Connect with us

Health & Fitness

ការពិត​ទាក់ទង​នឹង​កុមារ​ត្រូវការ​ជំនួយ​ពិសេស​

​វា​ជា​រឿង​ធម្មតា​ដែល​ក្មេង​កើត​មក​គឺ​ត្រូវការ​ការយកចិត្តទុកដាក់​ជាពិសេស​។ ប៉ុន្តែ​សម្រាប់​កុមារ​ដែល​ត្រូវការ​

​វា​ជា​រឿង​ធម្មតា​ដែល​ក្មេង​កើត​មក​គឺ​ត្រូវការ​ការយកចិត្តទុកដាក់​ជាពិសេស​។ ប៉ុន្តែ​សម្រាប់​កុមារ​ដែល​ត្រូវការ​ជំនួយ​ពិសេស​គឺ​មិន​ដូចគ្នា​ឡើយ ដោយ​ពួកគេ​មិន​ត្រូវការ​ការយកចិត្ត​ទុកដាក់​ដូច​កុមារ​ធម្មតា​ឡើយ​។ កុមារ​ត្រូវការ​ជំនួយ​ពិសេស​ទាំងនេះ​ខ្លះ​មាន​បញ្ហា​រៀន​មិនទាន់​គេ ឬ​ខ្លះ​ទៀត​មាន​ការគិត និង​ការចងចាំ​ខ្សោយ ខ្លះ​មាន​បញ្ហា​អា​លែរ​ហ្ស៊ី​ជាមួយ​អាហារ​មួយ​ចំនួន និង​ខ្លះទៀត​មាន​ជំងឺ​ព្យាបាល​មិនជា​ជាដើម​។ ពួកគេ​អាច​មាន​ការអភិវឌ្ឍ​យឺតយ៉ាវ ហើយ​ចំពោះ​ក្មេង​ខ្លះ​អាច​នឹង​តាម​ទាន់​ដូច​ក្មេង​ទូទៅ តែ​ក្មេង​ខ្លះ​ទៀត​អាច​នឹង​នៅ​បែបនេះ​ជា​រៀងរហូត​។ ក្មេង​ខ្លះ​អាច​នឹង​មាន​អារម្មណ៍​ភ័យខ្លាច​ម្តងម្កាល ឬក៏​មាន​បញ្ហា​ផ្លូវចិត្ត​ធ្ងន់ធ្ងរ​។ អ្នកជំនាញ​ធ្វើ​ការវិភាគ​ពួកគេ​ម្នាក់ៗ​ដោយឡែក​ពីគ្នា​ដើម្បី​ធ្វើការ​ព្យាបាល និង​ផ្តល់​ជំនួយ​ឱ្យ​សមស្រប​ទៅតាម​ស្ថានភាព​ជំងឺ​របស់​ពួកគេ​ម្នាក់ៗ ក៏ដូចជា​ស្ថានភាព​ក្រុមគ្រួសារ​របស់​ក្មេង​។​


​យើង​ត្រូវមាន​ការយល់ដឹង​ច្រើន​ចម្រុះ​គ្នា​ដើម្បី​អាច​កំណត់​ដឹង​ពី​តម្រូវការ​របស់​កុមារ​ម្នាក់ៗ​។ ត្រូវ​ដឹង​ច្បាស់​ថា​គួរ​ធ្វើ​អ្វី ឬ​មិន​គួរ​ធ្វើ​អ្វី ត្រូវ​ចៀសវាង​ឱ្យ​ពួកគេ​ទទួលទាន​អាហារ​អ្វីខ្លះ សកម្មភាព​អ្វី​ដែល​ពួកគេ​ធ្វើ​បាន ឬ​មិន​បាន អ្វី​ទាំងនេះ​អាច​ធ្វើឱ្យ​ក្រុម​គ្រួសារ​មាន​ការលំបាក​ខ្លាំង​។ មាន​គ្រួសារ​ជាច្រើន​បាន​សោកស្តាយ​ដែល​កូនៗ​របស់​ខ្លួន​បាត់បង់​នូវ​ឱកាសល្អៗ​ដោយសារ​តែ​ភាព​ពិការ​របស់​ខ្លួន​។ លក្ខខណ្ឌ​ជំងឺ​របស់​កុមារ​ខ្លះ​អាច​នឹង​ឈាន​កាន់តែ​អាក្រក់​ឡើងៗ នេះ​ជា​អ្វី​ដែល​ក្រុមគ្រួសារ​មាន​ការលំបាក និង​ឈឺចាប់​បំផុត​។ តែ​ក៏​មាន​គ្រួសារ​ខ្លះ​យល់​ថា​ការលំបាក​ដែល​កូន​របស់​ខ្លួន​ទទួលរង​ក៏​មាន​ចំណុច​វិជ្ជមាន​មួយ​ចំនួន​ដែរ​ដោយ​ពួក​គេ​ជឿ​ថា​ភាពទន់ខ្សោយ​រមែង​តែង​អម​ដោយ​កម្លាំង​ចិត្តខ្លាំង​ក្លា​។ ទោះយ៉ាងណា ថ្វី​បើ​គ្រួសារ ២ មាន​កូន​ពិការ​ដូចគ្នា​ប៉ុន្តែ​មិន​បានន័យថា​ស្ថានភាព​គ្រួសារ​ពួក​គេ​ដូច​គ្នា​នោះទេ​។ គ្រួសារ​ដែល​មាន​កូន​លូត​លាត់​យឺត​គឺ​មាន​ការលំបាក​ខុសគ្នា​ពី​គ្រួសារ​ដែល​កូន​មាន​ជំងឺ​រ៉ាំរ៉ៃ ហើយ​រឹតតែ​ខុស​គ្នា​ជាមួយ​គ្រួសារ​ដែល​កូន​មាន​ជំងឺផ្លូវចិត្ត ឬ​រៀន​មិនទាន់​គេ ឬ​មាន​អាកប្បកិរិយា​មិន​ប្រក្រតី​ជាដើម​។

