Connect with us

Travel

​តូ​ក្យូ – រាជធានី​ហ្វេ​ស្សិន​របស់​អាស៊ី​

មាតុភូមិ​នៃ​ភាព​ច្នៃប្រឌិត​

មាតុភូមិ​នៃ​ភាព​ច្នៃប្រឌិត​
​តូ​ក្យូ​បានបង្ហាញ​ពិភពលោក​ទាំងមូល​អំពី​រចនាបទ​ប្លែកៗ​គ្មាន​ពីរ​ក្នុង​ការដើរ​បង្ហាញ​ម៉ូដ​ក៏ដូចជា​នៅតាម​ដងផ្លូវ​ផងដែរ​
​ទីក្រុង​តូ​ក្យូ​គឺជា​រាជា​ធានី​ដែល​មួយ​ដែល​សំបូរ​ទៅ​ដោយ​អគារ​ខ្ពស់ៗ​ហាង​លក់ទំនិញ​តុក្តតា​អានី​ម៉េ​ល្បីៗ ដើម​ឈឺ​រី និង វត្ត​អារាម​ជាច្រើន​ទៀត​ជាដើម​។ ទីក្រុង​ដ៏​ស្រស់​ស្អាត​នេះ ភាគច្រើន​ត្រូវបាន​ស្គាល់​ដោយ កន្លែង​ទី​សក្ការបូជា Meiji Shinto និង​រាជវាំង​ដែល ជា​កន្លែង​ដែល​អធិរាជ​ជប៉ុន​គង់​នៅ​។ លើសពីនេះទៅទៀត តូ​ក្យូ​ក៏​ជា ទីក្រុង​ហ្វេ​ហ្សិន ដ៏​រស់​រវើក​មួយ​ដែល​សំបូរ​ទៅដោយ​អ្នក​ច្នៃ​ម៉ូដ​ផងដែរ ជាពិសេស​ស្ថិតនៅ​តំបន់ Shibuya និង Harajuku ។ ចំពោះ​ភាព​ពេញនិយម​នៃ​ហ្វេ​ហ្សិន​វិញ គឺ​មាន​ការវិវដ្ត​យ៉ាង​លឿន ស្ទើរ​តាម​មិន ទាន់ ប្រសិនបើ​អ្នក​មិនមែន​ជា​អ្នក​កំណត់​ភាព​ពេញនិយម​។ ជាទូទៅ ពិភពលោក​តែងតែ កំណត់សំគាល់​ទីក្រុង តូ​ក្យូ គឺជា​រាជធានី​នៃ​ការលេង​ម៉ូដ​ដ៏​អស្ចារ្យ​ប្លែក​ភ្នែក​មួយ​ដែល ខុស​ពី​ប្រទេស​ដទៃ​។


​ទស្សនីយភាព​ផ្សេងៗ​ដែល​អ្នក​មិន​គួរ​មើលរំលង​នៅតាម​បណ្តោយ​ផ្លូវ​នៃ​ទីក្រុង​តូ​ក្យូ​៖
-​អាវ​ចាក់​
-​ឈុត​ពណ៌​ខ្មៅ និង ប្រផេះ​
-​អាវ​ក្រៅ​វែង​រឹប​រាង​
-​ខោ​ខូវ​ប៊ូ​យ​ខ្លី​
-​អាវ​មួយ​កំណាត់​ខ្លួន​
-​ស្បែកជើង​កែង​ខ្ពស់​
-​ផ្ទៃ​ដ៏​លេចធ្លោ​
-​ការតុបតែង​មុខ​ដ៏​ស្រស់ស្អាត​ឥតខ្ចោះ​
-​ផលិតផល​ធ្វើ​ពី​ស្បែក​
– ប្រណីតភាព​នៃ​ស្រទាប់​នី​មួយៗ​
-​អៀម​ពណ៌​ស​ដ៏​ស្រស់ស្អាត​
-​អាវហ្សាក់​ខេត​ស្បែកដ៏​កក់ក្ដៅ​
-​អាវ​ក្រៅ​រឹប​ចង្កេះ​
-​ស្បែកជើង​កវែង​ត្រឹម​ភ្លៅ​
-​អាវយឺត​ដែល​មាន​ម៉ូដ​ប្លែកៗ​


​តំបន់​ដែល​ពោ​ពេញ​ទៅ​ដោ​ស្តា​យល៍​ពេញនិយម​៖
-​ ​Francis Lola & Ellen V Lora នៅ​តំបន់ Harajuku

-​ ​ស្តា​យល៍​សម្លៀក​បំពាក់​បែ​ប Room Boy Pony & Daisuke ជាមួយនឹង Comme des Garcons រួមទាំង Junya Watanabe នៅ​តំបន់ Harajuku

-​ ​សម្លៀក​បំពាក់​ស្តាយល៍​បែប Kobinai Punk Bomber, ស្បែកជើង​ប្រភេទ​Spiked Sneakers & កាបូប Smiley Face Purse នៅ​តំបន់ Harajuku
​ហ្វេ​ហ្សិន​នៃ​ទីក្រុង​តូ​ក្យូ​គឺ​ជា​ទីក្រុង​មួយ​ដែល​បង្ហាញ​អំពី​តុល្យភាព​ដ៏​អស្ចារ្យរ​នៃ ឈុត​សម្លៀក​បំពាក់​រវាង សម្រស់​ពិត និង​ក្តី​ស្រមៃ រួមជាមួយ ភាព​រីករាយ និង​ភាព​ហ្មត់ចត់ តាមរយៈ​ការកែច្នៃ​និង​ស្នាដៃ​បង្កើត​ថ្មី​។​

Travel

អច្ឆរិយវត្ថុ​នៅ Dracula Land ប្រទេស​រ៉ូ​ម៉ានី​

​រ៉ូ​ម៉ានី​គឺជា​ប្រទេសដ៏​ធំ​ជាងគេ​បង្អស់​នៅ​ទ្វីបអឺរ៉ុប​។ ទំហំ​ផ្ទៃ​ដី​របស់​ប្រទេស​នេះ​ទាំងមូល​ត្រូវ​បាន​បែងចែក​ទៅ​កាន់

​រ៉ូ​ម៉ានី​គឺជា​ប្រទេសដ៏​ធំ​ជាងគេ​បង្អស់​នៅ​ទ្វីបអឺរ៉ុប​។ ទំហំ​ផ្ទៃ​ដី​របស់​ប្រទេស​នេះ​ទាំងមូល​ត្រូវ​បាន​បែងចែក​ទៅ​កាន់​ភ្នំ កូន​ភ្នំ និង​វាលទំនាប​ជាមួយនឹង​ជួរ​ភ្នំ​ចំនួន ១៤ នៃ​តំបន់​ភ្នំ Carpathian Mountains ដែល​គ្របដណ្ដប់​ផ្នែក​កណ្ដាល​នៃ​ផ្ទៃ​ប្រទេស​នេះ​។​
​ប្រទេស​ដ៏​ស្រស់​ស្អាត​នេះ​ប្រហែលជា​ត្រូវ​បាន​គេ​ស្គាល់​ថា​ជា​ទី​កំណើត​នៃ​មនុស្ស​ដ៏​អាក្រក់​ដែល​មានឈ្មោះ​ថា Vlad Dracula​។ បើ​ទោះបីជា​យ៉ាងណា​ក៏ដោយ​ក្រៅពី​តួអង្គ Count Dracula ពិភពលោក​កំពុង​តែ​រុករក​អច្ឆរិយវត្ថុ​ផ្សេង​ទៀត​ដែល​មាន​នៅ​ទីនោះ​។ មាន​ទីក្រុង​ចម្រុះ​ពណ៌​ជាច្រើន តំបន់ភ្នំ Carpathian Mountains ទេសភាព​ព្រៃព្រឹក្សា​ដ៏​ស្រស់ស្អាត ទីក្រុង​ប្រវត្តិសាស្ត្រ រួម​ទាំង​ប្រាសាទ​ដ៏​អាថ៌កំបាំង​ជាច្រើន​ផ្សេង​ទៀត​។ ជាមួយនឹង​ស្ថាបត្យកម្ម​របស់​ប្រទេស​រ៉ូ​ម៉ានី ស្ថាបត្យកម្ម​បែប Baroque និង Gothic ប្រវត្តិសាស្ត្រ​ដ៏​គួរឱ្យ​ចាប់អារម្មណ៍ ព្រមទាំង​ឱកាស​ដែល​អាច​គយគន់​ខ្លាឃ្មុំ និង​ចចក​នៅក្នុង​ព្រៃ វា​គ្មាន​ចម្ងល់​នោះទេ​ដែល​ថា​មនុស្ស​ជាច្រើន​បាន​ងាក​មក​ចាប់​អារម្មណ៍​ប្រទេស​រ៉ូ​ម៉ានី​នាពេល​បច្ចុប្បន្ន​នេះ​។​


