Connect with us

Entertainment

គំនូរ​ស្ត្រី​ស៊ីវិល័យ​

​លោក Michael Ezzell ជា​វិចិត្រករ​ដ៏​ល្បី​ម្នាក់​ដែល​គំនូរ​របស់​គាត់​គឺ​ផ្តោត​ទៅលើ​ចរិតលក្ខណៈ​ភាព​ជា​ស្ត្រី​។ យើងខ្ញុំ​ពេញចិត្ត និង​ស្ញប់ស្ញែង​ចំពោះ​ស្នាដៃ​របស់​គាត់​ជា​យូរ​មក​

​លោក Michael Ezzell ជា​វិចិត្រករ​ដ៏​ល្បី​ម្នាក់​ដែល​គំនូរ​របស់​គាត់​គឺ​ផ្តោត​ទៅលើ​ចរិតលក្ខណៈ​ភាព​ជា​ស្ត្រី​។ យើងខ្ញុំ​ពេញចិត្ត និង​ស្ញប់ស្ញែង​ចំពោះ​ស្នាដៃ​របស់​គាត់​ជា​យូរ​មក​ហើយ​ចាប់តាំងពី​ស្នាដៃ​គំនូរ​ឆ្លាក់​ទី ២ របស់​គាត់​ដែល​ពោរពេញ​ទៅដោយ​ទឹកដៃ ប្រកបដោយ​អត្តចរិត​រស់​រវើក និង​ក្បាច់​ឆ្លាក់​គួរឱ្យ​កោតសរសើរ​។ អ្នក​ដែល​មាន​បំណង​ចង់​ក្លាយជា​វិចិត្រករ​ដូច​គាត់​ច្បាស់​ជា​ស្ញប់ស្ញែង​ជាមួយ​ការតស៊ូ និង​ការខិតខំ​របស់​គាត់​ជាមិនខាន​។​

​សួស្តី​លោក Michael តើ​លោក​អាច​ប្រាប់​យើងខ្ញុំ​ខ្លះៗ​ពី​រូបលោក​បាន​ទេ​? ហើយ​តើ​លោក​ជា​វិចិត្រករ​ប្រភេទ​ណា​ដែរ​?
​អ្នក​អាច​ហៅ​ខ្ញុំបាទ​ថា​ជា​វិចិត្រករ​គំនូរ​។ ខ្ញុំ​រៀន​គូរគំនូរ​នៅ​សាលា ដូច្នេះ​ហើយ​នេះ​ជា​វិជ្ជាជីវៈ​របស់​ខ្ញុំ​។​ខ្ញុំ​តែងតែ​គូរគំនូរ​រូប​មនុស្ស (​ភាគច្រើន​ជា​មនុស្ស​ស្រី​) ដែល​អ្នក​ពុំដែល​ស្គាល់ ឬ​ធ្លាប់​ស្គាល់ ឬ​ត្រូវ​នឹង​រឿងរ៉ាវ​របស់​អ្នក​។ ជាងគំនូរ​គឺ​មានន័យ​ទូលំទូលាយ​ណាស់ ហើយ​ខ្ញុំ​យល់​ថា​គំនូរព្រីន (printmaking) ក៏​ជា​ផ្នែក​មួយ​នៃ​ពាក្យ​នេះ​ផងដែរ​។ ខ្ញុំ​ប្រើប្រាស់​ការ​ឆ្លាក់ ថ្ម (lithography) ទឹក​ថ្នាំ និង​ប៊ិច​ដើម្បី​បង្កើត​ជា​គំនូរ​មួយ​។​

​តើ​ការងារ​របស់​លោក​ទទួល​បានការ​បំផុសគំនិត​ពី​ខាង​ណាខ្លះ​?
​មាន​កត្តា​ជាច្រើន​ដែល​បាន​បំផុសគំនិត​ដល់​ការងារ​របស់​ខ្ញុំបាទ​។ មនុស្ស​ដែល​ខ្ញុំ​ជួប​ជា​រៀងរាល់ថ្ងៃ​បាន​ធ្វើឱ្យ​ខ្ញុំ​ងឿងឆ្ងល់​ចំពោះ​រឿង​ជាច្រើន​។ គំនិត​ទាំង​នេះ​គឺ​បាន​មក​ដោយសារតែ​ខ្ញុំ​ចូល​ចិត្ត​រឿង​ទេវ​កថា រឿង​និទាន និង​រឿងព្រេង​។ រឿងនិទាន​បុរាណ​ទាំងនោះ​បង្កប់​ទៅ​ដោយ​វេទមន្ត មេ​តា​ផ​រ និង​សាច់រឿង​ល្អៗ​។ ទាំងនេះហើយ​ដែល​ធ្វើឱ្យ​គំនិត​ច្នៃប្រឌិត​របស់​ខ្ញុំ​មាន​មិនចេះ​រីងស្ងួត​។ ចំណែក​ហ្វេ​ហ្សិ​នក៏​ដូចគ្នា​ដែរ វា​បាន​បំផុសគំនិត​ច្នៃប្រឌិត​ជាច្រើន​ដល់​ខ្ញុំបាទ​។​

