Connect with us

Beauty

ជើង​ដ៏​ស្រ​ឡូ​ន​ស្អាត​

​អាពុយ​អា​ហ្វង់ និង​ដំណើ​រហក់​ទៅ​មុខ​ដើម្បី​ទទួលបាន​ជើង​ដ៏​ស្រ​ឡូ​ន​ស្អាត​។ មិនតែប៉ុណ្ណោះ គូថ​របស់​អ្នក​ក៏​កាន់តែ​ស្រស់​ស្អាត​ថែមទៀត​ផង​។​

​អាពុយ​អា​ហ្វង់ និង​ដំណើ​រហក់​ទៅ​មុខ​ដើម្បី​ទទួលបាន​ជើង​ដ៏​ស្រ​ឡូ​ន​ស្អាត​។ មិនតែប៉ុណ្ណោះ គូថ​របស់​អ្នក​ក៏​កាន់តែ​ស្រស់​ស្អាត​ថែមទៀត​ផង​។​

​ចលនា​បញ្ឈរជង្គង់ និង​បន្ទន់​ជង្គង់​
​ជំនួយ​ដល់​គូ​ថ និង​សាច់ដុំ​ភ្លៅ​
​ឈរ​ដោយ​បែរខ្នង​ទៅ​កៅអី (​ប្រហែល ២ ហ្វីត​) ដាក់​ដៃ​នៅ​ចង្កេះ បន្ទន់​ជើងឆ្វេង​ដាក់​ពីក្រោយ​អ្នក​ដោយ​ដាក់​ចុងជើង​លើ​កៅអី​។​

​បន្ទន់​ជង្គង់​ដោយ​ដាក់​ជើង​ខាងស្ដាំ​ក្នុង​កម្រិត​មុំ ៩០ ដឺ​ក្រេ​ឱ្យ​ត្រង់​។ ធ្វើ​វា​ឱ្យ​កាន់តែ​ស្វាហាប់​ជាង​មុន​៖ បន្ទាប់​ពី​ចលនា​បញ្ឈរ​ជង្គង់ និង​បន្ទន់​ជង្គង់ អ្នក​ត្រូវ​ធ្វើ​វា​ម្ដងទៀត​ដោយ​បន្ទន់​មក​ត្រឹម​មុំ ៤៥ ដឺ​ក្រេ​។​
​អនុវត្ត​បែបនេះ​ឱ្យ​បាន​ពី ១៥ ទៅ ២០ ដង​។ ប្ដូរ​ជើង រួច​អនុវត្ត​បែប​នេះ​ឡើង​វិញ​ម្ដងទៀត​។ អនុវត្ត​ឱ្យបាន ២ ទៅ​៣ ដង​សារ​ឡើងវិញ​។​
​បន្ទន់​ជង្គង់​ប្រឹង​អ៊ែន​ដងខ្លួន​មក​ក្រោយ​ជំនួយ​សាច់ដុំ​ភ្លៅ សរសៃពួរ​គន្លាក់ជើង កំភួនជើង​​ឈរ​កន្ធែកជើង​បន្តិច ដោយ​ជើង​ស្ដាំ​ត្រូវ​ដាក់​នៅ​ជិត​កៅអី ដៃស្ដាំ​កាន់​ផ្នែក​ខាងក្រោយ​កៅអី​។

​ឈរ​ចំអើត​ជើង (​កែង​ហើប​ពី​កម្រាល​ឥដ្ឋ​) បន្ទន់​ជង្គង់​ក្នុង​កម្រិត​មុំ ៩០ ដឺ​ក្រេខ​ណៈ​ដែល​អ្នក​ត្រូវ​អ៊ែន​ដងខ្លួន​ក្នុង​មុំ ៤៥ ដឺ​ក្រេ (​ដូច្នេះ​រាងកាយ​មាន​លក្ខណៈ​ត្រង់​ស្មើ​ពី​ជង្គង់​ដល់​ស្មា ដូច្នេះ​សាច់ដុំ​តឹង​ល្អ​)​។​