​តំបន់ Lure of Count Dracula
​ក្រៅពី​លំនៅដ្ឋាន​នៅ​ឯ​តំបន់​ប្រវត្តិសាស្ត្រ Transylvania អា​រ៉ា​ម​ដ្ឋា​ន Snagov Monastery ជា​ទីកន្លែង​បញ្ចុះសព​របស់លោក និង​បន្ទាយ Poienari Fortress ដែល​មាន​កំពស់ ១៤៥៣ កាំ ដែល​ត្រូវបាន​គេ​អះអាង​ថា​ជា Vlad មាន​ពិត​នៅឯ​ប្រាសាទ Dracula’s Castle ទីកន្លែង​ផ្សេង​ទៀត​ដូចជា Princely Court នៅឯ Targoviste និង​ប្រាសាទ Bran Castle ក៏មាន​ទំនាក់ទំនង​ជាមួយ​នឹង​រឿងព្រេង Dracula ដែរ​។ បើ​ទោះបីជា​យ៉ាងណា​ក៏ដោយ​ប្រាសាទ Bran Castle ត្រូវបាន​គេ​អះអាងថា​ជា​កន្លែង​ស្នាក់នៅ​របស់ Dracula តែ​ពីរ​ទៅ​បី​យប់​តែ​ប៉ុណ្ណោះ​។ ទោះជា​យ៉ាងណា តំបន់​ទាំងអស់​នេះ​សុទ្ធតែ​មាន​ប្រយោជន៍​ក្នុង​ការស្វែងយល់​បន្ថែម​។
​ប្រាសាទ Bran Castle គឺជា​ឧទាហរណ៍​ដ៏​ល្អ​បំផុត​នៃ​ស្ថាបត្យកម្ម​ប្រាសាទ​បែប​អ៊ឺរ៉ុប​ប៉ែក​ខាងកើត និង​នៅ​តែ​ជា​កន្លែង​សម្រាប់​តម្កល់​គ្រឿង​សង្ហារឹម​ចាស់ៗ​របស់​ជនជាតិ​រ៉ូ​ម៉ានី​។

​រដ្ឋធានី Bucharest
​តំបន់​ជុំវិញ​រាជធានី Bucharest ពិតជា​គួរឱ្យ​ទាក់ទាញ​ខ្លាំងណាស់​ដែល​បង្ហាញឱ្យឃើញ​ពី​ភាពរុងរឿង​នៃ​ប្រវត្តិសាស្ត្រ​របស់ Bucharest ចាប់​ពី​សតវត្សរ៍​ទី ៥ ដល់​សតវត្សរ៍​ទី ២០​។

​សារមន្ទីរ Dimitrie Gusti National Village Museum
​គឺជា​សារមន្ទីរ​ពិន្ទុ​សាស្ត្រ​ដែល​បង្ហាញ​អំពី​ការរស់នៅ និង​វប្បធម៌​បែប​ជនបទ​។ នៅ​ទីនេះ​ផង​ដែរ អ្វី​ដែល​កាន់តែ​ទាក់ទាញ​ចិត្ត​អ្នក​មក​ទស្សនា​នោះ​គឺ​ឧបករណ៍​ត្បាល់កិន​ដែល​ដើរ​ដោយ​កម្លាំង​ខ្យល់​ធ្វើ​អំពី​ឈើ និង​ដំបូល​ប្រក់​ស្បូវ​ផងដែរ​។​


​មហា​ព្រះវិហារ​គ្រិស្ត Stavropoleos Monastery
​ព្រះវិហារ​សាសនា​គ្រិស្តអ័​រ​តូដ​ក់​ខាងកើត​សម្រាប់តែ​ដូនជី​ស្ថិត​នៅ​ទីក្រុង Bucharest សាងសង់​តាម​រចនាបទ Brâncovenes ដើម្បី​ឧទ្ទិស​ដល់​មហា​ទេវទូត​មី​កែ​ល និង​កា​ប្រៀល​។ ឈ្មោះ Stavropoleos មានន័យ​ថា “​ទីក្រុង​នៃ​ឈើ​ឆ្កាង​” ហើយ​ចំណុច​លេចធ្លោ​នៃ​ព្រះវិហារ​មួយ​នេះ​គឺ​តន្ត្រី Byzantine ដែល​បន្លឺ​តាមរយៈ​ចម្រៀង​សាសនា និង​ជា​កន្លែង​តម្កល់​សៀវភៅ​កូលិក​ហ្សិន​តន្ត្រី Byzantine ដ៏​ច្រើន​ជាង​គេ​បំផុត​នៅក្នុង​ទីក្រុង Romania​។​

​មហា​ព្រះវិហារ Sinaia
​ស្ថាបត្យកម្ម​នេះ​ត្រូវបាន​សាងសង់​ឡើង​ដើម្បី​ធ្វើ​ជា​មហា​ព្រះវិហារ និង​ជា​បន្ទាយ​ការពារ​ដ៏​រឹងមាំ​ស្ថិតនៅលើ​ដងផ្លូវ​ពី​ទីក្រុង Brasov ទៅ​កាន់​ទីក្រុង Bucharest​។ ដើមឡើយ​មហា​ព្រះវិហារ​នេះ​គឺ​ធ្វើឡើង​សម្រាប់​បព្វជិត​ចំនួន ១២ អង្គ​គង់នៅ​ដើម្បី​យកតម្រាប់​តាម​ទេវទូត​ចំនួន ១២ អង្គ ប៉ុន្តែ​លុះ​យូរ​ទៅ​ចំនួន​បព្វជិត​ក៏​កើនឡើង​កាន់តែច្រើន​។

​ទីក្រុង Sibiu
​ទីក្រុង Sibiu សម្បូរ​ពោរពេញ​ទៅ​ដោយ​សំណង់​ស្ថាបត្យកម្ម​រចនាបទ Baroque សម្បូរ​ទៅដោយ​ផ្ទះ​ស្អាតៗ ទីលាន​សួន​ដ៏​ស្រស់ស្អាត រូបចម្លាក់​ក្រុម​ទ័ព​សាក់សុង រួម​នឹង​ពិធីបុណ្យ​ដ៏​អធិកអធម​ជាច្រើន​។ កម្មវិធី​បុណ្យ​ល្ខោន​ដ៏​ល្អ​បំផុត​លើ​លោក​គឺ​ត្រូវបាន​រៀបចំ និង​ធ្វើ​ឡើង​នៅទីនេះ ឈ្មោះ​ពិធីបុណ្យ​នេះ​មាន​ភាព​សាមញ្ញា​ខ្លាំង​ណាស់​ដោយ​វា​មាន​ឈ្មោះ​ថា Sibiu International Theatre Festival​។