Portrait of beautiful young girl smiling in park

​ក្នុងចំណោម​ជំងឺ​រៀបរាប់​ខាងលើ កុមារ​មួយចំនួន​អាច​នឹង​ជួប​បញ្ហា​ជាមួយ​ការប្រើប្រាស់​ថ្នាំ ដូចជា​កុមារ​ដែល​មាន​ស្ថានភាព​ជំងឺ​ធ្ងន់ធ្ងរ​រួមមាន​ជំងឺមហារីក ជំងឺ​បេះដូង​ប្រហោង ជំងឺ​ស្វិត​សាច់ដុំ និង​ជំងឺ​ខ្វះ​ឈាម ឬ​កុមារ​ដែល​មាន​ជំងឺ​រ៉ាំរ៉ៃ​ដូចជា​ជំងឺហឺត និង​ជំងឺរបេង និង​កុមារ​ដែល​មាន​ជំងឺ​ពី​កំណើត​ដូចជា​ជំងឺ​ខ្សោយ​សរសៃប្រសាទ ជំងឺ​ទាប​ពី​កំណើត​។ ចំណែកឯ​ជំងឺ​ផ្សេងៗ​ទៀត​ដូចជា​ជំងឺ​អា​លែរ​ហ្ស៉ី​ជាមួយ​ម្ហូបអាហារ និង​ជំងឺ​ធាត់​ក៏​ជា​ជំងឺ​ដែល​គេ​ឧស្សាហ៍​ឃើញ​មាន​ច្រើន​ដែរ​។


​ចំពោះ​ក្មេង​ដែល​មាន​បញ្ហា​ជាមួយ​ថ្នាំពេទ្យ​អាច​នឹង​ត្រូវការ​ធ្វើ​តេស្ត​ជាច្រើន​ដូចជា​សម្រាក​នៅ​មន្ទីរពេទ្យ​រយៈពេល​វែង ព្យាបាល​ដោយ​ឧបករណ៍​ថ្លៃៗ និង​កន្លែង​ស្នាក់នៅ​ដែល​មាន​បំពាក់​ឧបករណ៍​ជំនួយ​ពិសេសៗ​។ ក្រុមគ្រួសារ​ជារឿយៗ​តែងតែ​ជួបនឹង​វិបត្តិ​ញឹកញយ ដូចជា​ភាពស្ទាក់ស្ទើរ និង​ក្តីបារម្ភ​។ ការធ្វើ​រោគវិនិច្ឆ័យ​ជាមួយ​ជំងឺ​មួយចំនួន​ដូចជា​ជំងឺ​ខ្សោយ​ការយកចិត្តទុកដាក់ និង​រពឹស (ADHD) ជំងឺ​មិន​ប្រក្រតី​ដោយសារតែ​ម្តាយ​សេព​គ្រឿង​ស្រវឹង​អំឡុង​ពេល​មាន​ផ្ទៃពោះ (Fetal Alcohol Spectrum Disorder) ជំងឺ​ខ្សោយ​សរសៃប្រសាទ​វិញ្ញាណ (Dysfunction of Sensory Integration) ជំងឺ​ទាញ​សរសៃ (Tourette syndrome) សុទ្ធតែ​ត្រូវការ​វិធីសាស្ត្រ​ព្យាបាល​ផ្សេងៗ​ពី​គ្នា​ឱ្យ​សមស្រប​ទៅ​តាម​លក្ខខណ្ឌ​នៃ​អាការ​របស់​អ្នកជំងឺ​នី​មួយៗ ចំណែកឯ​គ្រួសារ​អ្នកជំងឺ​អាច​នឹង​ត្រូវ​ចំណាយ​ប្រាក់​ច្រើន​ចំពោះ​បញ្ហា​នេះ​។


