Connect with us

Beauty

ម៉ូដ​សក់​ដែល​ស័ក្ដិសម​នឹង​ទម្រង់​មុខ​គ្រប់​ប្រភេទ​

មិនមែន​គ្រប់​ស្តា​យល៍​សក់​ទាំងអស់​សុទ្ធ​តែ​ស័ក្ដិសម​នឹង​ទម្រង់​របស់​អ្នក​ឡើយ

ស្តា​យល៍​សក់ពុះ​កណ្ដាល​របស់​តារា​បង្ហាញ​ម៉ូដ Kendall Jenner? មិន​ស័ក្ដិសម​នឹង​អ្នក​ឡើយ​!

 

​សក់សេះ​ដ៏​ស្រស់​ស្អាត​របស់ Kiera? មិន​ស័ក្ដិសម​នឹង​ទម្រង់​មុខ​របស់​អ្នក​ឡើយ​!

 

“​មិនមែន​គ្រប់​ស្តា​យល៍​សក់​ទាំងអស់​សុទ្ធ​តែ​ស័ក្ដិសម​នឹង​ទម្រង់​របស់​អ្នក​ឡើយ​។ អ្នក​ត្រូវ​តែ​ជ្រើសរើស​ម៉ូដ​សក់​ដែល​ស័ក្ដិសម​នឹង​ស្តា​យល៍​សក់​ដែល​អ្នក​ចង់​បាន​”​។​

 

​អ្នក​អាច​ញញឹម​បាន​ហើយ​ពេលនេះ​។ តើ​វា​ពិតជា​ពិបាក​ក្នុង​ការទទួលបាន​ម៉ូដ​សក់​ដែល​ស័ក្ដសិ​មនឹង​ផ្ទៃ​មុខ​របស់​អ្នក ហើយ​ដូច​ទៅ​នឹង​តារា​ល្បី​ដែល​អ្នក​ចូល​ចិត្ត​ណាស់​? ចុះ​ម៉េច​បាន​ជា​អ្នក​មិន​លេង​ស្តា​យល៍​សក់​ដូចជា​តួអង្គ Katniss Everdeen ដែល​អ្នក​ដទៃ​មិន​អាច​ធ្វើបាន​? ប្រសិនបើ​អ្នក​មិនដឹងថា​តើ​អ្នក​គួរ​ជ្រើសរើស​ម៉ូដ​សក់​បែបណា​នោះ ខាងក្រោម​នេះ​ម៉ូដ​សក់​ស័ក្ដិសម​នឹង​គ្រប់​ទម្រង់​មុខ​ទាំង​អស់​៖

 

 

​សក់សេះ​វែកចំហៀង​

 

​សក់សេះ​វែកចំហៀង​ជា​ម៉ូដ​សក់​ដែល​ពេញនិយម​ជាងគេ​។ ពីព្រោះ​វា​ជួយ​កុំឱ្យ​អ្នកដទៃ​ចាប់អារម្មណ៍​លើ​ចង្កា​ស្រួច​នៃ​ផ្ទៃមុខ​រាង​បេះដូង​របស់​អ្នក​។ ហើយ​វា​ថែម​ទាំង​ជួយ​បិទបាំង​ផ្ទៃមុខ​មូល​បាន​ផងដែរ​។ មិន​តែ​ប៉ុណ្ណោះ​វា​ថែម​ទាំង​ស័ក្ដិសម​នឹង​ទម្រង់​មុខ​ការ៉េ​។​

 

​នាង Halle Berry នាង Emma Stone នាង Olivia Wilde អនុញាតិ​ឱ្យ​តារា​ល្បី​ទាំងនេះ​ធ្វើ​ជា​គំរូ​ស្តា​យល៍​របស់​អ្នក​។​

 

 