​ទីក្រុង Brasov៖ ជា​បេះដូង​នៃ​ប្រទេស​រ៉ូ​ម៉ានី​
Brasov ជា​ទីក្រុង​ប្រវត្តិសាស្ត្រ​ដ៏​ទាក់ទាញ​ស្ថិត​នៅ​ជួរ​ភ្នំ Carpathian ភាគខាងត្បូង​ហ៊ុមព័ទ្ធ​ទៅ​ដោយ​ជម្រាលភ្នំ​ដ៏​ខៀវស្រងាត់​នៅ​ចំ​កណ្តាល​នៃ​ប្រទេស​រ៉ូ​ម៉ានី​។ គ្របដណ្តប់​ដោយ​ស្ថាបត្យកម្ម​បែប Gothic បែប Barque និង​បែបបុ​ន​វុឌ្ឍិ​សិល្បៈ ធ្វើឱ្យ​ទីក្រុង​ដែល​ពីមុន​ហ៊ុមព័ទ្ធ​ដោយ​កំពែង​នេះ​ក្លាយជា​ទីក្រុង​ដ៏​ស្រស់ស្អាត​ជាងគេ​នៅក្នុង​តំបន់​ប្រវត្តិសាស្ត្រ Transylvania​។​
​ប្រាសាទ Peleș ស្ថិតនៅក្នុង​តំបន់​ភ្នំ Carpathian នៅ​ជិត​ទីក្រុង Sinaia​។ អ្វី​ដែល​ទាក់ទាញ​បំផុត​នោះ​គឺ​ប្រាសាទ Peleș នេះ​មាន​កំពូល​ដ៏​ខ្ពស់សន្លឹម​ស្ទើរតែ​ប៉ះ​នឹង​ពពក​។ នៅ​តាម​ជញ្ជាំង​ខាងក្រៅ​ហ៊ុមព័ទ្ធ​ទៅ​ដោយ​គំនូរ​ដ៏​ស្រស់ស្អាត​គូរ​ដោយ​ដៃ និង​លម្អ​ដោយ​ស៊ុមបង្អួច​ធ្វើ​ពី​ឈើ​មាន​ក្បាច់ក្បូរ ធ្វើឱ្យ​ប្រាសាទ​មួយ​នេះ​ស្រស់​ស្អាត​តាមបែប​បុរាណ​។​

​សាងសង់​ឡើង​នៅ​សតវត្សរ៍​ទី ១៣ ប្រាសាទ Bran គឺ​តំណាង​ឱ្យ​ការ​លាយ​បញ្ចូល​គ្នា​រវាង​ប្រ​វតិ្ត​សាស្ត្រ​សម័យ​ដើម និង​សម័យ​ទំនើប បុព្វបុរស និង​ប្រពៃណី​។ ប្រាសាទ​នេះ​មិន​ត្រឹមតែ​ធ្វើឡើង​តាម​គំរូ​ដ្រា​កូឡា​នោះទេ ប្រាសាទ Bran ក៏​ត្រូវបាន​គេ​ចាត់ទុក​ជា​សារមន្ទីរ​ជាតិ​ប្រចាំ​ប្រទេស​រ៉ូ​ម៉ានី​ផងដែរ ជា​តំបន់​ទេសចរណ៍​ដែល​ទាក់ទាញ​ភ្ញៀវ​មក​ពី​គ្រប់ទិសទី​ចូល​មក​ទស្សនា​៕

Continue Reading

Travel

ដំណើរ​កម្សាន្ត​ទៅ​កាន់​ទីក្រុង​ឡុង​ដ៏​

អា៎ ទីក្រុង​ឡុង​ដ៏ ទីក្រុង​ធំ​របស់​ប្រទេស​អង់គ្លេស និង​ជា​ទីក្រុង​ដែល​តែងតែ​មាន​ផ្ទៃមេឃ​ស្រទន់ និង​មាន​ប្រជាជន​ដែល​ចូលចិត្ត​

អា៎ ទីក្រុង​ឡុង​ដ៏ ទីក្រុង​ធំ​របស់​ប្រទេស​អង់គ្លេស និង​ជា​ទីក្រុង​ដែល​តែងតែ​មាន​ផ្ទៃមេឃ​ស្រទន់ និង​មាន​ប្រជាជន​ដែល​ចូលចិត្ត​ញ៉ាំ​តែ​។ នេះ​ជា​ទីក្រុង​ដែល​មាន​នាឡិកា​ប៉ម​ដ៏​ល្បីល្បាញ​ដែល​មានឈ្មោះ​ថា ‘Big Ben’​។ ទីក្រុង​ដែល​ពោរពេញ​ដោយ​ក្តីស្រមើស្រមៃ និង​កន្លែង​កម្សាន្ត​ដ៏​ស្រស់ស្អាត​។ មនុស្សម្នា​មក​ពី​គ្រប់ទិសទី​ជុំវិញ​ពិភពលោក​បាន​មក​កម្សាន្ត​នៅ​ទីនេះ​ដើម្បី​ទទួលយក​នូវ​បទពិសោធ​ដ៏​អស្ចារ្យ​ពី​ទីក្រុង​ប្រវត្តិសាស្ត្រ​នេះ ដូច​ជា​ទៅ​ទស្សនា​សារមន្ទីរ​ដ៏​ល្បីៗ និង​ដើរ​លម្ហែ​តាម​សួនច្បារ​ដ៏​ស្រស់ស្អាត​ជាច្រើន​។ អ្នក​ច្បាស់​ជា​គ្មាន​អារម្មណ៍​ធុញទ្រាន់​ឡើយ​ព្រោះថា​នៅក្នុង​ទីក្រុង​នេះ​សម្បូរ​ទៅ​ដោយ​រចនាប័ទ្ម​ក្លា​ស៊ី​ក​ដ៏​ស្រស់ស្អាត​ជាច្រើន ដែល​ធ្វើឱ្យ​អ្នក​ឈ្លក់​វង្វេង​ជាមិនខាន​។ យើងខ្ញុំ​សូម​ប្រាប់​ជាមុន​ថា មាន​វិថី​ដ៏​ស្រស់ស្អាត​ជាច្រើន​នៅក្នុង​ទីក្រុង​ឡុង​ដ៏​ដែល​អាច​ធ្វើឱ្យ​អ្នក​ឈ្លក់​វង្វេង​បាន​ដោយ​មិន​ដឹង​ខ្លួន​។​

​យើងខ្ញុំ​ជឿថា នរណា​ក៏​មិន​ចូល​ចិត្ត​ដែរ​នៅពេល​ដែល​មក​ដល់​ប្រទេស​មួយ​តែ​បែរជា​មិនដឹង​ថា​គួរ​ទៅ​កម្សាន្ត​នៅ​ទីណា ឬ​គួរ​ធ្វើ​អ្វី​។ តែ​កុំ​បារម្ភ​ថ្វី យើងខ្ញុំ​អាចជួយ​លោក​អ្នក​បាន​។​