យើងខ្ញុំ​ពេញចិត្ត​គំនូរ​របស់លោក​ត្រង់​ថា​គ្រាន់តែ​ឃើញ​ស្តា​យល៍​គំនូ​រលោក​ភ្លាម​យើងខ្ញុំ​ក៏​ដឹង​ច្បាស់​ថា​នេះ​ជា​ស្នាដៃ​របស់​លោក Michael Ezzell​។ តើ​លោក​ធ្វើ​ដូចម្តេច​ទើប​សម្រេច​បាន​គោលដៅ​នេះ​? តើ​លោក​ធ្វើ​ដូចម្តេច​ទើប​អាច​រកឃើញ​ស្តា​យល៍​ផ្ទាល់ខ្លួន និង​អភិវឌ្ឍ​ស្តា​យល៍​មួយ​នេះ​?
​តាំងពី​ខ្ញុំ​ដឹងក្តី​មក ខ្ញុំ​ចូល​ចិត្ត​គូរគំនូ​រណាស់​។ ខ្ញុំ​គឺ​ជា​ក្មេង​ម្នាក់​ដែល​ដឹង​ច្បាស់​ខ្លួនឯង​ថា​ចង់​ក្លាយជា​វិចិត្រករ​ពេលដែល​ខ្លួន​ធំ​ឡើង​។ ពេល​ដែល​រំលឹក​ដល់​ពេល​ដំបូង​ដែល​ខ្ញុំ​ចាប់ផ្តើម​ចាប់អារម្មណ៍​ផ្នែក​នេះ​គឺ​គួរ​ឱ្យ​ចង់​សើច​ណាស់​។ ខ្ញុំ​តែងតែ​គូររូប​នារីៗ​អ្នក​មាន​ស៊ីវិល័យ​ដែល​មាន​ក្នុង​ខួរក្បាល​ខ្ញុំ ហើយ​មក​ដល់​ពេល​នេះ​ទម្លាប់​មួយ​នេះ​មិន​បាន​ផ្លាស់ប្តូរ​ឡើយ​។ ប៉ុន្តែ​លុះ​យូរ​ទៅ តិច​និច និង​វិធី​គូរ​របស់​ខ្ញុំ​ចាប់ផ្តើម​រីកចម្រើន និង​ចាស់ទុំ​ជាង​មុន​។ មាន​ថ្ងៃមួយ​ខ្ញុំ​ក៏​បាន​យក​គំនូរ​ដែល​ខ្ញុំ​គូរ​កាលពី​នៅ​រៀន​វិទ្យាល័យ​មក​មើល ហើយក៏​បាន​លាន់មាត់​ថា “​វ៉ា​វ គំនូរ​មួយ​នេះ​ពិតជា​អាក្រក់​មើល​មែន​។​” ប៉ុន្តែ​ក្រោយមក​ខ្ញុំ​ចាប់ផ្តើម​នឹក​ដល់​ទិដ្ឋភាព​កាលពីមុន​។ មាន​គំនូរ​ជាច្រើន​ដែល​ខ្ញុំ​ទុក​ជាប់​ខ្លួន​ដើម្បី​មើល​ពី​ការវិវដ្ត​នៃ​ស្នាដៃ​រប​ស់​ខ្ញុំ​រាប់​ចាប់តាំងពី​រាងរៅ​រហូត​ដល់​ទម្រង់​សក់​។ ពិតជា​មិន​នឹកស្មាន​ថា​គំនូរ​ពីមុន​ទាំងនោះ​គឺជា​ស្នាដៃ​របស់​ខ្ញុំ​ឡើយ​។​

​ហេតុអ្វី​ក៏​លោក​តែងតែ​គូរ​ពី​នារី​? តើ​មាន​អ្វី​នៅ​ពីក្រោយ​គំនិត​មួយ​នេះ​ឬ​?
​ខ្ញុំ​តែងតែ​គូរ​ពី​នារី​តាំងពី​ខ្ញុំ​នៅ​តូច​មក​ម្ល៉េះ​។ កត្តា​នេះ​ប្រហែល​ជា​ទាក់ទង​ជាមួយ​ភាពជា​ស្ត្រី​របស់ខ្ញុំ និង​ការ​ចង់ដឹង​តើ​ខ្ញុំ​មាន​អារម្មណ៍​យ៉ាងណា​ពេលដែល​ក្លាយខ្លួន​ជា​នារី​។ សព្វថ្ងៃនេះ ខ្ញុំ​យល់​ថា​ការលេង​ស្តា​យល៍​របស់​នារី​គឺ​មាន​ភាព​គួរឱ្យ​ចាប់អារម្មណ៍​យ៉ាងខ្លាំង ជាពិសេស​គឺ​ម៉ូដ​សម្លៀកបំពាក់ ម៉ាហ្គីយ៉េ និង​ម៉ូដ​សក់​របស់​នារី​គឺ​មាន​ភាព​គួរឱ្យ​ចាប់អារម្មណ៍​ជា​ង​បុរស​ឆ្ងាយ​ណាស់​។ កន្លង​ទៅ​ប៉ុន្មាន​ឆ្នាំ​ថ្មីៗ​នេះ ចំពោះ​នារី​មួយចំនួន​ខ្ញុំ​បាន​សង្កេតឃើញ​ថា​ជា​នារី​ភេទ​ទី​បី​ដែល​នេះ​បាន​ជះ​ឥទ្ធិពល​ដល់​ការ​គូរ​របស់ខ្ញុំ​។ ពី​មុន​ខ្ញុំ​តែងតែ​គូរ​នារី​ទាំងនោះ​ឱ្យ​មាន​សម្រស់​ស្រស់ស្អាត និង​ទាក់ទាញ​តាម​ដែល​អាច​ធ្វើបាន ប៉ុន្តែ​ពេល​នេះ​ខ្ញុំ​យល់​ថា​រូបសម្បត្តិ​នារី​ដែល​បង្កប់​ទៅដោយ​ចរិត​លក្ខណៈ​ភេទ​ទី​បី​គឺ​មាន​ចំណុច​គួរឱ្យ​ចាប់អារម្មណ៍​ជា​ង​ឆ្ងាយ​ណាស់​។​

យើងខ្ញុំ​សង្កេតឃើញថា​ស្នាដៃ​គំនូរ​របស់​លោក​គឺ​លាយឡំ​ជាមួយ​អក្សរ​ជាច្រើន តើ​លោក​ធ្វើ​ដូចម្តេច​ទើប​អាច​រក្សា​តុល្យភាព​នៃ​ចំណុច​ទាំងពីរ​នេះ​បាន​? តើ​អក្សរ​ដើរតួ​អ្វីខ្លះ​ក្នុង​ស្នាដៃ​គំនូរ​របស់លោក​? តើ​អក្សរ​ទាំងនោះ​ត្រូវបាន​ដាក់​ដើម្បី​ពន្យល់​ន័យ​ឱ្យ​កាន់តែ​ច្បាស់ ឬ​គ្រាន់តែ​បន្ថែម​សម្រស់ និង​ភាព​ច្នៃប្រឌិត​ដល់​គំនូរ​របស់​លោក​ប៉ុណ្ណោះ​ទេ​?
​សៀវភៅ The Junior Classic គឺជា​សៀវភៅ​គំនូរ​បែប​វគ្គ​ដែល​មិន​ទាន់​បញ្ចប់​នៅឡើយ ដោយ​សៀវភៅ​នេះ​ខ្ញុំ​បាន​បង្កើត​ឡើង​តាំងពី​ខ្ញុំ​នៅ​រៀន​វិទ្យាល័យ​មកម្ល៉េះ​។ ខ្ញុំ​បាន​រកឃើញ​សៀវភៅ​រឿងព្រេង​ពី​បុរាណ​ដែល​ក្នុងនោះ​មាន​ស្នាដៃ​គំនូរ​ដ៏​ស្រស់​ស្អាត​នៅ​លើ​ទំព័រ​សៀវភៅ​ដ៏​ចំណាស់​។ ខ្ញុំ​ក៏​ចាប់ផ្តើម​គូរ និង​ផាត់​ពណ៌​លើ​រូប​ទាំងនោះ​។ ឆ្នាំមុន ខ្ញុំ​បាន​ផ្តោត​ទៅលើ​តិច​និច​គូររូប​របស់ខ្ញុំ និង​អភិវឌ្ឍ​តិច​និច​របស់​ខ្លួន​ដើម្បី​គូ​ររូប​ឱ្យ​កាន់តែ​ស្អាត​។ ចំណែក​អក្សរ​នៅ​ខាងក្រោយ​រូបគំនូរ​គឺ​មិនសូវ​ជា​មាន​សារសំខាន់​នោះទេ​។ ខ្ញុំ​តែងតែ​គូររូប​ដែល​ក្តោប​អត្ថន័យ​សាច់​រឿង​ទាំងមូល ឬ​ក្តោប​អត្ថន័យ​ចំណងជើង​នៃ​សៀវភៅ​។ ពេលខ្លះ អក្សរ​ទាំង​នោះ​គ្រាន់តែ​ដាក់​ដើម្បី​ផ្គុំ​បានជា​សាច់​រឿង​ប៉ុណ្ណោះ​។​