​ចុះ​ចំណែក​អ្នក​ដែល​មាន​ទម្រង់​មុខ​វែង​វិញ​?
​សក់សេះ​របស់​អ្នក​គួរតែ​ហួស​ចិញ្ចើម​បន្តិច​។ អ្នក​ត្រូវ​តែ​បន្ថែម​ទទឹង​សក់សេះ​ឱ្យ​វែង​ប្រសិនបើ​អ្នក​មាន​ទម្រង់​មុខ​វែង ហើយ​វា​ពិតជា​ជួយ​លើក​សម្រស់​ផ្ទៃមុខ​របស់​អ្នក​បាន​ពិតមែន​។​
​នាង Hannah Simone សក់សេះ​របស់​នាង​ពិតជា​ស្រស់ស្អាត​មែនទែន​!
​កុំ​ស្ដាប់​ពាក្យ​បង្អាប់​ច្រើនពេក ការលេង​ម៉ូដ​សក់សេះ​បន្តិច នឹង​ធ្វើឱ្យ​ផ្ទៃមុខ​របស់​អ្នក​កាន់តែ​ទាក់ទាញ​ជាក់​ជាមិនខាន​មិន​ថា​អ្នក​មាន​ទម្រង់​មុខ​បែបណា​ឡើយ​។​

 

 

​ប្រវែង​សក់​សមល្មម មិន​ខ្លី មិន​វែង​
​សក់​ម៉ូដ​នេះ​មិន​វែង ហើយក៏​មិន​ខ្លី​ដែរ វា​នៅ​ប្រះ​ស្មា​របស់​អ្នក​។ ម៉ូដ​សក់​បែប​នេះ​មិន​ត្រឹមតែ​ស័ក្ដិសម​នឹង​សម្លៀកបំពាក់​ធ្វើការ​ប៉ុណ្ណោះ​ឡើយ វា​ថែមទាំង​ស័ក្ដិសម​នឹង​សម្លៀក​បំពាក់​ចូលរួម​កម្មវិធី​ផងដែរ​។​
​ម៉ូដ​សក់​ប្រភេទ​នេះ​មិន​រើស​ទម្រង់​មុខ​ឡើយ​ទោះ​អ្នក​មាន​ទម្រង់​មុខ​វែង ការ៉េ ឬ​មូល​ក៏ដោយ​។​
​សម្រាប់​សក់​ខ្លី​ពិតជា​ធ្វើឱ្យ​អ្នក​មាន​ទម្រង់​មុខ​វែង មើលទៅ​ឃើញ​ខ្លី​ជាង​មុន​ជា​ពិសេស​នៅពេល​ដែល​អ្នក​វា​សវា​ទៅក្រោយ​។​
​សម្រាប់​អ្នកមាន​ទម្រង់​មុខ​ជ្រុង អ្នក​គួរតែ​សិត​វែក​សក់​ទៅ​ចំហៀង​ផ្ទៃមុខ​ហើយ​គួរតែ​មូរ​រួញ​បន្តិច​ទើប​ស្អាត​។​
​អ្នក​ប្រហែលជា​គិតថា​វា​ចំណាយ​ពេល​ច្រើន​បន្តិច ប៉ុន្តែ​វា​មិន​ដូច្នេះ​ទេ ហើយ​ម៉ូដ​សក់​បែបនេះ​នឹង​ជួយ​បិទបាំង​ផ្ទៃមុខ​កុំឱ្យ​ឃើញ​ធំ​ពេក​ផងដែរ​។​
​សម្រាប់​អ្នកមាន​ទម្រង់​មុខ​មូល ប្រសិនបើ​អ្នក​ចង់​ធ្វើ​ម៉ូដ​សក់​ប្រភេទ​នេះ អ្នក​គួរតែ​កៀប​សក់​ឱ្យ​ត្រង់​ទើប​ស្អាត​។ ការធ្វើ​បែប​នេះ​នឹង​ធ្វើឱ្យ​ផ្ទៃមុខ​របស់​អ្នក​មើល​ទៅ​ឃើញ​វែង​ជាង​មុន​។
​នេះ​ជា​ស្តា​យល៍​របស់​នាង Milla Jovovich​។

 

, Los Angeles, CA Р1/17/2017 РSVEDKA Vodka’s 2nd Annual Broken Resolutions Bash in Los Angeles. -PICTURED: Nicole Richie -PHOTO by: Michael Simon/startraksphoto.com -MS10709 Editorial РRights Managed Image РPlease contact www.startraksphoto.com for licensing fee Startraks Photo New York, NY For licensing please call 212-414-9464 or email sales@startraksphoto.com Startraks Photo reserves the right to pursue unauthorized users of this image. If you violate our intellectual property you may be liable for actual damages, loss of income, and profits you derive from the use of this image, and where appropriate, the cost of collection and/or statutory damages.