​ដើរ​ទស្សនា​កម្សាន្ត​ទីក្រុង​ឡុង​ដ៏​
​រៀបចំ​កាលវិភាគ​ដោយ​ទុកពេល ១ ថ្ងៃ​សម្រាប់​ខ្លួនឯង​ដើរ​ទស្សនា​សារមន្ទីរ​ប្រទេស​អង់គ្លេស British Museum​។ សារមន្ទីរ​នេះ​ស្ថិតនៅ​តាម​ដង​វិថី Great Russel Street ដោយ​ទីនេះ​ជា​តំបន់​ទេសចរណ៍​ដ៏​ល្បី​ទាក់ទាញ​ភ្ញៀវទេសចរ​រាប់លាន​នាក់​មក​ទស្សនា​ជា​រៀងរាល់ឆ្នាំ​។ មាន​មូលហេតុ​មួយ​ដែល​ធ្វើឱ្យ​ទីនេះ​ក្លាយជា​តំបន់​ទេសចរណ៍​ដ៏​ល្បី​។ សារមន្ទីរ​នេះ​មាន​ទំហំ​ធំ​មែនទែន ដោយ​អ្នកទេសចរ​មិន​អាច​ទស្សនា​បាន​សព្វ​គ្រប់​ក្នុង​រយៈពេល​មួយ​ថ្ងៃ​ឡើយ​។ សារមន្ទីរ​នេះ​ត្រូវបាន​បង្កើត និង​បើក​ជា​សាធារណៈ​នៅ​ទសវត្សរ៍​ឆ្នាំ ១៧០០ ហើយ​នៅតែ​បន្ត​មាន​វត្តមាន​បើទោះជា​វា​បាន​ឆ្លងកាត់​ព្រឹត្តិការណ៍​ប្រវត្តិសាស្ត្រ​ធំៗ​ដូចជា​សង្គ្រាមលោកលើកទី ១ និង​លើក​ទី ២ ក៏ដោយ​។ តម្លៃ​ចូល​គឺ​មិន​គិតថ្លៃ​ឡើយ ហើយ​សារមន្ទីរ​នេះ​ក៏​មាន​ផ្តល់ជូន​មគ្គុទេសក៍​ជាច្រើន​ដោយ​មិន​គិតថ្លៃ​ថែមទៀត​ផង ដូច្នេះ​ការ​មក​កម្សាន្ត​នៅ​ទី​នេះ​មិន​ធ្វើឱ្យ​អ្នកចំណាយ​ប្រាក់​អស់​ច្រើន​ឡើយ ដោយ​ប្រាក់​ទាំងនេះ​អ្នក​អាច​ទុក​ចំណាយ​លើ​អ្វី​ដែល​សំខាន់​តួយ៉ាង​ដូចជា​ចំណាយ​លើ​អាហារ​ជាដើម​។ ប្រសិនបើ​អ្នក​មិន​ចូល​ចិត្ត​មនុស្ស​អ៊ូអរ​ដែល​មក​កម្សាន្ត​នៅទីនេះ យើងខ្ញុំ​សូម​ណែនាំ​អ្នក​ឱ្យ​មក​ពី​ព្រឹក​ព្រលឹម​ដើម្បី​ងាយ​ដើរ​ទស្សនា​យ៉ាង​ស្ងប់​អារម្មណ៍​។​


​បន្ទាប់​មក​អ្នក​អាច​ទៅ​កាន់​ព្រះរាជវាំង Westminster Abbey ដើម្បី​អង្គុយ​ញ៉ាំ​កាហ្វេ​ក្តៅៗ​គយគន់​ប៉ម​នាឡិកា Big Ben​។ កាលពីមុន និង​បច្ចុប្បន្ននេះ​ប៉ម​នាឡិកា​នេះ​នៅតែ​ជា​ប៉ម​នាឡិកា​ដែល​ធំ​ជាងគេ​នៅក្នុង​ប្រទេស​អង់គ្លេស​ទាំងមូល​។ ហើយ​ក៏​សូម​កុំ​ភ្លេច​ទស្សនា​មនុស្សមា្នដ៏​អ៊ូអរ​ផងដែរ​! មើល និង​ស្វែងយល់​ពី​ជីវិត​អ្នក​ទីក្រុង​ឡុង​ដ៏​ដែល​នៅ​ជុំវិញ​អ្នក និង​វប្បធម៌​ថ្មីៗ​។ ម្យ៉ាងទៀត​រាជវាំង Westminster គឺជា​កន្លែង​គង់​នៅ​របស់​ព្រះ​មហាក្សត្រីយា​នីនៃប្រទេស​អង់គ្លេស​។ នេះ​គឺជា​រាជវាំង​តែមួយគត់​ក្នុងចំណោម​រាជវាំង​ដទៃ​ដែល​នៅតែ​សកម្ម ហើយ​អ្នក​មិនគួរ​ខកខាន​មក​កម្សាន្ត​ទី​នេះ​ឡើយ​ពេល​ដែល​មក​លេង​ទីក្រុង​ឡុង​ដ៏​។ នៅ​ទីនោះ​ក៏​មាន​មគ្គុទេសក៍​សម្រាប់​នាំ​អ្នក​ទៅ​ទស្សនា​បន្ទប់ទទួលភ្ញៀវ អំណោយ​រាជវង្ស និង​សួនច្បារ​ចាប់ពី​ខែ​កក្កដា រហូតដល់​ខែ​តុលា​ផងដែរ​។


​កន្ត្រក​វិល London Eye គឺ​ស្ថិតនៅ​មិន​ឆ្ងាយ​ពី​រាជវាំង Westminster ឡើយ ដោយ​វា​នៅ​ខាងលើ​ទន្លេ Thames ដែល​ហូរ​កាត់​ទីក្រុង​ឡុង​ដ៏​។ នៅពេល​ដែល​អ្នក​ឆ្លងកាត់​ទន្លេ Thames ទៅកាន់ South Bank អ្នកនឹង​មើលឃើញ​ទេសភាព​ដ៏​ស្រស់ត្រកាល​នៃ​ទីក្រុង​ឡុង​ដ៏​ពី​ក្នុង​កន្ត្រក​វិល​ដ៏​ធំ​ដែល​មានឈ្មោះ​ថា Millennium Wheel​។ នៅទីនេះ អ្នក​អាច​ដើរ​ទៅ​ទស្សនា​វិចិត្រសាល​ដ៏​ល្បីល្បាញ​នៅ​ទីក្រុង​ឡុង​ដ៏​ដែល​មានឈ្មោះ​ថា Tate Modern​។ នៅ​ទីនោះ​គឺ​មាន​តាំង​បង្ហាញ​នូវ​គំនូរ​សហ​សម័យ​ពី​គ្រប់ទិសទី​ទូទាំង​ពិភពលោក ហើយ​ការ​ចូល​ទស្សនា​គឺ​មិន​ត្រូវ​បាន​គិត​ថ្លៃ​ឡើយ​។ ប្រសិនបើ​អ្នក​មិនសូវមាន​ចំណូលចិត្ត​ជាមួយ​គំនូរ អ្នក​អាច​ចូល​ទៅ​ពិសា​អាហារសម្រន់ ឬ​កាហ្វេ​នៅ​ភោជនីយដ្ឋាន ឬ​ហាង​កាហ្វេ​នៅ​ក្បែរៗ​នោះ​បាន​។​


