Connect with us

Style

ការបង្កើនលក្ខណៈសម្បត្តិនៃស្រ្តីនិយម

ជារឿយៗ ពាក្យ​នេះ​ត្រូវបាន​ប្រើ​ដើម្បី​ឆ្លើយតប​ទៅកាន់​ការរិះគន់ ហើយ​ភ្លាមៗ​នោះ​យើង​ក៏​ស្វែងយល់ថា​ពួកយើង​ទាំងអស់គ្នា​ទទួល​រង​ការពេបជ្រាយ និង​ស្អប់​យ៉ាងខ្លាំង​។

ជារឿយៗ ពាក្យ​នេះ​ត្រូវបាន​ប្រើ​ដើម្បី​ឆ្លើយតប​ទៅកាន់​ការរិះគន់ ហើយ​ភ្លាមៗ​នោះ​យើង​ក៏​ស្វែងយល់ថា​ពួកយើង​ទាំងអស់គ្នា​ទទួល​រង​ការពេបជ្រាយ និង​ស្អប់​យ៉ាងខ្លាំង​។ ស្ត្រី​និយម​តែងតែ​ទទួលបាន​ការយល់​ខុស ហើយ​ក៏​ព្រោះតែ​វា​ត្រូវ​បាន​គេ​ឱ្យ​និយមន័យ​ខុស​ដ៏​លើសលប់ វា​បាន​ធ្វើឱ្យ​អ្នកខ្លះ​មាន​អារម្មណ៍​ខ្ពើម​រអា​ព្រមទាំង​ប្រើ​ពាក្យពេចន៍​មិន​សមរម្យ​មកកាន់​អ្នក​ថែមទៀត​ផង​។ សម្រាប់​អ្នក​ដែល​មិន​គាំទ្រ​ស្ត្រី​និយម គេ​ឃើញ​ថា​វា​ជា​ល្បិចកល​នៃ​មនុស្ស​ស្រី​មិន​ល្អ​ដែល​មក​លួងលោម​ទារ​ប្រាក់​កាស​ពី​បុរស​ដែល​រក​ប្រាក់​បាន​ច្រើន ព្រមទាំង​យក​កូន​មក​ធ្វើជា​អន្ទាក់​ទាំង​ដែល​កូន​នោះ​អាច​នឹង​មិនមែន​ជា​កូន​របស់​ពួកគេ​ទាំង​ពីរ​នាក់​ផង​នោះ​។ ពិតជា​យ៉ាប់​មែន​!

​ម្យ៉ាងវិញទៀត នៅតែ​មាន​មនុស្ស​ជឿជាក់ថា​ការ​ដែល​យល់ឃើញ​ថា​ស្ត្រី​និយម​ជា​ការស្វែងរក​ភាព​ស្មើ​គ្នា​នៃ​ចលនា​សង្គម​ជា​ការ​មិន​ត្រឹមត្រូវ​ទាល់តែ​សោះ​ព្រោះ​ថា​គំនិត​នៃ​ស្ត្រី​និយម​ជា​មូលដ្ឋាន​មានន័យថា​ការស្វែងរក​ភាព​ស្មើ​គ្នា​នៃ​បុរស និង​ស្ត្រី គឺមាន​តែ​ប៉ុណ្ណេះ​ឯង​។ បន្ទាប់​ពី​រយៈពេល​ប៉ុន្មាន​ទសវត្សរ៍​កន្លង​មក​នៃ​ការ​ចំអកឡកឡឺយ និង​តិះដៀល ចលនា​ស្ត្រី​និយម​តាមរយៈ​ការខិតខំ​ប្រឹងប្រែង និង​ការពិចារណា​នៅតែ​ខំប្រឹង​យ៉ាង​ខ្លាំងក្លា​ដើម្បី​ចលនា​មួយ​នេះ​ខណៈ​ដែល​លុបបំបាត់​ចោល​នូវ​ឧបស័គ្គ​ជាច្រើន​ដែលម​ក​បៀតបៀន​ស្ត្រី និង​ភាពស្មើគ្នា​។​

​បច្ចុប្បន្ននេះ យើង​បាន​ឃើញ​ចលនា​ស្ត្រី​និយម​ត្រូវបាន​កែប្រែ​ជា​ថ្មី​គឺជា​អ្វីមួយ​ដែល​និយាយ​អំពី​ភាព​ស្មើ​គ្នា​រវាង​ស្ត្រី និង​បុរស​។ ជា​ការពិត​ណាស់ ការប្រទូសរ៉ាយ​ដែល​កើតឡើង​នា​នាទីចុងក្រោយ​ជាការ​បង្ក​ឡើង​ពី​អ្នក​ប្រឆាំង​ជំទាស់ (​អ្នក​ដែល​មិន​ជឿជាក់​លើ​ភាពស្មើគ្នា​) ក្នុងការ​ធ្វើ​ឱ្យ​រីកចម្រើន​ទៅ​មុខ​នៃ​ស្ត្រី​និយម​នៅផ្ទះ និង​កន្លែង​បំពេញការងារ​ផងដែរ​។ សម្រាប់​ពេល​ឥឡូវនេះ គំនិត​នៃ​ស្ត្រី​និយម​ជា​ប្រកួតប្រជែង​ដោយ​ទទួលរង​ការឃោសនា​ថា​ជា​ចលនា​មួយ​ដែល​អាក្រក់ និង​ពិសពុល ព្រមទាំង​បង្កើត​ឱ្យ​មាន​ការ​ស្អប់ខ្ពើម និង​ការ​ពឹងពាក់​អាស្រ័យ​ទៅលើ​បុរស​ដែល​មិនមែន​ជា​ការពិត​ទាល់តែសោះ​។ សេចក្ដីប្រកាស​ដែល​ប្រឆាំង​នឹង​ស្ត្រី​និយម​តែងតែ​លើកឡើង​គ្រប់ពេលវេលា​ទាំងអស់​នៅពេល​ដែល​ស្ត្រី​និយម​ទទួលបាន​ជ័យជំនះ​។​
​យើងខ្ញុំ​សូម​ធ្វើការ​ច្រានចោល​នូវ​ពាក្យសម្ដី​មិន​ពិត និង​ការ​ស្អប់ខ្ពើម​ដែល​ទទួលបាន​ពី​បុរសៗ ហើយ​នឹង​ធ្វើ​ការបង្ហាញ​ជូន​លោកអ្នក​នូវ​សារសំខាន់ និង​លក្ខណៈសម្បត្តិ​បែប​ណាខ្លះ​ដើម្បី​ក្លាយជា​ស្ត្រី​និយម​ម្នាក់​។​