 

​ស្តា​យល៍​សក់​ត្រសុស​ស្តា​យល៍​រួញ​ភ្លីធំ​
​នាង Mila Kunis កំពុងតែ​ញញឹម​ពីព្រោះ​នាង​ដឹង​ថា​វា​នឹង​កើតមានឡើង​។​
​និយាយ​ដោយ​ស្មោះត្រង់​ទៅ​ចុះ ម៉ូដ​សក់​ប្រភេទ​នេះ​ពិតជា​មិនអាច​បំភ្លេច​ចោល​បានឡើយ​។ នេះ​ក៏​ព្រោះតែ​សក់​ត្រសុស​ស្តាយល៍​រួញ​ភ្លីធំ​ដ៏​ស័ក្ដិសម​នឹង​ទម្រង់​មុខ​គ្រប់​ប្រភេទ​។ អ្នក​ទាំងអស់​គ្នា​អាច​សាកល្បង​ល៎មើល​។
​ស្តា​យល៍​ត្រសុស​រួញ​ភ្លីធំ​នេះ​នឹងប​ក់រវិច​មក​លើ​ផ្ទៃមុខ​របស់​អ្នក​ត្រង់​ចង្កា​។ ទម្រង់​មុខ​របស់​អ្នក​មើលទៅ​ឃើញ​វែង​ជាង​មុន​។​
​ប្រសិនបើ​អ្នក​មាន​ទម្រង់​មុខ​វែង​ស្រាប់ នោះ​អ្នក​ត្រូវ​ធ្វើឱ្យ​ស្រទាប់​សក់​របស់​អ្នក​នៅ​ត្រឹម​ឆ្អឹង​ថ្ពាល់​របស់​អ្នក​។ អ្នក​ពិតជា​ស្រស់ស្អាត​ខ្លាំងណាស់​!
​ជា​ចុងក្រោយ​ប្រសិនបើ​អ្នក​មាន​ទម្រង់​មុខ​ជ្រុង អ្នក​ត្រូវ​តែ​ឱ្យ​ស្រទាប់​សក់​របស់​អ្នក​នៅ​ខាងក្រោម​ថ្ពាល់​របស់​អ្នក​។ ម៉ូដ​សក់​ប្រភេទ​នេះ​នឹង​ជួយ​បិទបាំង​ផ្ទៃមុខ​ជ្រុង​របស់​អ្នក​បាន​យ៉ាង​មាន​ប្រសិទ្ធភាព​បំផុត​។​
​នាង Nicole Richie ក៏​ស្រលាញ់​ម៉ូដ​សក់​នេះ​ដែរ​។​

 

 

​ម៉ូដ​សក់​ខ្លី​
​ចា៎ វា​ពិតជា​មិន​ទាស់​ខុស​អ្វី​ទេ​មិនថាតែ​អ្នកមាន​ទម្រង់​មុខ​វែង ទម្រង់​មុខ​ខ្លី ទម្រង់​មុខ​ជ្រុង ឬ​មុខ​មូល​ឡើយ អ្នក​គ្រាន់តែ​ហ៊ាន​បន្តិច​តែប៉ុណ្ណោះ ដូចជា​ស្តា​យល៍​សក់​របស់​នាង Jennifer Lawrence អ៊‍ីចឹង​។ អ្នក​នឹង​ត្រូវ​កាត់សក់​របស់​អ្នក​ឱ្យ​ខ្លី​មែនទែន​ដោយ​ផ្អែក​លើ​ទម្រង់​មុខ​របស់​អ្នក​។​
​ដូច្នេះ​អ្នក​គួរ​សាកល្បង​ប្រសិនបើ​អ្នក​មាន​ទម្រង់​មុខ​មូល​។ អ្នក​ត្រូវ​តែ​កាត់​វា​ឱ្យនៅ​រាង​វែង​បន្តិច និង​រាង​វែង​ជាង​សក់​ខ្លី​ធម្មតា​។ ការ​កាត់​បែបនេះ​នឹង​ធ្វើឱ្យ​មុខ​របស់​អ្នក​មើល​ទៅ​វែង​ជាមុន​។ ប្រសិនបើ​អ្នក​មាន​ទម្រង់​មុខ​វែង​ហើយ​អ្នក​ចង់​ធ្វើ​ម៉ូដ​សក់​ប្រភេទ​នេះ នោះ​សក់​វែកចំហៀង​បាំង​ផ្ទៃមុខ​របស់​អ្នក​ត្រូវ​តែ​ខ្លី​បន្តិច​។
​សម្រាប់​អ្នក​ដែល​មាន​ទម្រង់​មុខ​រាង​ការ៉េ អ្នក​គួរតែ​កុំ​កាត់សក់​វែកចំហៀង​ឱ្យ​ស្ដើង​ពេក​។ សម្រាប់​អ្នកមាន​ទម្រង់​មុខ​រាង​បេះដូង អ្នក​គួរតែ​រក្សាទុក​ស​ក់វែក​ចំហៀង​ឱ្យ​វែង​បន្តិច​។​

