Connect with us

Fashion

នាង Camille Rowe ការឈាន​បាន​ភាពល្បីល្បាញ

ស្តា​យល៍​ទាក់ទាញ​ពី​តារា​ម៉ូ​ដែល​អាមេរិក​កាត់​បារាំង​

ស្តា​យល៍​ទាក់ទាញ​ពី​តារា​ម៉ូ​ដែល​អាមេរិក​កាត់​បារាំង​

​​ស្តា​យល៍​របស់​នាង​៖ ស្តា​យល៍​សម្លៀកបំពាក់រ​បស់​នាង​ភាគច្រើន​គឺជា​ស្តាយល៍​ប្លែកៗ​រៀបរយ​បែប​សិស្សសាលា ស្តា​យល៍​ទសវត្សរ៍​ទី ៧០ ស្តា​យល៍​ចិន ស្តា​យល៍​បូ​ហ៊ី​មៀន និង​ស្តាយល៍​បែប​ជនបទ​។ ស្តា​យល៍​ក្លា​ស៊ិកដ៏​លេចធ្លោ​របស់​នា​ង​គឺ​អាវ​ក្រណាត់​រលុងៗ​គូ​ជាមួយ​ខោ​ពណ៌​ស្រាល​។​


​នាង Camille Rowe កើត​នៅ​ទីក្រុង​ប៉ារីស​ដោយ​ឪពុក​របស់​នាង​ជា​ជនជាតិ​បារាំង និង​ម្តាយ​ជា​ជនជាតិ​អាមេរិកាំង​។ ស្តា​យល៍​សម្លៀកបំពាក់រ​បស់​នាង​ត្រូវបាន​ទទួល​ឥទ្ធិពល​ពី​វប្បធម៌​ទាំងពីរ​មាន​លក្ខណៈ​បែប​វីន​ថេ​ច​ចម្រុះ​ឆ្លុះបញ្ចាំង​ពី​អត្តចរិត​របស់​នាង​ផ្ទាល់​តែម្តង​។​


​កាលពី​នៅ​ក្មេង​ឪពុក​របស់​នាង​បាន​គាំទ្រ​សមត្ថភាព​លេង​ស្តា​យល៍​របស់​នាង​តាមរយៈ​ការនាំ​នាង​ដើរ​ទិញ​អីវ៉ាន់​និង​ណែនាំ​នាង​ឱ្យ​ស្គាល់​អាវ​ក្រៅ Bomber Jackets ខោ​ខូវប៊យ Five oh-ones និង​ឈុត​អាវ​ជាប់ខោ Boilers​។​

​ស្តា​យល៍​របស់​នាង​គឺ​មាន​លក្ខណៈ​បែប​អាមេរិក​ដោយ​មាន​ចង​ក្រណាត់​លើ​ក្បាល និង​ខោ​ខូវប៊យ​។ ជាធម្មតា​ពេល​ទៅ​ណា​មក​ណា​នាង​ចូល​ចិត្ត​ស្លៀកខោ​ខូវប៊យ​ពណ៌​ខៀវ​គូ​ជាមួយ​អាវយឺត​ធម្មតា​។


​ស្តា​យល៍​របស់​នាង​តែងតែ​ត្រូវបាន​គេ​សរសើរ​ថា​ជា “​ស្តា​យល៍​ដ៏​ឡូយ​ដោយ​មិន​តុបតែង​ច្រើន​”​។ នាង Camille Rowe ជាទូទៅ​លេង​ស្តាយល៍​សាមញ្ញមិន​ក្បូរក្បាច់​ច្រើន និង​លេង​ស្តា​យល៍​ក្លាស៊ិ​កបែប​វីន​ថេ​ចសាម​ញ្ញៗ​។​


​ពេល​ដែល​មាន​គេ​សួរ នាង​តែងតែ​ឆ្លើយ​ថា​ស្តា​យល៍​របស់​នាង​គឺ “​ងាយៗ កក់ក្តៅ ក្រណាត់ និង​បែប​មនុស្ស​ចាស់​?”
​វា​អាច​នឹង​លំបាក​នៅពេល​តម្រូវឱ្យ​រៀបរាប់​ពី​ការ​តុបតែង​ខ្លួន និង​ស្តា​យល៍​របស់​ខ្លួនឯង​នៅពេល​ដែល​ស្តាយល៍​ទាំងនោះ​គឺ​អ្នក​បង្កើត​វា​ដោយ​ខ្លួនឯង​មិន​ចំលង​ពី​អ្នកដទៃ​។​