​ជំងឺ​មួយ​ចំនួន​ដូច​ជា​ជំងឺ​អូ​ទី​ស្សឹម ជំងឺ​មិន​គ្រប់​ទឹក និង​ជំងឺ​ខ្សោយ​បញ្ញា​តែងតែ​ធ្វើ​ឱ្យ​កុមារ​ត្រូវបាន​គេ​រើសអើង​។ ចំពោះ​កុមារ​ដែល​មាន​ជំងឺ​ខ្សោយ​ខួរក្បាល​រៀន​មិនទាន់​គេ​ដូច​ជា​ជំងឺ​ខ្សោយ​ការអាន និង​ជំងឺ​ខ្សោយ​ការ​ស្តាប់ គឺ​ចាំបាច់​ត្រូវ​ទទួលយក​ការបង្រៀន​ដែល​ប្រើ​វិធីសាស្ត្រ​ពិសេស​ដើម្បី​ឱ្យ​សមស្រប​នឹង​លក្ខខណ្ឌ​ជំងឺ​របស់​ពួកគេ​។ ចំណែកឯ​កុមារ​ដែល​មាន​បញ្ហា​ផ្លូវ​ចិត្ត​រួម​មាន​ជំងឺ​បាក់​ទឹកចិត្ត និង​ជំងឺ​ថប់​បារម្ភ​អាច​នឹង​បង្ក​គ្រោះថ្នាក់​ដែល​នឹកស្មាន​មិន​ដល់​ចំពោះ​ខ្លួន​គេ​ផ្ទាល់ និង​សមាជិក​គ្រួសារ​របស់​គេ​។ ការរស់នៅ​ជាមួយ​កុមារ​ដែល​មាន​បញ្ហា​ផ្លូវចិត្ត​អាចធ្វើឱ្យ​ក្រុម​គ្រួសារ​មាន​អារម្មណ៍​ភ័យខ្លាច​ដោយសារតែ​ការប្រែប្រួល​អារម្មណ៍​ញឹកញាប់​របស់​អ្នកជំងឺ និង​ភាព​រឹងទទឹង​របស់គេ​។ ឪពុក​ម្តាយ​អ្នកជំងឺ​គួរតែ​រក​ជំនួយ​ពី​ក្រុមគ្រូពេទ្យ​ដែល​មាន​ជំនាញ​ត្រឹមត្រូវ និង​ត្រូវ​សម្រេចចិត្ត​ជ្រើសរើស​វិធីសាស្ត្រ​ព្យាបាល​ដោយ​ប្រើ​ចិត្តសាស្ត្រ ថ្នាំពេទ្យ ឬ​ព្យាបាល​នៅ​មន្ទីរពេទ្យ​។ ការមើលរំលង​រោគសញ្ញា និង​ការ​ស្មាន​ខុស​អាច​បង្ក​ឱ្យមាន​គ្រោះថ្នាក់​បាន​៕
​ទោះបី​កុមារ​ពិការ​ទាំងនោះ​មាន​លក្ខណៈ​ខុសៗ​គ្នា និង​ស្ថានភាព​គ្រួសារ​នីមួយៗ​មិន​ដូចគ្នា​ក៏ដោយ តែ​មាន​បញ្ហា​មួយចំនួន​ដែល​ពួកគេ និង​ក្រុមគ្រួសារ​ជួបប្រទះ​ដូចគ្នា ដូចជា​ការខ្វះ​ការយកចិត្តទុកដាក់​ស​ម​ស្រប និង​ខ្វះ​ការទទួលស្គាល់​ពី​សាច់ញាតិ សាលា និង​សង្គម​។


​មាន​ការភ្ញាក់ផ្អើល​ខ្លាំង​ពី​សំណាក់​អ្នកលេង Facebook ដោយ​ពួកគេ​នាំគ្នា​បង្ហោះ និង​ចែកចាយ​សំណេរ​មួយ​និយាយ​ពី​ហេតុការណ៍​មួយ​ដែល​កើតឡើង​លើ​កុមារ​ត្រូវការ​ជំនួយ​ពិសេស​ម្នាក់​។ មាន​មនុស្ស​ម្នាក់​បាន​និយាយថា​មូលហេតុ​ដែល​គេ​បង្កើត​ឱ្យមាន​សំណេរ​បង្ហោះ​ត​គ្នា​បែប​នេះ​ឡើង​គឺ​ព្រោះតែ “​ការរើសអើង​មិនឱ្យ​កុមារ​កើត​ជំងឺ​អូ​ទី​ស្សឹម​ទៅ​ចូលរួម​ដំណើរ​កម្សាន្ត​របស់​សាលា​។​” ការ​បង្ហោះ​ត​គ្នា​បែប​នេះ​គឺ​ក្នុង​បំណង​សង្ឃឹម​ថា​បញ្ហា​ដែល​គ្រួសារ​កុមារ​ពិការ​តែងតែ​ជួបប្រទះ​ជាប្រចាំ​នេះ​អាច​នឹង​មាន​គេ​ដឹងលឺ​។ ខាងក្រោម​នេះ​ជា​សំណេរ​មួយ​នេះ ប្រសិនបើ​អ្នក​មិនទាន់​បាន​អាន​៖
“​ឪពុក​ម្តាយ​របស់​ខ្ញុំ​បាន​ប្រៀនប្រដៅ​ខ្ញុំ​ថា កុំ​ញ៉ាំ​អាហារ​សម្ញែង​នៅមុខ​អ្នកផង ប្រសិនបើ​ខ្ញុំ​គ្មាន​អាហារ​គ្រប់គ្រាន់​សម្រាប់​ចែករំលែក​ពួកគេ​បាន​គ្រប់គ្នា​។ ប្រសិនបើ​ខ្ញុំ​រៀបចំ​ពិធី​ជប់លៀង ហើយ​ខ្ញុំ​អញ្ជើញ​មិត្ត​រួម​ថ្នាក់ ខ្ញុំ​ត្រូវតែ​អញ្ជើញ​មិត្ត​រួម​ថ្នាក់​ទាំងអស់គ្នា​។ ពេល​ដែល​ខ្ញុំ​ធ្វើ​ការងារ​ស្ម័គ្រចិត្ត ខ្ញុំ​តែងតែ​មកដល់​មុនគេ និង​ចេញពី​ការងារ​ក្រោយ​គេ​។ ចំពោះ​ព័ត៌មាន​ថ្មីៗ​នេះ​ដែល​និយាយ​ពី​ការរើសអើង​មិន​ឱ្យ​កុមារ​ដែល​មាន​ជំងឺ​អូ​ទី​ស្សឹម (​ពិការភាព​លើ​ការអភិវឌ្ឍ​ខួរក្បាល​) មិន​ឱ្យ​ចូលរួម​កម្មវិធី​ដំណើរ​កម្សាន្ត​របស់​សាលា ខ្ញុំ​មាន​អារម្មណ៍​ថា​ខ្ញុំ​ចាំបាច់​ត្រូវតែ​សរសេរ​ពី​រឿង​នេះ​។​”

