Connect with us

Fashion

របៀបស្លៀកសំពត់ភ្លីស្សេឱ្យមើលទៅស្រស់ស្អាត

អ្នក​ដែល​និយម​ដេញតាម​បច្ចេកវិជ្ជា​រង់ចាំ​ឧបករណ៍​ថ្មីៗ​ដែល​នឹង​ចេញ​លក់​ជារ​ផង​រាល់​ឆ្នាំ​។ ដូចជា​ឆ្នាំ​ដទៃៗ​ទៀត​អ៊‍ីចឹង ឆ្នាំ ២០១៧ នេះ​គឺ​មាន​ឧបករណ៍​បច្ចេកវិជ្ជា​ចេញ​ថ្មី​

អ្នក​ដែល​និយម​ដេញតាម​បច្ចេកវិជ្ជា​រង់ចាំ​ឧបករណ៍​ថ្មីៗ​ដែល​នឹង​ចេញ​លក់​ជារ​ផង​រាល់​ឆ្នាំ​។ ដូចជា​ឆ្នាំ​ដទៃៗ​ទៀត​អ៊‍ីចឹង ឆ្នាំ ២០១៧ នេះ​គឺ​មាន​ឧបករណ៍​បច្ចេកវិជ្ជា​ចេញ​ថ្មី​ជាច្រើន​ដែល​ពិតជា​ទំនើប និង​គួរឱ្យ​ចង់​សាកល្បង​ប្រើប្រាស់​យ៉ាង​ពិតប្រាកដ​។ ប្រសិនបើ​អ្នក​ជា​អ្នក​ដែល​ចូលចិត្ត​ឧបករណ៍​បច្ចេកវិជ្ជា​ដែល​តែងតែ​រង់ចាំ​មើល​អ្វី​ដែល​ទើបនឹង​ចេញ​ថ្មី និង​ចុងក្រោយ នេះ​នែ៎ អ្វី​ដែល​អ្នកត្រូវការ​មាន​នៅ​ខាងក្រោម​នេះ​!
​កាមេរ៉ា​ថត​រូប Hubbel Hugo
​តើ​អ្នក​ធ្លាប់​ឮ​អំពី​កាមេរ៉ា​សុវត្ថិភាព​ដែល​មាន​សមត្ថភាព​ក្នុង​ការចាប់យក​ការសម្ដែង​ទឹកមុខ​របស់​អ្នក​ដែរឬទេ​? យើងខ្ញុំ​ពិតជា​មិន​ធ្លាប់​ឮ​ពីមុនមក​សោះ​!
Hubbel Hugo ជា​កាមេរ៉ា​សុវត្ថិភាព​ដ៏​ឆ្លាត​វៃ​ជាមួយនឹង​សមត្ថភាព​ក្នុង​ការចាប់យក​ការសម្ដែង​ទឹកមុខ​។ ដោយ​ប្រើប្រាស់​ការ​សម្គាល់​ផ្ទៃមុខ កាមេរ៉ា​ដ៏​ឆ្លាត​វៃ​នេះ​គឺ​តម្រូវឱ្យ​មាន​ការ​ម​សម្ដែង​ទឹកមុខ​។ វា​អាច​ស៊ើបរក​សម្លេង​ក្មេង​យំ និង​រោទិ៍​ជា​សម្លេង​ប្រាប់​ឪពុក​ម្ដាយ​ឱ្យបាន​ដឹង​។​
​កាមេរ៉ា​ដែល​ស៊ើបរក​ការសម្ដែង​ទឹកមុខ​នេះ​អាច​ធ្វើឱ្យ​អ្នកដឹង​អំពី​អ្វី​ដែល​កើតឡើង​នៅ​ជុំវិញ​អ្នក​។ អ្វី​ដែល​កាន់តែ​អស្ចារ្យ​ជាមួយនឹង​កាមេរ៉ា Hubbel Hugo គឺ​ជា​មិន​ចាប់​អ្វី​ក្រៅពី​ទឹកមុខ​របស់​មនុស្ស​ឡើយ មានន័យ​ថា​សត្វ​មិន​ត្រូវបាន​ស៊ើប​ដោយ​កាមេរ៉ា​នេះឡើយ​។​
​ម៉ាស​ឃ្លុប​មាត់ Hushme
Hushme ជា​ម៉ាស​ឃ្លុប​មាត់​ដែល​ត្រូវ​បាន​រចនា​ឡើង​ជា​ពិសេស​សម្រាប់​ប្រើ​ជាមួយ​ទូរ​សព្ទ​ឆ្លាត​វៃ​។ ឧបករណ៍​ដ៏​ទំនើប​នេះ​មាន​សមត្ថភាព​ក្នុង​ការទប់ស្កាត់​សម្លេង​ប​របស់​អ្នក​កុំឱ្យ​រំខាន​ដល់​អ្នកដទៃ​។ ម៉ាស​នេះ​ស្រដៀង​ទៅ​នឹង​ម៉ាស Bane ដែល​ជា​ការ​រចនា​របស់ “The Dark Knight” ប៉ុន្តែ​សម្រាប់​ហេតុផល​ខុសគ្នា​ទាំងស្រុង​តែ​ម្ដង​។​