​នៅ​ទីក្រុង​ឡុង​ដ៏​សម្បូរ​ទៅ​ដោយ​កន្លែង​ប្រវត្តិសាស្ត្រ​ជាច្រើន​ដែល​ភាគច្រើន​គឺ​ស្ថាបត្យកម្ម​ដែល​ប្រតិ​ស្ថាន​ឡើង​ច្រូងច្រាង​នៅក្នុង​ទីក្រុង​។ ប្រសិនបើ​អ្នក​ចូលចិត្ត​ស្ថាបត្យកម្ម​ចំណាស់ៗ​នៅក្នុង​ទីក្រុង​ឡុង​ដ៏ អ្នក​គួរតែ​ទៅ​ទស្សនា​ព្រះវិហារ St Paul’s Cathedral​។ ព្រះវិហារ​នេះ​គឺ​មាន​អាយុកាល​ជាង​មួយ​ពាន់​ឆ្នាំ និង​បន្សល់​មកដល់​សព្វថ្ងៃ​តាំងពី​ជំនាន់​ស្តេច​ហេន​រី​ទី ៨​។ ជាមួយ​ដំបូល​ពិតាន​ដ៏​ខ្ពស់ និង​មាន​លក្ខណៈ​សំណង់​បុរាណ វិហារ​នេះ​ច្បាស់​ជា​ធ្វើឱ្យ​អ្នក​កោតស្ញប់ស្ញែង​ជាមិនខាន​។​
Notting Hill គឺ​ជា​ទីក្រុង​ដ៏​អ៊ូអរ​ស្ថិតនៅ​ប៉ែក​ខាងលិច​ទីក្រុង​ឡុង​ដ៏​មិន​ឆ្ងាយ​ពី​រាជ​វាំង Westminster ប៉ុន្មាន​ឡើយ​។ ទីក្រុង​នេះ​មាន​ភាព​ទាក់ទាញ និង​ផ្តល់​ឱ្យ​អ្នក​នូវ​អារម្មណ៍​ដ៏​ពិសេស​។ ប្រសិនបើ​អ្នក​មក​ទស្សនា​នៅក្នុង​អំឡុង​ខែ​សីហា អ្នកនឹង​បានមក​ចូលរួម​ទស្សនា​កម្មវិធី​បុណ្យ Notting Hill Carnival ដែល​គេ​តែងតែ​ប្រារព្ធ​ឡើង​ជា​រៀងរាល់ឆ្នាំ​។ នៅក្នុង​ពិធីបុណ្យ​នេះ​គេ​ឃើញ​មាន​ក្បួន​ដង្ហែរ ក្រុម​តន្ត្រី​ដើរ​ជា​ក្បួន អ្នក​សម្តែង​សៀក​តាមផ្លូវ លាយឡំ​ជាមួយ​នឹង​ភ្លើងពណ៌​ចម្រុះ និង​សម្លេង​តន្ត្រី​ដ៏​ពិរោះ​។ នេះ​យើងខ្ញុំ​មិន​ទាន់​និយាយ​ពី​អាហារ​នៅឡើយ​ផង​។ ក៏​ប៉ុន្តែ​ប្រសិនបើ​អ្នក​មក​លេង​ចំ​ថ្ងៃ​ធម្មតា​ពុំ​មាន​ពិធីបុណ្យ​អ្វី​ទេ អ្នក​កុំ​បារម្ភ​អី ព្រោះថា​នៅ​ទីនោះ​មាន​អ្វី​ច្រើន​ទៀត​ដែល​អ្នក​អាច​ទស្សនា​បាន​។ អ្នក​អាច​ធ្វើ​ដំណើរ​ទៅ​កាន់​ផ្សារ Portobello នៅ​ផ្លូវ Portobello​។ ថ្ងៃ​ល្អ​បំផុត​ដែល​អ្នក​គួរ​ទៅ​គឺ​ថ្ងៃ​សុក្រ ឬ​ថ្ងៃ​សៅរ៍ នោះ​ជា​ពេល​ដែល​ផ្សារ​ធំ​ត្រូវបាន​បើក​។ នៅ​ទីនោះ​មាន​លក់រ​បស់​គ្រប់បែបយ៉ាង​ដូចជា​វត្ថុ​បុរាណ សម្លៀក​បំពាក់ ផ្លែឈើ និង​បន្លែស្រស់ៗ​។ ជឿ​ថា​ពេល​ចេញពី​ផ្សារ​នេះ​ក្នុង​ដៃ​របស់​អ្នក​ច្បាស់​ជា​មាន​កាន់​វត្ថុ​អនុស្សាវរីយ៍​ជាមិនខាន​។ តើ​អ្នកដឹង​ទេ​ថា​ក្រុង Notting Hill គឺជា​កន្លែង​ដ៏​ល្បី​ដែល​គេ​ចូលចិត្ត​មក​ថត​ខ្សែភាពយន្ត​នៅ​ទី​នេះ​ដែរ​ឬទេ​? នេះ​ជា​ការពិត​! ដូច្នេះ​ប្រសិនបើ​អ្នក​ជា​មនុស្ស​ចូល​ចិត្ត​ខ្សែភាពយន្ត អ្នក​អាច​ទៅ​ទស្សនា Notting Hill Film Tour ដើម្បី​សិក្សា​ពី​ប្រវត្តិសាស្ត្រ និង​មើល​ពី​ទីតាំង​ថត​ខ្សែភាពយន្ត​ផងដែរ​។ Notting Hill ក៏​សម្បូរ​ទៅ​ដោយ​វិចិត្រសាល​ជាច្រើន ដូច្នេះ​ចូរ​កុំ​ខកខាន​ទីនេះ​អោយសោះ ប្រសិនបើ​អ្នក​ជា​មនុស្ស​ចូលចិត្ត​គំនូរ​។​
​ចុងក្រោយ ប្រសិនបើ​អ្នក​មក​វិស្សមកាល​នៅ​ទីក្រុង​ឡុង​ដ៏ អ្នក​មិន​ត្រូវ​ខកខាន​ទៅ​កម្សាន្ត​សួនច្បារ Covent Gardens ឡើយ​។ នៅពេល​ដែល​អ្នក​ដឹងថា​សួនច្បារ​ដ៏​ស្រស់​ស្អាត​នេះ​ពីមុន​ធ្លាប់ជា​តំបន់​អនាធិបតេយ្យ​ដ៏​ធំ​ជាងគេ​នៅ​ប្រទេស​អង់គ្លេស នោះ​អ្នក​ច្បាស់​ជា​មាន​អារម្មណ៍​ភ្ញាក់ផ្អើល​មិន​ខាន​។

នៅតាម​ដងផ្លូវ​ក្នុង​សង្កាត់ Covent Garden Piazza គឺ​សម្បូរ​ទៅ​ដោយ​អ្នក​សម្តែង​សៀក និង​តូប​លក់​អាហារ និង​ឥ​វ៉ាន់​ដទៃទៀត​ជាច្រើន​។ ហើយ​សម្រាប់​អ្នក​ដែល​ចូលចិត្ត​ល្ខោន​អូ​ប៉េ​រ៉ា ការ​មក​កម្សាន្ត​នៅ​សង្កាត់​នេះ​មិន​ធ្វើឱ្យ​អ្នកខកចិត្ត​ឡើយ​។ រោង​មហោស្រព​ល្ខោន​អូ​ប៉េ​រ៉ា Royal Opera House គឺ​ស្ថិត​នៅ​ទីនេះ ហើយ​អ្នក​អាច​ទស្សនា​ការសម្តែង​ដ៏​អស្ចារ្យ និង​ថែម​ទាំង​អាច​ដើរ​មើល​ពី​មុខ និង​ខាងក្រោយ​ឆាក​អូ​ប៉េ​រ៉ា​ថែមទៀត​ផង​ដើម្បី​មើល​ឈុត​ក្រៅ​ឆាក​មុន​ពេល​តួអង្គ​ទាំង​នោះ​ឡើង​សម្តែង​។​
​ដំណើរ​កម្សាន្ត​ទៅ​កាន់​ទីក្រុង​ឡុង​ដ៏​ច្បាស់​ជា​ធ្វើឱ្យ​អារម្មណ៍​អ្នក​ស្ញប់ស្ញែង​ជាមិនខាន​។ ទាំង​ស្រស់ស្អាត ពោរពេញ​ដោយ​សំណង់​ស្ថាបត្យកម្ម​ក្លា​ស៊ី​ក​មាន​អាយុកាល​ច្រើន​សតវត្សរ៍ និង​សម្បូរ​ទៅដោយ​សម្បត្តិ​វប្បធម៌​សិល្បៈ​យ៉ាងច្រើន​។ អ្នក​ច្បាស់​ជា​មិន​មាន​អារម្មណ៍​ធុញទ្រាន់​ជាមួយ​ទីក្រុង​នេះឡើយ​៕