 

 

​ស្តា​យល៍​សក់វែង​មុខ​ខ្លី​ក្រោយ​!
​មនុស្ស​ប្រុស​ចូលចិត្ត​ម៉ូដ​សក់​ប្រភេទ​នេះ​ណាស់​។​
​ម៉ូដ​សក់​ប្រភេទ​នេះ​នឹង​ធ្វើឱ្យ​អ្នក​មើល​ទៅ​ទាន់សម័យ និង​មាន​ភាព​ជឿជាក់​លើ​ខ្លួនឯង ពីព្រោះ​ថា​ទោះបីជា​អ្នក​មាន​ទម្រង់​បែបណា​ក៏​អ្នក​អាច​កាត់សក់​ម៉ូដ​នេះ​បានដែរ​។ ម្យ៉ាងវិញទៀត​អ្នក​ក៏​មិន​ចាំបាច់​កាត់សក់​ឱ្យ​ខ្លី​ខ្លាំងពេក​ដែរ​។​

 

​ម៉ូដ​សក់​វែង​មុខ​ខ្លី​ក្រោយ​អាច​ធ្វើឱ្យ​អ្នក​មាន​ទម្រង់​មុខ​រាង​ការ៉េ​មើលទៅ​ឃើញ​តូច​ជាង​មុន អ្នក​អាច​សិត​វែកចំហៀង​ជាមួយ​ម៉ូដ​សក់​ប្រភេទ​នេះ​។ ប្រសិនបើ​អ្នក​មាន​មុខ​វែង​អ្នក​អាច​មូរ​រួញ​សក់​ផ្នែក​ខាងក្រោយ​និង​សក់​ដែល​អ្នក​បាន​វែកចំហៀង​ដើម្បី​ឱ្យ​មើល​ទៅ​ស័ក្ដិសម និង​កាន់តែ​ទាន់សម័យ​។​
​អ្នក​អាច​មូរ​បែបណា​ក៏​បាន​តាម​ដែល​អ្នក​ចូលចិត្ត​។ ស្រស់​ស្អាត​ដូចជា​នាង​Victoria Beckham អ៊‍ីចឹង​។​
​តើ​ម៉ូដ​សក់​មួយណា​ដែល​ស័ក្ដិសម​នឹង​ទម្រង់​មុខ​របស់​អ្នក​បំផុត​? ចែករំលែក​ជាមួយ​យើងខ្ញុំ​ផង​!

 

Continue Reading

Beauty

អ្វីដែលមិនគួរមើលរំលង

ផលិតផល​ផ្តល់​ជាតិ​សំណើម Tom Ford Radiant Moisture Soufflé

ផលិតផល​ផ្តល់​ជាតិ​សំណើម Tom Ford Radiant Moisture Soufflé
​នេះ​ជា​ផលិតផល​ផ្តល់​ជាតិ​សំណើម​ប្រើ​សម្រាប់​លាបមុខ​មុន​ពេល​ផាត់​ម៉ាហ្គីយ៉េ ជា​ក្រែ​មរលោង​ប្រើ​សម្រាប់​លាប​លើ​ស្បែក​ដែល​មិន​ទាន់​តុបតែង ឬ​អ្នក​អាច​លាប​មុនពេល​ផាត់ម្សៅ​ទ្រនាប់​ដើម្បី​ឱ្យ​ស្បែក​មើល​ទៅ​ភ្លឺ​ស្អាត​និង​រលោង​។​