​ត្រឡប់​ទៅ​ឥរិយាបថ​ឈរ​ចំអើត​ជើង​វិញ​។ អនុវត្ត ២ ទៅ ៣ ជុំ នៃ ១៥ ទៅ ២០ ដង​។​
​ចលនា​អង្គុយច្រហោង​បោះ​ជើង​មួយ​ទៅ​មុខ​
​ជំនួយ​គូថ និង​សាច់ដុំ​កំភួនជើង

​ឈរ​កន្ធែកជើង ដៃ​ដាក់​ពីមុខ​ដើមទ្រូង​ដោយ​បន្ទន់​កែងដៃ បោះ​ជើង​ស្ដាំ​ទៅមុខ​ឱ្យ​ខ្ពស់​ជាង​កម្រាល​ឥដ្ឋ​ចម្ងាយ​ពីរ ទៅ​បី​អ៊ី​ញ​។

​អង្គុយ​ច្រហោង បន្ទន់​ជង្គង់​ក្នុង​កម្រិត​មុំ ៩០ ដឺ​ក្រេ ខណៈ​ដែល​អ្នក​ត្រូវ​បោះ​ជើង​ស្ដាំ​ទៅមុខ​ឱ្យ​ខ្ពស់​ស្មើ​ត្រគាក​។ អនុវត្ត​ឱ្យ​ងាយស្រួល​ជាង​មុន​៖ លើក​កែងជើង​ឱ្យ​ខ្ពស់​ជាង​កម្រាល​ឥដ្ឋ​។​

​អនុវត្ត ១៥ ទៅ ២០ ដង បន្ទាប់​មក​ប្ដូរ​ជើង​។ អនុវត្ត​បែបនេះ​ឱ្យបាន ២ ទៅ ៣ ជុំ​។
​អង្គុយច្រហោង​លើក​ដុំ​ដែក​
​ជំនួយ​គូថ សាច់ដុំ​ភ្លៅ​ផ្នែក​ខាងក្នុង និង​សរសៃពួរ​គន្លាក់ជើង

​ឈរ​កន្ធែកជើង​ឱ្យ​ធំ​ជាង​ស្មា ដាក់​ម្រាមជើង​ចេញ​ក្រៅ កាន់​ដុំ​ដែក​បញ្ឈរ​ដោយ​ប្រើ​ដៃ​ទាំងសងខាង​នៅ​ចំ​ពីមុខ​ដើមទ្រូង (​ដូចជា​កែវ​មាន​ជើងទ្រ​) កែងដៃ​ដាក់ចេញ​ក្រៅ​។

​អង្គុយ​ច្រហោង បន្ទន់​ជង្គង់​ក្នុង​កម្រិត​មុំ ៩០ ដឺ​ក្រេ​។ អនុវត្ត​ឱ្យ​កាន់តែ​លំបាក​ជាង​នេះ​៖ កាន់​ដុំ​ដែក ប្រឹង​លោត​ឡើង​លើ​ខណៈ​ដែល​អ្នក​អង្គុយច្រហោង លោត​ចុះ​មក​វិញ​ដោយ​បត់​ជង្គង់​ថ្នមៗ​។

​អនុវត្ត ២ ទៅ ៣ ជុំ​នៃ ១៥ ទៅ ២០ ដង​។​
​ដំណើរ​ហក់​ទៅមុខ ៣ ចលនា​
​ជំនួយ​គូថ សាច់ដុំ​ភ្លៅ ភ្លៅ​ផ្នែក​ខាងក្នុង និង​សរសៃពួរ​គន្លាក់ជើង​

​ឈរ​កន្ធែកជើង ដៃ​ទាំង​ពីរ​ក្ដប​ដាក់​ពីមុខ​ដើមទ្រូង​។ បោះ​ជើងឆ្វេង​ទៅ​មុខ​ក្នុង​កម្រិត​មុំ ៩០ ដឺ​ក្រេ បន្ទាប់​មក​ត្រឡប់​ទៅកាន់​ឥរិយាបថ​ដដែល​វិញ​។​