​ស្ត្រី​និយម – ការយល់​ខុស​

​សូម​កុំ​យល់ច្រឡំ​ទៅ​លើ​ពាក្យ​ថា “​សកម្មជន​ស្ត្រី​” មានន័យថា​ជា​អ្នក​ដែល​ស្អប់​បុរស​ខ្លាំង​បំផុត ប៉ុន្តែ​ផ្ទុយ​មកវិញ ស្ត្រី​និយម​មិនមែន​ជា​ការ​ធ្វើ​ឱ្យ​បុរសៗ​ខូចប្រយោជន៍​ឡើយ ហើយ​វា​ក៏​មិនមែន​ជា​សេចក្ដីស្នេហា​ចំពោះ​ស្ត្រីភេទ​ហួសហេតុ​នោះដែរ​។ ស្ត្រី​និយម​មិនមែន​លើកទឹកចិត្ត​ឱ្យ​ស្ត្រី​ចាកចេញ​ពី​ស្វាមី ឬ​សម្លាប់​កូន​ខ្លួនឯង ឬ​ក្លាយជា​ស្ត្រី​ដែល​ស្រលាញ់​ភេទ​ដូច​គ្នា​ឬ​អនុវត្ត​អំពើ​អាប​ធ្មប់​អ្វី​ឡើយ​។​

​យោង​តាម​ការស្រាវជ្រាវ​ក្នុង​វេបសាយ Wikipedia ស្ត្រី​និយម​មិនមែន​ជា​ជម្រើស​នៃ​ដួងព្រលឹង​ឡើយ វា​មាន​ភាពខុសប្លែក​ពី​អ្នក​កាន់​សាសនា​កាតូលិក​។ វា​ត្រូវការ​ការបំពេញ​ការងា​រ​ជាមួយ​នយោបាយ និង​ចលនា​សង្គម​ដែល​ចែករំលែក​គោលដៅ​មួយ​រួមគ្នា​។ ដើម្បី​សម្រេចបាន​សិទ្ធិ​ផ្ទាល់ខ្លួន សិទ្ធិ​ប្រកប​វិជ្ជាជីវៈ សិទ្ធិ​សង្គម សម្រាប់​ស្ត្រី​ដែល​មាន​សិទ្ធិ​ស្មើ​ទៅ​នឹង​បុរស​។ និយមន័យ​វា​មាន​តែ​ប៉ុណ្ណឹង​ឯង​។ នេះ​ជា​និយមន័យ​នៃ​ស្ត្រី​និយម ហើយ​មនុស្ស​គ្រប់រូប​ត្រូវតែ​ប្រយ័ត្ន​ក្នុង​ការឱ្យ​និយមន័យ​នៃ​ពាក្យ​ស្ត្រី​និយម​ខុស​ក្នុង​គោលបំណង​ដើម្បី​រក​ភាពត្រឹមត្រូវ​មួយ​នៃ​ចម្រូងចម្រាស​នេះ​។​

​ក្នុងនាម​ជា​ស្ត្រី​និយម​មែន​មែន​ជា​ការ​ស្អប់ខ្ពើម​បុរស​ឡើយ​។ វា​ជា​ការលើកកម្ពស់​ជីវិត និង​ស្ថានភាព​នៃ​ស្ត្រី​។ ការ​ដែល​ក្លាយខ្លួនជា​ស្ត្រី​និយម​ជា​ការទទួល​បាន​ប្រាក់​ឈ្នួល​ស្មើគ្នា​ទៅនឹង​ការងារ​ដែល​បាន​បំពេញ​ដូចគ្នា​។​វា​ជា​ការទាមទារ​ភាព​ស្មើ​គ្នា​ពី​អង្គការ HMOs ដែល​ផ្ដល់​សំណង​ទៅកាន់​បុរស​ម្រាប់ការ​ទិញ​ថ្នាំ Viagra ប៉ុន្តែ​បដិសេធ​ក្នុង​ការផ្ដល់​សំណង​ទៅ​ឱ្យ​ស្ត្រី​ទៅ​លើ​ការ​មិន​ព្រម​យក​បុត្រ​។ ក្រៅពីនេះ ដើម្បី​ក្លាយជា​ស្ត្រី​និយម​គឺ​ការ​ក្លាយខ្លួន​ជា​អ្នកតស៊ូ​សម័យថ្មី តស៊ូ​ដើម្បី​សិទ្ធិ​ស្ត្រី​ដែល​ចង់​បាន​ភាពស្មើគ្នា​ទៅ​នឹង​បុរស មិនមែន​ការ​បន្ទាបខ្លួន​តាម​ច្បាប់​ប្រពៃណី ឬ​ទំនៀមទម្លាប់​ទៅ​កាន់​តួនាទី​ដែល​មិនសូវ​សំខាន់​ឡើយ​។​

​លោកស្រី Maria Grazia Chiuri​ ជា​ស្ត្រី​ទីមួយ និង​ដំបូង​គេ​បង្អស់​ដែល​ជា​នាយក​ផ្នែក​ប្រឌិត​ញាណ​នៃ​ស្លាក​សញ្ញា Christian Dior ដែល​ទទួលបាន​ភាពជោគជ័យ​ដ៏​សម្បើម​ពី​ការបង្ហាញ​ម៉ូដ Paris Fashion Week កាលពី​ថ្ងៃ​ទី ៣០ ខែ​កញ្ញា ឆ្នាំមុន​។ ក្នុង​ការបង្ហាញ​ម៉ូដ​ដ៏​អស្ចារ្យ តារា​បង្ហាញ​ម៉ូដ​បាន​គ្រង​នូវ​រ៉ូប​ស្ដើង សំពត់​វ៉ាល់​ធំ និង​ឈុត​សំពត់​ដាច់​ពី​អាវ កូឡិក​ហ្សិន​និទាឃ​រដូវ និង​រដូវក្ដៅ​ឆ្នាំ ២០១៧ គឺ​បង្កើតឡើង​ដើម្បី​បង្ហាញ​ពី​អាវយឺត​ដែល​មាន​សរសេរ​អក្ស​រថា “​យើង​ទាំងអស់​គ្នា​គួរតែ​ក្លាយជា​ស្ត្រី​និយម​” ដែល​រចនា​ឡើង​នៅលើ​អាវយឺត​ផ្នែក​ដើមទ្រូង​តែម្ដង​។ ហើយ​គ្មាន​អ្វី​ខុសឆ្គង​ឡើយ​ក្នុងការ​ធ្វើ​បែប​នេះៗ​! ដូច្នេះ​ខណៈ​ដែល​វា​ជា​ពាក្យពេចន៍​ដែល​មនុស្ស​ជាច្រើន​បាន​មើលឃើញ​វា​គឺជា​និយមន័យ​ដ៏​ជាក់លាក់​មួយ​នៃ​ស្ត្រី​និយម​។​

