Connect with us

Health & Fitness

អនាម័យ​មាត់​ធ្មេញ​ល្អ​

គេ​តែង​និយាយថា “​ស្នាមញញឹម​គឺជា​ចំណុច​ដ៏​ទាក់ទាញ​បំផុត​របស់​នារី​។​” មិន​ខុស​ទេ ប៉ុន្តែ​នារី​ម្នាក់​នោះ​នឹង​កាន់តែ​

គេ​តែង​និយាយថា “​ស្នាមញញឹម​គឺជា​ចំណុច​ដ៏​ទាក់ទាញ​បំផុត​របស់​នារី​។​” មិន​ខុស​ទេ ប៉ុន្តែ​នារី​ម្នាក់​នោះ​នឹង​កាន់តែ​ស្រស់​ស្អាត​ប្រសិន បើ​នាង​មាន​ធ្មេញ​ស​ចែងចាំង​អម​មក​ជាមួយ​ស្នាមញញឹម​មួយ​នេះ​។

​ជាដំបូង យើង​ត្រូវ​ដឹង​ថា​បាក់តេរី​គឺ​អាច​រស់នៅ​ក្នុង​មាត់​របស់​យើង​បាន​នៅក្នុង​ទម្រង់​ជា​កំណក​បាក់តេរី​លើ​ធ្មេញ ហើយ​បាក់តេរី​ទាំងនេះ​បង្កឱ្យមាន​ដង្កូវ​ស៊ី​ធ្មេញ និង​រលាក​អញ្ចាញធ្មេញ​បាន និង​អាច​ឈាន​រហូត​ដល់​ជំងឺ​រលាក​អញ្ចាញធ្មេញ​ធ្ងន់ធ្ងរ​។ ដូច្នេះ​ដើម្បី​ញញឹម​ប្រកបដោយ​ភាពស្រស់ស្អាត ជាដំបូង​អ្នក​ត្រូវ​ថែរក្សា​សុខភាព​មាត់​ធ្មេញ​របស់​អ្នក​ឱ្យ​ល្អ​។ អ្នក​ត្រូវ​អនុវត្ត​អនាម័យ​មាត់​ធ្មេញ​ឱ្យបាន​ល្អ​ជា​រៀងរាល់ថ្ងៃ​។​

Portrait of beautiful with perfect smile. Isolated on white.

​តើ​អ្វី​ទៅ​ជា​កំណក​បាក់តេរី​?
​កំណក​បាក់តេរី​ជា​កំណក​ស្អិត​ដែល​ពូន​ផ្តុំ​ទៅ​ដោយ​បាក់តេរី​។ វា​នៅ​ជាប់​ធ្មេញ​គ្រប់កន្លែង រួម​ទាំង​កន្លែង​ដែល​ច្រាស​ដុសធ្មេញ​ដុស​មិន​ដល់​។ ភាគច្រើន​អាហារ​ដែល​យើង​ទទួល​ទាន ជាពិសេស​ប្រភេទ​អាហារ​ដែល​ផ្សំ​ដោយ​ធញ្ញជាតិ​ដូចជា​នំ​បុ័ង នំ​ស្រួយ Cracker នំ​សឺ​រៀល និង​អាហារ​ដែល​មាន​ជាតិ​ស្ករ​ដទៃទៀត អាច​ធ្វើឱ្យ​បាក់តេរី​នៅ​ក្នុង​មាត់​ផលិត​ជាតិ​អាស៊ីដ​បាន​។ នៅពេលដែល​មាន​កំណក​នេះហើយ វា​នឹង​ផលិត​សារធាតុ​ជាច្រើន​ដែល​អាច​ប៉ះពាល់​ដល់​អញ្ចាញធ្មេញ​ធ្វើឱ្យ​អញ្ចាញធ្មេញ​របស់​អ្នក​ឡើង​ក្រហម ឆាប់​ស្រៀវ និង​ឧស្សាហ៍​ហូរឈាម ហើយ​អាច​ឈានទៅដល់​ជំងឺ​អញ្ចាញធ្មេញ​ទៀតផង​។ ក្នុង​ករណី​ខ្លះ អញ្ចាញធ្មេញ​នេះ​អាច​ហើប​ចេញពី​ធ្មេញ ផ្ទុក​ទៅដោយ​បាក់តេរី និង​ខ្ទុះ​។ ប្រសិនបើ​អ្នក​មិន​ព្យាបាល​អញ្ចាញធ្មេញ​ឱ្យបាន​ល្អ​ទេ នោះ​ឆ្អឹង​ជុំវិញ​ធ្មេញ​អាច​នឹង​ត្រូវ​បំផ្លាញ រីឯ​ធ្មេញ​ក៏​ចាប់ផ្តើម​រលុង ហើយ​ចាំបាច់​ត្រូវ​ដកចេញ​។