​បោះ​ជើងឆ្វេង​ទៅ​ផ្នែក​ខាងឆ្វេង ដោយ​ម្រាមជើង​បែរ​ទៅ​មុខ រួច​បន្ទន់​ជង្គង់​ក្នុង​កម្រិត​មុំ ៩០ ដឺ​ក្រេ បន្ទាប់​មក​ត្រឡប់​ទៅកាន់​ឥរិយាបថ​ដើម​វិញ​។​

​បោះ​ជើងឆ្វេង​ទៅ​ក្រោយ​ដើម្បី​បញ្ចប់​ជុំទីមួយ​។ ធ្វើ​បែប​នេះ​ដោយ​ប្រើ​ជើង​ខាងស្ដាំ​ម្ដង​។​
​អនុវត្ត ២ ទៅ ៣ ជុំ នៃ​ការធ្វើ​ចលនា​បែបនេះ ១៥ ទៅ ២០ ដង ផ្លាស់ប្ដូរ​ជើង​ផង​។​


​ឈរជើង​មួយ​លើក​ដុំ​ដែក​
​ជំនួយ​គូថ និង​សរសៃពួរ​គន្លាក់ជើង​

​ឈរ​កន្ធែកជើង កាន់​ដុំ​ដែក​ទាំងសងខាង ដាក់​ពី​ខាង​មុខ​ភ្លៅ​ទាំងសងខាង​។​

​អោន​ទៅមុខ​ដោយ​លើកជើង​ម្ខាង​ក្នុង​កម្រិត​មុំ ៩០ ដឺ​ក្រេ និង​ឱ្យ​ដងខ្លួន​ស្រប​នឹង​កម្រាល​ឥដ្ឋ​ពី​ក្បាល​ដល់​កែង​ជើងឆ្វេង ដៃ​ទម្លាក់​ចុះក្រោម​។​

​អនុវត្ត​ចលនា​បែប​នេះ​ឡើង​វិញ​។ អនុវត្ត​ពី ១៥ ទៅ ២០ ដង​។ ប្ដូរ​ជើង​រួច​អនុវត្ត​ឡើងវិញ​។ អនុវត្ត ២ ទៅ ៣ ជុំ​។​
​ចលនា​កំភួនជើង ៣ ជំហាន​
​ជំនួយ​កំភួនជើង​

​ឈរ​ចំអើត​កែងជើង​នៅ​ជិត​កាំជណ្ដើរ​ដោយ​ដាក់​កែងជើង​នៅលើ​គែម​នៃ​កាំជណ្ដើរ ដៃ​ដាក់​នៅ​លើ​ត្រគាក​។​

​បែរ​ម្រាមជើង​ចូលក្នុង​។ ចំអើត​កែងជើង​ឡើង​លើ​បន្ទាប់មក​ដាក់​ចុះ​ម្ដង​បន្តិចៗ​។​
​អនុវត្ត​បែបនេះ​ពី ១៥ ទៅ ២០ ដង​។​

​បន្ទាប់​មក​បែរ​ម្រាមជើង​ចេញ​ក្រៅ​មក​វិញ​ក្នុង​កម្រិត​មុំ ៤៥ ដឺ​ក្រេ អនុវត្ត​ឡើង​វិញ​។​
​ជំហាន​បន្ទាប់​បែរ​ម្រាមជើង​ទៅមុខ ឈរ​ដោយ​ប្រឹង​លើ​ជើងឆ្វេង បន្ទន់​ជើង​ស្ដាំ​ទៅ​ខាងក្រោយ ប្ដូរ​ជើង​។ អនុវត្ត​ពី​១៥ ទៅ ២០ ដង​។ ផ្លាស់ប្ដូរ​ជើង រួច​អនុវត្ត​សារ​ឡើងវិញ​។ អនុវត្ត​ឱ្យបាន ២ ទៅ ៣ ជុំ​។​


​ចលនា​ពង្រឹង​សរសៃពួរ​គន្លាក់ជើង​
​ជំនួយ​គូថ និង​សរសៃពួរ​គន្លាក់ជើង​

​ចូរ​អ្នក​គេង​ផ្ងារ​ដោយ​ដាក់​ដងខ្លួន​ឱ្យ​រាបស្មើ​លើ​កម្រាល​ឥដ្ឋ ដាក់​ដៃ​ស្រប​នឹង​ដងខ្លួន ដាក់​កែងជើង​កល់​នឹង​កន្សែង​ដែលរ​មូរ​ដាក់​លើ​ឥដ្ឋ​។