តើ​ជា​ទូទៅ​ឧបករណ៍​គំនូរ​អ្វីខ្លះ​ដែល​លោក​តែងតែ​ប្រើប្រាស់ ហើយ​តើ​គំនូរ​របស់លោក​ជា​ធម្មតា​មាន​ទំហំ​ប៉ុណ្ណា​ដែរ​?
​ឧបករណ៍​គំនូរ​ដែល​ខ្ញុំ​ប្រើប្រាស់​គឺ​អាស្រ័យ​ទៅតាម​ប្រភេទ​គំនូរ​ដែល​ខ្ញុំ​គូរ​។ ចំណែក​គំនូរ​ឆ្លាក់​គឺ​សំខាន់​ចំពោះ​ខ្ញុំ​ណាស់ ហើយ​ត្រូវការ​ពេលវេលា​យូរ​ដើម្បី​បង្កើត​បាន​ជា​ខន់​សិប (Concept) ច្បាស់លាស់​មួយ​។ បែបនេះ ទើប​ខ្ញុំ​អាចបង្កើត​គំនូរ​ស្រស់​ស្អាត​ជា​មួយ​តិច​និច​ផ្សេងៗ​លើ​ចាន​បាន​។ ខ្ញុំ​ក៏​ប្រើ​ទឹក​ថ្នាំ និង​ប៊ិច​សម្រាប់​គូរ​លើ​សៀវភៅ​ដែរ ប៉ុន្តែ​ការងារ​ទាំងនោះ​ជា​ការងារ​កម្រិត​តូច និង​ងាយ​បញ្ចប់​ជាង​ការងារ​ធំៗ​ផ្សេងទៀត​។ ថ្មីៗ​នេះ​ខ្ញុំ​កំពុង​គូរគំនូរ​ទំហំ​ធំ ហើយ​ខ្ញុំ​ចូលចិត្ត​ការងារ​នេះ​ណាស់​។ ការ​គូរគំនូរ​ទំហំ​ធំ​បែបនេះ​គឺ​មាន​ការលំបាក​សម្រាប់​ខ្ញុំ​ណាស់ ព្រោះ​ខ្ញុំ​ទម្លាប់​នឹង​គូរគំនូរ​តូចៗ​ដើម្បី​ទទួលបាន​ក្បាច់ក្បូរ​អស្ចារ្យ​។​

មាន​នារី​ខ្លះ​មើល​ទៅ​ឆ្នាសឆ្នើម ប៉ុន្តែ​ក៏​គួរ​ឱ្យ​ស្រឡាញ់ តើ​លោក​ធ្វើ​ដូចម្តេច​ទើប​អាច​គូរ​ពី​អត្តចរិត​របស់​នាង​បាន ឬ​តើ​លោក​ធ្វើ​ដូចម្តេច​ដើម្បី​សម្រេច​ថា​រូប​នេះ​គួរ​មាន​អត្តចរិត​បែបណា​?
​រូប​នីមួយៗ​ដែល​ខ្ញុំ​គូរ​គឺ​ដំបូង​ឡើង​សុទ្ធតែ​ជា​មនុស្ស​ដែល​ខ្ញុំ​ពុំដែល​ស្គាល់​។ ប៉ុន្តែ​យូរៗ​ទៅ រូប​នេះ​ក៏​ចាប់ផ្តើម​ណែនាំ​ខ្លួន​ឱ្យ​ខ្ញុំ​បាន​ស្គាល់ តាមរយៈ​សក់ និង​ម៉ូដ​សម្លៀកបំពាក់​របស់​នាង​។ ខ្ញុំ​យល់​ថា​ការ​ដែល​មិន​បានដឹង ឬ​មិន​បាន​ព្រាងទុក​មុន​គឺជា​រឿង​ល្អ គួរឱ្យភ្ញាក់ផ្អើល និង​ទទួលបាន​ជោគជ័យ​ជាង ព្រោះថា​ការ​ដែល​យើង​ត្រៀម​ពេក​អាចធ្វើឱ្យ​គំនូរ​មើលទៅ​សោះកក្រោះ និង​មិន​រស់​រវើក​។ ខ្ញុំ​ចូល​ចិត្ត​រក្សា​ចំណង​មិត្តភាព​បែប​សប្បាយៗ និង​ភ្ញាក់ផ្អើល​ជាមួយ​នារីៗ​ក្នុង​រូបគំនូរ​ទាំងនេះ​។​

​លោក​នឹង​មាន​ការ​ពិព័រណ៍​គំនូរ​ឆាប់ៗ​ខាងមុខ​នេះ​ត្រូវ​ទេ​? តើ​លោក​អាច​ប្រាប់​យើងខ្ញុំ​ខ្លះៗ​បានទេ​?
​ខ្ញុំ​នឹង​មាន​ការ​ពិព័រណ៍​គំនូរ​ចំនួន ២​។ ការតាំងពិព័រណ៍​លើក​ទី​មួយ​នឹង​ធ្វើឡើង​នៅ​សប្តាហ៍​ក្រោយ​។ ក្នុងនោះ​មាន​ដាក់​បង្ហាញ​នូវ​សៀវភៅ​គំនូរ និង​គំនូរ​ឆ្លាក់​របស់ខ្ញុំ​ពី​មុន រួម​ជាមួយ​ស្នាដៃ​វិចិត្រករ​ពោរពេញ​ដោយ​សមត្ថភាព​ម្នាក់​ទៀត​គឺ​អ្នកនាង Denise Duong​។
ការតាំងពិព័រណ៍​លើក​ទី ២ គឺជា​ការ​ការតាំងពិព័រណ៍​ទោល​លើកដំបូង​របស់​ខ្ញុំ ដែល​ក្នុងនោះ​ក៏​មាន​គំនូរ​ដែល​ខ្ញុំ​ដាក់​តាំង​កាលពី​លើក​ទី​មួយ​ផងដែរ​។ ចាប់តាំងពី​ចាប់​អាជីព​ជា​ជាងគំនូរ​មក ទីបំផុត​ខ្ញុំ​រកឃើញ​អ្វី​ដែល​ខ្ញុំ​ចូលចិត្ត ដូច្នេះហើយ​ទើប​ខ្ញុំ​ព្យាយាម​បង្កើត​គំនូរ​នារី​ជា​វគ្គ​។ គំនូរ​វគ្គ​ទាំងនេះ​គឺ​ឆ្លុះបញ្ចាំង​ពី​សម្រស់ ក្តីស្រឡាញ់ អត្ថន័យ​បង្កប់ ដែល​បានមកពី​រឿង​ទេវ​កថា និង​រឿងព្រេង​និទាន​។​