Continue Reading

Travel

ដំណើរកម្សាន្ត ៤៨ ម៉ោងនៅក្រុងហាណូយ

ហាណូយ រដ្ឋធានី​ធំ​របស់​ប្រទេស​វៀតណាម​គឺ​ជា​កន្លែង​ទេសចរណ៍​ដែល​អ្នក​មិនគួរ​រំលង​។ ជា​ទីក្រុង​ដ៏​ស្រស់​ស្អាត​ហ៊ុមព័ទ្ធ​ទៅ​ដោយ​ធម្មជាតិ ផ្ទៃ​បឹង​ដ៏​គួរឱ្យ​ចាប់ចិត្ត និង​

ហាណូយ រដ្ឋធានី​ធំ​របស់​ប្រទេស​វៀតណាម​គឺ​ជា​កន្លែង​ទេសចរណ៍​ដែល​អ្នក​មិនគួរ​រំលង​។ ជា​ទីក្រុង​ដ៏​ស្រស់​ស្អាត​ហ៊ុមព័ទ្ធ​ទៅ​ដោយ​ធម្មជាតិ ផ្ទៃ​បឹង​ដ៏​គួរឱ្យ​ចាប់ចិត្ត និង​ជ្រលង​ភ្នំ​គួរ​ជាទី​មនោ​រម្យ​។ ផ្ទះ​ឈើ​អម​តាម​ដងផ្លូវ​ធ្វើឱ្យ​ទីក្រុង​ចំណាស់​មួយ​នេះ​កាន់តែ​ទាក់ទាញ​អ្នកទេសចរ​ឱ្យ​មក​កម្សាន្ត​។​
​នៅពេល​ដែល​អ្នក​ដើរលេង​ជុំវិញ​ទីក្រុង អ្នក​ច្បាស់​ជា​មើលឃើញ​ម៉ូតូ Scooter យ៉ាង​ច្រើន​នៅ​តាម​ដងផ្លូវ ធ្វើឱ្យ​អ្នក​មាន​អារម្មណ៍​ថា​នេះ​ជា​ទីក្រុង​ចំណាស់​ដែល​លាក់កំបាំង​ពី​សម័យកាល​ទំនើប​។ ទីក្រុង​នេះ​សម្បូរ​កន្លែង​កម្សាន្ត​ជាច្រើន​ដូចជា​មជ្ឈមណ្ឌល​លក់ទំនិញ ផ្សារ​ក្នុង​តំបន់ និង​កន្លែង​ដទៃទៀត​ជាច្រើន​។ ប្រសិនបើ​អ្នក​ចូលចិត្ត​ធម្មជាតិ ហាណូយ​គឺ​ជា​ទីកន្លែង​ដ៏​ស័ក្តិសម​បំផុត​។ ជាមួយ​ផ្ទៃ​ទឹក​ដ៏​ស្រស់ស្អាត វាលស្មៅ​បៃតងខ្ចី និង​ភ្នំ​ថ្ម​ដ៏​ខ្ពស់​ចោត កាន់តែ​ធ្វើឱ្យ​អ្នកទេសចរ​ត្រូវតែ​មក​ទស្សនា​ឱ្យ​ខាន​តែ​បាន​។
​ប្រសិនបើ​អ្នក​មាន​គម្រោង​មក​កម្សាន្ត​ទីក្រុង​ហាណូយ​រយៈពេល​ខ្លី​តែ​សប្បាយ អ្នក​គួរតែ​ពិនិត្យ​មើល​ជើងហោះហើរ​របស់​ក្រុមហ៊ុន​ឈ្នះ​ពានរង្វាន់ Vietjet Airline ដែល​ក្រុមហ៊ុន​នេះ​ឧស្សាហ៍​ធ្វើការ​ផ្តល់ជូន​ពិសេសៗ​យ៉ាងច្រើន ដើម្បី​រីករាយ​ជាមួយ​ដំណើរ​កម្សាន្ត​រយៈពេល ៤៨ ម៉ោង​នៅក្នុង​ទីក្រុង​ដ៏​អស្ចារ្យ​។ ខាងក្រោម​នេះ​ជា​ព័ត៌មាន​ខ្លះ​ដែល​អ្នកត្រូវការ​៖
​ទីកន្លែង​ដែល​គួរ​ទៅ​កម្សាន្ត​
​ហាណូយ​គឺ​ជា​ទីក្រុង​ដែល​លាយ​ចម្រុះ​ដោយ​វប្បធម៌​អាស៊ី​ប៉ែក​ខាងកើត និង​បស្ចឹម​ប្រទេស​។ ទីក្រុង​នេះ​សម្បូរ​ទៅដោយ​ទី​កម្សាន្ត​ជាច្រើន​សម្រាប់​អ្នកទេសច​រ​រួមមាន​ទី​កន្លែង​ដ៏​អ៊ូអរ និង​ទីកន្លែង​ធម្មជាតិ​ដ៏​មនោ​រម្យ​។ ក៏​ប៉ុន្តែ​ប្រសិនបើ​អ្នក​រវល់​មាន​ពេល​ត្រឹមតែ ២ ថ្ងៃ​ដើម្បី​ដើរ​កម្សាន្ត​ក្នុង​ទីក្រុង​ដ៏​ស្រស់​ស្អាត​នេះ យើងខ្ញុំ​សូម​ណែនាំ​កន្លែង​កម្សាន្ត​ខាង​ក្រោម​ដើម្បី​ឱ្យ​អ្នកទទួលបាន​បទពិសោធ​ន៍​គ្រប់គ្រាន់​ពី​ទីក្រុង​នេះ​៖
​តំបន់​ផ្សារ​សង្កាត់​បុរាណ Old Quarter
​តំបន់​ផ្សារ​សង្កាត់​បុរាណ Old Quarter គឺ​ស្ថិតនៅ​ជិត​បឹង Hoan Kiem និង​ជា​ចំណុច​កណ្តាល​របស់​ទីក្រុង​ផងដែរ​។ តំបន់​ផ្សារ​នេះ​សម្បូរ​ដោយ​ដង​វិថី​ចាស់ៗ​អម​ទៅ​ដោយ​ហាង​លក់ទំនិញ​ជាច្រើន​ប្រភេទ​។ នៅ​តំបន់​ផ្សារ​នេះ​គឺ​សម្បូរ​ទៅ​ដោយ​សំណង់​ស្ថាបត្យកម្ម​បន្សល់​ពី​អាណានិគម​បារាំង​។ អ្វី​ដែល​ប្រសើរ​នោះ​គឺ​អ្នក​អាច​ធ្វើ​ដំណើរ​ទៅកាន់​ព្រះវិហារ​ដែល​នៅ​ជិត​ផ្សារ​នេះ​បំផុត​។​
​ទីក្រុង​ហាណូយ​សម្បូរ​ទៅ​ដោយ​បឹង​ជាច្រើន ក៏ប៉ុន្តែ​បឹង Hoan Kiem គឺ​ស្ថិតនៅ​ចំ​កណ្តាល​តំបន់​ប្រវត្តិសាស្ត្រ និង​វប្បធម៌ ថ្វី​បើ​បឹង​នេះ​តូច​ជា​បឹង​ខាងលិច តែ​បឹង​នេះ​គឺ​មាន​តំបន់​ផ្សារ Old Quarter ព័ទ្ធជុំវិញ ដែល​ធ្វើឱ្យ​បឹង​នេះ​មាន​ទេសភាព​ស្រស់ស្អាត និង​ជា​ទី​លម្ហែ​អារម្មណ៍​ដ៏​ស្ងប់ស្ងាត់​សម្រាប់​ភ្ញៀវ​ដែល​ចង់​ចាកចេញ​ពី​ភាព​អ៊ូអរ​នៃ​ផ្សារ Old Quarter​។​
