយ​។


​អស់​ថ្ម​តើ​មែន​ទេ​!?
​ឧបករណ៍​សាក​ថ្ម​ចល័ត WakaWaka ជួយ​បាន​

​តើ​អ្នក​ធ្លាប់​មាន​អារម្មណ៍​សៅហ្មង​នៅពេលដែល​ថ្ម​ទូរស័ព្ទ​របស់​អ្នក​ជិត​អស់​ដែរ​ឬទេ​? ឧបករណ៍​សាក​ថ្ម​ចល័ត WakaWaka​គឺជា​ជម្រើស​ដ៏​ល្អ ដែល​ឧបករណ៍​ដ៏​ស្រស់ស្អាត​នេះ​មាន រូបរាង​តូច​ស្តើង និង មាន​ប្រព័ន្ធ​ទទួល​ថាមពល​តាមរយៈ​ពន្លឺព្រះអាទិត្យ​ផងដែរ ដែល​ប្រដាប់ សាក​ថ្ម​ចល័ត​នឹង​ធ្វើអោយ​ទូរស័ព្ទ​របស់​អ្នកទទួល​ថាមពល​បាន​ពេញ​ត្រឹម​តែ​រយៈពេល ២​ម៉ោង​តែ​ប៉ុណ្ណោះ​។ គន្លឹះ​ដើម្បី​ក្នុងកា​រសាក​ឧបករណ៍​សាក​ថ្ម​ចល័ត WakaWaka ដោយ​ពន្លឺ​ថ្ងៃ​នោះ​គឺ ត្រឹមតែ​តំរូវឱ្យ​អ្នក​ដាក់​ឧបករណ៍​នេះ​ដាក់​ហាលថ្ងៃ​នៅ​កន្លែង​ដែល​មាន​ពន្លឺ គ្រប់គ្រាន់​តែ​ប៉ុណ្ណោះ ឬក៏​សាក​ភ្លើង​តាម​លក្ខណៈ​ធម្មតា​តាមរយៈ USB មុនពេល ដែល​អ្នក​ចេញ​ដំណើរ ជា​ការ​ស្រេច​។ កាន់តែ​ល្អ​ជាង​នេះ​ទៀត​នោះ គឺថា ឧបករណ៍​មួយ​នាំ​មក​ជាមួយ​នឹង​ភ្លើង​សញ្ញា​ប្រកាសអាសន្ន សម្រាប់​អ្នក​នាពេល​ចាំបាច់​ណាមួយ ផងដែរ​។ ប៉ុន្តែ​អ្វី​កាន់តែ​ពិសេស​លើស​ពី​ប​ឧបករណ៍​សាក​ថ្ម​ចល័ត​ផ្សេង ដទៃ​ពី​នេះ​ទៅ ទៀត​នោះ​គឺថា ថវិការ​ដែល​អ្នក​ទិញ​ឧបរណ៍​នេះ​ហើយ មួយចំនួន​គឺ​ត្រូវបាន​យក ទៅ​ជួយ​ដល់​ទុរគតជន​នៅ​ឯ​ប្រទេស​ហ្វ៊ីលីពីន​ទៀតផង​។

Continue Reading

Entertainment

សម្រាប់​អាន​នៅ​ថ្ងៃ​វិស្សមកាល

តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា

​តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា​ជម្រើស​ដ៏​ល្អ​បំផុត​របស់​យើង​ដើម្បី​អាន​នៅ​មាត់សមុទ្រ តំបន់ភ្នំ ឬ​កន្លែង​ណាមួយ​ដែល​អ្នកធ្វើដំណើរ​ទៅដល់​។ មាន​ខ្លឹមសារ​ខុសៗ​គ្នា​ក្នុងចំណោម​សៀវភៅ​ទាំងអស់នេះ​៖ ថា​តើ​អ្នក​កំពុងតែ​មាន​អារម្មណ៍​រីករាយ​ស្រស់​ស្រាយ តានតឹង រំភើប​ញាប់​ញ័រ ឬក៏​យ៉ាងណា​នោះទេ សៀវភៅ​រឿងនិទាន​សម្រាប់​កុមារ ឬ​សៀវភៅ​ធ្វើឱ្យ​អារម្មណ៍​អណ្ដែត​អណ្ដូង គឺ​និយាយ​ទាក់ទង​ទៅនឹង​ការរស់នៅ​ក្នុង​ពិភព​ដ៏​វឹកវរ​នេះ​។ ចូរ​អាន​បន្ដ​ដើម្បី​ដឹងថា​តើ​សៀវភៅ​មួយ​ណា​ដែល​ធ្វើឱ្យ​អ្នក​ចាប់​អារម្មណ៍​បំផុត អំឡុង​វិស្សមកាល​ដ៏​គួរ​ជាទី​រីករាយ​។