​ប្រសិនបើ​អ្នក​មាន​បំណង​ប្រើ​សម្លេង​ខ្លាំងៗ​នៅពេល​ដែល​កំពុង​ប្រើ​ទូរ​សព្ទ​ឆ្លាត​វៃ​របស់​អ្នក ឬ​ទស្សនា​វីដេអូ​តាម YouTube នៅក្នុង​ទូរ​សព្ទ​ដៃ​របស់​ង្ន​ក ម៉ាស​ឃ្លុប​មាត់ Hushme ពិតជា​ស័ក្ដិសម​បំផុត​សម្រាប់​អ្នក​។ អ្នក​អាច​បន្ត​ទស្សនា​វីដេអូ ឬ​លេង​ហ្គេម ដោយ​មិន​បង្ក​សម្លេង​រំខាន​ដល់​អ្នក​នៅ​ក្បែរ​អ្នក​។ អ្នក​ក៏​អាច​ជូន​ម៉ាស​ឃ្លុប​មាត់​នេះ​ទៅកាន់​មិត្ត​រួម​ការងារ​ដែល​ចូលចិត្ត​បង្ក​សម្លេង​រំខាន​។ ម៉ាស​ឃ្លុប​មាត់ Hushme អាច​ប្ដូរ​សម្លេង​បាន​ផង​ដែរ គឺ​ពិតជា​អស្ចារ្យ​ខ្លាំងណាស់​។​
​គ្រែ Sleep Number 360 Bed
​ពិភពលោក​នេះ​នឹង​ក្លាយជា​កន្លែង​ដែល​ប្រសើរ​ជាង​មុន​ប្រសិនបើ​អ្នក​អាច​គេង​លើ​គ្រែ​ដែល​អ្នក​ពេញចិត្ត​បំផុត​។ ពិតណាស់ ប្រសិនបើ​នេះ​ជា​អ្វី​ដែល​អ្នក​កំពុង​រង់ចាំ ក្ដី​សុបិន​របស់​អ្នក​ពេលនេះ​ក្លាយជា​ការពិត​ហើយ​!
​គ្រែ​គេង Sleep Number 360 Bed ជា​គ្រែ​ដ៏​ទំនើប​ចុងក្រោយ​បំផុត​ដែល​យល់ដឹង​យ៉ាង​ច្បាស់​អំពី​តម្រូវការ និង​ផាសុកភាព​ដែល​អ្នក​ចង់​ទទួលបាន​។ ពូក​នេះ​អាច​បំបាត់​អាការ​ស្រមុក និង​អាច​ផ្លាស់ប្ដូរ​ឥរិយាបថ និង​ក្បាល​របស់​អ្នក​ឱ្យ​មាន​ផា​សុកភាព​បំផុត​។ ពូក​ប្រភេទ​នេះ​មាន​សមត្ថភាព​ក្នុង​ការបន្ធូរបន្ថយ​ទៅតាម​ចលនា​ដែល​អ្នក​ផ្លាស់ប្ដូរ​។ លក្ខណៈ​ពិសេស​នៃ​គ្រែ​នេះ​គឺ​អាច​ធ្វើឱ្យ​ជើង​របស់​អ្នក​មាន​ភាពកក់ក្ដៅ​ខណៈ​ដែល​អ្នក​កំពុង​គេង​។
​នាឡិកាដៃ​ឆ្លាត​វៃ Fossil x Armani Hybrid Smartwatch
​ក្រុមហ៊ុន Apple មិនមែន​ជា​ក្រុមហ៊ុន​តែ​មួយ​ដែល​ផលិត​នាឡិកាដៃ​ឆ្លាត​វៃ​ទៀតឡើយ​។ ក្រុមហ៊ុន Fossil Group បាន​រចនា​នាឡិកា​ប្រភេទ​ហាយ​ប្រ៊ី​ដ​ថ្មី​សន្លាង​បំផុត​ជាមួយ​នឹង​មុខងារ Armani Exchange ដែល​នឹង​ទទួលបាន​ការចាប់អារម្មណ៍​ជាច្រើន​ក្នុង​ឆ្នាំ ២០១៧ នេះ​។ នាឡិកា​ឆ្លាត​វៃ​នេះ​មើល​ទៅ​មាន​រូបរាង​ធម្មតា ប៉ុន្តែ​វា​មាន​លក្ខណៈ​ពិសេស​បំផុត​ដែល​អាច​ទទួល​ព័ត៌មាន​ពី​ទូរ​សព្ទ​ដៃ​របស់​អ្នក​។ វា​មាន​មុខងារ​ដូចជា FitBit ដែល​កំណត់​អំពី​ជំហាន​នៃ​ការដើរ និង​រយៈពេល​ដែល​អ្នក​ទទួលទាន​ដំណេក​។ អ្នក​មិន​ចាំបាច់​សាក​ថ្ម​នាឡិកា​នេះឡើយ​។ មិន​ថា​តែ​អ្នក​ចង់​ឱ្យ​រូបរាងកាយ​របស់​អ្នក​មុំាន​ភា​ពសកម្ម ឬ​ការពង្រឹង​បែបបទ​ជីវិត​ទាំងស្រុង​របស់​អ្នក​ផងដែរ​។
​កញ្ចក់ HiMirror Plus