​ដូច្នេះ យោង​តាម​អត្ថន័យ​ដើម្ប​បង្អស់ ព្រមទាំង​ជា​ចេតនា​បង្ហាញ​ឱ្យ​អ្នក​ទាំងអស់​គ្នា​បានដឹង​ពាក្យ​ស្ត្រី​និយម​គឺ​មិនមែន​ជា​ពាក្យ​ដែល​អាក្រក់​ឡើយ ពីព្រោះ​យើង​អាច​ធ្វើឱ្យ​ពាក្យសម្ដី ឬ​គំនិត​ណា​មួយ​ក្លាយជា​អាក្រក់​ដោយ​បន្ថែម​ដោយ​ខ្លួនឯង​នូវ​ភាព​ស្អប់ខ្ពើម និង​ការ​ព្យាបាទ​។​

​ព្រះសង្ឃ Dalai Lama មាន​ដីកា​ថា​៖ “​ការរង​ទុក្ខ​ទាំង​អម្បាលម៉ាន​កើតឡើង​ដោយសារ​ភាពល្ងង់ខ្លៅ​”​។ វា​ជា​ពេលវេលា​ដែល​មនុស្ស​គួរតែបញឈប់​ការ​ស្អប់ខ្ពើម​ដែល​កើតឡើង​ដោយសារ​ភាពល្ងង់ខ្លៅ​រប​ស់ខ្ល​យ​ន​ទៅកាន់​ស្ត្រី​និយម ហើយ​ងាក​មក​ជួយ​កាត់បន្ថយ​ការរើសអើង​ភេទ​ទាំង​នៅផ្ទះ និង​នៅ​កន្លែង​បំពេញការងារ​ផងដែរ​៕​

Style

ទំលាប់​នៃ​ការលេង​ស្តាយល៍​ដែល​មិនល្អ​

​មិត្ត​នារី​មួយចំនួន​ពេលខ្លះ​បង្ក​កំហុស​ដោយ​មិន​ដឹង​ខ្លួន ជាពិសេស​ជាមួយ​ទំលាប់

មិត្ត​នារី​មួយចំនួន​ពេលខ្លះ​បង្ក​កំហុស​ដោយ​មិន​ដឹង​ខ្លួន ជាពិសេស​ជាមួយ​ទំលាប់​នៃ​ការលេង​ស្តាយល៍​ដែល​មិនល្អ​។ សូម​ប្រិយមិត្ត​អញ្ជើញ​តាមដាន​ខ្លឹមសារ​អត្ថបទ​ណែនាំ​ខាងក្រោម​ក្នុង​​ឆ្នាំ​២០១៦​ថ្មី​នេះ​ដូចតទៅ​៖


មិនគួរ​ស្លៀក​សម្លៀកបំពាក់​ដែល​ទាន់សម័យ​គ្រប់​ម៉ូដ​ពេក​

​នា​សម័យ​នេះ​ឈុត​ស្អាតៗ និង ទាន់សម័យ​ពិតជា​មាន​ច្រើន​លើសលប់​។ ពេលខ្លះ​អ្នក​អាច​​ពិនិត្យ ឬ​សាកល្បង​តាម​បំណង​របស់​អ្នក​បាន យ៉ាងណាមិញ​ចំពោះ​ការ​ជ្រើស​យក​ម៉ូដ​​ដដែល​ឬ​មាន​ស្តាយល៏​ដូច​គ្នា​ច្រើន​ពេក ពេល​ខ្លះ​ក៏​វា​មើលទៅ​គយរ​អោយ​ស៊ាំ​ភ្នែក​ផងដែរ​។ ត្រូវ​ប្រាកដថា តើ​ឈុត​ដែល​ទាន់សម័យ​ទាំងនោះ​មើល​ទៅ​គួរអោយ​ចាប់អារម្មណ៍​លើ​អ្នក​ឬក៏​អត់ សម្រាប់​ពណ៌​មួយចំនួន​ដូចជា ពណ៌​ទឹកក្រូច​ស្រស់ និង​ពណ៌​ក្រហម បច្ចុប្បន្ន​ពណ៌​បែបនេះ​កំពុង​ពេញនិយម ប៉ុន្តែ​ពណ៌​បែប​ទាំងនេះ​រាង​រើស​សម្បុរស្បែក​បន្តិច​។ ពេលខ្លះ អ្នក​គួរតែ​រើស​បន្ទិច​ហើយ​ចំពោះម៉ូដ​ទាន់សម័យ​ណាមួ​យ​ដែល​ស័ក្តិសម​នឹង​អ្នក​។


​មិនគួរ​ពាក់​អាវទ្រនាប់​ដដែលៗ​ច្រើន ដោយ​មិន​បោក​សម្អាត​សោះ​នោះទេ​
​ជា​ទម្លាប់ អ្នក​ត្រូវ​ការផ្លាស់ប្តូរ​សម្លៀកបំពាក់​ជា​ញឹកញាប់​ហើយ​សម្រាប់​ខោ​អាវទ្រនាប់​វិញ ក៏​ដូចគ្នា​ផងដែរ​។ នារី​ទាំងឡាយ​សុទ្ធតែ​មាន​ការអនុវត្ត​នូវ​ទម្លាប់​នេះ​ទាំងអស់​។ ប៉ុន្តែ​មាន​ប្រការ​មួយ​ចំនួន​ដែល​អ្នក​គួរ​ជៀសវាង​។ ស្នាម​ក្អែល​ប្រឡាក់​ញើស និង អាវទ្រនាប់​ដែល​ប្រើប្រាស់​ជា​ញឹកញាប់​ពេក​ក៏​មិន​ល្អ​ដែរ គួរតែ​ផ្លាស់ប្តូរ​អាវទ្រនាប់​ដែល​ប្រើប្រាស់​ហើយ និង បោក​សម្អាត​វា​នៅ​ពេល​ដែល​ប្រើប្រាស់​អាវទ្រនាប់​ឱ្យបាន​ញឹកញាប់ ជាពិសេស​ក្នុង​រដូវ​នេះ​ផង អ្នក​ត្រូវ​តែ​ប្រយ័ត្ន​បន្តិច​ទើបបាន​!