​សៀវភៅ​រឿង The Rumor
​ដោយ​អ្នកនិពន្ធ Elin Hilderbrand តើ​អ្នក​កំពុងតែ​ស្វែងរក​សៀវភៅ​ដើម្បី​អាន​នៅ​ឆ្នេរសមុទ្រ​ដើម្បី​បន្ធូរ​អារម្មណ៍​មែន​ទេ​? ប្រសិនបើ​អ្នក​ខកចិត្ដ​ដោយសារតែ​ខ្សែភាពយន្ដ​មិន​ល្អមើល សាកល្បង​អាន​សៀវភៅ​រឿង The Rumor ដែល​និយាយ​អំពី​មិត្ដភ័ក្ដិដ៏​ជិត​ស្និទ្ធិពី​រនា​ក់​គឺ Madeline និង Grace បន្ដ​ការ​ណាត់ជួប​ផ្ទួនៗ​នា​រដូវក្ដៅ​មួយ ដោយ​ពួកគេ​ទទួលទាន​ស្រា​ខកថេល​នា​ពេល​ព្រះអាទិត្យ​អស្ដង្គ​ត ប៉ុន្ដែ​មាន​ពាក្យ​ច​ចាម​អារាម​មួយ​លេចឡើង ហើយ​បាន​ផ្លាស់ប្ដូរ​អ្វីៗ​គ្រប់យ៉ាង​។ ពាក្យ​ច​ចាម​អារាម​នោះ​គឺ​អំពី​ដុំ​ព្រិល​និង​សំណួរ​គឺថា​… តើ​មិត្ដភាព​របស់​ពួកគេ​ស្ថិត​នៅ​ដដែល​ឬ​យ៉ាងណា​?


​សៀវភៅ​រឿង Girl on the Train
​ដោយ​អ្នកនិពន្ធ Paula Hawkins
​សៀវភៅ​រឿង Girl on the Train គឺជា​រឿង​ធ្វើឱ្យ​រំភើប​ញាប់​ញ័រ ដែល​នឹង​ធ្វើឱ្យ​អ្នក​ងឿងឆ្ងល់​អំពី​ជីវិត​របស់​អ្នកដទៃ​។ Rachel បាន​ហែល​ឆ្លង​នូវ​ការបាត់បង់​មួយ ហើយ​ពុះពារ​រកឃើញ​នូវ​សុភមង្គល​នៅក្នុង​ផ្ទះ​នា​ជាយក្រុង​មួយ ដែល​នាង​ឆ្លងកាត់​នៅ​ពេល​ធ្វើដំណើរ​ពី​ផ្ទះ​ទៅ​កន្លែង​ធ្វើការ​វេលា​ព្រឹក​មួយ​។ នាង​មាន​ពេល​ប្រហែល​ត្រឹមតែ​មួយ​នាទី​ប៉ុណ្ណោះ ដើម្បី​សម្លឹងមើល​ក្រុមគ្រួសារ​ដែល​គួរឱ្យ​ស្រឡាញ់ មុនពេល​នាង​ជិះ​រថភ្លើង​ឆ្លងកាត់ ប៉ុន្ដែ​នាង​មាន​ក្ដី​រីករាយ​ជា​ពន់ពេក​។

​អ្វីមួយ​ផ្លាស់ប្ដូរ​គួរឱ្យកត់សម្គាល់ នៅពេលដែល Rachel ឃើញ​នូវ​ហេតុការណ៍​មួយ​ក្នុង​រយៈពេល​ដ៏​ខ្លី​ហើយ​ងឿងឆ្ងល់​ជាខ្លាំង ថា​តើ​នាង​គួរតែ​ប្រាប់​ប៉ូលីស​នូវ​អ្វី​ដែល​នាង​បានឃើញ​ឬ​យ៉ាងណា​។ លុះ​ក្រោយមក​នាង​មាន​អារម្មណ៍​ច្របូកច្របល់ ហើយ​មាន​អារម្មណ៍​ស្ទាក់ស្ទើរ​ក្នុង​ការជួយ​សង្គ្រោះ​។