​ថ្វី​បើ​នាង​ស្រឡាញ់​ស្តាយល៍​បែប​អាមេរិក​ខាងត្បូង​តែ​នាង​មាន​សន្តាន​ចិត្ត​ជា​ជនជាតិ​បារាំង​។​
​ក្នុង​បទសម្ភាសន៍​ជាមួយ​ទស្សនា​វ​ដ្តី Vogue ថ្មីៗ​នេះ​នាង​បាន​និយាយថា “​សម្រាប់​ខ្ញុំ​ការ​ដែល​មាន​ផា​សុកភាព​គឺ​សំខាន់​ជាងគេ​។​” ថ្វី​បើ​នាង​ចូលចិត្ត​សម្លៀកបំពាក់​ដែល​ស្លៀក​ទៅ​មាន​ផា​សុកភាព ក៏ប៉ុន្តែ​ជម្រើស​ម៉ូដ​សម្លៀកបំពាក់​ដែល​នាង​ស្លៀកពាក់​គឺ​មើលទៅ​ស្រស់​ស្អាត​ទាក់ភ្នែក និង​លេចធ្លោ​។​


​តើ​នាង​មាន​គ្រឿង​តុបតែង​អ្វី​ពិសេស​ដទៃទៀត​ដែរឬទេ​? មាន​គឺ​នៅពេល​នាង​សើច​បញ្ចេញ​សំឡេង​ខ្យល់​តាម​ច្រមុះ​ធ្វើឱ្យ​នាង​មើល​ទៅ​ជា​មនុស្ស​រួសរាយ ជឿជាក់​លើ​ខ្លួនឯង អ្វី​ទាំងនេះហើយ​ដែល​ធ្វើឱ្យ​សម្លៀក​បំពាក់​របស់​នាង​កាន់តែ​ស្រស់ស្អាត​មួយកម្រិត​ទៀត​។ ស្តា​យល៍​ហ្វេ​ហ្សិន​របស់​នាង​គឺ​ស្រស់ស្អាត​ទាក់ភ្នែក​មែនទែន​៕

Fashion

ដំណើរ​តាម​នាវា​កម្សាន្ដ​

​តើ​លោក Ralph Lauren ជា​នរណា​?

​តើ​លោក Ralph Lauren ជា​នរណា​?

​ហេតុផល​ដែល​ធ្វើឱ្យ​ល្បីឈ្មោះ​៖ អ្នក​ឌី​ហ្សា​ញ​ហ្វេ​ហ្សិន​សញ្ជាតិ​អាមេរិកាំង​រូបនេះ មាន​ក្រុមហ៊ុន​ផលិត​សម្លៀកបំពាក់​ដែល​អាច​រក​ប្រាក់​បាន​រាប់​កោដិ​ដុល្លារ​។

គាត់​តែងតែ​មានបំណង​ចង់​បង្កើត​ភាព​ហ៊ឺហា​សាមញ្ញ​ដែល​មនុស្ស​គ្រប់​គ្នា​ចង់បាន​។ គាត់​ប្រើប្រាស់​ពណ៌​សំខាន់ៗ​តែប៉ុណ្ណោះ ហើយ​តែងតែ​ជា​អ្នក​ស្រឡាញ់​ពេញចិត្ដ​នឹង​ពណ៌​ស​ទន់​រលោង​។

ការ​កាត់ដេរ​សម្លៀកបំពាក់​យ៉ាង​ល្អ​ឥតខ្ចោះ កអាវ​ដ៏​ទាក់ទាញ និង​កូឡិក​ហ្សិន​ដ៏​ស្រស់ស្អាត គឺជា​សោភណភាព​របស់គាត់​។ នារី (The Ralph Lauren girl) ត្រូវបាន​គេ​ស្រមើស្រមៃ​ឃើញ​នៅ​លើ​នាវា​កម្សាន្ដ​មួយ ស្ទើរតែ​គ្មាន​ក្ដីបារម្ភ និង​ខ្យល់​ដ៏​ត្រជាក់​បក់​ផាត់រ​វិចរ​វិចៗ​។

​បុព្វហេតុ​ដើម្បី​ការងារ​មនុស្សធម៌​៖ ជាមួយនឹង​ក្រុមហ៊ុន​ស្លាក​សញ្ញា​ដ៏​ប្រណីត​របស់គាត់ ដែល​ងាយ​នឹងត្រូវ​គេ​ស្គាល់​ជុំវិញ​ពិភពលោក ដោយ​រក​ប្រាក់​បាន​យ៉ាង​មហាសាល លោក Ralph Lauren ក៏​បាន​បរិច្ចាគ​ទៅវិញ​ដើម្បី​បុព្វហេតុ​ការងារ​មនុស្សធម៌​។