​ប្រឹង​លើក​កែងជើង និង​ត្រគាក​ឱ្យ​ហើប​ពី​កម្រាល​ឥដ្ឋ​រហូត​ទាល់តែ​កែងជើង​បន្ទន់​ក្នុង​កម្រិត​មុំ ៩០ ដឺ​ក្រេ ហើយ​រាងកាយ​ត្រង់​ស្មើ​ចាប់ពី​ស្មា ដល់​ជង្គង់​។​

​ទម្លាក់​ជើង និង​ត្រគាក​ចុះ​មក​កាន់​ចលនា​ដំបូង​វិញ​។​
​អនុវត្ត ២ ទៅ ៣ ជុំ នៃ​ការធ្វើ​ចលនា​បែបនេះ​ពី​ចំនួន ១៥ ទៅ ២០ ដង​៕

Beauty

ភ្នែក​ធំៗ​គឺជា​មន្ត​ស្នេហ៍​ដ៏​ទាក់ទាញ​

វិធី​ងាយៗ​ធ្វើឱ្យ​ភ្នែក​ធំ​ស្អាត​….

បើ​និយាយ​ពី​សម្រស់​ភ្នែក ភ្នែក​ធំៗ​គឺជា​មន្ត​ស្នេហ៍​ដ៏​ទាក់ទាញ​
​ប្រសិនបើ​អ្នក​ចង់​បាន​ភ្នែក​ធំៗ​អ្នក​មិន​ចាំបាច់​ទៅ​រក​ពេទ្យ​ធ្វើការ​វះកាត់​នោះទេ​។ ជាមួយនឹង​គន្លឹះ​ថែរក្សា​ស្បែក និង​គន្លឹះ​ផាត់មុខ​ល្អៗ​ទាំងនេះ អ្នក​ច្បាស់​ជា​ទទួល​បាន​សម្រស់​ភ្នែក​ដ៏​ស្រស់ស្អាត​មិន​ខាន​។

តោះ​នាំគ្នា​អាន​ជាមួយគ្នា​!
1.​ភ្នែក​ដែល​មាន​សភាព​ហើម​តែងតែ​ធ្វើឱ្យ​កែវភ្នែក​របស់​អ្នក​មើល​ទៅ​តូច​ជាង​មុន ដូច្នេះ​ចូរ​ធ្វើយ៉ាងណា​ចៀសវាង​កុំឱ្យ​ស្បែក​ជុំវិញ​ភ្នែក​របស់​អ្នក​ហើម​ឱ្យសោះ​។ ចូរ​បិទ​ចំណិត​ត្រសក់​ត្រជាក់ៗ ឬ​កញ្ចប់​សណ្តែក​ត្រជាក់ៗ​នៅលើ​ភ្នែក​របស់​អ្នក​ដើម្បី​បំបាត់​សភាព​ហើម​នោះ​។ វិធី​ងាយៗ​មួយទៀត​គឺ​ដាក់​ផលិតផល​ម៉ាស​បិទ​ភ្នែក SK-II Signs Eye Mask ក្នុង​ទូទឹកកក​ឱ្យ​ត្រជាក់​រួច​បិទ​លើ​ភ្នែក​របស់​អ្នក​ជា​ការ​ស្រេច​។

 


2.​លាបម្សៅ​ស្អិត Primer បន្តិច​ដើម្បី​បិទបាំង​ស្នាម​ជ្រីវជ្រួញ​តូចៗ​។ លុបបំបាត់​ស្នាម​ខ្មៅ​ជុំវិញ​ភ្នែក​ដោយ​ប្រើ Concealer ឱ្យបាន​ត្រឹមត្រូវ – ចូរ​ប្រើ Concealer ដែល​មាន​ពណ៌​ស្រាល​ជាង​សម្បុរស្បែក​របស់​អ្នក​ដើម្បី​បំបាត់​ស្នាម​ពពាល និង​ស្នាម​ខ្មៅ​លើ​ស្បែក​របស់​អ្នក​។ លាប​ផលិតផល Yves Saint Laurent Touche Eclat ពីលើ​ស្បែក​ក្រោម​ភ្នែក និង​ជុំវិញ​ភ្នែក​ដើម្បីឱ្យ​ភ្នែក​មើល​ទៅ​ពុំ​មាន​សភាព​ខ្មៅ​ស្រ​អាប់​។