Girl on the Train ជា​រឿង​ធ្វើឱ្យ​រំភើប​ញាប់​ញ័រ ដែល​អ្នក​មិន​អាច​នឹង​អាន​រំលង​ឡើយ​។


​រឿង Room
​និពន្ធ​ដោយ Emma Donoghue
​បន្ទប់​គឺជា​កន្លែង​មួយ​សម្រាប់​រស់នៅ​ដ៏​សុខសាន្ដ​និង​គួរ​ជាទី​ស្រឡាញ់រ​បស់ Jack ប៉ុន្ដែ​ចំពោះ​ម្ដាយ​របស់​គាត់ វា​ជា​គុក​ទៅវិញ​ដែល​គាត់​បាន​ជាប់​ឃុំឃាំង​នៅ​ទីនោះ អស់​រយៈពេល​ប្រាំពីរ​ឆ្នាំ​ដោយសារ​ស្នាដៃ​របស់ Old Nick​។ ជាមួយនឹង​ការ​ជម្រុញ​ខ្លាំង​ពី​ម្ដាយ Ma ដើម្បីឱ្យ Nick រស់នៅ​បាន​ល្អ​ប្រសើរ​ជាង​មុន គាត់​រៀបចំ​គម្រោង​ដើម្បី​រត់​ចេញ​។ តើ​អ្នក​ម្ដាយ Ma បាន​គិត​អំពី​អ្វី​ដែល​បាន​កើតឡើង បន្ទាប់ពី​ពួកគេ​បាន​រត់គេចខ្លួន និង​អ្វី​ដែល​ពិភព​ដទៃទៀត​កំពុងតែ​ជួបប្រទះ​ដែរ​ឬទេ​?

Room គឺជា​សៀវភៅ​ដ៏​អស្ចារ្យ​ដែល​បរិយាយ​អំពី​ការភ័យខ្លាច ការតបត និង​ការជាប់​ចំណង​។ តើ​យើង​បាន​ធ្វើ​ការពណ៌នា​អំពី​រឿង​នេះ​ហើយ​ឬ​នៅ​?
​សៀវភៅ​នេះ​ត្រូវបាន​និទាន​ដោយ​ការយល់ឃើញ​របស់ Jack ដែល​មាន​អាយុ​៥​ឆ្នាំ​តែ​ប៉ុណ្ណោះ​។​


​សៀវភៅ​រឿង Where are you Bernadette
​និពន្ធ​ដោយ Maria Semple
Bernadette ជា​មនុស្ស​អង់អាច​ក្លាហាន ឥត​ចេះ​កោតញញើត និង​និយាយ​ឥត​សំចៃ​។ នាង​ជា​ស្ថាបត្យករ​ថ្មីថ្មោង និង​ជា​អ្នក​ម្ដាយ​/​មិត្ដភ័ក្ដិ​ដ៏​ល្អ​បំផុត​របស់ Bee ដែល​មាន​អាយុ​ដប់​ប្រាំ​ឆ្នាំ​។

​ពួកគេ​រស់នៅ​ទីក្រុង Seattle ហើយ​ពលរដ្ឋ​និង​បរិយាកាស​នៅ​ទីនោះ មាន​ច្រើន​លើសលុប​សម្រាប់ Bernadette ហើយ​ការ​ធ្វើការ​លើស​ម៉ោង​បាន​ក្លាយជា​រឿង​គួរឱ្យ​បារម្ភ​។ ទោះបីជា​យ៉ាងណា​ក៏ដោយ Bernadette បាន​សន្យា​ជាមួយ​នឹង Bee ថា​នឹង​ទៅ​កម្សាន្ដ​នៅ​ទ្វីប​អង់​តា​ក់ទិច ប្រសិន​បើ​នាង​ទទួលបាន​និទ្ទេស “A” ចំពោះ​របាយការណ៍​របស់​នាង ជា​ការពិត Bee អាចធ្វើ​បាន ប៉ុន្ដែ Bernadette បាន​បាត់​ខ្លួន​។
Bee ស្វែងរក​អ្នក​ម្ដាយ​របស់​នាង ហើយ​បាន​ប្រឈមមុខ​ជាមួយ​នឹង​ពិភពលោក​ដែល​តម្រង់​មក​រក​នាង​៕

Continue Reading

Entertainment

តើ​អ្នកដឹង​ទេ​?