មិនគួរ​រើស​គ្រឿងអលង្ការ​ដែល​មាន​ពណ៌​ស៊ីគ្នា​ជា​ញឹកញាប់​ពេក​
​អ្នក​មិន​ចាំបាច់​ក្នុងការ​ជ្រើស​ឈុត​សម្លៀកបំពាក់​ឱ្យ​សម​នឹង​គ្រឿង​លំអរ​ខ្លួន​ខ្លាំងពេក​ទេ​។ ឆ្នាំនេះ គឺ​ឆ្នាំ ២០១៦​ទៅហើយ ដូច្នេះ​អ្នក​កុំ​គិត​ច្រើន​ទេ​។ ប្រសិនបើ​អ្នក​ប្រើ​គ្រឿងអលង្ការ​ដែល​មាន​រូប​បេះដូង ឬ​ក៏​អ្នក​ចូលចិត្ត​ប្រើ​គ្រឿង​លំអ​ដែល​មាន​ពណ៌​ក្រហម​ច្រើន – អ្នក​គួរតែ​កែច្នៃ​វា​អោយ​ឡើង​បន្តិច​ហើយ​! ព្រោះ​ការ​តុបតែង​ខ្លួន​ជាមួយ​ពណ៌​ស៊ីគ្នា​គឺជា​រឿង​ហួស​សម័យ​ទៅវិញ​ទេ​។ យក​ពេល​គិត​ច្នៃ​លេង​វិញ​ទើប​ប្រសើ​ជាង​។ ប្រសិនបើ​អ្នក​មិន​ប្រាកដ​ក្នុង​ចិត្ត​ថា​តើ​គ្រឿង​លំអ​សម​នឹង​អ្នក​ឬក៏​អត់​នោះ​ដោះ​វា​ចេញ​វិញ​ទៅ ពីព្រោះ​យ៉ាងណា​ជម្រើស​តាម​អារម្មណ៍​របស់​អ្នក​ផ្ទាល់​គឺ​ល្អ​បំផុត​។​


​ការគោរព​គ្នា​ទៅវិញទៅមក​
​មិនគួរណា​បង្អាប់​អ្នកដទៃ​ចំពោះ​ការ​ស្លៀកពាក់​របស់គេ​ទេ ពេលខ្លះ​មិន​មែន​សម្លៀកបំពាក់​ទេ​ដែល​ធ្វើ​អោយ​មើល​ទៅ​អាក្រក់ ប៉ុន្តែ​ការ​អា​កាត់​ដោយ​ខ្វះ​ការពិចារណា​ទៅវិញ​ទេ​ដែល​ធ្វើ​យើង​អាប់​មុខ​។ មិន​ត្រូវ​ម៉ៃ​លើ​នរណា​ម្នាក់​ដោយ​សំបក​ក្រៅ​នោះ យក​ពេល​សម្រាប់​ខ្លួនឯង កៃ​ច្នៃ​អ្វី​ថ្មី​ដើម្បី​ធ្វើឱ្យ​អ្នក​លេចធ្លោ​វិញ​ទៅ ទើប​ល្អ​ជា​ការប្រសើរ​។


Continue Reading

Style

​ស្តា​យល៍​ចម្រុះ​បញ្ចូល​គ្នា​

(English) Donatella Versace blows it out of the water this year. The cohesive but

អ្នកស្រី Donatella Versace បាន​បង្ហាញ​ភាព​ភ្ញាក់ផ្អើល​យ៉ាងខ្លាំង​ដល់​អតិថិជន​របស់​គាត់​នៅ​ឆ្នាំ​នេះ​។ នេះ​ជា​ខូលិក​ហ្សិន​បញ្ចូល​គ្នា​រវាង​ម៉ូដ និង​ស្តាយល៍​ផ្សេងៗ​ជាច្រើន​នៃ​ហ្វេ​ហ្សិន​រួម​មាន​ស្តាយល៍​បែប​សុភាពនារី ស្តា​យល៍​បែប​នារី​លាយ​បុរស ស្តា​យល៍​ទាន់សម័យ និង​ស្តាយល៍​ឈុត​អាវធំ​។

ទាំងនេះហើយ​ដែល​ធ្វើឱ្យ​ខូលិក​ហ្សិន​មួយនេះ​ទទួលបាន​ប្រជាប្រិយភាព​យ៉ាងខ្លាំង​។ អ្នកស្រី Donatella Versace បានឱ្យដឹង​ថា​ខូលិក​ហ្សិន​មួយនេះ​គឺ ”​បង្កើតឡើង​សម្រាប់​ថ្ងៃ​បុណ្យទិវានារីអន្តរជាតិ​”​។ នេះ​ជា​ខូលិក​ហ្សិន​ដែល​បង្ហាញ​ពី​ភាពរឹងមាំ និង​ភាព​អង់អាច​របស់​ស្ត្រី​។

ភាគច្រើន​នៃ​ខូលិក​ហ្សិន​នេះ​គឺជា​ម៉ូដ​ដែល​មាន​រូប​លើ​សាច់​ក្រណាត់ និង​អាវធំ​ក្រៅ​ដែលមាន​ក្រវាត់​ខ្សែ​ក្រវាត់​សាច់​យឺត​។ សម្រាប់​ខូលិក​ហ្សិន​នេះ​គឺ​អ្នកស្រី​ចង់​បង្ហាញជើង​ដ៏​ស្រ​ឡូ​ន​របស់​អ្នក​ស្លៀក​ដែល​ខុស​ពី​អាវធំ​នារី​ទូទៅ​ដែល​ភាគច្រើន​បង្ហាញ​ភាព​សិច​ស៊ី​តាមរយៈ​អាវ​ក​ស្រួច​ចេញ​សាច់​ដើមទ្រូង​តិចតួច​។

សង្ឃឹម​ថា​ឆ្នាំនេះ​យើង​នឹង​ឃើញ​ស្ត្រី​អ្នកជំនួញ និង​អ្នក​ធ្វើ​ការបង្ហាញ​ជើង​ស្រ​ឡូ​ន​របស់ខ្លួន​ច្រើន​ជាង​បង្ហាញ​ដើម​ទ្រូង​ក្នុង​ឈុត​អាវធំ​។​