​កញ្ចក់ កញ្ចក់​! តើ​អ្នកណា​មាន​សម្រស់​ស្អាត​ជាង​គេ​បំផុត​?
​តើ​អ្នក​ជា​មនុស្ស​ដែល​ង​ប់ង​ល់នឹង​សម្រស់​ខ្លួនឯង និង​តែងតែ​ព្រួយបារម្ភ​អំពី​អនាម័យ រូបរាងកាយ​ខាងក្រៅ និង​អ្វីៗ​ជាច្រើន​ផ្សេង​ទៀត​ដែរឬទេ​? វា​ជា​ពេល​ដ៏​ល្អ​បំផុត​សម្រាប់​អ្នក​ព្រោះ​ថា​មិនយូរ​ទៀត​ឡើយ​អ្នក​អាច​នឹង​ក្លាយ​ជា​មា្ច​ស់កម្មសិទ្ធិនៃ​កញ្ចក់ដ៏​ឆ្លា​តវៃ​នេះ​ដោយ​អាច​ប្រាប់​អ្នក​ថា​តើ​ស្បែក​របស់​អ្នក​មាន​អ្វី​មិន​ប្រក្រតី​។ មិន​ថា​តែ​វា​ជា​ស្នាម​ខ្មៅ​មាន​សណ្ឋាន​មូល ឬ​ជា​ស្នាម​ជ្រួញ​ឡើយ កញ្ចក់ HiMirror Plus អាច​រកឃើញ​ភាពមិនប្រក្រតី​លើ​ផ្ទៃមុខ​របស់​អ្នក​។ អ្វី​ដែល​កាន់តែ​ពិសេស​ចំពោះ​ឧបករណ៍​នេះ​គឺ​វា​អាច​ប្រាប់​អ្នក​ថា​តើ​ផលិតផល​គ្រឿងសម្អាង​ដែល​អ្នក​កំពុង​ប្រើប្រាស់​ស័ក្ដិសម​នឹង​ផ្ទៃមុខ​របស់​អ្នក​ឬ​អត់​?
​ឧបករណ៍​អាំង​នំប៉័ង Griffin Technology Bluetooth Toaster
​នៅពេល​ដែល​អ្នក​គិតថា​ពិភពលោក​មិនអាច​ផ្ដល់​ឱ្យ​អ្នក​នូវ​អ្វី​ដែល​ប្រសើរ​ជាង​នេះ អ្នក​អាច​គិត​ដល់​ឧបករណ៍ Bluetooth toaster!
​ពិតជា​ត្រឹមត្រូវ​ខ្លាំងណាស់​! បច្ចេកវិជ្ជា Griffin Technology អាច​ផ្សារភ្ជាប់​ទំនាក់ទំនង​ពី​ឧបករណ៍​អាំង​នំប៉័ង​ជាមួយនឹង​កម្មវិធី​ក្នុង​ទូរ​សព្ទ​ដៃ​របស់​អ្នក​។ ឥឡុវនេះ​ង្ន​កមិន​ចាំបាច់រ​ត់​ទៅ​មើល​ថា​តើ​នំប៉័ង​របស់​អ្នក​ល្មម​អាច​ញ៉ាំ​បាន​ឬ​នៅទេ ព្រោះ​ថា​កម្មវិធី​ម​យ​យ​នេះ​នឹង​ធ្វើ​វា​ជំនួស​អ្នក​។​
​ស្បែកជើង​ឆ្លាត​វៃ Under Armour Gemini Smart Shoes
​ស្លាក​សញ្ញា Under Armour ទើបតែ​ផលិត​ស្បែកជើង​ឆ្លាត​វៃ​ដែល​អាច​ជួយ​ធ្វើឱ្យ​អ្នក​ស្រក​ទម្ងន់​។ វា​អាច​ជួយ​ពិនិត្យ​សុខភាព​បុគ្គល​ម្នាក់ៗ ហើយ​ស្បែកជើង​ប្រភេទ​នេះ​មាន​បច្ចេកវិជ្ជា​ខ្ពស់​ដែល​អាច​ឱ្យ​អ្នកដឹង​អំពី​សមត្ថភាព​ក្នុង​ការបញ្ចេញ​ថាមពល​របស់​អ្នក​ពេញ​មួយ​ថ្ងៃ​ដោយ​កម្ម​វិធី​មួយ​។ អ្វី​ដែល​អ្នក​ត្រូវ​ធ្វើ​គឺ​លោត​ឡើង​លើ និង​ទម្លាក់ខ្លួន​ចុះ​មកក្រោម​វិញ​ចំនួន ៦ ដង ហើយ​ស្បែកជើង​នេះ​នឹង​ប្រាប់​អ្នក​ថា​តើ​អ្នក​មាន​សមត្ថភាព​ប៉ុណ្ណា​។ តើ​មាន​បញ្ហា​ដែរ​ឬ​ទេ​ប្រសិនបើ​ស្បែកជើង​នេះ​អាច​ប្រាប់​អំពី​មុខម្ហូប​ដែល​អ្នក​ចង់​ទទួលទាន​នៅពេល​ដែល​អ្នក​ធ្វើ​ចលនា​លោត​ឡើង​លើ​បែបនេះ​?​