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារា

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារាចម្រៀង​ល្បី​ផ្សេងទៀត​ដែរ​ទេ​? មិនមែន​តារាចម្រៀង​ទាំងអស់​សុទ្ធតែ​ចេះ​និពន្ធ​បទ​ចម្រៀង​ដោយ​ខ្លួនឯង​នោះទេ ប៉ុន្តែ​សម្រាប់​នាង Sia វិញ នាង​ជា​តារាចម្រៀង​ប្រកប​ដោយ​ទេព​កោ​ល​សល្យ​ដ៏​អស្ចារ្យ ហើយក៏​ជា​អ្នកនិពន្ធ​ចម្រៀង​ដ៏​ឆ្នើម​ម្នាក់​ផង​ដែរ​។ នាង​ជា​តារាចម្រៀង​ដែល​មានសំនៀង​ដ៏​ពិរោះ និង​មិន​ដែល​បង្ហាញមុខ​ឱ្យ​គេ​ឃើញ​ឡើយ​។ នាង​បាន​សរសេរ​បទ​ចម្រៀង​ល្បីៗ​ជាច្រើន​ឱ្យ​តារាចម្រៀង​ដទៃទៀត​ជាច្រើន​។ លោកអ្នក​ច្បាស់​ជា​ភ្ញាក់ផ្អើល​មិន​ខាន​ជាមួយ​ឈ្មោះ​បទ​ចម្រៀង​ខាងក្រោម​ដែល​នាង Sia បាន​សរសេរ​ដែល​បទ​ទាំងនោះ​មាន​តាំង​ពី​បទ​ឈឺចាប់ បទ​ដែល​ត្រូវ​ប្រើ​សំឡេង​ខ្ពស់ និង​បទ​សប្បាយៗ​បែប​ទាក់ទាញ​ជាច្រើន​។


​បទ​ចម្រៀង​ល្បីៗ​ដែល​នាង Sia និពន្ធ​៖
​បទ “Expertease (Ready, Set, Go)” ច្រៀង​ដោយ Jennifer Lopez
​បទ “Opportunity” ច្រៀង​ដោយ Quvenzhané Wallis
​បទ “Diamonds” ច្រៀង​ដោយ Rihanna
​បទ “Making the Most of the Night” ច្រៀង​ដោយ Carly Rae Jepsen
​បទ “Chasing Shadows” ច្រៀង​ដោយ Shakira
​បទ “Get Over U” ច្រៀង​ដោយ Neon Hitch
​បទ “Blank Page” ច្រៀង​ដោយ Christina Aguilera
​បទ “Brightest Morning Star” ច្រៀង​ដោយ Britney Spears
​បទ “My Heart Is Open” ច្រៀង​ដោយ Maroon 5 និង Gwen Stefani
​បទ “Double Rainbow” ច្រៀង​ដោយ Katy Perry
​បទ “Kiss Me Once” ច្រៀង​ដោយ Kylie Minogue
​បទ “Battlefield” ច្រៀង​ដោយ Lea Michele
​បទ “Boy Problems” ច្រៀង​ដោយ Carly Rae Jepsen
​បទ “Perfume” ច្រៀង​ដោយ Britney Spears
​បទ “Pretty Hurts” ច្រៀង​ដោយ Beyoncé
​បទ​ចម្រៀង​ជាច្រើន​ទៀត​ដែល​និពន្ធ​ដោយ​នាង Sia៖
​បទ “Godzillionaire” ច្រៀង​ដោយ Brooke Candy
​បទ “Guitars and Microphones” ច្រៀង​ដោយ Kate Pierson
​បទ “We Are One (Ole Ola)” ច្រៀង​ដោយ Pitbull, Jennifer Lopez និង Claudia Leitte
​បទ “Pop Rock” ច្រៀង​ដោយ Brooke Candy
​បទ “Matrix” ច្រៀង​ដោយ Kate Pierson
​បទ “Acid Rain” ច្រៀង​ដោយ Alexis Jordan
​បទ “Any Day Now” ច្រៀង​ដោយ Cheyenne Jackson
​បទ “I Will Get Over You” ច្រៀង​ដោយ Prischilla Ahn
​បទ “These Hands I Hold” ច្រៀង​ដោយ Bo Bruce
​បទ “Gentlemen” ច្រៀង​ដោយ Jessica Sanchez
​បទ “Crush Me With Your Love” ច្រៀង​ដោយ Kate Pierson
​បទ “Bound to You” ច្រៀង​ដោយ Christina Aguilera
​បទ “God Made You Beautiful” ច្រៀង​ដោយ Beyoncé
​បទ “She’s Pretty, She Lies” ច្រៀង​ដោយ Cheyenne Jackson
​បទ “Freeze You Out” ច្រៀង​ដោយ Marina Kaye
​បទ “Rise Up” ច្រៀង​ដោយ Beyoncé
​បទ “Knock You Out” ច្រៀង​ដោយ Bingo Players