​ស្តា​យល៍​ជីវិត​ថ្មី​
​លោក Phillip Lim បាន​បង្កើត​ស្តាយល៍ Ready-to-wear ថ្មី​ប្លែក​ខុស​ពី​ស្តាយល៍​មុនៗ​ដើម្បី​អបអរ​ខួប ១០ ឆ្នាំ​នៃ​ម៉ាក 3.1 របស់​ខ្លួន​ដោយ​តុបតែង​ឆាក​ជាមួយ​ពំនូកដី​លើ​ពិស្ត​បង្ហាញម៉ូដ​នា​និទាឃ​រដូវ​ឆ្នាំ ២០១៦​។

ដើម្បី​បង្កើត​គំនិត​នេះ​ឱ្យ​ចេញ​ជា​ផ្លែផ្កា​គាត់​ក៏​បាន​អញ្ជើញ​អ្នកនាង Maya Lim ស្ថាបត្យករ​ដ៏​ល្បីល្បាញ​មកជួយ​គាត់​។ ពំនូកដី​ទាំងនេះ​គឺជា​កាកសំណល់​អាហារ​ដែល​លោក Lim រក្សាទុក​ធ្វើ​ជា​ជីរ​អស់​រយៈពេល​ជា​ច្រើន​ខែ​។ គាត់​បាន​ឱ្យដឹងថា មូលហេតុ​នៅ​ពីក្រោយ​គំនិត​នេះ​គឺ “​សម្តៅលើ​ចំណុច​ចាប់​ផ្តើមដំបូង​។

វា​ចាប់ផ្តើម​ដោយ​គ្រាប់ពូជ​។ វា​ចាប់ផ្តើម​ដោយ​សារ​ដី​។​” បន្ទាប់​ពី​កម្មវិធី​បង្ហាញ​ម៉ូដ​ត្រូវបាន​បញ្ចប់ ពំនូកដី​ទាំងនេះ​នឹង​ត្រូវ​យក​ទៅ​ចាក់​តាម​សួនច្បារ​នានា​។ យើងខ្ញុំ​ពិតជា​កោតសរសើរ​ជា​មួយ​គំនិត​ច្នៃប្រឌិត​របស់គាត់ មេ​តា​ផរ​ស្តី​ពី​វិវដ្ត​ជីវិត និង​ការកើត​ថ្មី​ដែល​ស័ក្តិសម​បំផុត​សម្រាប់​និទាឃ​រដូវ​នេះ ព្រោះថា​នេះ​ជា​រដូវ​ដែល​គ្រប់យ៉ាង​រស់រានមានជីវិត​ឡើងវិញ ពោល​គឺ​ស្តាយល៍​ជីវិត​ថ្មី​។​


​ខូលិក​ហ្សិន​របស់​គាត់​មួយ​នេះ​គឺ​មើល​ទៅ​មាន​ពណ៌​បៃតង​ស្រាល និង​ប្រៀប​ដូច​ជីវិត​ពិតៗ​។ ម៉ូដ​ទាំងនោះ​គឺជា​ការ​បញ្ចូល​គ្នា​រវាង​សាច់​ក្រណាត់​បាវ​នីឡុង សាច់​ក្រណាត់​លោហៈ​រូប​ផ្កា និង​ក្បាច់ក្បូរ​ផ្សេងៗ ជា​ខូលិក​ហ្សិន​ដ៏​ស្រស់ស្អាត និង​ប្រកបដោយ​គុណភាព​៕

Continue Reading

Style

​គន្លឹះ​មួយ​ចំនួន​ដើម្បី​ចូលរួម​ពិធី​អាពាហ៍ពិពាហ៍​

សម្លៀក​បំពាក់​ចូលរួម​ពិធី​អាពាហ៍ពិពាហ៍ – ដែល​អ្នក​គួរតែ​ដឹង​

សម្លៀក​បំពាក់​ចូលរួម​ពិធី​អាពាហ៍ពិពាហ៍ – ដែល​អ្នក​គួរតែ​ដឹង​
​អ្នកនាង Monika S អ្នកជំនាញ​តុបតែង​ខ្លួន​បាន​បង្ហើប​ឱ្យ​យើងខ្ញុំ​ដឹង​ពី​វិធី​គន្លឹះ​មួយ​ចំនួន​ដើម្បី​ចូលរួម​ពិធី​អាពាហ៍ពិពាហ៍​។ អ្នក​នាង​មាន​ភ្ញៀវ​ជាច្រើន​នៅ​ភ្នំពេញ​ដែល​ពួកគេ​តែងតែ​មករក​គាត់​ដែល​ជា​អ្នកជំនាញ​ឱ្យជួយ​ជ្រើសរើស​ឈុត​ដែល​ត្រូវ​ស្លៀក ទំហំ និង​ពណ៌​សម្រាប់​ចូលរួម​ពិធី​អាពាហ៍ពិពាហ៍​។ ការ​តុបតែង​ខ្លួន​ជា​អ្វី​ដែល​អ្នកនាង​ចូលចិត្ត ហើយ​ការងារ​ដែល​អ្នកនាង​ធ្វើ​គឺ​សុទ្ធតែ​មាន​ថ្វីដៃ​ល្អ​។ ខាងក្រោម​នេះ​ជា​សំណួរ​ខ្លះៗ​ដែល​ទាក់ទង​នឹង​ឈុត​សម្លៀក​បំពាក់​ក្នុង​រដូវ​អាពាហ៍ពិពាហ៍ ហើយ​គាត់​ក៏​បាន​ឆ្លើយ​រៀបរាប់​ប្រាប់​យើងខ្ញុំ​យ៉ាង​ក្បោះក្បាយ​។​

​សួស្តី​អ្នកនាង Monika អ្នក​នាង​ជា​អ្នកជំនាញ​ខាង​តុបតែង​ដែលមាន​ហាង​ស្ថិតនៅ​ទីក្រុង​ភ្នំពេញ​មែន​ទេ​? តើ​មិត្ត​នារីៗ​យើង​គួរ​យល់​ដឹង​អ្វីខ្លះ​ដើម្បី​ជ្រើសរើស​ឈុត​សម្លៀកបំពាក់​ដើម្បី​ចូលរួម​ពិធី​មង្គលការ​?