3.​ធ្វើឱ្យ​ភ្នែក​កាន់តែ​ធំ​តាមរយៈ​ការពត់​រោមភ្នែក​ឱ្យ​ងរឡើង​។ គ្រាន់​តែ​អ្នក​ពត់​រោមភ្នែក​ឱ្យ​ង​រ នោះ​ភ្នែក​របស់​អ្នកនឹង​មើលទៅ​ធំ​ជាង​មុន និង​ស្រស់ស្អាត​ជាង​មុន​មិន​ខាន​។ ដើម្បី​ឱ្យ​ភ្នែក​មើល​ទៅ​កាន់តែ​ធំ​ស្អាត ចូរ​លាប​ម៉ា​ស្កា​រ៉ា​ពីរ​ជាន់​លើ​រោមភ្នែក​បែបនេះ​រោមភ្នែក​នឹង​មើល​ទៅ​វែង​ជាង​មុន​។ អ្នក​អាច​សាកល្បង​ប្រើ​ម៉ា​ស្កា​រ៉ា CoverGirl LashBlast Clump Crusher Mascara​។

4.​មិន​ត្រូវ​លាប​ម៉ា​ស្កា​រ៉ា​តែ​រោមភ្នែក​ខាងលើ​ប៉ុណ្ណោះ​ទេ ចូរ​លាប​ម៉ា​ស្កា​រ៉ា​នៅ​រោមភ្នែក​ខាង​ក្រោម​ឱ្យ​បាន​ស្រស់​ស្អាត​ផង​ដើម្បី​ឱ្យ​ភ្នែក​របស់​អ្នក​មាន​ទម្រង់​ដូច​ផ្លែ​អាល់​ម៉ុនដ៏​ស្រស់ស្អាត​។ លាប​ចុង​រោមភ្នែក​នៅ​កន្ទុយភ្នែក​ខាងក្រៅ​ដើម្បី​ឱ្យ​មើល​ទៅ​ងរ​ស្អាត​។​


5.​ចំណុច​សំខាន់​បំផុត​នោះ​គឺ ចូរ​ប្រើ​ខ្មៅ​ដៃគូរ​ភ្នែក​ពណ៌​ស​របស់ Nars Larger Than Life Long-Wear Eyeliner គូរ​រឹម​ភ្នែក​ខាងក្រោម​ដើម្បី​ធ្វើឱ្យ​ភ្នែក​អ្នក​មើល​ទៅ​កាន់តែ​ធំ​ស្អាត​៕


Continue Reading

Beauty

ជឿជាក់ទោះនៅក្រោមកម្ដៅ​ព្រះអាទិត្យ

​យើង​បានដឹង​រួចហើយ​ថា ព្រះអាទិត្យ​គឺជា​មូលហេតុ​ចម្បង​ដែល​ធ្វើឱ្យ​….

​យើង​បានដឹង​រួចហើយ​ថា ព្រះអាទិត្យ​គឺជា​មូលហេតុ​ចម្បង​ដែល​ធ្វើឱ្យ​ចាស់​ជាង​វ័យ ដូច្នេះ​តើ​យើង​ត្រូវធ្វើ​ដូចម្ដេច​? វេជ្ជបណ្ឌិត​ឯកទេស​ផ្នែក​រោគ​សើ​ស្បែក​នឹង​ប្រាប់​ឱ្យ​អ្នក​ដឹងថា ការ​លាប​ក្រែមការពារ​កម្ដៅ​ព្រះអាទិត្យ គឺជា​មធ្យោបាយ​ដ៏​មាន​ប្រសិទ្ធភាព​បំផុត​មួយ​ដើម្បី​ការពារ​ប្រឆាំង​ទៅ​នឹង​កម្ដៅ​ព្រះអាទិត្យ ដោយ​មិន​បរិយាយ​ច្រើន​នោះ​ទេ ហើយ​វា​ក៏​ជា​មូលដ្ឋាន​នៃ​ការថែរក្សា​ស្បែក​ឱ្យបាន​ត្រឹមត្រូវ​ផងដែរ​។