​បទ “Don’t Look at Me” ច្រៀង​ដោយ Cheyenne Jackson
​បទ “Kill, F—k, Marry” ច្រៀង​ដោយ Nikki Williams
​បទ “Rock Bottom” ច្រៀង​ដោយ Marco Mengoni
​បទ “Unite” ច្រៀង​ដោយ Jessie J
​បទ “Bottoms Up” ច្រៀង​ដោយ Kate Pierson
​បទ “Stronger Than Ever” ច្រៀង​ដោយ Christina Aguilera
​បទ “You’re Mine” ច្រៀង​ដោយ Lea Michele
​បទ “Opulence” ច្រៀង​ដោយ Brooke Candy
​បទ “Mister Sister” ច្រៀង​ដោយ Kate Pierson
​បទ “Break the Walls” ច្រៀង​ដោយ Fitz and the Tantrums
​បទ “Strange Birds” ច្រៀង​ដោយ Birdy
​បទ “Radioactive” ច្រៀង​ដោយ Rita Ora
​បទ “Round Your Little Finger” ច្រៀង​ដោយ Katharine McPhee
​បទ “Tears Fall” ច្រៀង​ដោយ Jacquie Lee
​បទ “Breathe” ច្រៀង​ដោយ Jessie J
​បទ “Firecracker” ច្រៀង​ដោយ Cheryl
​បទ “You Don’t Know” ច្រៀង​ដោយ Will Young
​បទ “The Game” ច្រៀង​ដោយ Kelly Rowland
​បទ “You Lost Me” ច្រៀង​ដោយ Christina Aguilera
​បទ “Bring Your Arms” ច្រៀង​ដោយ Kate Pierson
​បទ “Let Me Love You (Until You Learn to Love Yourself)” ច្រៀង​ដោយ Ne-Yo
​បទ “All I Need” ច្រៀង​ដោយ Christina Aguilera
​បទ “Green Card” ច្រៀង​ដោយ Oh Land
​បទ “Standing on the Sun” ច្រៀង​ដោយ Beyoncé


​បទ “Invincible” ច្រៀង​ដោយ Kelly Clarkson
​បទ “Loved Me Back to Life” ច្រៀង​ដោយ Celine Dion
​បទ “Utopia” ច្រៀង​ដោយ Belinda
​បទ “Time Wave Zero” ច្រៀង​ដោយ Kate Pierson
​បទ “Flashlight” ច្រៀង​ដោយ Jessie J
​បទ “Cannonball” ច្រៀង​ដោយ Lea Michele
​បទ “Who Am I?” ច្រៀង​ដោយ Jamie Foxx, Cameron Diaz និង Quvenzhané Wallis
​បទ “I Am” ច្រៀង​ដោយ Christina Aguilera
​បទ “If You Say So” ច្រៀង​ដោយ Lea Michele
​បទ “Let Your Tears Fall” ច្រៀង​ដោយ Kelly Clarkson
​បទ “I Am Me” ច្រៀង​ដោយ Willow
​បទ “The City’s Yours” ច្រៀង​ដោយ Jamie Foxx និង Quvenzhané Wallis
​បទ “Try Everything” ច្រៀង​ដោយ Shakira
​បទ “Passenger” ច្រៀង​ដោយ Britney Spears
​បទ “Pulls You Under” ច្រៀង​ដោយ Kate Pierson
​បទ “Sexercise” ច្រៀង​ដោយ Kylie Minogue
​បទ “Throw Down the Roses” ច្រៀង​ដោយ Kate Pierson​

Continue Reading

Trending

Copyright © 2018 Ladies Magazine Cambodia.