​សួស្តី Grace មិន​ខុស​ទេ​ខ្ញុំ​ជា​អ្នកជំនាញ​តុបតែង​ខ្លួន​ដែល​មាន​ទីតាំង​នៅ​ទីក្រុង​ភ្នំពេញ​។​
​ពេល​ជ្រើសរើស​ឈុត​សម្រាប់​ចូលរួម​ពិធី​អាពាហ៍ពិពាហ៍ ខ្ញុំ​គិតថា​រឿង​សំខាន់​ដែល​បងប្អូន​នារីៗ​គួរតែ​គិត​ដល់​មុនគេ​គឺ​ទីតាំង​ដែល​គេ​រៀប​អាពាហ៍ពិពាហ៍ តើ​ពិធីមង្គលការ​ស្ថិតនៅ​ក្នុង​ព្រះវិហារ នៅ​ឆ្នេរសមុទ្រ ឬ​នៅ​ចម្ការ​ទំពាំងបាយជូរ​។ អ្នក​ត្រូវ​ដឹង​ពី​ទីតាំង​ឱ្យបាន​ច្បាស់​ដើម្បី​ងាយស្រួល​ជ្រើសរើស​សម្លៀកបំពាក់​ឱ្យ​ត្រឹមត្រូវ និង​ស្រស់ស្អាត​តាម​ស្ថានភាព​នៃ​ពិធី​នេះ​។ រឿង​មួយ​ទៀត​ដែល​មិត្ត​នារី​គួរតែ​ដឹង​នោះ​គឺ​បញ្ហា​អាកាសធាតុ​។ គ្មាន​អ្វី​ដែល​ខ្មាស់​គេ​ជាង​ពេល​ដែល​ជាយសំពត់​ប៉ើង​ផាត់​ឡើង​ពេល​ខ្យល់​បក់​មក ឬក៏​ពាក់​ឈុត​ណា​ដែល​ក្តៅ​ខ្លាំង​ធ្វើឱ្យ​អ្នក​បែកញើស​ឡើយ​។ ពោល​គឺ​ត្រូវ​ជ្រើសរើស​ឈុត​ណា​ដែល​ពាក់​ទៅ​ស្រួលខ្លួន ហើយ​ទាន់សម័យ​និង​សមស្រប​តាម​ស្ថានភាព​។

​តើ​មាន​វិធី​អ្វី​ដែល​អាច​ធ្វើឱ្យ​យើង​ដឹង​ថា​ឈុត​មួយ​នេះ​ស័ក្តិសម​នឹង​មនុស្ស​ម្នាក់​នេះ​?
​ខ្ញុំ​គិតថា​វិធី​ល្អ​បំផុត​ដើម្បី​អាច​ឱ្យ​យើង​ដឹង​ថា​មនុស្ស​ម្នាក់​នេះ​ស័ក្តិសម​នឹង​ស្តា​យល៍​បែប​ណា​គឺ​យើង​ត្រូវ​សួរ​គេ​ផ្ទាល់​តែ​ម្តង​ថា​តើ​ជាទូទៅ​ពួកគេ​ចូលចិត្ត​ស្លៀកពាក់​ឈុត​អ្វី​ដែរ​។ មនុស្ស​គ្រប់គ្នា​សុទ្ធតែ​ដឹង​ថា​ឈុត​ណា​ស័ក្តិសម​នឹង​រាងរៅ​របស់ខ្លួន និង​ឈុត​ណា​ធ្វើ​ឱ្យ​គេ​មាន​អារម្មណ៍ល្អ​ពេល​ស្លៀកពាក់​។​


​សម្រាប់​អ្នកជំនាញ​តុបតែង ពួក​យើង​តែងតែ​ផ្តោត​លើ​ចំណុច​មួយចំនួន​មានដូចជា​៖
១. រាងរៅ​ខ្លួនប្រាណ​របស់​ភ្ញៀវ – តើ​យើង​គួរ​ចៀសវាង​ប្រើ​ស្តាយល៍ ឬ​ម៉ូដ​អ្វី​ជាមួយ​រាងរៅ​មួយ​នេះ​។ តើ​គួរ​ជ្រើស រើស​ម៉ូដ​អ្វី​ដើម្បី​ធ្វើឱ្យ​គាត់​មើល​ទៅ​លេចធ្លោ និង​លើក​រាង​របស់គាត់​ឱ្យ​កាន់តែ​ស្រស់ស្អាត​។​

២. ពណ៌​សម្បុរស្បែក​របស់​ភ្ញៀវ – តើ​យើង​គួរ​ជ្រើសរើស​ពណ៌​អ្វី​ដើម្បី​លើក​សម្បុរ​របស់គាត់​ឱ្យ​ភ្លឺ​ថ្លា ចៀសវាង​រើស​ពណ៌ណា​ដែល​ធ្វើឱ្យ​សម្បុរ​គាត់​ស្រ​អាប់​។​

៣. ជា​ចុងក្រោយ​គឺ​សាច់​ក្រណាត់ មនុស្ស​ភាគច្រើន​មិន​បានដឹង​ទេ​ថា​ការជ្រើសរើស​សាច់​ក្រណាត់​ត្រឹមត្រូវ​អាច​ជួយ​លើក​សម្រស់​សម្លៀកបំពាក់​ឱ្យ​កាន់តែ​ស្រស់ស្អាត​ជាង​គ្រឿងអលង្ការ ឬ​ស្បែកជើង​កែង​ស្អាតៗ​ទៅទៀត​។

​តើ​ភ្ញៀវ​គួរតែ​ទៅរក​ជាងកាត់ដេរ ឬ​អ្នកជំនាញ​តុបតែង​យ៉ាងយូរ​ឱ្យ​បាន​ប៉ុន្មាន​ថ្ងៃមុន​ពិធី​អាពាហ៍ពិពាហ៍​ចាប់ផ្តើម​?
​យក​ល្អ​អ្នក​គួរតែ​ទៅ​ល​សម្លៀកបំពាក់ ២ ទៅ ៣ ឈុត ហើយ​គួរតែ​ទៅរក​ជាងដេរ ឬ​អ្នកជំនាញ​តុបតែង​យ៉ាងហោច ណាស់​ឱ្យបាន ១ ខែ​មុន​។ ប្រសិនបើ​អ្នក​មាន​សម្លៀកបំពាក់​ស្រាប់​ហើយ​មានបំណង​ចង់​សឺ​រ៉េ ឬ​កែ​ម៉ូដ នាង​ខ្ញុំ​សូម​ណែនាំ​ឱ្យ​ទៅរ​កជាង​ឱ្យបាន ១ ទៅ ២ សប្តាហ៍​មុន​។