​តើ​លោក​មាន​ពាក្យ​ផ្តាំផ្ញើ​អ្វីខ្លះ​ដល់​មិត្ត​អ្នកអាន​ដែល​ចង់​បង្កើត​សាល​ពិព័រណ៍​ផ្ទាល់ខ្លួន និង​ចង់​ចាប់​យក​អាជីព​ជា​វិចិត្រករ​ដូច​លោក​?
​ចូរ​ធ្វើ​អ្វី​ដែល​ជា​ខ្លួន​អ្នក​។ វា​ជា​រឿង​ងាយ​នោះទេ​ដែល​អ្នក​អាច​ធ្វើ​អ្វី​ក៏​បាន​ដើម្បី​ប្រាក់ ប៉ុន្តែ​ការ​ដែល​បាន​ធ្វើ​ការងារ​ដែល​ខ្លួន​ពេញចិត្ត​នោះ​អ្នកនឹង​យល់​ថា​ខ្លួនឯង​សម្រេច​បាន​សមិទ្ធផល​ដ៏​អស្ចារ្យ ។ ខ្ញុំ​តែងតែ​ស្រមៃ​ចង់បាន​កម្មវិធី​ពិព័រណ៍​ទោល​របស់​ខ្លួនឯង​ផ្ទាល់​ជា​យូរ​មក​ហើយ ប៉ុន្តែ​ខ្ញុំ​តែងតែ​ខ្លាច​ថា​ស្នាដៃ​របស់​ខ្ញុំ​មិន​អាច​ទាក់ទាញ​អ្នកមើល​បាន​។ ប៉ុន្តែ​ពេល​នេះ ខ្ញុំ​មាន​មោទកភាព​ចំពោះ​ការងារ​របស់​ខ្ញុំ​ជាខ្លាំង​។ អ្វី​ដែល​សំខាន់​គឺ​ត្រូវ​ជឿជាក់​លើ​ខ្លួនឯង​។​

ក្នុងនាម​ជា​វិចិត្រករ​ម្នាក់​តើ​លោក​គិតថា​អនាគត​របស់​លោក​នឹង​ទៅជា​យ៉ាងណា​ដែរ​?
​កាលពីមុន​ខ្ញុំ​តែងតែ​ចំណាយ​ពេល​យ៉ាងច្រើន​គិតថា​តើ​ខ្ញុំ​គួរ​ធ្វើ​អ្វី​នៅ​ឆ្នាំ​ខាង​មុខ តើ​ខ្ញុំ​គួរ​រក​ប្រាក់​ឱ្យ​បាន​ច្រើន​ប៉ុណ្ណា​? ប៉ុន្តែ​កាលពី​ប៉ុន្មាន​ខែ​ថ្មីៗ​នេះ ខ្ញុំ​ង​ប់ង​ល់​នឹង​ការងារ​គំនូរ​របស់ខ្ញុំ ហើយ​ខ្ញុំ​ព្យាយាម​ប្រើប្រាស់​ពេល​វេលា​ចំពោះ​មុខ និង​ថែទាំ​អ្វី​ដែល​ខ្ញុំ​មាន​នៅ​ពេល​បច្ចុប្បន្ន​។ ខ្ញុំ​រំភើប​ហើយ​ចង់​ដឹង​ថា​តើ​ការងារ​មួយ​នេះ​នឹង​នាំ​រូប​ខ្ញុំ​ទៅ​ជួប​អ្វី​ខ្លះ​ទៅ​ថ្ងៃ​អនាគត​៕

Entertainment

​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ

សំភារៈ​លំហែកាយ

សំភារៈ​លំហែកាយ

​រៀបចំ​ខ្លួន​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ ដែល ធ្វើអោយ​ដំណើរ​កំសាន្តរ​បស់​អ្នក​កាន់តែ​រីករាយ​និង​មាន​ភាពងាយស្រួល​។


​អស់​បញ្ហា​ជាមួយ
​សំបក​ទូរស័ព្ទ​មិន​ជ្រាប​ទឹក​ម៉ាក ECOXPRO

​សំបក​ទូរ​សព្ទ័​ដ៏​រឹងមាំ​មួយ​នេះ​មាន​មុខងារ​មិន​ត្រឹមតែ​ជា​សំបក​ទូរស័ព្ទ​ធម្មតា​នេះ​ទេ ប៉ុន្តែ​វា​ក៏ ជា​ប៉ាស​បំពង​សម្លេង​ដែល​មិន​ជ្រាប​ទឹកបាន​ទៀតផង​។ លើសពីនេះទៅទៀត សំបក​ទូរស័ព្ទ​ដ៏ នេះ​មាន​ថត​សម្រាប់​កាត​សំខាន់ៗ ដូចជា​កាត​ឥណទាន ឬ ប័ណ្ឌបើកបរ​របស់អ្នក បាន​យ៉ាង​ងាយស្រួល​ផងដែរ​។ ជាពិសេស ECOXPRO ក៏​នៅ​មាន​អត្ថប្រយោជន៍ ជាច្រើន​ទៀត​នៅពេល​ដែល​អ្នក​យក​វា​ទៅ​ជា​មួយ​តាម​ខ្លួន​នៅ​ពេល​ទៅលេង​ទឹកសមុទ្រ ឬ ងូតទឹក​ជាមួយ​ទូរស័ព្ទ​របស់​អ្នក​យ៉ាង​រំភើយ​ស្របពេល​ដែល​សំបក​ទូរស័ព្ទ​នេះ​អណ្តែត​លើទឹក​ក្បែរ​អ្នក​ដោយ​មិន​ជ្រាប​ទឹក​សូម្បីតែ​មួយ​ដំណក់​ផងដែរ​។​