​រោម​ភ្នែក Battington Lashes
​រោមភ្នែក​ក្លែងក្លាយ​ជា​ស្តា​យល៍​ពេញនិយម​បំផុត​នា​បច្ចុប្បន្ននេះ​។ រោម​ភ្នែក Battington ច្បាស់​ជា​ធ្វើឱ្យ​អ្នក​លែង​ចង់​ទិញ​រោម​ភ្នែក​ដែល​មាន​តម្លៃ​ថោក​ទៀត​មិន​ខាន​។ លក្ខណៈ​ពិសេស​នៃ​រោមភ្នែក​នេះ​គឺ​ថា​អ្នក​អាចយ​ករោម​ភ្នែក​នេះ​មកប្រើប្រាស់​ឡើងវិញ​បាន​រហូត​ដល់ ២៥​ដង​ឯណោះ​។​


​សេរ៉ូម​ការពារ​ភាព​ជ្រីវជ្រួញ La Prairie Cellular Swiss Ice Crystal Serum
​នេះ​ជា​ផលិតផល​ការពារ​ភាពចំណាស់​ដ៏​ល្អ​ជាង​គេ​បំផុត ហើយ​ក៏​កំពុងតែ​ពេញនិយម​បំផុត​ផងដែរ​នៅលើ​ទីផ្សារ​។ គ្រឿងផ្សំ​ថ្មី​ចុងក្រោយ​របស់ La Prairie គឺ​មាន​លក្ខណៈ​រលោង​ជួយ​ការពារ​ស្នាម​ជ្រីវជ្រួញ និង​ធ្វើឱ្យ​ស្បែក​ភ្លឺរលោង​ស្អាត​។​


ពណ៌​សម្រាប់​លាយ​ម្សៅ​ទ្រនាប់ The Body Shop Shade Adjusting Drops
​ការស្វែងរក​ម្សៅ​ទ្រនាប់​ឱ្យ​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​មែន​ជា​រឿង​ងាយ​ឡើយ​។ ក៏​ប៉ុន្តែ​ប្រសិនបើ​អ្នក​បន្ថែម​ទឹក​ពណ៌​មួយ​តំណក់​លាយ​ជាមួយ​ម្សៅ​ទ្រនាប់​ដែល​អ្នក​ចូលចិត្ត ពណ៌​លឿងចាស់​ដែល​បានមកពី​ទឹក​ពណ៌​នោះ​នឹង​បង្កើតបាន​ជា​ពណ៌​ម្សៅ​ទ្រនាប់​ដែល​អ្នក​ចង់​បាន​មិន​ខាន​។ បន្ទាប់​ពី​លាយ​រួច អ្នក​នឹង​ទទួលបាន​ពណ៌​ថ្មី​ដែល​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​ខាន​។ គឺ​ប្រៀប​ដូចជា​វេទមន្ត​ដូច្នោះ​ឯង​។​


ម្សៅ​រលោង ​Make Beauty Moonlight Primer
​ម្សៅ​រលោង Make Beauty’s Moonlight Primer ជួយ​ការពារ​ស្បែក​អ្នក​ពី​កាំរស្មី​យូ​វី និង​កាំរស្មី HEV ដែល​ឡេ​ការពារ​កម្តៅថ្ងៃ​ប្រភេទ​ធម្មតា​មិន​អាច​ការពារ​បាន​។ សេរ៉ូម​នេះ​ក៏​ជួយ​ធ្វើឱ្យ​ស្បែក​របស់​អ្នក​មើល​ទៅ​រលោង​គ្មាន​ស្លាកស្នាម​ផងដែរ​៕

Continue Reading

Beauty

ធ្វើឱ្យ​ត្រគាក​ស្រ​ឡូ​ន

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន

​ធ្វើឱ្យ​រាង​ត្រគាក​របស់​អ្នក​កាន់តែ​ស្រ​ឡូ​ន​ស្រស់​ស្អាត​ដើម្បី​ស្លៀកខោ​ខូវប៊យ ខោខ្លី ឬ​ឈុត​ហែល​ទឹក​ឱ្យ​មើលទៅ​ឃើញ​សម​សួន​!