Fashion

ដំណើរ​តាម​នាវា​កម្សាន្ដ​

​តើ​លោក Ralph Lauren ជា​នរណា​?

​តើ​លោក Ralph Lauren ជា​នរណា​?

​ហេតុផល​ដែល​ធ្វើឱ្យ​ល្បីឈ្មោះ​៖ អ្នក​ឌី​ហ្សា​ញ​ហ្វេ​ហ្សិន​សញ្ជាតិ​អាមេរិកាំង​រូបនេះ មាន​ក្រុមហ៊ុន​ផលិត​សម្លៀកបំពាក់​ដែល​អាច​រក​ប្រាក់​បាន​រាប់​កោដិ​ដុល្លារ​។

គាត់​តែងតែ​មានបំណង​ចង់​បង្កើត​ភាព​ហ៊ឺហា​សាមញ្ញ​ដែល​មនុស្ស​គ្រប់​គ្នា​ចង់បាន​។ គាត់​ប្រើប្រាស់​ពណ៌​សំខាន់ៗ​តែប៉ុណ្ណោះ ហើយ​តែងតែ​ជា​អ្នក​ស្រឡាញ់​ពេញចិត្ដ​នឹង​ពណ៌​ស​ទន់​រលោង​។

ការ​កាត់ដេរ​សម្លៀកបំពាក់​យ៉ាង​ល្អ​ឥតខ្ចោះ កអាវ​ដ៏​ទាក់ទាញ និង​កូឡិក​ហ្សិន​ដ៏​ស្រស់ស្អាត គឺជា​សោភណភាព​របស់គាត់​។ នារី (The Ralph Lauren girl) ត្រូវបាន​គេ​ស្រមើស្រមៃ​ឃើញ​នៅ​លើ​នាវា​កម្សាន្ដ​មួយ ស្ទើរតែ​គ្មាន​ក្ដីបារម្ភ និង​ខ្យល់​ដ៏​ត្រជាក់​បក់​ផាត់រ​វិចរ​វិចៗ​។