​អស់​កង្វល់​ជា​មួយ​
​កន្ត្រក CGear

​នេះ​គឺជា​របស់​ក្នុង​ក្តី​សុ​បិនសម្រាប់​អ្នក​ដែល​ចូលចិត្ត​ទៅ​ស្រស់​ស្រង់​បរិយាកាស​បរិសុទ្ធ នៅឯ​ឆ្នេរសមុទ្រ​…
​តើ​អ្នក​ត្រៀមខ្លួន​ហើយ​ឬ​នៅ​?
​វា​គឺជា​កន្ត្រក​ដាក់​ឥ​វ៉ាន់​សម្រាប់​ពេល​ទៅ​លេង​សមុទ្រ​! តើ​អ្នក​ធុញ ទ្រាន់​នឹង​ដីខ្សាច់​ចូល​ពាស ពេញ​លើ ទូរស័ព្ទ​ដែល​វា​នឹង​អាច​ធ្វើឱ្យ​ខូច ឬ​ប្រឡាក់ប្រឡូស​អាហារ​ថ្ងៃ​ត្រង់​ដែល​អ្នក​ខំ ត្រៀម ទុក ធូលី​ខ្សាច់​ហុយ​ហើរ​ពេញ​ឡាន​របស់​អ្នក ឬ​ក៏​នៅ​ពេល មក​ដល់​គេហដ្ឋាន​វិញ ហើយ​ឃើញ​ធូលី​ខ្សាច់​នៅ​ពាសពេញ​ក្នុងផ្ទះ​ជាទី ស្រលាញ់​របស់​អ្នក​ដែរ​ហើយ​មែន​ទេ​? អ្នកនឹង​អស់​ក្តីបារម្ភ​ចំពោះ​បញ្ហា​ទាំងអស់​នេះ​ទៀតហើយ ជាមួយ​នឹង​ខ្សែ​យួរ​ដ៏​រឹង មាំ ស្រួល​ដាក់​ភេសជ្ជៈ ដូចជា ទឹកក្រូច ឬ​ស្រា​បៀរ​បាន​ច្រើន អ្នកនឹង​អស់​កង្វល់ ដោយឡែក​ផ្តល់នូវ​អារម្មណ៍​យ៉ាង​ស្រណុក​សុខ​ស្រួល​ជាមួយនឹង​បរិយាកាស​បរិសុទ្ធ​នៅឯ​ឆ្នេរសមុទ្រ​ជាមួយនឹង​ភាព​រីករាយ និង​ភាព​ស្រលះ​ក្នុង​ហទ័យ​យ៉ាង​ពិសេស​ជាមិនខាន​។

​កាន់តែ​ស្រស់ស្រាយ​
​ជាមួយនឹង​ដប​ទឹក​ម៉ាក S’well

​ទាំង​មាន​កំលាំង​គ្រប់គ្រាន់ ទាំង​ធ្វើអោយ​អ្នក​មើល​ទៅ​កាន់​លេចធ្លោ នឹង​អាច​ចែករំលែក​ជា មួយ​អ្នកដទៃ​ជាមួយនឹង​ដប​ទឹក​ម៉ាក S’well ។ ដប​ទឹក​ម៉ាក S’well នេះ​មាន​រូបរាង​ស្រស់​ស្អាត​ជាមួយនឹង​ពណ៌​ចិញ្ចាចចិញ្ចាំង​ដែល​រចនា​ដោយ​ដៃ​ហើយ​ជាពិសេស​ទៅទៀត នៅពេល​ដែល​អ្នកទិញ​ដប​ទឹក S’well នេះហើយ ចំនួន​ទឹកប្រាក់ មួយចំណែក​ដែល​អ្នក​បាន​ជាវ​ត្រូវបាន​យក​ទៅ​ធ្វើ​ជា​ជំនួយ​ជា​ទឹកស្អាត និង អនាម័យ​នៅឯ​ទ្វីប​អាហ្វ្រិក​។ ជាងនេះទៅទៀត ប្រសិនបើ​នៅ​មិន​គាប់ ចិត្ត​អ្នក​នៅ​ឡើយ ទេនោះ ដប់​ទឹក S’well នៅ​មាន​លក្ខណៈ​ពិសេស​មួយ​ទៀត គឺថា វា​អាច​រក្សា សីតុណ្ហភាព​ភេសជ្ជៈ​របស់​អ្នក​បាន​រហូត​ដល់​ទៅ ២៤​ម៉ោង​ឯណោះ​។

​វ៉ែនតា​ងូតទឹក​ដ៏​ទំនើប
​ម៉ាក Liquid Image ប្រភេទ 305 Hydra Series HD 720P

​វ៉ែនតា​ងូតទឹក​ដ៏​ទំនើប​មួយ​នេះ​បំពាក់​មក​ជាមួយនឹង​កាមេរ៉ា​វីដេអូ​កំរិត HD ភ្លឺ​ច្បាស់ ទាំង​រូបភាព​និង​សម្លេង​។ វ៉ែនតា​នេះ មិន​ត្រឹមតែ​អាច​ថត​វីដេអូ​បាន​តែ​ប៉ុណ្ណោះ​នោះ​ទេ តែ​ក៏​អាច​ថតរូប​ធម្មតា​បាន​ផងដែរ អ្នក​អាច​ថតរូប​ជា​លក្ខណៈ​បណ្តាក់​ក៏បាន ហើយ​វ៉ែនតា មួយ​នេះ​ក៏​អាច​ថត​បាន​យ៉ាងជ្រៅ រហូតដល់ ៤០ ម៉ែត្រ​ឯណោះ​។ ដូចនេះ តើ​ចាំ​អង្កាល់​ទៀត ចូរ​ថតរូប​ក្នុង​ទឹក​ជាមួយនឹង​វ៉ែនតា​ងូតទឹក ម៉ាក Liquid Image ប្រភេទ 305 Hydra Series HD 720P ពិតជា​មិន​ធ្វើអោយ​លោកអ្នក​ខក​បំណង​ឡើយ​។