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន​រាង​ត្រគាក​ឡូយ​។


​ដេក​ពើង​ត្រគាក​ឡើងលើ​
​គេង​ផ្ងារ​ដោយ​ដាក់​ដៃ​របស់​អ្នក​សណ្ដូក​ចុះក្រោម ហើយ​ដាក់​ជើង​របស់​អ្នក​អង្កុញ​នៅលើ​កម្រាល​។​
​លើក​ត្រគាក​របស់​អ្នក​ឡើងលើ​។ ទប់​ឱ្យ​ជាប់ បន្ទាប់​មក​ចំកោង​ចុះក្រោម​។​
​ចាប់​កំភួនជើង​របស់​អ្នក នៅពេលដែល​ត្រគាក​របស់​អ្នក​ពើង​ឡើងលើ​។​
​ដើម្បី​ធ្វើឱ្យ​លំ​ហាត់ប្រាណ​នេះ​លំបាក​ថែម​ទៀត កន្ធែកជើង​ម្ខាង​លើក​ឡើង​លើ និង​ដាក់​ភ្លៅ​របស់​អ្នក​ឱ្យ​ស្មើ​ស្របគ្នា​។​​បន្ទាប់​មក​ទម្លាក់​ខ្នង​ចុះ​ក្រោម​សន្សឹមៗ​។​
​អនុវត្ដ​ការធ្វើ​លំ​ហាត់ប្រាណ​នេះ​រយៈពេល​៣០​វិនាទី ប្ដូរ​ចុះឡើងៗ​ហើយ​ធ្វើ​ចលនា​រយៈពេល​៣០​វិនាទី​ទៀត ដោយ​ប្រើ​ជើង​ម្ខាង​ទៀត​។


​លើកជើង​ឡើងលើ​
​ឈរ​កន្ធែកជើង​ចេញ​ពី​គ្នា ហើយ​លើក​ដុំ​ដែក​ទម្ងន់​៥​ផោន​ដ៍​នៅ​នឹង​ដៃ​ម្ខាងៗ​។ ប្រសិនបើ​អ្នក​មិន​មាន​ដុំ​ដែក​ទេ រក​ដប​ពីរ​ច្រក​ទឹក​ឱ្យ​ពេញ ឬ​ប្រើ​វត្ថុ​អ្វីមួយ​ដែល​មាន​ទម្ងន់​ប្រហាក់ប្រហែលគ្នា​។
​ពត់​ជើង​ស្ដាំ​របស់​អ្នក​ហើយ​លើក​វា​ឡើង​លើ​ឱ្យ​ផុត​ពី​កម្រាល​កម្ពស់​ប្រហែល​បី​អ៊ិញ​។ លាតដៃ​ទាំង​ពីរ​ដាក់​មុខ​អ្នក​កម្ពស់​ស្មើ​ទ្រូង និង​ដាក់​បាតដៃ​របស់​អ្នក​ចុះក្រោម​។​
​ដាក់​ដៃ​របស់​អ្នក​ឱ្យ​ត្រង់ ហើយ​លើកដៃ​ឆ្វេង​ឱ្យ​ផុត​ក្បាល រួច​ទប់​ឱ្យ​ជាប់​ដោយ​រាប់​ឱ្យបាន​បី​ដង បន្ទាប់​មក​ទម្លាក់​ឱ្យមក​ត្រឹម​កម្ពស់​ទ្រូង​វិញ​។ បន្ដ​លើក​ដៃ​របស់​អ្នក​ប្ដូរ​ចុះឡើង​។ អនុវត្ដ​ចុះឡើងៗ​ឱ្យបាន​ប្រាំបី​ដង ដោយ​ប្រើ​ដៃ​ម្ខាងៗ​ឱ្យ​បាន​បួន​ដង​។ ប្ដូរ​ជើង​ហើយ​អនុវត្ដ​ឱ្យបាន​ប្រាំបី​ដង​ចុះឡើងៗ​បន្ថែមទៀត ខណៈពេល​ឈរ​ដោយ​ប្រើ​ជើង​ស្ដាំ​របស់​អ្នក​។