Close-up of a smiling little girl

​មាន​ក្មេងប្រុស និង​ក្មេង​ស្រី​ជាច្រើន​ដែល​តែងតែ​មិន​ត្រូវបាន​គេ​អញ្ជើញ​ឱ្យទៅ​ចូលរួម​ពិធី​កំណើត​។ មាន​កុមារ​ពិការ​ជា​ច្រើន​ដែល​តែងតែ​ចង់​ដើរលេង​ជាមួយ​មនុស្ស​ក្នុង​ក្រុម​របស់​ខ្លួន ប៉ុន្តែ​មិន​ដែល​ត្រូវបាន​គេ​ហៅ​ឱ្យទៅ​ជាមួយ ព្រោះ​ពួកគេ​រើសអើង​ក្មេងៗ​ទាំងនោះ​។ កុមារ​ដែល​ត្រូវការ​ជំនួយ​ពិសេស​ទាំងនេះ​មិនមែន​ជា​មនុស្ស​ចម្លែក​អ្វី​នោះទេ​។ ពួក​គេ​ចង់បាន​នូវ​អ្វី​ដែល​អ្នក​គ្រប់​គ្នា​ចង់បា​ន នោះ​គឺ​ការទទួលស្គាល់​/​ទទួលយក​ពួកគេ​។​
​ខ្ញុំ​សុំ​សួរ​អ្នកមួយ​សំណួរ​បាន​ទេ​? តើ​មាន​នរណា​ដែល​ហ៊ាន​ចម្លង​យក​សំណេរ​ទាំងនេះ​ទៅ​បង្ហោះ​ក្នុង​បណ្តាញ​សង្គម​របស់​ខ្លួន​ដូច​ដែល​ខ្ញុំ​បាន​ធ្វើ​ជូន​មិត្ត​ភ័ក្តិ​របស់ខ្ញុំ​ដែរ​ទេ​? នេះ​ជា​សំណើ​មួយ​ពី​មិត្ត​របស់ខ្ញុំ​ស្នើឱ្យ​ខ្ញុំ​ធ្វើ​។​”

Health & Fitness

វី​ធឺ​សាស្ត្រ​ថែទាំ​សុខភាព​ភ្នែក​

វី​ធឺ​សាស្ត្រ​លើ​ក​កំពស់​ការយល់ដឹង​អំពី​ជំងឺភ្នែកឡើងបាយ​ពី​ធម្មជាតិ ហើយ​វិធី​ការពារ​មួយ

វី​ធឺ​សាស្ត្រ​លើ​ក​កំពស់​ការយល់ដឹង​អំពី​ជំងឺភ្នែកឡើងបាយ​ពី​ធម្មជាតិ ហើយ​វិធី​ការពារ​មួយចំនួន ដែល អ្នក​ត្រូវ​ដឹង ជា​ការចាំបាច់​ក្នុង​ការថែរក្សា​សុខភាព​កែវភ្នែក​របស់​អ្នក ក៏ដូចជា​ខ្លួន​អ្នក​ឱ្យ​នៅតែ​មាន សុខភាព​ល្អ​ជា​និរន្ត​ផងដែរ​។ ជំងឺ​ឡើងបាយ​ភ្នែក​ត្រូវបាន​គេ​ដឹងថា​ជា​ជម្ងឺ​មួយ​ដែល​អាច​ធ្វើអោយ មនុស្ស​យើង​ងងឹតភ្នែក​នៅ​ពាសពេញ​ពិភពលោក​! ប៉ុន្តែ​ជំងឺ​មួយ​នេះ​នៅ​អាច​ការពារ​បាន​។ ជំងឺ​ឡើង បាយ​ភ្នែក​គឺ​ធ្វើអោយ​កែវភ្នែក​ខាងក្នុង​របស់​អ្នក​ស្រអាប់ ហើយ​ប្រសិនបើ​អ្នក​មិន​បាន​ការពារ​ទុកជា មុន​ទេ ភ្នែក​របស់​អ្នក​អាច​នឹង​ប៉ះពាល់​ធ្ងន់ធ្ងរ​រហូតដល់​ថ្នាក់​វះកាត់​នៅ​ថ្ងៃ​ខាង​មុខ​ក៏​ថា​បាន​។​ ​

​នេះ​គឺជា​វី​ធី ៦​យ៉ាង​ដែល​អ្នក​អាច​ការពារ​កែវភ្នែក​របស់​អ្នក​៖

១.​ស្រស់​ស្រួប​អាហារ​ដែល​ជួយ​ការពារ​ភ្នែក​របស់​អ្នក​
​ថែរក្សា​សុខភាព​ភ្នែក​ជាមួយ​អាហារ​ខាង​ក្រោម​ដូច​ជា​៖
-​ការ៉ុត​
-​បន្លែ​បៃតង​ដូចជា ស្ពៃ​អេពី​ណា ស្ពៃ​ឃែល ឬ ស្ពៃ​ខូ​ឡា​ត​
-​ត្រីសូ​ម៉ុង ត្រីធូ​ណា ឬ ខ្លាញ់​ត្រី​
-​ស៊ុត ផ្លែ​ណាត់ សណ្តែកដី និង អាហារ​មាន​ប្រភព​ប្រូតេអ៊ីន​ច្រើន​ដែល​មិនមែន​ជា​សាច់
-​ក្រូច​និង​ផ្លែ​ឈើ​ដែល​មាន​សាច់​និង​ទឹក​ច្រើន

This is a close-up of vegetables and fruits.