​អស់​ថ្ម​តើ​មែន​ទេ​!?
​ឧបករណ៍​សាក​ថ្ម​ចល័ត WakaWaka ជួយ​បាន​

​តើ​អ្នក​ធ្លាប់​មាន​អារម្មណ៍​សៅហ្មង​នៅពេលដែល​ថ្ម​ទូរស័ព្ទ​របស់​អ្នក​ជិត​អស់​ដែរ​ឬទេ​? ឧបករណ៍​សាក​ថ្ម​ចល័ត WakaWaka​គឺជា​ជម្រើស​ដ៏​ល្អ ដែល​ឧបករណ៍​ដ៏​ស្រស់ស្អាត​នេះ​មាន រូបរាង​តូច​ស្តើង និង មាន​ប្រព័ន្ធ​ទទួល​ថាមពល​តាមរយៈ​ពន្លឺព្រះអាទិត្យ​ផងដែរ ដែល​ប្រដាប់ សាក​ថ្ម​ចល័ត​នឹង​ធ្វើអោយ​ទូរស័ព្ទ​របស់​អ្នកទទួល​ថាមពល​បាន​ពេញ​ត្រឹម​តែ​រយៈពេល ២​ម៉ោង​តែ​ប៉ុណ្ណោះ​។ គន្លឹះ​ដើម្បី​ក្នុងកា​រសាក​ឧបករណ៍​សាក​ថ្ម​ចល័ត WakaWaka ដោយ​ពន្លឺ​ថ្ងៃ​នោះ​គឺ ត្រឹមតែ​តំរូវឱ្យ​អ្នក​ដាក់​ឧបករណ៍​នេះ​ដាក់​ហាលថ្ងៃ​នៅ​កន្លែង​ដែល​មាន​ពន្លឺ គ្រប់គ្រាន់​តែ​ប៉ុណ្ណោះ ឬក៏​សាក​ភ្លើង​តាម​លក្ខណៈ​ធម្មតា​តាមរយៈ USB មុនពេល ដែល​អ្នក​ចេញ​ដំណើរ ជា​ការ​ស្រេច​។ កាន់តែ​ល្អ​ជាង​នេះ​ទៀត​នោះ គឺថា ឧបករណ៍​មួយ​នាំ​មក​ជាមួយ​នឹង​ភ្លើង​សញ្ញា​ប្រកាសអាសន្ន សម្រាប់​អ្នក​នាពេល​ចាំបាច់​ណាមួយ ផងដែរ​។ ប៉ុន្តែ​អ្វី​កាន់តែ​ពិសេស​លើស​ពី​ប​ឧបករណ៍​សាក​ថ្ម​ចល័ត​ផ្សេង ដទៃ​ពី​នេះ​ទៅ ទៀត​នោះ​គឺថា ថវិការ​ដែល​អ្នក​ទិញ​ឧបរណ៍​នេះ​ហើយ មួយចំនួន​គឺ​ត្រូវបាន​យក ទៅ​ជួយ​ដល់​ទុរគតជន​នៅ​ឯ​ប្រទេស​ហ្វ៊ីលីពីន​ទៀតផង​។

Continue Reading

Entertainment

សម្រាប់​អាន​នៅ​ថ្ងៃ​វិស្សមកាល

តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា

​តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា​ជម្រើស​ដ៏​ល្អ​បំផុត​របស់​យើង​ដើម្បី​អាន​នៅ​មាត់សមុទ្រ តំបន់ភ្នំ ឬ​កន្លែង​ណាមួយ​ដែល​អ្នកធ្វើដំណើរ​ទៅដល់​។ មាន​ខ្លឹមសារ​ខុសៗ​គ្នា​ក្នុងចំណោម​សៀវភៅ​ទាំងអស់នេះ​៖ ថា​តើ​អ្នក​កំពុងតែ​មាន​អារម្មណ៍​រីករាយ​ស្រស់​ស្រាយ តានតឹង រំភើប​ញាប់​ញ័រ ឬក៏​យ៉ាងណា​នោះទេ សៀវភៅ​រឿងនិទាន​សម្រាប់​កុមារ ឬ​សៀវភៅ​ធ្វើឱ្យ​អារម្មណ៍​អណ្ដែត​អណ្ដូង គឺ​និយាយ​ទាក់ទង​ទៅនឹង​ការរស់នៅ​ក្នុង​ពិភព​ដ៏​វឹកវរ​នេះ​។ ចូរ​អាន​បន្ដ​ដើម្បី​ដឹងថា​តើ​សៀវភៅ​មួយ​ណា​ដែល​ធ្វើឱ្យ​អ្នក​ចាប់​អារម្មណ៍​បំផុត អំឡុង​វិស្សមកាល​ដ៏​គួរ​ជាទី​រីករាយ​។


​សៀវភៅ​រឿង The Rumor
​ដោយ​អ្នកនិពន្ធ Elin Hilderbrand តើ​អ្នក​កំពុងតែ​ស្វែងរក​សៀវភៅ​ដើម្បី​អាន​នៅ​ឆ្នេរសមុទ្រ​ដើម្បី​បន្ធូរ​អារម្មណ៍​មែន​ទេ​? ប្រសិនបើ​អ្នក​ខកចិត្ដ​ដោយសារតែ​ខ្សែភាពយន្ដ​មិន​ល្អមើល សាកល្បង​អាន​សៀវភៅ​រឿង The Rumor ដែល​និយាយ​អំពី​មិត្ដភ័ក្ដិដ៏​ជិត​ស្និទ្ធិពី​រនា​ក់​គឺ Madeline និង Grace បន្ដ​ការ​ណាត់ជួប​ផ្ទួនៗ​នា​រដូវក្ដៅ​មួយ ដោយ​ពួកគេ​ទទួលទាន​ស្រា​ខកថេល​នា​ពេល​ព្រះអាទិត្យ​អស្ដង្គ​ត ប៉ុន្ដែ​មាន​ពាក្យ​ច​ចាម​អារាម​មួយ​លេចឡើង ហើយ​បាន​ផ្លាស់ប្ដូរ​អ្វីៗ​គ្រប់យ៉ាង​។ ពាក្យ​ច​ចាម​អារាម​នោះ​គឺ​អំពី​ដុំ​ព្រិល​និង​សំណួរ​គឺថា​… តើ​មិត្ដភាព​របស់​ពួកគេ​ស្ថិត​នៅ​ដដែល​ឬ​យ៉ាងណា​?


​សៀវភៅ​រឿង Girl on the Train
​ដោយ​អ្នកនិពន្ធ Paula Hawkins
​សៀវភៅ​រឿង Girl on the Train គឺជា​រឿង​ធ្វើឱ្យ​រំភើប​ញាប់​ញ័រ ដែល​នឹង​ធ្វើឱ្យ​អ្នក​ងឿងឆ្ងល់​អំពី​ជីវិត​របស់​អ្នកដទៃ​។ Rachel បាន​ហែល​ឆ្លង​នូវ​ការបាត់បង់​មួយ ហើយ​ពុះពារ​រកឃើញ​នូវ​សុភមង្គល​នៅក្នុង​ផ្ទះ​នា​ជាយក្រុង​មួយ ដែល​នាង​ឆ្លងកាត់​នៅ​ពេល​ធ្វើដំណើរ​ពី​ផ្ទះ​ទៅ​កន្លែង​ធ្វើការ​វេលា​ព្រឹក​មួយ​។ នាង​មាន​ពេល​ប្រហែល​ត្រឹមតែ​មួយ​នាទី​ប៉ុណ្ណោះ ដើម្បី​សម្លឹងមើល​ក្រុមគ្រួសារ​ដែល​គួរឱ្យ​ស្រឡាញ់ មុនពេល​នាង​ជិះ​រថភ្លើង​ឆ្លងកាត់ ប៉ុន្ដែ​នាង​មាន​ក្ដី​រីករាយ​ជា​ពន់ពេក​។