អង្គុយ​ច្រហោង​
​ឈរ​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា​។​
​អង្គុយ​ច្រហោង ហើយ​ដាក់​ប្រអប់ដៃ​ឱ្យ​កៀក​នឹង​ចង្កា​របស់​អ្នក​។​
​បន្ទាប់​មក​បោះ​ជើងឆ្វេង​របស់​អ្នក​ឱ្យ​ត្រង់​ទៅក្រោយ ខណៈពេល​លាតដៃ​របស់​អ្នក​ឱ្យ​ត្រង់​ទៅ​មុខ​។​
​ត្រឡប់​ទៅ​រក​ជំហរ​អង្គុយច្រហោង ហើយ​អនុវត្ដ​ដោយ​ប្រើ​ជើង​និង​ដៃ​ម្ខាង​ទៀត​។​
​បន្ដ​អនុវត្ដ​រយៈពេល​មួយ​នាទី​ឬ​លើសពីនេះ​។​
​នៅពេល​ដែល​អ្នក​អង្គុយច្រហោង ដាក់​ត្រគាក​របស់​អ្នក​ឱ្យ​ត្រូវ​ជំហរ ហើយ​ប្រើ​កែងជើង​ដើម្បី​ទប់​ទម្ងន់​។


​អង្គុយច្រហោង​ដោយ​ប្រើ​ទម្ងន់​
​ចាប់ផ្ដើម​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា ហើយ​ដាក់​ដុំ​ដែក​ឬ​ទម្រង់​ទម្ងន់​មួយចំនួនទៀត​នៅ​ប្រប​នឹង​ភ្លៅ​។​
​អង្គុយច្រហោង​ចុះ​ហាក់បីដូច​ជា​អ្នក​អង្គុយ​នៅលើ​កៅអី​អ‍៊ីចឹង ដោយ​ប្រើ​កែងជើង​របស់​អ្នក​ទ្រ​ទម្ងន់​។​
​ចាប់​កំភួនជើង​របស់​អ្នក ហើយ​ត្រឡប់​ទៅ​ចាប់ផ្ដើម​ជំហរ​ឡើងវិញ​។​
​អនុវត្ដ​ចុះឡើង​រយៈពេល​ពី​១៥-២០​ដង​។​
​ប្រើ​កែងជើង​របស់​អ្នក​ទ្រ​ទម្ងន់ ដោយ​ត្រូវ​ប្រាកដ​ច្បាស់​ថា ជង្គង់​របស់​អ្នក​កុំ​ឱ្យ​លូត​ទៅមុខ​ហួស​ពី​ម្រាម​ជើង​។​
​កម្រិត​ឈាន​ទៅ​មុខ​៖ សាកល្បង​ដោយ​មិនចាំបាច់​ប្រើ​ទម្ងន់ ប៉ុន្ដែ​លោត​ឡើង​លើ​ឱ្យ​ខ្ពស់ ហើយ​ទម្លាក់​ខ្លួន​ចុះ​ក្នុង​ជំហរ​ច្រហោង​។

Fitness woman. Slim woman with dumbbells.

​លោត​ហក់​ខ្ពស់ៗ​
​ឈរ​ដោយ​ដាក់​ជើង​របស់​អ្នក​ផ្គួប​ចូលគ្នា ហើយ​យក​ដៃ​របស់​អ្នក​ច្រត់​ចង្កេះ​។​
​លោត​ហក់​ទៅ​មុខ​ដោយ​ប្រើ​ជើង​ស្ដាំ​របស់​អ្នក​។​
​លោត​ឡើងលើ ដោយ​ប្ដូរ​ជើង​ផុតពី​ដី ហើយ​ឱ្យ​ធ្លាក់​ចុះ​ក្រោម​ជាមួយនឹង​ជើងឆ្វេង​របស់​អ្នក នៅក្នុង​ជំហរ​លោត​ហក់​ទៅមុខ​។​
​បន្ដ​លោត​ហក់​ខ្ពស់ៗ​បែបនេះ ដោយ​ផ្លាស់ប្ដូរ​គ្នា រយៈពេល​មួយ​នាទី​ឬ​យូរ​ជាង​នេះ​។​
​ទ្រោប​ខ្លួន​នៅ​ពី​លើ​កម្រាល​ដោយ​ប្រើ​ជើង​ទាំង​ពីរ ហើយ​ជង្គង់​ខាង​មុខ​ពត់​ជា​មុំ​៩០​ដឺ​ក្រេ និង​តម្រង់​កជើង​ឱ្យ​ស្មើគ្នា​៕