​ស្ថិត​នៅ​ចំ​កណ្តាល​បឹង​មាន​កោះ​តូច​មួយ​ដែល​មាន​វត្ត​សង់​ពី​ថ្ម​តូច​មួយ​នៅ​ពីលើ ក៏ប៉ុន្តែ​អ្នកដំណើរ​មិនអាច​ធ្វើដំណើរ​ទៅដល់​ឡើយ​ព្រោះ​តែ​គ្មាន​ស្ពាន ឬ​ទូក​ដើម្បី​នាំ​ទៅ​ឡើយ ប៉ុន្តែ​អ្នកទេសចរ​អាច​គយគន់​អណ្តើក​ដែល​ហែល​ចុះ​ឡើង​ក្នុង​បឹង​នេះ​បាន​។ ឈ្មោះ​បឹង​នេះ​គឺ​មាន​អត្ថន័យ​ថា “​បឹង​ព្រះខ័ន​វិល​វិញ​” មូលហេតុ​ដែល​បឹង​នេះ​មានឈ្មោះ​ដូច្នេះ​ក៏​ព្រោះតែ​មាន​ដំណាល​រឿង​ថា​ស្តេច​អណ្តើកមាស (Kim Qui) ជា​អ្នក​ដណ្តើម​ដាវ​យកមក​ប្រគល់ជូន​អធិរាជ Le Loi​។ ព្រះខ័ន​នេះ​ប្រគល់​ជូន​ក្នុង​គោលបំណង​វាយប្រហារ​រាជវង្ស​ម៉េង​របស់​ប្រទេស​ចិន​។ បន្ទាប់ពី​ទទួលបាន​ជោគជ័យ​ត​ទល់នឹង​ទ័ព​ឈ្លានពាន អធិរាជ​អង្គ​នោះ​ក៏​បាន​ជិះទូក​តាម​បឹង Hoan Kiem នៅពេល​នោះ​ស្រាប់តែ​មាន​អណ្តើក​យក្ស​មួយ​ផុសចេញ​ពី​ទឹក​ហើយ​ក៏​បាន​ដណ្តើម​ព្រះខ័ន​ពី​ទ្រង់ ហើយ​ហក់​ចូល​ក្នុង​ទឹក​ដ៏​ជ្រៅ​បាត់ស្រមោល​តាំងពី​ពេលនោះ​មក​។​
​បឹង​ខាងលិច​
​បឹង​ខាងលិច​គឺជា​បឹង​ដ៏​ធំ​ជាងគេ​បំផុត​នៅក្នុង​ទីក្រុង​ហាណូយ ដែល​បឹង​នេះ​អ្នកស្រុក​តែង​ហៅថា Tay Ho​។ នៅពេល​ដែល​អ្នក​ទៅ​ដល់​បឹង​នេះ អ្នកនឹង​បានឃើញ​ទេសភាព​អគារ​ខ្ពស់ៗ​ដ៏​ច្រើន​នៅ​ទីក្រុង​ហាណូយ​។ វត្ត Tay Ho និង​វត្ត Trấn Quốc គឺ​សុទ្ធតែ​ស្ថិតនៅ​ជិត​បឹង​នេះ​។ ប្រសិនបើ​អ្នក​ចង់​ភ្លក្ស​អាហា​រគ្រឿង​សមុទ្រ​រសជាតិ​បែប​វៀតណាម តំបន់​បឹង​ខាងលិច​គឺ​ស័ក្តិសម​បំផុត​សម្រាប់​អ្នក​។​
​ព្រះវិហារ​អក្សរសិល្ប៍​
​ទីក្រុង​ហាណូយ​ល្បីល្បាញ​ដោយសារតែ​ប្រវត្តិសាស្ត្រ​របស់​ខ្លួន​។ ដូច្នេះ​ហើយ​អ្នក​មិន​ត្រូវ​រំលង​ព្រះវិហារ​អក្សរសិល្ប៍​ឡើយ​។ ព្រះវិហារ​នៃ​ខុង​ជឺនេះ​ក៏​ជា​មហាវិទ្យាល័យ​ដំបូង​គេ​បំផុត​ប្រចាំ​ទីក្រុង​ហាណូយ​។ ព្រះវិហារ​នេះ​ផ្តល់ជូន​អ្នកទេសចរ​ឱ្យបាន​ស្គាល់​នូវ​ប្រវត្តិ​ជីវិត​របស់​បញ្ញាវន្ត​កំពូលៗ​របស់​ទីក្រុង​ហាណូយ​។ ព្រះវិហារ​នេះ​មាន​ទីធ្លា ៥ ដែល​មានរ​បង​ព័ទ្ធជុំវិញ ហើយ​តំបន់​នេះ​ក៏​មាន​ព្រះវិហារ​ដទៃ​ទៀត​ជាច្រើន​ផងដែរ​។​
​សកម្មភាព​កម្សាន្ត​នានា​
​មាន​អ្វី​ជាច្រើន​ដែល​អ្នក​គួរតែ​សាកល្បង​ធ្វើ​នៅក្នុង​ទីក្រុង​ហាណូយ ក៏ប៉ុន្តែ​ដោយសារ​តែ​ពេលវេលា​របស់​អ្នក​មាន​កំណត់ អ្នក​គួរតែ​ជ្រើសរើស​អ្វីដែល​ល្អ​បំផុត តួយ៉ាង​ដូចជា​ការកម្សាន្ត​ដូច​មាន​រ៉ាយរ៉ាប់​ខាងក្រោម​៖
​ញ៉ាំ​ស្រា​បៀរ​ហ៊ឺយ​នៅ Hoan Kiem Bia Hoi
​ដំណើរ​កម្សាន្ត​ទៅកាន់​ហាណូយ​របស់​អ្នក​នឹងមិន​ពេញលេញ​ឡើយ ប្រសិនបើ​អ្នក​មិន​បាន​ទៅ​ញ៉ាំ​ស្រា​បៀរ​ហ៊ឺយ​នៅ Hoan Kiem Bia Hoi​។ អង្គុយ​លើ​កៅអី​ជ័រ​ទាបៗ រួច​កុម្ម៉ង់​ស្រា​បៀរ​ដ៏​ឆ្ងាញ់​តែ​មាន​តម្លៃថោក​មែនទែន​ដែល​អ្នក​មិន​ធ្លាប់​បាន​ជួប​។
​ស្វែងយល់​ពី​ប្រវត្តិសាស្ត្រ​របស់​ប្រទេស​វៀតណាម​