​អ្នក​ប្រហែលជា​គិតថា សុខភាព​ល្អ​គឺ​ទាក់ទង​តែ​នឹង​ទម្ងន់ និង បេះដូង​តែប៉ុណ្ណោះ ប៉ុន្តែ​សារ ពាង្គ​កាយរ​បស់​មនុស្ស​សុទ្ធតែ​មាន​លក្ខណៈ​ប្រាស័យ​ទាក់ទង​គ្នា​ទាំងអស់​។ ប៉ុន្តែ​សម្រាប់ ការ​ស្រសស្រូប​អាហារ​ត្រឹមត្រូវ​គឺ​ធ្វើអោយ​យើង​សុខភាព​ល្អ​អាច​ការពារ​ជំងឺ​ទឹកនោម​ផ្អែម​បាន​ទៀតផង​។ ជំងឺ​ទឹកនោម​ផ្អែម​គឺជា​បញ្ហា​មួយ​ដែល​នាំ​អ្នក​មាន​អា​ការៈដែល​ធ្វើអោយ​អ្នក​មាន បញ្ហា​ងងឹតភ្នែក​បាន​ក្នុងអំឡុង​អាយុ​ពេញវ័យ​។ ត្រូវ​ចេះ​ប្រយ័ត្នប្រយែង​ចំពោះ​អ្វី​ដែល​បរិភោគ ចូលទៅ​ក្នុង​ខ្លួន​ហើយ​ក៏​កុំ​ធ្វើអោយ​ខ្លួន​អ្នក​ប្រែក្លាយ​ជា​កន្លែង​ចាក់សម្រាម​សម្រាប់​ម្ហូបអាហារ​ផ្តេសផ្តាស​ដែល​មិនល្អ​ចំពោះ​ខ្លួន​អ្នក​ផងដែរ​។

Stop smoking now

២.​បញ្ឈប់​ការជក់បារី​
​ការជក់បារី​អាច​នាំ​អោយ​ភ្នែក​របស់​អ្នក​កើត​ជា​ជំងឹ​ឡើងបាយ​ភ្នែក​ហើយ​វា​ក៏​ធ្វើអោយប៉ះពាល់​ដល​
​ស​សៃ​ភ្នែក​របស់​អ្នក​ថែមទៀត​ផង​។ ការជក់បារី​គឺ​ពិតជា​មិនល្អ​ចំពោះ​សុខភាព​ហើយ​ជាពិសេស​គឺ​ខ្ជះ ខ្ជាយ ប្រាក់កាស​របស់​អ្នក​ថែមទៀត​ផង​។


៣.​ពាក់​វ៉ែនតា​ការពារ​កំដៅថ្ងៃ​
​សាកល្បង​យក​ពេល​អាន​អក្សរ​នៅ​លើ​ដង​វ៉ែន​តាខ្មៅ ដោយ​ជ្រើស​យក​វ៉ែនតា ដែល​ការពារ ភ្នែក​របស់​អ្នក​ពី​ពន្លឺ​ថ្ងៃ​ពី​កាំរស្មី UV​។ យ៉ាងណាមិញ ការ​មាន​រ៉ែ​ន​តាខ្មៅ​មួយ​ជាប់​ខ្លួន យ៉ាងណា​ក៏​វា​ល្អ​ជា​ជាង​គ្មាន​នោះ​ដែរ​។ រក​វ៉ែន​តាខ្មៅ​ណា​ដែល​អាច​ការពារ​ពន្លឺ UVA និង UVB បាន​ទៀត រឹតតែ​ប្រសើរ​។ លើសពីនេះ​ទៀត វ៉ែនតា​ការពារ​ពន្លឺ​ព្រះ​អាទិ​ត្រ​អាចជួយ​ការពារ នឹង​កាត់បន្ថយ​ភាព​ជ្រីវជ្រួញ​នៅ​ជុំវិញ​រង្វង់​ភ្នែក​របស់​អ្នក​បាន​ទៀតផង​។ ដើម្បី​សម្រស់ និង​សុខភាព​ល្អ នៅ​រងចាំ​ដល់​ណា​ទៀត​? អ្នក​គួរ​ប្រញាប់​ទិញ​យក​មក​ប្រើ​មួយ​ហើយ​។

Japanese woman looking in the mirror

៤.​ប្រើប្រាស់​ឧបករណ៍​ការពារ​
​ប្រសិនបើ​ការងារ ឬក៏​ចំណង់​ចំណូលចិត្ត​របស់​អ្នកត្រូវការ​ប្រើ​ភ្នែក​ច្រើន​ដូចជា កាប់​ឈើ ផ្សា​ដែក ហែល​ទឹក ធ្វើ​សំណង់ នៅក្រោម​ពន្លឺ​ថ្ងៃ​ដែល​ភ្លឺ​ខ្លាំង រួមទាំង កីឡា​ជាក់លាក់​ណាមួយ ឬក៏​ឧបករណ៍​ដែល​អាច​បង្ក​ឱ្យមាន​ភាព​គ្រោះថ្នាក់​ច្រើន​នោះ​ដូចនេះ​អ្នក​ត្រូវ​តែ​ប្រើប្រាស់​
​វ៉ែនតា​ការពារ​ជា​ចាំបាច់​ហើយ​។​

Woman smiling with perfect smile and white teeth in a park and looking at camera

៥. យក​ពេល​សម្រាក​ពី​ការ​សម្លឹងមើល​អេក្រង់​កុំព្យូទ័រ​
​ការ​សម្លឹង​មើល​អេក្រង់​កុំព្យូទ័រ​យូរពេក​អាច​បង្ក​អោយមាន​បញ្ហា​ដូចជា​
-​ឈឺភ្នែក​
-​មើល​មិនសូវ​ច្បាស់​
-​ពិបាក​សម្លឹង​មើល​ឆ្ងាយ​
-​កែវភ្នែក​ខ្វះ​សំណើម​
-​ឈឺក្បាល​
-​ឈឺ​ក ខ្នង និង​ស្មា

​វា​ពិតជា​មាន​សារៈសំខាន់​ណាស់​ក្នុង​ការ​យក​ពេល​ដើម្បី​សម្រាក​ពី​ការ​សម្លឹងមើល​អេក្រង់​យូរពេក​ដូចជា​ជៀសវាង​មុនពេល​ចូល​គេង និង បន្ថយ​ពន្លឺ​អេក្រង់​កុំព្យូទ័រ​របស់​អ្នក​ជាដើម​។