គាត់​បាន​ចូលរួម​ផ្ដល់​មូលនិធិ​ទៅ​ដល់​មជ្ឈមណ្ឌល Nina Hyde ផ្នែក​ស្រាវជ្រាវ​ជំងឺមហារីក​សុដន់ (Nina Hyde Center for Breast Cancer Research) នៅឯ​សាកលវិទ្យាល័យ Georgetown University ហើយ​នៅ​ឆ្នាំ​២០០១ សាជីវកម្ម Ralph Lauren Corporation បាន​បើក​មូលនិធិ Polo Ralph Lauren Foundation ដើម្បី​លើកកម្ពស់​ការយល់ដឹង​ចំពោះ​គំនិត​ផ្ដួចផ្ដើម​ការងារ​មនុស្សធម៌​ដទៃទៀត​នៅ​ជុំវិញ​ពិភពលោក​។

Ralph Lauren Fashion Show, Ready to Wear Collection Spring Summer 2016 in New York

លោក Lauren ក៏​បាន​ចាប់ផ្ដើម​គំនិត​ផ្ដួចផ្ដើម​ទូទាំង​ពិភពលោក​មួយ​ផងដែរ ក្នុង​ការប្រយុទ្ធប្រឆាំង​ទៅ​នឹង​ជំងឺមហារីក​ដែល​មានឈ្មោះ​ថា​មូលនិធិ Pink Pony Fund​។ គាត់​ក៏​កំពុងតែ​ផ្ដល់​មូលនិធិ​ទៅ​ដល់​មន្ទីរ​ស្រាវជ្រាវ​ជំងឺមហារីក​ដ៏​ទំនើប​មួយ​ផង​ដែរ​៕

Ralph Lauren Fashion Show, Ready to Wear Collection Spring Summer 2016 in New York

Continue Reading

Fashion

ការច្នៃ​ម៉ូដមាន​លក្ខណៈ​ប្លែក

ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​

Isabel Marant
អ្នកស្រី Isabel Marant និង​ការ​បំផុស​គំនិត​ដែល​ទទួលបាន​ពី​អាស៊ី​ខាងកើត​


​ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​ច្នៃ​ម៉ូដ​របស់​ខ្លួន​ទៅរក​ក្រុម​ជនជាតិ​ម្តងទៀត​ហើយ​។ អ្នកស្រី​មិន​បាន​ធ្វើឱ្យ​យើង​ខកចិត្ត​ឡើយ​ជាមួយ​ស្នាដៃ​ច្នៃ​ម៉ូដ​ដ៏​ស្រស់​ស្អាត​បង្កប់​ម៉ូដ​ប្រពៃណី​ជនជាតិ​។

ម៉ូដ​ដែល​អ្នកស្រី​ច្នៃ​គឺ​ទទួល​ឥទ្ធិពល​ពី​មជ្ឈឹម​បូព៌ា​មានដូចជា​ម៉ូដ​ខោ​ប៉ោង​ជើងវែង​គូ​ជាមួយ​អាវ​ក្រៅ​តូច​រលុង​មាន​ជាយ​រសាត់​បន្ថែម​ជាមួយ​ស្បែកជើង​ចង​ខ្សែកម្ពស់​ផ្សេងៗ​គ្នា​។

ក្រណាត់​ទាំងនោះ​លម្អ​ទៅដោយ​ក្បាច់​ប្រពៃណី ក្បាច់​ប៉ាក់​ភ្លឺ​ផ្លេក និង​ត្បូង​ថ្លា​ផ្សេងៗ​ដែល​អ្នកស្រី Marrant ចូលចិត្ត​ប្រើ​យក​មក​ច្នៃ​ពីលើ​ដូចជា​ម៉ូដ​អាវ​ក្រៅ​វែង ម៉ូដ​អាវ​ក្រប់​ថប់ និង​នៅលើ​ចង្កេះ​។

ការច្នៃ​ម៉ូដ​លើក​នេះ​មាន​លក្ខណៈ​ប្លែក​មើល​ទៅ​ស្រស់ស្អាត​ជាង​ស្នាដៃ​មុនៗ​របស់​អ្នកស្រី Marant​។