Smiling young woman with healthy teeth holding a tooth brush

​វិធី​ដើម្បី​ទទួលបាន​សុខភាព​មាត់​ធ្មេញ​ល្អ​គឺ​ត្រូវ​កម្ចាត់​កំណក​ទាំងនេះ​ចេញ​តាម​រយៈ​ការ​ដុស​និង​សម្អាត​ធ្មេញ​ឱ្យបាន​ត្រឹមត្រូវ​ជា​រៀងរាល់ថ្ងៃ​។ ដុសធ្មេញ​របស់​អ្នក​ឱ្យបាន​ពីរដង​ក្នុង​មួយ​ថ្ងៃ​ជាមួយ​ច្រាស​ទន់​ល្អ​។ ទំហំ និង​រាងរៅ​ច្រាស​ដុសធ្មេញ​គួរតែ​សមល្ម​នឹង​ទំហំ​មាត់​របស់អ្នក និង​ងាយស្រួល​ឱ្យ​អ្នក​អាច​ដុសធ្មេញ​បាន​គ្រប់​កន្លុកកន្លៀត​។ ម្យ៉ាងទៀត ចូរ​ប្រើ​ថ្នាំដុសធ្មេញ​ដែលមាន​សារធាតុ​ប្រឆាំងនឹង​បាក់តេរី​ដូចជា​សារធាតុ​ភ្លុយអរ​ដើម្បី​ការពារ​ធ្មេញ​អ្នក​ពី​ការ​ពុកផុយ​។ ប្រើ​ខ្សែ​សម្អាត​ធ្មេញ​មួយ​ថ្ងៃ​ម្តង ឬ​ប្រើ​ទឹក​ខ្ពុរមាត់​ដើម្បី​សម្អាត​ចន្លោះ​ធ្មេញ​ដែល​ច្រាស​ដុសធ្មេញ​ដុស​មិន​ដល់​។

woman cleaning tooth with floss

​របៀប​ដុសធ្មេញ​ឱ្យបាន​ត្រឹមត្រូវ​
. ដាក់​ច្រាស​ដុសធ្មេញ​កែង​នឹង​អញ្ចាញធ្មេញ​នៅ​មុំ ៤៥ ដឺ​ក្រេ​។​
. រុញ​ច្រាស​ដុសធ្មេញ​ចុះឡើង​កាត់​ទទឹង​ធ្មេញ​ថ្នមៗ​ក្នុង​ចម្ងាយ​ខ្លីៗ​។​
. ដុសធ្មេញ​ផ្ទៃ​ខាងក្រៅ ផ្ទៃ​ខាងក្នុង និង​ផ្ទៃ​ខាងលើ (​កន្លែង​ទំពារ​)​។​
. ប្រើ​ចុង​ច្រាស ដើម្បី​សម្អាត​ផ្ទៃ​ខាង​ក្នុងនៃ​ធ្មេញ​មុខ ដោយ​ដុស​ថ្នមៗ​ពីលើ​ចុះក្រោម​។​
. ដុស​អណ្តាត​របស់​អ្នក​ដើម្បី​សម្អាត​បាក់តេរី និង​ជួយ​ឱ្យ​អ្នក​មាន​ខ្យល់​ដង្ហើម​ស្រស់ថ្លា​។
​ការប្រើ​ខ្សែ​ដើម្បី​សម្អាត​ធ្មេញ​
. កាត់​ខ្សែ​សម្អាត​ធ្មេញ​ប្រវែង ១៨ អ៊ី​ញ រួច​មូរ​វា​ជុំវិញ​ដៃ​កណ្តាល​ទាំងសងខាង​។ បន្តឹង​ខ្សែ​ឱ្យ​តឹង​ដោយ​ប្រើ​ដៃ​ចង្អុល និង​មេដៃ​។​
. ដាក់​ខ្សែ​នៅ​ចន្លោះ​ធ្មេញ​រួច​ត្រដុស​ទៅមក​ថ្នមៗ​។​
. នៅពេល​ដែល​ខ្សែ​ប៉ះ​នឹង​អញ្ចាញ​ធ្មេញ ចូរ​ទាញ​ខ្សែ​ឱ្យ​កោង​ជា​រាង​អក្សរ C ទល់​ជាមួយ​ធ្មេញ​មួយ​។ រួច​ហើយ​អូស​វា​ថ្នមៗ​នៅ​ចន្លោះ​អញ្ចាញ និង​ធ្មេញ​។​
. ទាញ​ខ្សែ​មក​ដាក់​នៅ​ចន្លោះ​ធ្មេញ​មុខ រួច​ទាញ​ខ្សែ​ចុះឡើង និង​រំកិល​ខ្សែ​ទៅតាម​រាងរៅ​ធ្មេញ​។
. កាន់​ខ្សែ​ឱ្យ​តឹង​ទល់​នឹង​ធ្មេញ​។ រួច​ត្រដុស​ខ្សែ​ថ្នមៗ​ទល់​នឹង​ធ្មេញ រួច​ទាញ​ខ្សែ​ចេញពី​អញ្ចាញ​តាមរយៈ​ការ​ទាញ​ចុះឡើង​។
. អនុវត្ត​បែបនេះ​ដដែលៗ​ចំពោះ​ធ្មេញ​ដែល​នៅសល់​ដទៃទៀត​៕

Copyright © 2018 Ladies Magazine Cambodia.