Connect with us

Fashion

ស្រស់​ស្អាត​នា​និទាឃ​រដូវ​

នេះ​ជា​អ្វី​ដែល​អ្នក​ត្រូវ​ជាវ​នៅ​រដូវ​កាល​នេះ

​នេះ​ជា​អ្វី​ដែល​អ្នក​ត្រូវ​ជាវ​នៅ​រដូវ​កាល​នេះ

​អាវ​បំពង់​
​ហៅថា Victorian គេ​និយាយថា​វា​ជា​ភា​សាអេ​ស្ប៉ាញ​។ មិន​ខ្វល់​ថា​វា​មាន​ឥទ្ធិពល​មក​ពី​ណា​នោះទេ សំខាន់​គឺ​អាវ​បំពង់​នេះ​ត្រឡប់​មក​វិញ​ហើយ​។ ពាក់អាវ​មាន​ដៃ​នេះ​សម្រាប់​តួនាទី​ជា​លេខា​ដ៏​ទាក់ទាញ ឬ​បង្ហាញ​នូវ​ភាពស្រស់ស្អាត​ដាច់​គេ​។


​ទ្រនាប់ជើង​ឃ្លុប​
​ទ្រនាប់ជើង​ឃ្លុប​ទីបំផុត​ស័ក្ដិសម​ជាងគេ​។ នៅត្រង់​ផ្នែក​នេះ​គឺ​ទ្រនាប់ជើង​ឃ្លុប​នេះ​ហើយ​ដែល​អាច​ធ្វើឱ្យ​អ្នក​ឈរ​បង្អួតរាង​បាន​។ អ្វី​ដែល​ប្រសើរ​ជាង​នេះ​ទៅទៀត​នោះ គឺ​ជើង​និង​ខ្នង​របស់​អ្នក​មិន​ចុក​រោយ​ស្រពន់​ឡើយ​។


​ប្រឡៅ​ក​
​បញ្ចេញ​ហ្វេ​ហ្សិន​គឺ​គ្រាន់តែ​ធ្វើ​ងាយៗ​ជាមួយនឹង​ប្រឡៅ​ក​ដ៏​ទាក់ទាញ​នេះ​។ ពី​ខ្សែ​ច្រវាក់​ដ៏​ហ‍៊ឹកហ៊ាក់​របស់ Phillip Lim ភ្ជាប់​កំណែ​ទៅ​នឹង​ការបង្ហាញ​ដ៏​សិច​ស៊ី​របស់ Armani ដែល​មើលទៅ​ហាក់បីដូចជា​ក្រមា Dior អ្នក​នឹង​មាន​ជម្រើស​ល្អៗ​ជាច្រើន​ទៀត​។


​រ៉ូ​បរលុង​
​ឥឡូវ នេះ​គឺជា​ត្រេន​ដ៍​មួយ​ដែល​អ្នក​នឹង​មិន​ចង់​ស្លៀក​រលុងៗ​នោះទេ​។ ឈុត​ក្នុង​ចាំង​ឆ្លុះ​ពិតជា​អស្ចារ្យ​ខ្លាំងណាស់​សម្រាប់​អាកាសធាតុ​ត្រូពិក​។ ស្លៀកពាក់​វា​ពីលើ​អាវយឺត​ឬ​ពី​ក្រោម​អាវយឺត​ពន្លា​ត់ក​។​


ខ្សែក្រវាត់​ធំ​
​បង្ហាញ​ភាពស្រស់ស្អាត​ព្រម​គ្នា​ជាមួយ​នឹង​ខ្សែ​ក្រវាត់​។ សម្រាប់​ភាព​ទាក់ទាញ​នៃ​ចង្កេះ​តូច គឺ​ដោយសារ​ខ្សែក្រវាត់​ធំ​មួយ​នេះឯង​។ ភាព​ឥត​ខ្ចោះ​សម្រាប់​អាវ​បំពង់​ធ្វើឱ្យ​រាង​ស្លីម និង​បង្ហាញ​នូវ​ភាព​ស្រស់​ស្អាត​នៃ​រ៉ូប​ខ្លី​នេះ​។