៦.​ទៅ​ពិគ្រោះ​យោបល់​ជាមួយ​វេជ្ជបណ្ឌិត​ជំនាញ​អោយ​បាន​ជាប់លាប់​
​ទៅ​ពិគ្រោះ​យោបល់​ជាមួយ​វេជ្ជបណ្ឌិត​ជំនាញ​ខាង​ភ្នែក​និង​សុខភាព​ដើម្បី​ថែរក្សា​សុខភាព​ភ្នែក​​របស់​អ្នកជា​ចាំបាច់​។

Continue Reading

Health & Fitness

លំ​ហាត់ប្រាណ​សម្រាប់​ស្ត្រី​មាន​ផ្ទៃពោះ​

តើ​ការ​ហាត់ប្រាណ​ក្នុងពេល​មាន​ផ្ទៃពោះ​មាន​សុវត្ថិភាព​ដែរឬទេ​? ចម្លើយ​នោះ​គឺ ពិតជា​មាន សុវត្ថិភាព​! ប៉ុន្តែ​

​តើ​ការ​ហាត់ប្រាណ​ក្នុងពេល​មាន​ផ្ទៃពោះ​មាន​សុវត្ថិភាព​ដែរឬទេ​? ចម្លើយ​នោះ​គឺ ពិតជា​មាន សុវត្ថិភាព​! ប៉ុន្តែ​ដើម្បី​ហាត់​បាន​គឺ​ដំណាក់កាល​សំខាន់ៗ​មួយចំនួន​ដែល​អ្នក​ត្រូវ​ត្រងត្រាប់ តាម ជាពិសេស​គឺ​សម្រាប់​ក្នុង​អំឡុង​ពេល​មាន​ផ្ទៃពោះ​តែម្តង ព្រោះ​ដើម្បី​ជា​ការការពារ សម្រាប់​អ្នក ក៏ដូចជា​បុត្រ​ក្នុង​ផ្ទៃ​របស់​អ្នក​ផងដែរ​។ ជំ​ហ៊ាន​ហាត់ប្រាណ​ទាំង​៥ ខាងក្រោម​នេះ​នឹង​បង្ហាញ​អ្នក​អោយ​ឃើញ​ថា បើ​ទោះបីជា​កំពុង​មានគភ៌​ក៏ដោយ ក៏​អ្នក​អាច សកម្ម ដោយ​សុវត្ថិភាព​បាន​ដែរ​។

Beautiful pregnant woman doing pilates isolated on white background

១ ពិនិត្យ​ស្ថានភាព​សុខភាព​ជា​មួយ​វេជ្ជបណ្ឌិត
​ត្រូវ​ប្រាកដ​អោយ​ច្បាស់​ជាមួយ​វេជ្ជបណ្ឌិត ថា​តើ​លក្ខខណ្ឌ​សុខភាព​របស់​អ្នក​គឺ​ពិតជា​អាច​​អនុញ្ញាត​ហាត់ប្រាណ​ក្នុងពេល​មាន​ផ្ទៃ​។ ប្រសិនបើ​អ្នក​មាន​ទំលាប់​ហាត់ប្រាណ​តាំងពី​មុន ​ពេល​តាំង​គភ៌​ហើយ ឬ​ស្ថានភាព​សុខភាព​របស់​អ្នក​នៅ​ល្អ យក​ល្អ​គឺ​គួរ​ហាត់ប្រាណ​បន្តិចបន្តួច​ក្នុងអំឡុងពេល ៩​ខែ​ក្នុង​ពេល​មាន​ផ្ទៃពោះ​នេះល្មមៗ​បាន​ហើយ​ទើប​ប្រសើរ​។ អ្វី​ដែល​ជាចំបង​ដែល​អ្នក​ត្រូវ​ដឹង​នោះ​គឺ​ត្រូវអនុវត្ត​តាម​ការប្រឹក្សា​ជាមួយ​វេជ្ជបណ្ឌិត​ជំនាញ​ជា​មុន​សិន មុននឹង​ចាប់ផ្តើម​អនុវត្ត។


២/​ពិសារ​អាហារ​អោយបាន​ច្រើន ​
​ពិសារ​អាហារ​ដែល​មាន​កាឡូរី​អោយបាន​ច្រើន​។ ក្នុង​ពេល​នេះ អ្នកមាន​មនុស្ស​ម្នាក់​ទៀត នៅក្នុង​ផ្ទៃ​របស់​អ្នក​ដែល​ត្រូវការ សារជាតិ​ចិញ្ចឹម​ជា​ចាំបាច់​។ ដោយសារ​ការ​ហាត់ប្រាណ ក្នុងពេល​ហាត់​នោះ​អ្នក​កំពុង​តែ​ដុត​បំផ្លាញ​កាឡូរី​ជាច្រើន​ដូចនេះ​អ្នក​ត្រូវ​បំប៉ន់បន្ថែម​ជាមួយ​​នឹង​អាហារ​ដែល​ផ្តល់​កាឡូរី​ខ្ពស់ ហើយ​ការធ្វើ​ដូចនេះមិន​ត្រឹមតែ​ល្អ​សម្រាប់​សុខភាព របស់​អ្នក​តែ​ម្នាក់​នោះទេ ប៉ុន្តែ​គឺ​ទារក​ក្នុង​ផ្ទៃ​ជាពិសេស​ផងដែរ​។