​តើ​ចំណុច​អ្វីខ្លះ​ដែល​មិត្ត​នារី​មិន​គួរ​ធ្វើ​ពេល​ទៅ​ល​សម្លៀកបំពាក់​?
​មាន​មនុស្ស​ជាច្រើន​តែងតែ​ធ្វើ​ខុស​ពេល​ទៅ​ល​សម្លៀកបំពាក់​។ នាង​ខ្ញុំ​តែងតែ​រំលឹក​ភ្ញៀវ​របស់​នាង​ខ្ញុំ​ឱ្យ​ស្លៀក​ឈុត​ក្នុង​ដែល​សមរម្យ (​ដូចជា​ខោអាវ​ទ្រនាប់​) មក​ជាមួយ ព្រោះ​ថា​បែប​នេះ​អាច​ជួយ​ឱ្យ​យើង​សឺ​រ៉េ​បាន​ត្រឹមត្រូវ​ទៅ​តាម​ទំហំ​ដើមទ្រូង​និង​ត្រគាក ហើយ​ម្យ៉ាងទៀត​វា​អាច​ឱ្យ​យើង​ដឹងថា​តើ​សាច់​ក្រណាត់​នេះ​អាច​មើលឃើញ​ធ្លុះ​ដល់​ខោ​អាវ ទ្រនាប់​ដែរឬទេ​។ ម្យ៉ាងទៀត កុំ​ភ្លេច​យក​ស្បែកជើង​កែង​មក​តាម​ផង​ដើម្បី​ឱ្យ​ជាង​ដឹង​ពី​កម្ពស់​កែង​ស្បែកជើង​ងាយ ស្រួល​កាត់​តម្រឹម​ជាយ​រ៉ូប​ឱ្យ​សមស្រប​នឹងក​ម្ព​ស់​ស្បែកជើង​របស់​អ្នក​។​
​រវាង​ការទិញ​ឈុត​ថ្មី និង​ការយក​ឈុត​ចាស់​ដែល​មាន​ស្រាប់​មក​កែកុន តើ​អ្នកនាង​ណែនាំ​ឱ្យ​ជ្រើស​យក​មួយ​ណា​ដែរ​?
​ខ្ញុំ​តែងតែ​ណែនាំ​ភ្ញៀវ និង​នាង​ខ្ញុំ​ខ្លួនឯង​គឺ​ចូល​ចិត្ត​ទិញ​សម្លៀក​បំពាក់​ណា​ដែល​អាច​ស្លៀក​ពាក់បាន​គ្រប់​កម្មវិធី​។ ខ្ញុំ​ចូល​ចិត្ត​ច្នៃ​ម៉ូដ​សម្លៀកបំពាក់​កូនក្រមុំ​ទៅ​ជា​ប្រភេទ​ដែល​អាច​ស្លៀក​ចូលរួម​កម្មវិធី​ផ្សេងៗ​បាន​បន្ទាប់​ពី​រៀប​អាពាហ៍ ពិពាហ៍​រួច មិន​ថា​គាត់​ចង់​កែ​ម៉ូដ ឬ​ទុក​នៅ​ដដែល​ក៏​ដោយ​។ សេវា​ដែល​ខ្ញុំ​ផ្តល់ជូន​គឺ​កែកុន​ម៉ូដ​លើ​សម្លៀក​បំពាក់​ចាស់​។ ភ្ញៀវ​គាត់​អាច​ប្តូរ​ប្រវែង​សម្រុង​រ៉ូប កែ​ម៉ូដ​ត្រង់​បរិវេណ​ដើមទ្រូង បន្ថែម ឬ​បន្ថយ​ក្រណាត់ កែកុន​ក្បាច់ក្បូរ​ក្រណាត់ ដូចជា​ឌិន ឬ​ប៉ាក់ ពោល​គឺ​កែកុន​បាន​ទាំងអស់​។ ការ​ដែល​យក​ឈុត​ចាស់ៗ​មក​កែកុន​គឺ​ចំណាយ​ប្រាក់​តិចជាង​ទិញ​ឈុត​ថ្មី ម្យ៉ាង​អ្នក​ក៏​មិន​មាន​អារម្មណ៍​ថា​ចាយវាយ​ខ្ជះខ្ជាយ​ក្នុង​ការទិញ​រ៉ូ​បដែល​ប្រើ​បាន​តែ​ម្តង​ហើយ​ក៏​ឈប់​ប្រើ​។​

​តើ​ការ​ដែល​មាន​អ្នកជំនាញ​មកជួយ​ជ្រើសរើស​ម៉ូដ​សម្លៀកបំពាក់​ផ្តល់​គុណប្រយោជន៍​អ្វីខ្លះ​?
​ការ​ដែល​មាន​ជំនួយ​ពី​អ្នកជំនាញ​គឺ​មាន​ប្រយោជន៍​ច្រើនណាស់ ព្រោះ​ថា​យើង​ផ្តល់​នូវ​យោបល់​បែប​អ្នកជំនាញ​ថា​តើ​ឈុត​ណា​ស័ក្តិសម​នឹង​អ្នក និង​ឈុត​ណា​មិន​ស័ក្តិសម​។ គ្រាន់តែ​ឃើញ​ពណ៌​ក្រណាត់ ឬ​សាច់​ក្រណាត់​យើងខ្ញុំ​ក៏​អាច​មើល​ដឹងថា​តើ​មួយឈុត​នេះ​ស័ក្តិសម​នឹង​អ្នក​ឬក៏​អត់​ទៅ​ហើយ​។ យើងខ្ញុំ​ដឹង​ថា​តើ​ម៉ូដ​អ្វី ស្តា​យល៍​អ្វី​ដែល​លើក​រាងរៅ​របស់​អ្នក ពួកយើង​ជ្រើសរើស​ស្តា​យល៍​ផ្សេងៗ​ផ្អែក​ទៅតាម​ខ្លួនប្រាណ​របស់​ភ្ញៀវ​។ ការ​ដែល​ទៅ​រក​អ្នកជំនាញ​ឱ្យជួយ​មាន​ប្រយោជន៍​ជាច្រើន​ឧទាហរណ៍​ដូច​ជា​ភ្ញៀវ​មិន​ចូល​ចិត្ត​មួយឈុត​នេះ​ព្រោះ​មិនមែន​ជា​ស្តា​យល៍​របស់គាត់ ប៉ុន្តែ​ពេល​ដែល​គាត់​ល​ទៅ​ក៏​ឃើញ​ថា​ស្អាត នេះ​ក៏​ដោយសារ​យើងខ្ញុំ​ជា​អ្នកជំនាញ យើងខ្ញុំ​ដឹង​ថា​រាង​គាត់​ស័ក្តិសម​នឹង​ម៉ូដ​អ្វី ។