​ជារឿយៗ​អ្នកនឹង​រកឃើញ​រូបមន្ដ​ការពារ​ពី​កម្ដៅ​ព្រះអាទិត្យ​ដែល​ត្រូវ​បាន​បង្ហាញ​នូវ​ភាពខុសប្លែក​ពី​គ្នា​ដោយ​ការកំណត់​យកឈ្មោះ SPF​។ SPF ជាសំខាន់​តំណាងឱ្យ ‘​កត្ដា​ការពារ​ព្រះអាទិត្យ​’ ដែល​ជា​ការវាស់ស្ទង់​យ៉ាង​សុ​ក្រិត​ចំពោះ​ក្រែមការពារ​ស្បែក​ពី​កម្ដៅ​ព្រះអាទិត្យ​។ កម្រិត​អប្ប​បរិ​មា​មួយ​នៃ​៣០SPF​ត្រូវបាន​ផ្ដល់​យោបល់​ដោយ​វេជ្ជបណ្ឌិត​ឯកទេស​ខាង​រោគ​សើ​ស្បែក​។


​ទោះបីជា​យ៉ាងណា​ក៏ដោយ ប្រសិនបើ​អ្នក​ហែល​ទឹក​ឬ​បែកញើស អ្នក​គួរតែ​លាប​សារ​ឡើង​វិញ​ឱ្យ​បាន​ញឹកញាប់​រៀង​រាល់​ពីរ​ម៉ោង​ម្ដង​ដើម្បី​ការពារ​ពី​កម្ដៅ​ព្រះអាទិត្យ​។ នេះ​គឺជា​រូបមន្ដ​ដ៏​មាន​ប្រសិទ្ធភាព​ជួយ​រារាំង​កាំរស្មី UVB និង UVA ដែល​ជា​បុព្វហេតុ​ចម្បង​ធ្វើឱ្យ​រលាក​ស្បែក ធ្វើឱ្យ​ស្បែក​ជ្រីវជ្រួញ និង​ធ្វើឱ្យ​ស្បែក​ឆាប់​ចាស់​។

​ការប្រើ​ក្រែមការពារ​កម្ដៅ​ព្រះអាទិត្យ​ក្នុង​បរិមាណ​ដ៏​ត្រឹមត្រូវ គឺជា​រឿង​សំខាន់​។ ការប៉ាន់ប្រមាណ​ឱ្យបាន​សមល្មម​គឺ​ថា អ្នក​ត្រូវការ​តែ​បន្ដិច​ប៉ុណ្ណោះ​គឺ​ប្រហែលជា​មួយ​ភាគ​បួន​ដើម្បី​លាប​ផ្ទៃមុខ​របស់​អ្នក​។ សូម​កុំ​ទាន់​អាល​ចេញ​ទៅណា ក្រោយ​ពី​លាប​ក្រែមការពារ​កម្ដៅ​ព្រះអាទិត្យ​រួច ដោយ​រង់ចាំ​រយៈពេល​យ៉ាងហោចណាស់​២០​នាទី​ដើម្បី​ឱ្យ​ក្រែ​មនោះ​ជ្រាប​ចូលទៅក្នុង​ស្បែក​។ ចូរ​ផាត់មុខ​ពីលើ​ក្រែមការពារ​កម្ដៅ​ព្រះអាទិត្យ​ជា​លើក​ចុងក្រោយ​៕