៣/ ពិសារ​ទឹក​អោយបាន​ច្រើន​ ​
​ត្រូវ​រក្សា​ជាតិ​ទឹក​ក្នុង​ខ្លួន​ជានិច្ច​។ ការខ្វះ​ជាតិ​ទឹក​អាច​ធ្វើអោយមាន​បញ្ហា​កន្ត្រាក់ ឬ​ក៏​ធ្វើអោយ​សារពាង្គ​ការ​របស់​អ្នក​ឡើង​កំដៅ​ខុស​ពី​ធម្មតា ដែល​បញ្ហា​នេះ​ជា​កត្តា​ដែល​មិនល្អ សម្រាប់​ទារក​ក្នុង​ផ្ទៃ​។ ត្រូវមាន​យ៉ាងហោចណាស់​ទឹក​មួយ​ដប​នៅ​ជាប់​ខ្លួន​ជានិច្ច ជា​រៀងរាល់ថ្ងៃ ហើយ​ជាពិសេស​គឺ​នៅក្នុង​ពេល​ហាត់ប្រាណ​តែម្តង​។

Happy pregnant women in yoga class lying on mats in a fitness studio

៤/​ជៀសវាង​ហានិភ័យ​
​មិន​ត្រូវ​ដាក់​សំពាធ​លើ​ខ្លួនឯង​ខ្លាំងពេក​ទេ ម្យ៉ាង​អ្នក​ក៏​មិន​គួរ​សាកល្បង​ក្បាច់​ហាត់ប្រាណ​ថ្មី ណា​ដែល​អ្នក​ចង់​ធ្វើ​ពី​មុន ឬ​ក្នុង​ពេល​មាន​ផ្ទៃពោះ​នោះទេ ព្រោះថា​អាច​បង្ក គ្រោះថ្នាក់ ដល់​អ្នក​និង​កូន​ក្នុង​ផ្ទៃ​បាន​។ ត្រូវ​ចាំ​ថា ក្នុង​កំឡុង​ពេល​មាន​ផ្ទៃពោះ​នេះ មិនមែន​ជា​ពេល​​ដែល​អ្នក​ត្រូវ​ខំប្រឹង​សម្រក់​ទម្ងន់​នោះ​ទេ​ប៉ុន្តែ គឺជា​ពេលវេលា​មួយ​ដែល​អ្នក​ត្រូវ​ថែទាំ​សុខភាព​ដល់​។ ត្រូវ​ចង់ចាំ​ជា​ពិសេស​ក្នុង​ចិត្ត​ថា​អ្នក​ត្រូវតែ​មាន​សុខភាព​ល្អ ហើយ​ជា​ពិសេស​ត្រូវ​គិត​ដល់​កូន​ក្នុង​ផ្ទៃ​របស់​អ្នក​គឺជា​អាទិភាព​ដំបូង​ដែល​អ្នក​ត្រូវ​គិត​មុនគេ ហើយ សំខាន់​ជាងគេ​បំផុត​។ អ្នក​ត្រូវ​ផ្តោតអារម្មណ៍​អោយបាន​ច្បាស់​ទៅលើ​សុខភាព ជាជាង​រូបរាងកាយ​​នៅក្នុង​ ពេល​នេះ​។ ប្រសិនបើ​អ្នក​ដឹងខ្លួន​ថា​មាន​អារម្មណ៍​នឿយហត់​ភ្លាម អ្នក​ត្រូវ​បញ្ឈប់ សកម្មភាព​អ្វីៗ​ទាំងអស់​ភ្លាម រួច​សម្រាក់​មួយរយៈ ឬ​ក៏​យក​ពេល​សម្រាក​ឱ្យបាន​គ្រប់គ្រាន់​។ ត្រូវ​ដឹង​អំពី​ស្ថានភាព​រាងកាយ​របស់​អ្នក អោយបាន​គ្រប់​ពេលវេលា ហើយ​ប្រសិន​​បើ​អ្នក​ជា​អ្នក​ង​ប់ង​ល់​ក្នុងការ​ហាត់ប្រាណ​មុនពេល​មាន​ផ្ទៃពោះ នោះ​ការ​ធ្វើ​លំ​ហាត់ប្រាណ អាច​ជា​ជំនួយ​សុខភាព​ដល់​អ្នក​នឹង​កូន​ក្នុង​ផ្ទៃ​ផងដែរ ប៉ុន្តែ​ប្រសិនបើ​អ្នក សម្រេចចិត្ត​បញ្ឈប់​ការ ហាត់ប្រាណ​ទាំងស្រុង​នៅពាក់ កណ្តាល ​ទី​តែម្តង វា​អាច​នឹង​ធ្វើអោយ​មាន​ការ​ប៉ះពាល់​បាន ។ មនុស្ស​ម្នាក់ៗ​មាន​ស្ថាន​សុខ​ភាព​ផ្សេងៗ​ពីគ្នា ហើយ​ការ​មាន​ផ្ទៃពោះ​ក៏​មិន​ខុស​គ្នា​ប៉ុន្មាន​ដែរ ដូច្នេះចូរ​មាន​ការប្រុងប្រយ័ត្ន​គ្រប់ពេលវេលា​។

Pregnant woman practicing in the park

៥/​ការហាត់​កំដៅ​សាច់ដុំ​
​ត្រូវ​មាន​ការ​ប្រុងប្រៀប​ខ្លួន​មុន​ពេល​ហាត់ប្រាណ​អោយបាន​ត្រឹមត្រូវ​។ ចាប់ផ្តើម​ជាមួយ​នឹង លំ​ហាត់ប្រាណ​ចង្វាក់បេះដូង​ជាមួយនឹង​ការ​លោត​ទះដៃ​ថ្ម​មៗ​តិចៗ​និង​ការពត់​សរសៃសសូង​ជាការ​កំដៅ​សាច់ដុំ​មុនពេល​ការ​ហាត់ប្រាណ​មែនទែន​។ ការ​ធ្វើ​ដូចនេះ​គឺ​ពិត​ជា​សំខាន់​ខ្លាំង ណាស់​ក្នុង​ការធ្វើអោយ​សារពាង្គកាយ​របស់​អ្នក​មាន​ការ​ប្រិតប្រៀន និង​ធ្វើអោយ​ចលនា​ការ អនុវត្ត​របស់​អ្នក​ប្រព្រឹត្ត​ទៅ​យ៉ាង​រលូន សុខ​ស្រួល សម្រាប់​មុនពេល​ហា​ត់ ក៏​ដូចជា​ក្នុង​ពេល ហាត់ប្រាណ​ផងដែរ​។