Max Mara
ពី​សុភាពនារី​ទៅ​ជា​នារី​ឡូយឆាយ​

ម៉ាក Max Mara ផ្លាស់ប្តូរ​ជា​មួយ​ស្តា​យល៍​ហ្វេ​ហ្សិន​បែប​ទំនើង​
​ក្រុមហ៊ុន​ជំនួញ​ផ្នែក​សម្លៀក​បំពាក់​លំដាប់​ខ្ពស់​អ៊ីតាលី​បាន​ផ្ទាត់​ចោល​នូវ​ច្បាប់​កាត់ដេរ​ហើយ​បង្កើត​ច្បាប់​ថ្មី​ដោយ​ខ្លួនឯង​។

សម្រាប់​និទាឃ​រដូវ​នេះ ម៉ាក Max Mara បាន​ធ្វើ​ការផ្លាស់ប្តូរ​ហ្វេ​ហ្សិន​ប្រពៃណី​ទៅជា​ហ្វេ​ហ្សិ​ន​សប្បាយៗ​បែប​ទំនើប​។ តើ​នរណា​ទៅ​នឹកឃើញ​កាត់ដេរ​សម្លៀកបំពាក់​ដែល​មាន​ដៃ​វែង​ជ្រុល រីឯ​ឡេវអាវ​រត់​ខុស​ជួរ និង​មិន​ត្រូវ​គ្នា​បែប​នេះ​?

ប្រសិនបើ​ស្តាយល៍​ដ៏​ប្លែក​នេះ​នៅ​មិន​អាច​ទាក់ទាញ​ចិត្ត​របស់​អ្នក​បាន​ទេ សាកល្បង​មក​មើល​ឈុត​សម្លៀក​បំពាក់​ដែល​មាន​រូប​ផ្កាយ​ពី​ស្មា​ដល់​ចុងជើង​ទាំងនេះ​ទៅ​មើល៎​! មិនតែប៉ុណ្ណោះ​នៅ​មាន​ឈុត​ក្រឡា​ឆ្នូត​ម៉ូដ​នាវិក​គូ​ជាមួយនឹង​កាបូប​ក្រណាត់​ចងខ្សែ​ធ្វើឱ្យ​មាន​អារម្មណ៍​ដូចជា​នាវិកា​ដ៏​ស្រស់​សោភា​ពិតៗ​៕​

Continue Reading

Fashion

Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន

Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍

ត្រឡប់​ទៅ​អនាគតកាល​
Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន


Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍​ផ្ទាល់ខ្លួន​។

“​កូឡិក​ហ្សិន​ប្រចាំ​រដូវ​កាលនេះ​គឺជា​ការឧ​ទ្ទិស​ចំពោះ​យុវតី​ឈ្មោះ Kate, Chloé, Cecilia, Corinne, Rosemary, Emma និង Courtney ដែល​តំណាងឱ្យ​សេរីភាព​និង​អេ​ឡេ​ហ្គង់​នៃ​ភាពសាមញ្ញដ៏​អស្ចារ្យ​បំផុត​។​”

ការ​ចងចាំ​នូវ​មោទកភាព​នា​ទសវត្សរ៍​ទី​៩០ បាន​ត្រឡប់​មក​វិញ​យ៉ាង​ជោរជន់​ជាមួយនឹង​ភាពទាន់សម័យ​។

ខោជើងវែង​រលោង​ស្រិល​ត្រូវបាន​គេ​ស្លៀក​ជាមួយនឹង​អាវ​បំពង់​វាល​ស្មា ហើយ​ឈុត​សម្លៀក​ផ្នែក​ខាងលើនេះ ក៏​ស័ក្ដិសម​ជា​មួយ​នឹង​សំពត់​ម៉ាក់​ស៊ី​ផងដែរ រីឯ​ភាព​ឡូយឆាយ​នេះ​មាន​ភាព​សមសួន​បំផុត និង​ភាព​រីករាយ​ឥត​ក្ដីបារម្ភ​នៃ​កូឡិក​ហ្សិន​នេះ ក៏បាន​ផ្ដល់​នូវ​ស្ដាយល៍​ដ៏​រីករាយ​ដែល​មិន​អាច​បំភ្លេចបាន​។

ឈុត​បែប​កីឡា​ដ៏​ស្រស់​ស្អាត​នេះ​ពិតជា​អស្ចារ្យ​ខ្លាំងណាស់​៕


Continue Reading

Trending

Copyright © 2018 Ladies Magazine Cambodia.