​បុព្វហេតុ​ដើម្បី​ការងារ​មនុស្សធម៌​៖ ជាមួយនឹង​ក្រុមហ៊ុន​ស្លាក​សញ្ញា​ដ៏​ប្រណីត​របស់គាត់ ដែល​ងាយ​នឹងត្រូវ​គេ​ស្គាល់​ជុំវិញ​ពិភពលោក ដោយ​រក​ប្រាក់​បាន​យ៉ាង​មហាសាល លោក Ralph Lauren ក៏​បាន​បរិច្ចាគ​ទៅវិញ​ដើម្បី​បុព្វហេតុ​ការងារ​មនុស្សធម៌​។

គាត់​បាន​ចូលរួម​ផ្ដល់​មូលនិធិ​ទៅ​ដល់​មជ្ឈមណ្ឌល Nina Hyde ផ្នែក​ស្រាវជ្រាវ​ជំងឺមហារីក​សុដន់ (Nina Hyde Center for Breast Cancer Research) នៅឯ​សាកលវិទ្យាល័យ Georgetown University ហើយ​នៅ​ឆ្នាំ​២០០១ សាជីវកម្ម Ralph Lauren Corporation បាន​បើក​មូលនិធិ Polo Ralph Lauren Foundation ដើម្បី​លើកកម្ពស់​ការយល់ដឹង​ចំពោះ​គំនិត​ផ្ដួចផ្ដើម​ការងារ​មនុស្សធម៌​ដទៃទៀត​នៅ​ជុំវិញ​ពិភពលោក​។

Ralph Lauren Fashion Show, Ready to Wear Collection Spring Summer 2016 in New York

លោក Lauren ក៏​បាន​ចាប់ផ្ដើម​គំនិត​ផ្ដួចផ្ដើម​ទូទាំង​ពិភពលោក​មួយ​ផងដែរ ក្នុង​ការប្រយុទ្ធប្រឆាំង​ទៅ​នឹង​ជំងឺមហារីក​ដែល​មានឈ្មោះ​ថា​មូលនិធិ Pink Pony Fund​។ គាត់​ក៏​កំពុងតែ​ផ្ដល់​មូលនិធិ​ទៅ​ដល់​មន្ទីរ​ស្រាវជ្រាវ​ជំងឺមហារីក​ដ៏​ទំនើប​មួយ​ផង​ដែរ​៕

Ralph Lauren Fashion Show, Ready to Wear Collection Spring Summer 2016 in New York

Continue Reading

Fashion

ការច្នៃ​ម៉ូដមាន​លក្ខណៈ​ប្លែក

ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​

Isabel Marant
អ្នកស្រី Isabel Marant និង​ការ​បំផុស​គំនិត​ដែល​ទទួលបាន​ពី​អាស៊ី​ខាងកើត​


​ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​ច្នៃ​ម៉ូដ​របស់​ខ្លួន​ទៅរក​ក្រុម​ជនជាតិ​ម្តងទៀត​ហើយ​។ អ្នកស្រី​មិន​បាន​ធ្វើឱ្យ​យើង​ខកចិត្ត​ឡើយ​ជាមួយ​ស្នាដៃ​ច្នៃ​ម៉ូដ​ដ៏​ស្រស់​ស្អាត​បង្កប់​ម៉ូដ​ប្រពៃណី​ជនជាតិ​។

ម៉ូដ​ដែល​អ្នកស្រី​ច្នៃ​គឺ​ទទួល​ឥទ្ធិពល​ពី​មជ្ឈឹម​បូព៌ា​មានដូចជា​ម៉ូដ​ខោ​ប៉ោង​ជើងវែង​គូ​ជាមួយ​អាវ​ក្រៅ​តូច​រលុង​មាន​ជាយ​រសាត់​បន្ថែម​ជាមួយ​ស្បែកជើង​ចង​ខ្សែកម្ពស់​ផ្សេងៗ​គ្នា​។

ក្រណាត់​ទាំងនោះ​លម្អ​ទៅដោយ​ក្បាច់​ប្រពៃណី ក្បាច់​ប៉ាក់​ភ្លឺ​ផ្លេក និង​ត្បូង​ថ្លា​ផ្សេងៗ​ដែល​អ្នកស្រី Marrant ចូលចិត្ត​ប្រើ​យក​មក​ច្នៃ​ពីលើ​ដូចជា​ម៉ូដ​អាវ​ក្រៅ​វែង ម៉ូដ​អាវ​ក្រប់​ថប់ និង​នៅលើ​ចង្កេះ​។

ការច្នៃ​ម៉ូដ​លើក​នេះ​មាន​លក្ខណៈ​ប្លែក​មើល​ទៅ​ស្រស់ស្អាត​ជាង​ស្នាដៃ​មុនៗ​របស់​អ្នកស្រី Marant​។