Continue Reading

Beauty

ម៉ូដ​ក្រចក​ថ្មី​បង្កប់​ស្តា​យល៍​ចាស់

ម៉ូដ​ក្រចក​ស្តា​យល៍​បារាំង​

ម៉ូដ​ក្រចក​ស្តា​យល៍​បារាំង​
ម៉ូដ​ក្រចក​ថ្មី​បង្កប់​ស្តា​យល៍​ចាស់​


​តាមរយៈ​ការច្នៃ​ម៉ូដ​ថ្មី និង​ភាពទាន់សម័យ ម៉ូដ​ក្រចក​បារាំង​ពណ៌​សាច់​លាយ​ពណ៌​ស​នេះ​អាចនិយាយបាន​ថា​មិនមែន​ត្រលប់​មក​វិញ​នោះ​ទេ តែ​ជា​ការលេង​ស្តា​យល៍​បែប​ថ្មី​ពោរពេញ​ដោយ​ម៉ូដ​ថ្មីៗ​ច្រើន​រាប់មិនអស់​។


​ម៉ូដ​ក្រចក​ស្តា​យល៍​បារាំង​បច្ចុប្បន្ន​នេះ​គឺ​មាន​សិល្បៈ​ផ្ទាល់ខ្លួន​ពោរពេញ​ដោយ​ពណ៌​លេចៗ ពណ៌​លោហៈ ផ្ទៃ​រូប​ច្បាស់ៗ និង​ស្រមោល​រំលេច​រូប​។ ក្រចក​ម៉ូដ​នេះ​ពុំ​មាន​គោល​គ្រឹះ​ជាក់លាក់​ឡើយ​។ ម៉ូដ​ខាងចុង​ក្រចក​គឺ​ស័ក្តិសម​ជា​មួយ​ក្រចក​ដែល​មាន​រាង​ពង​ក្រពើ ឬ​មូល តែ​ក៏​មិនមែន​បានន័យថា​ក្រចក​រាង​ជ្រុង​លេង​ម៉ូដ​នេះ​មិន​ស្រស់​ស្អាត​ឡើយ​។ អ្នក​អាច​លេង​ម៉ូដ​ចុង​ក្រចក​ខិត​ទៅ​ចំហៀង​ទ្រេត​ទៅ​ម្ខាង​ដើម្បី​ឱ្យ​មើល​ទៅ​ស៊ីគ្នា​នឹង​រាង​ក្រចក​របស់​អ្នក​។​


​ចូរ​គូរ​ខ្សែបន្ទាត់​ជុំវិញ​តាម​គែម​ក្រចក​ទាំងមូល​ព័ទ្ធ​ពី​ចុង​ក្រចក​ទៅ​ដល់​គល់​ក្រចក​ដើម្បី​ឱ្យ​មើល​ទៅ​មាន​ក្រាហ្វិក​ប្លែក​ភ្នែក​។ ចូរ​លេង​ពណ៌​ផ្ទុយ​គ្នា​ដើម្បី​ឱ្យ​ស្តា​យល៍​នេះ​កាន់តែ​ស្រស់ស្អាត​។​

NEW YORK, NY – SEPTEMBER 07: A model backstage at Michelle Helene Presentation September 2016 during New York Fashion Week at Pier 59 Studios on September 7, 2016 in New York City. (Photo by Victor VIRGILE/Gamma-Rapho via Getty Images)

​ដើម្បី​ឱ្យ​មើល​ទៅ​មាន​ពណ៌​ទាក់​ភ្នែក អ្នក​អាច​ប្រើប្រាស់​ជក់​លាប​ក្រចក​ដើម្បី​គូរ​ខ្សែបន្ទាត់​នៅ​ចុង​ក្រចក​។ គូរ​ខ្សែបន្ទាត់​ជាមួយ​ជក់​ស្ងួត​ដើម្បី​វាយ​ពណ៌​ឱ្យ​ចូល​គ្នា​ជាមួយ​ចុង​ក្រចក​។ ទុក​ឱ្យ​ស្ងួត​រយៈពេល ៥ នាទី​មុន​ពេល​លាបថ្នាំ​ក្រចក​មួយ​ស្រទាប់​ទៀត​។


​ជា​យូរ​មក​ហើយ​ម៉ូដ​ក្រចក​ស្តា​យល៍​បារាំង​គឺ​តែងតែ និង​នៅ​តែ​បន្ត​បំផុសគំនិត​សិល្បៈ និង​មូលដ្ឋានគ្រឹះ​នៃ​ម៉ូដ​ក្រចក​៕

Continue Reading

Trending

Copyright © 2018 Ladies Magazine Cambodia.