អាវ​សឺ​មី​ស​
​អាវ​សឺ​មី​ស boyfriend កំពុង​ធ្វើ​ឱ្យ​ចាប់អារម្មណ៍ ហើយ​បង្ហាញ​នូវ​ភាព​ជា​ស្ដ្រី​បន្ថែមទៀត ស័ក្ដិសម​ជា​មួយ​បូ​ធំ និង​ដៃ​អាវ​វែង​ដោយ​បត់​មូរ​ដៃ​។ នេះ​គឺជា​អាវ​មួយ​ដែល​យើង​នឹង​មិន​ចែករំលែក​ជាមួយ​គេ​បានទេ​។


ខោ​ខូវប៊យ​
​នេះ​គឺជា​ខោ​ខូវប៊យ​។ តើ​មាន​អ្វី​ខុស​ប្លែក​គ្នា​ដែរឬទេ​? ពិតជា​ស័ក្ដិសម​ខ្លាំងណាស់​។ អ្វី​ដែល​ស្រស់ស្អាត​បំផុត​គឺ​ខោ​ខូវប៊យ Haute Couture ត្រូវបាន​ឌី​ហ្សា​ញ​ឡើង​ដើម្បី​ធ្វើឱ្យ​សមាមាត្រ​ដងខ្លួន​របស់​អ្នក​កាន់តែ​មាន​រាង​ឡូយ​។ ជើងវែង រឹប​គូទ​បន្ដិច ហើយ​ចង្កេះ​តូច​៕

Fashion

ដំណើរ​តាម​នាវា​កម្សាន្ដ​

​តើ​លោក Ralph Lauren ជា​នរណា​?

​តើ​លោក Ralph Lauren ជា​នរណា​?

​ហេតុផល​ដែល​ធ្វើឱ្យ​ល្បីឈ្មោះ​៖ អ្នក​ឌី​ហ្សា​ញ​ហ្វេ​ហ្សិន​សញ្ជាតិ​អាមេរិកាំង​រូបនេះ មាន​ក្រុមហ៊ុន​ផលិត​សម្លៀកបំពាក់​ដែល​អាច​រក​ប្រាក់​បាន​រាប់​កោដិ​ដុល្លារ​។

គាត់​តែងតែ​មានបំណង​ចង់​បង្កើត​ភាព​ហ៊ឺហា​សាមញ្ញ​ដែល​មនុស្ស​គ្រប់​គ្នា​ចង់បាន​។ គាត់​ប្រើប្រាស់​ពណ៌​សំខាន់ៗ​តែប៉ុណ្ណោះ ហើយ​តែងតែ​ជា​អ្នក​ស្រឡាញ់​ពេញចិត្ដ​នឹង​ពណ៌​ស​ទន់​រលោង​។

ការ​កាត់ដេរ​សម្លៀកបំពាក់​យ៉ាង​ល្អ​ឥតខ្ចោះ កអាវ​ដ៏​ទាក់ទាញ និង​កូឡិក​ហ្សិន​ដ៏​ស្រស់ស្អាត គឺជា​សោភណភាព​របស់គាត់​។ នារី (The Ralph Lauren girl) ត្រូវបាន​គេ​ស្រមើស្រមៃ​ឃើញ​នៅ​លើ​នាវា​កម្សាន្ដ​មួយ ស្ទើរតែ​គ្មាន​ក្ដីបារម្ភ និង​ខ្យល់​ដ៏​ត្រជាក់​បក់​ផាត់រ​វិចរ​វិចៗ​។

​បុព្វហេតុ​ដើម្បី​ការងារ​មនុស្សធម៌​៖ ជាមួយនឹង​ក្រុមហ៊ុន​ស្លាក​សញ្ញា​ដ៏​ប្រណីត​របស់គាត់ ដែល​ងាយ​នឹងត្រូវ​គេ​ស្គាល់​ជុំវិញ​ពិភពលោក ដោយ​រក​ប្រាក់​បាន​យ៉ាង​មហាសាល លោក Ralph Lauren ក៏​បាន​បរិច្ចាគ​ទៅវិញ​ដើម្បី​បុព្វហេតុ​ការងារ​មនុស្សធម៌​។