​អ្វីមួយ​ផ្លាស់ប្ដូរ​គួរឱ្យកត់សម្គាល់ នៅពេលដែល Rachel ឃើញ​នូវ​ហេតុការណ៍​មួយ​ក្នុង​រយៈពេល​ដ៏​ខ្លី​ហើយ​ងឿងឆ្ងល់​ជាខ្លាំង ថា​តើ​នាង​គួរតែ​ប្រាប់​ប៉ូលីស​នូវ​អ្វី​ដែល​នាង​បានឃើញ​ឬ​យ៉ាងណា​។ លុះ​ក្រោយមក​នាង​មាន​អារម្មណ៍​ច្របូកច្របល់ ហើយ​មាន​អារម្មណ៍​ស្ទាក់ស្ទើរ​ក្នុង​ការជួយ​សង្គ្រោះ​។

Girl on the Train ជា​រឿង​ធ្វើឱ្យ​រំភើប​ញាប់​ញ័រ ដែល​អ្នក​មិន​អាច​នឹង​អាន​រំលង​ឡើយ​។


​រឿង Room
​និពន្ធ​ដោយ Emma Donoghue
​បន្ទប់​គឺជា​កន្លែង​មួយ​សម្រាប់​រស់នៅ​ដ៏​សុខសាន្ដ​និង​គួរ​ជាទី​ស្រឡាញ់រ​បស់ Jack ប៉ុន្ដែ​ចំពោះ​ម្ដាយ​របស់​គាត់ វា​ជា​គុក​ទៅវិញ​ដែល​គាត់​បាន​ជាប់​ឃុំឃាំង​នៅ​ទីនោះ អស់​រយៈពេល​ប្រាំពីរ​ឆ្នាំ​ដោយសារ​ស្នាដៃ​របស់ Old Nick​។ ជាមួយនឹង​ការ​ជម្រុញ​ខ្លាំង​ពី​ម្ដាយ Ma ដើម្បីឱ្យ Nick រស់នៅ​បាន​ល្អ​ប្រសើរ​ជាង​មុន គាត់​រៀបចំ​គម្រោង​ដើម្បី​រត់​ចេញ​។ តើ​អ្នក​ម្ដាយ Ma បាន​គិត​អំពី​អ្វី​ដែល​បាន​កើតឡើង បន្ទាប់ពី​ពួកគេ​បាន​រត់គេចខ្លួន និង​អ្វី​ដែល​ពិភព​ដទៃទៀត​កំពុងតែ​ជួបប្រទះ​ដែរ​ឬទេ​?

Room គឺជា​សៀវភៅ​ដ៏​អស្ចារ្យ​ដែល​បរិយាយ​អំពី​ការភ័យខ្លាច ការតបត និង​ការជាប់​ចំណង​។ តើ​យើង​បាន​ធ្វើ​ការពណ៌នា​អំពី​រឿង​នេះ​ហើយ​ឬ​នៅ​?
​សៀវភៅ​នេះ​ត្រូវបាន​និទាន​ដោយ​ការយល់ឃើញ​របស់ Jack ដែល​មាន​អាយុ​៥​ឆ្នាំ​តែ​ប៉ុណ្ណោះ​។​


​សៀវភៅ​រឿង Where are you Bernadette
​និពន្ធ​ដោយ Maria Semple
Bernadette ជា​មនុស្ស​អង់អាច​ក្លាហាន ឥត​ចេះ​កោតញញើត និង​និយាយ​ឥត​សំចៃ​។ នាង​ជា​ស្ថាបត្យករ​ថ្មីថ្មោង និង​ជា​អ្នក​ម្ដាយ​/​មិត្ដភ័ក្ដិ​ដ៏​ល្អ​បំផុត​របស់ Bee ដែល​មាន​អាយុ​ដប់​ប្រាំ​ឆ្នាំ​។

​ពួកគេ​រស់នៅ​ទីក្រុង Seattle ហើយ​ពលរដ្ឋ​និង​បរិយាកាស​នៅ​ទីនោះ មាន​ច្រើន​លើសលុប​សម្រាប់ Bernadette ហើយ​ការ​ធ្វើការ​លើស​ម៉ោង​បាន​ក្លាយជា​រឿង​គួរឱ្យ​បារម្ភ​។ ទោះបីជា​យ៉ាងណា​ក៏ដោយ Bernadette បាន​សន្យា​ជាមួយ​នឹង Bee ថា​នឹង​ទៅ​កម្សាន្ដ​នៅ​ទ្វីប​អង់​តា​ក់ទិច ប្រសិន​បើ​នាង​ទទួលបាន​និទ្ទេស “A” ចំពោះ​របាយការណ៍​របស់​នាង ជា​ការពិត Bee អាចធ្វើ​បាន ប៉ុន្ដែ Bernadette បាន​បាត់​ខ្លួន​។
Bee ស្វែងរក​អ្នក​ម្ដាយ​របស់​នាង ហើយ​បាន​ប្រឈមមុខ​ជាមួយ​នឹង​ពិភពលោក​ដែល​តម្រង់​មក​រក​នាង​៕

Continue Reading

Entertainment

តើ​អ្នកដឹង​ទេ​?

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារា

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារាចម្រៀង​ល្បី​ផ្សេងទៀត​ដែរ​ទេ​? មិនមែន​តារាចម្រៀង​ទាំងអស់​សុទ្ធតែ​ចេះ​និពន្ធ​បទ​ចម្រៀង​ដោយ​ខ្លួនឯង​នោះទេ ប៉ុន្តែ​សម្រាប់​នាង Sia វិញ នាង​ជា​តារាចម្រៀង​ប្រកប​ដោយ​ទេព​កោ​ល​សល្យ​ដ៏​អស្ចារ្យ ហើយក៏​ជា​អ្នកនិពន្ធ​ចម្រៀង​ដ៏​ឆ្នើម​ម្នាក់​ផង​ដែរ​។ នាង​ជា​តារាចម្រៀង​ដែល​មានសំនៀង​ដ៏​ពិរោះ និង​មិន​ដែល​បង្ហាញមុខ​ឱ្យ​គេ​ឃើញ​ឡើយ​។ នាង​បាន​សរសេរ​បទ​ចម្រៀង​ល្បីៗ​ជាច្រើន​ឱ្យ​តារាចម្រៀង​ដទៃទៀត​ជាច្រើន​។ លោកអ្នក​ច្បាស់​ជា​ភ្ញាក់ផ្អើល​មិន​ខាន​ជាមួយ​ឈ្មោះ​បទ​ចម្រៀង​ខាងក្រោម​ដែល​នាង Sia បាន​សរសេរ​ដែល​បទ​ទាំងនោះ​មាន​តាំង​ពី​បទ​ឈឺចាប់ បទ​ដែល​ត្រូវ​ប្រើ​សំឡេង​ខ្ពស់ និង​បទ​សប្បាយៗ​បែប​ទាក់ទាញ​ជាច្រើន​។