Continue Reading

Health & Fitness

ការី​តៅហ៊ូ​លាយ​គ្រាប់ Chickpea

គ្រឿងផ្សំ​

គ្រឿងផ្សំ​

​ ​ខ្ទឹម​ក្រហម​ ​ ​ ​១
​ ​ខ្ទឹម​ស​ ​ ​ ​៣
​ ​តៅ​ហ៊ូ​ ​ ​ ​២០០​ក្រាម​
​ ​ម្ទេស​ស្រស់​ ​ ​ ​១
​ ​ស្ពៃ spring greens​ ​ ​២០០​ក្រាម​
​ ​ប្រេងឆា​ធ្វើ​ពី​បន្លែ​ ​ ​១​ស្លាបព្រា​បាយ​
​ ​គិ​នឆាយ ​ ​ ​១​ស្លាបព្រា​ ​ ​ ​
​ ​គ្រាប់ cumin កិន​រួច​ ​២​ស្លាបព្រា​បាយ​
​ ​ម្ទេសដៃនាង ​ ​កន្លះ​ស្លាបព្រា​បាយ​
​ ​រ​មៀត​ ​ ​ ​១​ស្លាបព្រា​បាយ​
​ ​ប៉េង​បោះ​ចិត​ហើយ ​ ​១​កំប៉ុង​
​ ​ប្រេង​អូ​លីវ​ ​ ​ ​១​កំប៉ុង
​ ​គ្រាប់​សណ្តែក chickpeas ​១​កំប៉ុង ស្មើនឹង ៤០០​ក្រាម​
​ ​ម្សៅ​ម្ទេស​ប្លោក paprika​ ​២​ស្លាបព្រា​បាយ​
​ ​គ្រឿងទេស​garam masala​ ​២​ស្លាបព្រា​បាយ​
​ ​ក្រូចឆ្មារ​ ​ ​ ​១​ចំនិត​
​ ​គ្រាប់ cumin ​ ​ ​២​ស្លាបព្រា​បាយ​


​ ​
​របៀប​ធ្វើ​

​ចិត​បកសំបក​ខ្ទឹមស និង​ខ្ទឹមបារាំង រួច​បកសំបក​ខ្ទឹមស បន្ទាប់​មក​ចិញ្ច្រាំ​ផ្កា​ក្លាំង​ពូ ១​រួច​សល់​ប៉ុន្មាន​ហាន​ជា​ចំនិតៗ ។ បន្ទាប់មក​ទៀត​ពុះ​តៅហ៊ូ​ទៅជា​ដុំ​តូចៗ បន្ទាប់​មក​ម្ទេស​មក​ហាន​ជា​ចំណិត និង បកសំបក​ស្ពៃ spring green ។​

​កម្តៅ​ប្រេងឆា​លើ​ខ្ទះ បន្ទាប់​មក​រោយ​ខ្ទឹមបារាំង​រួច​ហាន់​ខ្ទឹម​ស​។ បន្ទាប់​ពិ​ហាន់​គ្រឿងទេស​ចប់​អស់ហើយ ចូរ​ចំអិន​រហូតដល់​ចំអិន​ខ្ទឹមបារាំង​រហូត​ដល់​វា​ឡើង​ក្រហម​។​

​បន្ថែម​ចូល​នូវ គិ​នឆាយ គ្រាប់ cumin​ហ្ម​ត់ ម្ទេសដៃនាង និង រមៀត​បញ្ចូល​គ្នា​។ ចំអិន​ចំនួន ១​នាទី រួច​យក​ប៉េងប៉ោះ​មួយ​ជាមួយ​នឹង​ទឹក​កន្លះ​កែវ​។ ទុក​អោយ​វា​ពុះ​ដោយឡែក​ចំនួន ១០​នាទី​។​

​ឆ្លៀតពេល​កំពុង​ចម្អិន ចាក់​បន្ថែម ប្រេង​អូ​លីវ​មួយ​ស្លាបព្រា​នៅលើ​ខ្ទះ រួច​ចំអិន​នំ​តៅហ៊ូរ​ហូ​ត់ដល់​វា​ឡើង​ល្អ ហើយ​ស្រក​ខ្លាញ់​នៅលើ​ក្រដាស​ត្រង​ខ្លាញ់​។​ល​។​

​កម្តៅ​ប្រេង អូ​លីវ​ប្រហែល​១​ស្លាបព្រា​នៅលើ​ខ្ទះ បន្ទាប់​មក​រោយ គ្រាប់ cumin រួច​បំពង​ខ្លាញ់​ដើម្បី​យក​ក្លិន បន្ទាប់​មក​បន្ត​ហាន់​ខ្ទឹម​សម្ទេស ត​ទៀត​។

​នៅពេល​ដែល​ខ្ទឹមស​ឆ្អិន​ឡើង​ក្រហម ចូរ​បន្ថែម​ស្ពៃ spring greens ចំនួន​២ ទៅ​៣​នាទី​សន្លឹក​ចូល រួច​កូរ​ចូល​គ្នា​ក្នុង​ពេល​កំពុង​ចំអិន​រហូត​ដល់​ឆ្អិន​។ ស្រស់ស្រូប​ជាមួយ​។

Continue Reading

Trending

Copyright © 2018 Ladies Magazine Cambodia.