គាត់​បាន​ចូលរួម​ផ្ដល់​មូលនិធិ​ទៅ​ដល់​មជ្ឈមណ្ឌល Nina Hyde ផ្នែក​ស្រាវជ្រាវ​ជំងឺមហារីក​សុដន់ (Nina Hyde Center for Breast Cancer Research) នៅឯ​សាកលវិទ្យាល័យ Georgetown University ហើយ​នៅ​ឆ្នាំ​២០០១ សាជីវកម្ម Ralph Lauren Corporation បាន​បើក​មូលនិធិ Polo Ralph Lauren Foundation ដើម្បី​លើកកម្ពស់​ការយល់ដឹង​ចំពោះ​គំនិត​ផ្ដួចផ្ដើម​ការងារ​មនុស្សធម៌​ដទៃទៀត​នៅ​ជុំវិញ​ពិភពលោក​។

Ralph Lauren Fashion Show, Ready to Wear Collection Spring Summer 2016 in New York

លោក Lauren ក៏​បាន​ចាប់ផ្ដើម​គំនិត​ផ្ដួចផ្ដើម​ទូទាំង​ពិភពលោក​មួយ​ផងដែរ ក្នុង​ការប្រយុទ្ធប្រឆាំង​ទៅ​នឹង​ជំងឺមហារីក​ដែល​មានឈ្មោះ​ថា​មូលនិធិ Pink Pony Fund​។ គាត់​ក៏​កំពុងតែ​ផ្ដល់​មូលនិធិ​ទៅ​ដល់​មន្ទីរ​ស្រាវជ្រាវ​ជំងឺមហារីក​ដ៏​ទំនើប​មួយ​ផង​ដែរ​៕

Ralph Lauren Fashion Show, Ready to Wear Collection Spring Summer 2016 in New York

Continue Reading

Fashion

ការច្នៃ​ម៉ូដមាន​លក្ខណៈ​ប្លែក

ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​

Isabel Marant
អ្នកស្រី Isabel Marant និង​ការ​បំផុស​គំនិត​ដែល​ទទួលបាន​ពី​អាស៊ី​ខាងកើត​


​ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​ច្នៃ​ម៉ូដ​របស់​ខ្លួន​ទៅរក​ក្រុម​ជនជាតិ​ម្តងទៀត​ហើយ​។ អ្នកស្រី​មិន​បាន​ធ្វើឱ្យ​យើង​ខកចិត្ត​ឡើយ​ជាមួយ​ស្នាដៃ​ច្នៃ​ម៉ូដ​ដ៏​ស្រស់​ស្អាត​បង្កប់​ម៉ូដ​ប្រពៃណី​ជនជាតិ​។

ម៉ូដ​ដែល​អ្នកស្រី​ច្នៃ​គឺ​ទទួល​ឥទ្ធិពល​ពី​មជ្ឈឹម​បូព៌ា​មានដូចជា​ម៉ូដ​ខោ​ប៉ោង​ជើងវែង​គូ​ជាមួយ​អាវ​ក្រៅ​តូច​រលុង​មាន​ជាយ​រសាត់​បន្ថែម​ជាមួយ​ស្បែកជើង​ចង​ខ្សែកម្ពស់​ផ្សេងៗ​គ្នា​។

ក្រណាត់​ទាំងនោះ​លម្អ​ទៅដោយ​ក្បាច់​ប្រពៃណី ក្បាច់​ប៉ាក់​ភ្លឺ​ផ្លេក និង​ត្បូង​ថ្លា​ផ្សេងៗ​ដែល​អ្នកស្រី Marrant ចូលចិត្ត​ប្រើ​យក​មក​ច្នៃ​ពីលើ​ដូចជា​ម៉ូដ​អាវ​ក្រៅ​វែង ម៉ូដ​អាវ​ក្រប់​ថប់ និង​នៅលើ​ចង្កេះ​។

ការច្នៃ​ម៉ូដ​លើក​នេះ​មាន​លក្ខណៈ​ប្លែក​មើល​ទៅ​ស្រស់ស្អាត​ជាង​ស្នាដៃ​មុនៗ​របស់​អ្នកស្រី Marant​។