​បទ​ចម្រៀង​ល្បីៗ​ដែល​នាង Sia និពន្ធ​៖
​បទ “Expertease (Ready, Set, Go)” ច្រៀង​ដោយ Jennifer Lopez
​បទ “Opportunity” ច្រៀង​ដោយ Quvenzhané Wallis
​បទ “Diamonds” ច្រៀង​ដោយ Rihanna
​បទ “Making the Most of the Night” ច្រៀង​ដោយ Carly Rae Jepsen
​បទ “Chasing Shadows” ច្រៀង​ដោយ Shakira
​បទ “Get Over U” ច្រៀង​ដោយ Neon Hitch
​បទ “Blank Page” ច្រៀង​ដោយ Christina Aguilera
​បទ “Brightest Morning Star” ច្រៀង​ដោយ Britney Spears
​បទ “My Heart Is Open” ច្រៀង​ដោយ Maroon 5 និង Gwen Stefani
​បទ “Double Rainbow” ច្រៀង​ដោយ Katy Perry
​បទ “Kiss Me Once” ច្រៀង​ដោយ Kylie Minogue
​បទ “Battlefield” ច្រៀង​ដោយ Lea Michele
​បទ “Boy Problems” ច្រៀង​ដោយ Carly Rae Jepsen
​បទ “Perfume” ច្រៀង​ដោយ Britney Spears
​បទ “Pretty Hurts” ច្រៀង​ដោយ Beyoncé
​បទ​ចម្រៀង​ជាច្រើន​ទៀត​ដែល​និពន្ធ​ដោយ​នាង Sia៖
​បទ “Godzillionaire” ច្រៀង​ដោយ Brooke Candy
​បទ “Guitars and Microphones” ច្រៀង​ដោយ Kate Pierson
​បទ “We Are One (Ole Ola)” ច្រៀង​ដោយ Pitbull, Jennifer Lopez និង Claudia Leitte
​បទ “Pop Rock” ច្រៀង​ដោយ Brooke Candy
​បទ “Matrix” ច្រៀង​ដោយ Kate Pierson
​បទ “Acid Rain” ច្រៀង​ដោយ Alexis Jordan
​បទ “Any Day Now” ច្រៀង​ដោយ Cheyenne Jackson
​បទ “I Will Get Over You” ច្រៀង​ដោយ Prischilla Ahn
​បទ “These Hands I Hold” ច្រៀង​ដោយ Bo Bruce
​បទ “Gentlemen” ច្រៀង​ដោយ Jessica Sanchez
​បទ “Crush Me With Your Love” ច្រៀង​ដោយ Kate Pierson
​បទ “Bound to You” ច្រៀង​ដោយ Christina Aguilera
​បទ “God Made You Beautiful” ច្រៀង​ដោយ Beyoncé
​បទ “She’s Pretty, She Lies” ច្រៀង​ដោយ Cheyenne Jackson
​បទ “Freeze You Out” ច្រៀង​ដោយ Marina Kaye
​បទ “Rise Up” ច្រៀង​ដោយ Beyoncé
​បទ “Knock You Out” ច្រៀង​ដោយ Bingo Players


​បទ “Don’t Look at Me” ច្រៀង​ដោយ Cheyenne Jackson
​បទ “Kill, F—k, Marry” ច្រៀង​ដោយ Nikki Williams
​បទ “Rock Bottom” ច្រៀង​ដោយ Marco Mengoni
​បទ “Unite” ច្រៀង​ដោយ Jessie J
​បទ “Bottoms Up” ច្រៀង​ដោយ Kate Pierson
​បទ “Stronger Than Ever” ច្រៀង​ដោយ Christina Aguilera
​បទ “You’re Mine” ច្រៀង​ដោយ Lea Michele
​បទ “Opulence” ច្រៀង​ដោយ Brooke Candy
​បទ “Mister Sister” ច្រៀង​ដោយ Kate Pierson
​បទ “Break the Walls” ច្រៀង​ដោយ Fitz and the Tantrums
​បទ “Strange Birds” ច្រៀង​ដោយ Birdy
​បទ “Radioactive” ច្រៀង​ដោយ Rita Ora
​បទ “Round Your Little Finger” ច្រៀង​ដោយ Katharine McPhee
​បទ “Tears Fall” ច្រៀង​ដោយ Jacquie Lee
​បទ “Breathe” ច្រៀង​ដោយ Jessie J
​បទ “Firecracker” ច្រៀង​ដោយ Cheryl
​បទ “You Don’t Know” ច្រៀង​ដោយ Will Young
​បទ “The Game” ច្រៀង​ដោយ Kelly Rowland
​បទ “You Lost Me” ច្រៀង​ដោយ Christina Aguilera
​បទ “Bring Your Arms” ច្រៀង​ដោយ Kate Pierson
​បទ “Let Me Love You (Until You Learn to Love Yourself)” ច្រៀង​ដោយ Ne-Yo
​បទ “All I Need” ច្រៀង​ដោយ Christina Aguilera
​បទ “Green Card” ច្រៀង​ដោយ Oh Land
​បទ “Standing on the Sun” ច្រៀង​ដោយ Beyoncé


​បទ “Invincible” ច្រៀង​ដោយ Kelly Clarkson
​បទ “Loved Me Back to Life” ច្រៀង​ដោយ Celine Dion
​បទ “Utopia” ច្រៀង​ដោយ Belinda
​បទ “Time Wave Zero” ច្រៀង​ដោយ Kate Pierson
​បទ “Flashlight” ច្រៀង​ដោយ Jessie J
​បទ “Cannonball” ច្រៀង​ដោយ Lea Michele
​បទ “Who Am I?” ច្រៀង​ដោយ Jamie Foxx, Cameron Diaz និង Quvenzhané Wallis
​បទ “I Am” ច្រៀង​ដោយ Christina Aguilera
​បទ “If You Say So” ច្រៀង​ដោយ Lea Michele
​បទ “Let Your Tears Fall” ច្រៀង​ដោយ Kelly Clarkson
​បទ “I Am Me” ច្រៀង​ដោយ Willow
​បទ “The City’s Yours” ច្រៀង​ដោយ Jamie Foxx និង Quvenzhané Wallis
​បទ “Try Everything” ច្រៀង​ដោយ Shakira
​បទ “Passenger” ច្រៀង​ដោយ Britney Spears
​បទ “Pulls You Under” ច្រៀង​ដោយ Kate Pierson
​បទ “Sexercise” ច្រៀង​ដោយ Kylie Minogue
​បទ “Throw Down the Roses” ច្រៀង​ដោយ Kate Pierson​

Continue Reading

Trending

Copyright © 2018 Ladies Magazine Cambodia.