Continue Reading

Beauty

​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!
​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?


​សម្រាប់​ក្រចកដៃ​ដែល​រក្សាបាន​នូវ​ភាព​ភ្លឺ​ស្អាត​បានយូ​នោះ សុភាពនារី​ភាគច្រើន​តែងតែ​គិត​ថា​ត្រូវ​ពឹងពាក់​លើ​អ្នកជំនាញ​ម៉ូដ​ក្រចក​ជាពិសេស​។ ប៉ុន្តែ​ជាមួយ​នឹង​ផលិតផល​ចេញ​ថ្មី​នៃ​កូឡិក​ហ្សិន​ម៉ាក Miracle Gel TM របស់ Sally Hansen ត្រូវបាន​ដឹង​ថា​ការ​លាប​ក្រចក​ដោយ​ប្រើជែ​លលាប​ក្រច​កដោយខ្លួន​ឯង​ត្រឹម​២​ដំណាក់​ការ​ប៉ុណ្ណោះ ជា​វិធី​ថ្មី​មួយ​ដែល​ធ្វើអោយ​អ្នក​អស់​ក្តីបារម្ភ​មិនចាំបាច់​ពឹងពាក់​ជាង​ធ្វើ​ក្រចក​ទៀតឡើយ​។


​បន្ទាប់​ពី​លាបទឹក​រលោង​ស្រទាប់​ដំបូង​រួចមក ចូរ​លាប​ជែល Miracle Gel varnish ដើម្បី​បំបាត់​ផ្ទៃ​ដែល​ភ្លឺ​មិន​ស្មើ​សាច់​ល្អ​ដែល​វា​អាច​ថែរក្សា​ទំ​រង​ក្រចក​របស់​អ្នក​អោយ​នៅ​ភ្លឺ​ស្អាត​ដដែល​រហូត​ដល់​រយៈពេល​ពេល ១៤​ថ្ងៃ​ឯណោះ​។ ជែល​បំបាត់ស្នាម​នឹង​ធ្វើអោយ​ក្រចក​អ្នកភ្លឺរ​លោ​ង​ស្អាត និង​ជាប់​បានយូរ​ដោយ​ងាយស្រួល​។ ការ​លាប​ពី​ជាន់​ខាងលើ​នេះ​គឺ​ពិតជា​សម​ល្មម​នៅពេល​ដែល​អ្នក​លាបថ្នាំ​ក្រចក​ដែល​ពណ៌​ដិតៗ​ពីលើ​។ ជា​កិច្ច​បង្ហើយ យើងខ្ញុំ​សូម​ណែនាំ​ថា អ្នក​គួរតែ​ប្រើ​ថ្នាំ​ក្រចក​ណា​ដែល​មាន​ជាតិ​ជែល​ដែលជាប់​ល្អ​។


​ដើម្បី​លាង​សំអាត​ក្រចក​ចេញ អ្នក​ត្រូវ​ប្រើ​ទឹក​លាង​ក្រចក​ដូច​ធម្មតា​។ ជ្រលក់​សំឡី​រួច​ដាក់​សំឡី​សើម​ពីលើ​ដោយ​ថ្ម​មៗ ទុកចោល​យ៉ាងហោចណាស់​មួយ​នាទី មិន​ពេល​ដែល​អ្នក​ជូត​សំអាត​ក្រចក​។ ពិត​ណាស់​ការ​លាប​ក្រចក​ដោយ​ខ្លួនឯង​នេះ គឺ​ពិតជា​ងាយស្រួល​មែនទែន​។

Continue Reading

Trending

Copyright © 2018 Ladies Magazine Cambodia.