Max Mara
ពី​សុភាពនារី​ទៅ​ជា​នារី​ឡូយឆាយ​

ម៉ាក Max Mara ផ្លាស់ប្តូរ​ជា​មួយ​ស្តា​យល៍​ហ្វេ​ហ្សិន​បែប​ទំនើង​
​ក្រុមហ៊ុន​ជំនួញ​ផ្នែក​សម្លៀក​បំពាក់​លំដាប់​ខ្ពស់​អ៊ីតាលី​បាន​ផ្ទាត់​ចោល​នូវ​ច្បាប់​កាត់ដេរ​ហើយ​បង្កើត​ច្បាប់​ថ្មី​ដោយ​ខ្លួនឯង​។

សម្រាប់​និទាឃ​រដូវ​នេះ ម៉ាក Max Mara បាន​ធ្វើ​ការផ្លាស់ប្តូរ​ហ្វេ​ហ្សិន​ប្រពៃណី​ទៅជា​ហ្វេ​ហ្សិ​ន​សប្បាយៗ​បែប​ទំនើប​។ តើ​នរណា​ទៅ​នឹកឃើញ​កាត់ដេរ​សម្លៀកបំពាក់​ដែល​មាន​ដៃ​វែង​ជ្រុល រីឯ​ឡេវអាវ​រត់​ខុស​ជួរ និង​មិន​ត្រូវ​គ្នា​បែប​នេះ​?

ប្រសិនបើ​ស្តាយល៍​ដ៏​ប្លែក​នេះ​នៅ​មិន​អាច​ទាក់ទាញ​ចិត្ត​របស់​អ្នក​បាន​ទេ សាកល្បង​មក​មើល​ឈុត​សម្លៀក​បំពាក់​ដែល​មាន​រូប​ផ្កាយ​ពី​ស្មា​ដល់​ចុងជើង​ទាំងនេះ​ទៅ​មើល៎​! មិនតែប៉ុណ្ណោះ​នៅ​មាន​ឈុត​ក្រឡា​ឆ្នូត​ម៉ូដ​នាវិក​គូ​ជាមួយនឹង​កាបូប​ក្រណាត់​ចងខ្សែ​ធ្វើឱ្យ​មាន​អារម្មណ៍​ដូចជា​នាវិកា​ដ៏​ស្រស់​សោភា​ពិតៗ​៕​

Continue Reading

Fashion

Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន

Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍

ត្រឡប់​ទៅ​អនាគតកាល​
Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន


Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍​ផ្ទាល់ខ្លួន​។

“​កូឡិក​ហ្សិន​ប្រចាំ​រដូវ​កាលនេះ​គឺជា​ការឧ​ទ្ទិស​ចំពោះ​យុវតី​ឈ្មោះ Kate, Chloé, Cecilia, Corinne, Rosemary, Emma និង Courtney ដែល​តំណាងឱ្យ​សេរីភាព​និង​អេ​ឡេ​ហ្គង់​នៃ​ភាពសាមញ្ញដ៏​អស្ចារ្យ​បំផុត​។​”

ការ​ចងចាំ​នូវ​មោទកភាព​នា​ទសវត្សរ៍​ទី​៩០ បាន​ត្រឡប់​មក​វិញ​យ៉ាង​ជោរជន់​ជាមួយនឹង​ភាពទាន់សម័យ​។

ខោជើងវែង​រលោង​ស្រិល​ត្រូវបាន​គេ​ស្លៀក​ជាមួយនឹង​អាវ​បំពង់​វាល​ស្មា ហើយ​ឈុត​សម្លៀក​ផ្នែក​ខាងលើនេះ ក៏​ស័ក្ដិសម​ជា​មួយ​នឹង​សំពត់​ម៉ាក់​ស៊ី​ផងដែរ រីឯ​ភាព​ឡូយឆាយ​នេះ​មាន​ភាព​សមសួន​បំផុត និង​ភាព​រីករាយ​ឥត​ក្ដីបារម្ភ​នៃ​កូឡិក​ហ្សិន​នេះ ក៏បាន​ផ្ដល់​នូវ​ស្ដាយល៍​ដ៏​រីករាយ​ដែល​មិន​អាច​បំភ្លេចបាន​។

ឈុត​បែប​កីឡា​ដ៏​ស្រស់​ស្អាត​នេះ​ពិតជា​អស្ចារ្យ​ខ្លាំងណាស់​៕


Continue Reading

Trending

Copyright © 2018 Ladies Magazine Cambodia.