​ហាណូយ​ជា​ទីក្រុង​ដែល​ពោរពេញ​ដោយ​ប្រវត្តិសាស្ត្រ ដំណើរ​កម្សាន្ត​របស់​អ្នក​នឹង​មិន​ពេញលេញ​ឡើយ​ប្រសិនបើ​អ្នក​មិន​បាន​ស្វែងយល់​ពី​ប្រវត្តិសាស្ត្រ​របស់​ទីក្រុង​នេះ​។ ដូច្នេះ សូម​កុំ​ភ្លេច​ទៅ​ទស្សនា​ព្រះវិហារ សារមន្ទីរ​នៅក្នុង​ទីក្រុង​ដើម្បី​ស្វែងយល់​ពី​សង្គ្រាម និង​រាជវង្ស​ម៉េង​។ ចេតិយ​ហូជីមិញ គុក Hoa Lo សារមន្ទីរ​ជាតិ​ពន្ធ​វិទ្យា គឺ​សុទ្ធតែ​ជា​តំបន់​ប្រវត្តិសាស្ត្រ​ល្អៗ​ដើម្បី​សិក្សា​ពី​ប្រវត្តិសាស្ត្រ​របស់​វៀតណាម​។
​ទិញ​វត្ថុ​អនុស្សាវរីយ៍​នៅឯ​ផ្សារ Dong Xuan
​ប្រសិនបើ​បាន​មកលេង​ទីក្រុង​ហាណូយ ហើយ​មិន​បាន​ទិញ​វត្ថុ​អនុស្សាវរីយ៍​អ្នក​ច្បាស់​ជា​ស្តាយក្រោយ​មិន​ខាន​។ អ្នក​អាច​ទៅ​ផ្សារ Dong Xuan ដើម្បី​ទិញ​វត្ថុ​អនុស្សាវរីយ៍​ដ៏​គួរឱ្យ​ចាប់អារម្មណ៍ ក៏ដូចជា​ទទួលយក​ប​ទ​ពិសោធន៍​ដើរ​ផ្សារ​ដ៏​អ៊ូអរ​នេះ​ផងដែរ​។​
​កន្លែង​លក់​អាហារ​ឆ្ងាញ់ៗ​
​យើង​មិន​អាច​វាយតម្លៃ​ហាង​អាហារ​តែ​សម្បក​ក្រៅ​ទាំង​មិនទាន់​បាន​ភ្លក្ស​អាហារ​នោះទេ​។ ខាងក្រោម​នេះ​គឺជា​ឈ្មោះ​ភោជនីយដ្ឋាន​ដែល​អ្នក​គួរតែ​សាកល្បង​ដើម្បី​ដឹង​ពី​រសជាតិ​អាហារ​បែប​វៀតណាម​ដ៏​ឈ្ងុយឆ្ងាញ់​៖
​ហាង​កាហ្វេ Au Lac
​ប្រសិនបើ​អ្នក​ចង់​ញ៉ាំ​កាហ្វេ​ឈ្ងុយឆ្ងាញ់ សាកល្បង​ទៅ​ហាង Au Lac នៅឯ Ly Thai​។ ហាង​កាហ្វេ​ដ៏​ស្រស់ស្រាយ​នេះ​មាន​ប្រគុំ​តន្ត្រី Jazz នៅ​ថ្ងៃ​អង្គារ៍ ព្រហស្បតិ៍ និង​ថ្ងៃ​អាទិត្យ​។​
​ភោជនីយដ្ឋាន Maison De Tet Décor
Maison De Tet Décor ជា​ភោជនីយដ្ឋាន​ដ៏​ទាន់សម័យ​ស្ថិត​នៅ​ទីក្រុង​ហាណូយ​សង្កាត់​បឹង​ខាងលិច​។ ភោជនីយដ្ឋាន​មួយ​នេះ​នឹង​ធ្វើឱ្យ​អ្នក​មាន​អារម្មណ៍​ថា​ដូចជា​នៅផ្ទះ​ដូច្នោះ​ឯង​។ នៅ​ទី​នេះ​អ្នក​អាច​ទទួល​ទាន​អាហារ​ពេលព្រឹក និង​កាហ្វេ ហើយ​ពេល​យប់​អ្នក​អាច​ញ៉ាំ​អាហារ​វៀតណាម​បាន​។​
​ទស្សនាចរ​ជុំវិញ​ទីក្រុង​ហាណូយ – មធ្យោបាយ​ធ្វើដំណើរ​ទៅមក​
​មាន​មធ្យោបាយ​ធ្វើ​ដំណើរ​ជា​ច្រើន​សម្រាប់​ឱ្យ​អ្នក​ដើរលេង​ជុំវិញ​ទីក្រុង​ហាណូយ​។ ប្រសិនបើ​អ្នក​ចង់​ឱ្យ​ដំណើរ​កម្សាន្ត​នៅ​ហាណូយ​របស់​អ្នក​មាន​លក្ខណៈ​រលូន​ល្អ យើងខ្ញុំ​សូម​ណែនាំ​ជម្រើស​ធ្វើដំណើរ​មួយចំនួន​សម្រាប់​អ្នកធ្វើ​ដំណើរ​កម្សាន្ត​នៅក្នុង​ទីក្រុង​៖
​ជិះឡាន​តាក់ស៊ី​
​តាក់ស៊ី​គឺ​មាន​តម្លៃថោក​នៅក្នុង​ទីក្រុង​ហាណូយ អ្នក​អាច​ជ្រើសរើស​ក្រុមហ៊ុន​តាក់ស៊ី​ដូចជា Hanoi Taxi, Mai Linh Taxi និង Taxi CP​។​
​ជិះ​ឡានក្រុង​
​ប្រសិនបើ​អ្នក​ចង់​ចំណាយ​តិច អ្នក​អាច​ធ្វើ​ដំណើរ​តាម​រថយន្តក្រុង​។​
​ជិះ​ម៉ូតូឌុប​
​ប្រសិនបើ​អ្នក​ពិតជា​ចង់​បាន​ដំណើរ​កម្សាន្ត​ដ៏​ល្អឥតខ្ចោះ អ្នក​គួរតែ​កក់​ម៉ូតូឌុប​។ ម៉ូតូឌុប​ទាំងនេះ​ពុំ​មាន​កំណត់​គីឡូម៉ែត្រ​ឡើយ ដូច្នេះ​អ្នក​គួរតែ​ឆែក​មើល​ឱ្យបាន​ត្រឹមត្រូវ​មុន​នឹង​ធ្វើកា​រកក់​។​
​ឥរិយាបថ​ដ៏​ល្អ​បំផុត​នៅ​ពេល​ដើរ​កម្សាន្ត​គឺ​បណ្តោយ​ខ្លួន​ទៅ​តាម​ស្ថានភាព ដោយ​ធ្វើ​ចិត្ត​រីករាយ​នឹង​វិស្សមកាល​របស់​អ្នក​។ ប្រសិនបើ​អ្នក​មាន​ពេល​ច្រើន អ្នក​គួរតែ​ទៅ​កម្សាន្ត​នៅ​កន្លែង​ដទៃ​ទៀត​ក្នុង​ទីក្រុង​ហាណូយ​ឱ្យបាន​ច្រើន​។ អ្នក​ក៏​អាច​ឆែក​មើល​ជើងហោះហើរ​ក្នុងស្រុក​ផ្សេងៗ​ដែល​ក្រុមហ៊ុន Vietjet ផ្តល់ជូន ដើម្បី​ទទួល​បាន​ភាព​រីករាយ​កាន់តែ​ច្រើន​ជាមួយ​ក្រុមហ៊ុន Vietjet Airline៕

Continue Reading

Trending

Copyright © 2018 Ladies Magazine Cambodia.