Max Mara
ពី​សុភាពនារី​ទៅ​ជា​នារី​ឡូយឆាយ​

ម៉ាក Max Mara ផ្លាស់ប្តូរ​ជា​មួយ​ស្តា​យល៍​ហ្វេ​ហ្សិន​បែប​ទំនើង​
​ក្រុមហ៊ុន​ជំនួញ​ផ្នែក​សម្លៀក​បំពាក់​លំដាប់​ខ្ពស់​អ៊ីតាលី​បាន​ផ្ទាត់​ចោល​នូវ​ច្បាប់​កាត់ដេរ​ហើយ​បង្កើត​ច្បាប់​ថ្មី​ដោយ​ខ្លួនឯង​។

សម្រាប់​និទាឃ​រដូវ​នេះ ម៉ាក Max Mara បាន​ធ្វើ​ការផ្លាស់ប្តូរ​ហ្វេ​ហ្សិន​ប្រពៃណី​ទៅជា​ហ្វេ​ហ្សិ​ន​សប្បាយៗ​បែប​ទំនើប​។ តើ​នរណា​ទៅ​នឹកឃើញ​កាត់ដេរ​សម្លៀកបំពាក់​ដែល​មាន​ដៃ​វែង​ជ្រុល រីឯ​ឡេវអាវ​រត់​ខុស​ជួរ និង​មិន​ត្រូវ​គ្នា​បែប​នេះ​?

ប្រសិនបើ​ស្តាយល៍​ដ៏​ប្លែក​នេះ​នៅ​មិន​អាច​ទាក់ទាញ​ចិត្ត​របស់​អ្នក​បាន​ទេ សាកល្បង​មក​មើល​ឈុត​សម្លៀក​បំពាក់​ដែល​មាន​រូប​ផ្កាយ​ពី​ស្មា​ដល់​ចុងជើង​ទាំងនេះ​ទៅ​មើល៎​! មិនតែប៉ុណ្ណោះ​នៅ​មាន​ឈុត​ក្រឡា​ឆ្នូត​ម៉ូដ​នាវិក​គូ​ជាមួយនឹង​កាបូប​ក្រណាត់​ចងខ្សែ​ធ្វើឱ្យ​មាន​អារម្មណ៍​ដូចជា​នាវិកា​ដ៏​ស្រស់​សោភា​ពិតៗ​៕​

Continue Reading

Fashion

Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន

Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍

ត្រឡប់​ទៅ​អនាគតកាល​
Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន


Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍​ផ្ទាល់ខ្លួន​។

“​កូឡិក​ហ្សិន​ប្រចាំ​រដូវ​កាលនេះ​គឺជា​ការឧ​ទ្ទិស​ចំពោះ​យុវតី​ឈ្មោះ Kate, Chloé, Cecilia, Corinne, Rosemary, Emma និង Courtney ដែល​តំណាងឱ្យ​សេរីភាព​និង​អេ​ឡេ​ហ្គង់​នៃ​ភាពសាមញ្ញដ៏​អស្ចារ្យ​បំផុត​។​”

ការ​ចងចាំ​នូវ​មោទកភាព​នា​ទសវត្សរ៍​ទី​៩០ បាន​ត្រឡប់​មក​វិញ​យ៉ាង​ជោរជន់​ជាមួយនឹង​ភាពទាន់សម័យ​។

ខោជើងវែង​រលោង​ស្រិល​ត្រូវបាន​គេ​ស្លៀក​ជាមួយនឹង​អាវ​បំពង់​វាល​ស្មា ហើយ​ឈុត​សម្លៀក​ផ្នែក​ខាងលើនេះ ក៏​ស័ក្ដិសម​ជា​មួយ​នឹង​សំពត់​ម៉ាក់​ស៊ី​ផងដែរ រីឯ​ភាព​ឡូយឆាយ​នេះ​មាន​ភាព​សមសួន​បំផុត និង​ភាព​រីករាយ​ឥត​ក្ដីបារម្ភ​នៃ​កូឡិក​ហ្សិន​នេះ ក៏បាន​ផ្ដល់​នូវ​ស្ដាយល៍​ដ៏​រីករាយ​ដែល​មិន​អាច​បំភ្លេចបាន​។

ឈុត​បែប​កីឡា​ដ៏​ស្រស់​ស្អាត​នេះ​ពិតជា​អស្ចារ្យ​ខ្លាំងណាស់​៕


Continue Reading

Trending

Copyright © 2018 Ladies Magazine Cambodia.