​តើ​ពណ៌​អ្វី​ដែល​ភ្ញៀវ​មិនគួរ​ស្លៀក​ចូលរួម​ពិធី​អាពាហ៍ពិពាហ៍​?
​នៅលើ​ពិភពលោក ជា​ទម្លាប់​នាង​ខ្ញុំ​តែងតែ​ឃើញ​ភ្ញៀវ​មិនសូវ​ជា​ស្លៀក​ឈុត​ពណ៌​ស​ចូលរួម​ពិធី​អាពាហ៍ពិពាហ៍​ឡើយ​ព្រោះ​ខ្លាច​ជាន់​គ្នា​នឹង​ឈុត​កូនក្រមុំ ប៉ុន្តែ​ពេល​ដែល​បាន​រស់នៅ​ក្នុង​ប្រទេស​កម្ពុជា ខ្ញុំ​សង្កេតឃើញថា​ឈុត​ពណ៌​ខ្មៅ (​ពណ៌​កាន់ទុក្ខ​) ឬ​ពណ៌​ហាមប្រាម​មួយចំនួន​មិន​ត្រូវបាន​គេ​ស្លៀកពាក់​ចូលរួម​ពិធីមង្គលការ​ឡើយ​។ និយាយ​រួម​ទៅ​អាស្រ័យ​តាម​ប្រពៃណី និង​ជំនឿ​របស់​ប្រទេស​នីមួយៗ​។​

​តើ​ថ្មីៗ​នេះ​អ្នកនាង​បានឃើញ​ស្តាយល៍​ពេញនិយម​អ្វីខ្លះ​ដែល​ភ្ញៀវ​របស់​អ្នកនាង​តុបតែង​ខ្លូន​ទៅ​ចូលរួម​ពិធី​អាពាហ៍ពិពាហ៍​ក្នុង​រដូវ​មង្គលការ​នេះ​?
​ខ្ញុំ​សង្កេតឃើញថា​ភ្ញៀវ​នារីៗ​ខ្លះ​គាត់​ចូលចិត្ត​លេង​ស្តា​យល៍​បែប​ហួសហេតុ​ពេក ហើយ​ខ្លះ​ទៀត​លេង​ស្តាយល៍​សាមញ្ញ​ពេក​។ តាម​ទំនៀមទម្លាប់ ប្រជាជន​ខ្មែរ​ចូលចិត្ត​ប្រើ​សូត្រ និង​ក្រណាត់​ប៉ាក់​។ ចំណែក​ក្រណាត់​ប៉ាក់​ខ្មែរ ថៃ ជប៉ុន​ភាគច្រើន​មាន​ស​សា​ច់រឹង ខ្ញុំ​ឃើញ​ស្ត្រី​ខ្មែរ​ភាគច្រើន​លេង​ម៉ូដ​តែ​ប៉ុន្មាន​បែប​ប៉ុណ្ណោះ​ដូចជា ឈុត​កន្ទុយ​ត្រី​វាល​ស្មា ឬ​ដៃ​ទ្រ័​រកា ឈុត​រឹប​មាន​រំភាយ​នៅ​ចង្កេះ​ជាដើម​។ ពេលខ្លះ​នាង​ខ្ញុំ​ឃើញ​ពួកគាត់​លេង​ពណ៌​អាវ និង​ពណ៌​សំពត់​ដូចគ្នា​ដែល​អ្នក​ខ្លះ​មើល​ទៅ​ស្អាត អ្នក​ខ្លះ​មើល​ទៅ​មិនសូវ​ជា​ទាក់ភ្នែក​ប៉ុន្មាន​ឡើយ​។​

​តើ​អ្នកនាង​ធ្វើ​ដូចម្តេច​ទើប​មើល​ដឹង​ថា​រាងរៅ​បែបណា​ស័ក្តិសម​នឹង​ឈុត​មួយណា​? អាច​ចែករំលែក​បន្តិច​បានទេ​?
​ហា​ហា៎ ការពិត​ទៅ​ខ្ញុំ​គិត​ថា​ការងារ​នេះ​ជា​ទេពកោសល្យ​ពី​ធម្មជាតិ ឬ​ក៏​តម្រូវ​ឱ្យ​សិក្សា​រយៈពេល​យូរ​ទើប​អាច​ពូកែ​ផ្នែក​នេះ​បាន​។ កាល​ពី​តូច​នាង​ខ្ញុំ​តែងតែ​ចាំបាន​ថា​គ្រាន់​តែ​មើល​អ្នក​ដទៃ​ភ្លាម​ក៏​ដឹង​ថា​ម៉ូដ​អ្វី​សម​នឹង​គាត់ ពណ៌​អ្វី​ស៊ី​នឹង​សម្បុរ​របស់គាត់ ក៏ដូចជា​តុបតែង​គ្រឿងអលង្ការ​បែបណា​ដើម្បី​ឱ្យ​ស៊ីគ្នា​នឹង​ឈុត​ទាំងមូល​។​

​គន្លឹះ​ខ្លះៗ​ដែល​អ្នក​អាច​រៀន​តាម​៖
•​ ​ពណ៌​ដិត​ចាស់​ធ្វើឱ្យ​រាង​មើល​ទៅ​ស្លីម​ជា​ង​មុន​
•​ ​ពណ៌​ស្រាល​ធ្វើឱ្យ​ចំណុច​ដែល​មិន​ស្អាត​លេចធ្លោ​ខ្លាំង​
•​ ​ប្រសិនបើ​ជា​រ៉ូប​ខ្លី គួរតែ​រើស​រ៉ូប​ណា​ដែល​មាន​ចង្កេះ​ខ្ពស់​ដើម្បី​ធ្វើឱ្យ​ជើង​មើល​ទៅ​វែង​ស្រ​ឡូ​ន​ស្អាត និង​លើកកម្ពស់​។ ចំណែក​ក្រណាត់​ដែល​មាន​ឆ្នូត​ឈរ​តូចៗ​ជួយ​ឱ្យ​រាង​មើល​ទៅ​ស្លីម​ជា​ង​មុន និង​ធ្វើ​រាងរៅ​មាន​រាង​វែង​ស្អាត​។​
•​ ​សម្រាប់​មិត្ត​នារីៗ​ដែល​មាន​មាឌ​ល្អិត​អាច​បន្ថែម​ស្រទាប់​ក្រណាត់ ឬ​ក្បាច់ក្បូ​រលើ​ក្រណាត់​ដើម្បី​ឱ្យ​មើល​ទៅ​មាន​រាង​ស្អាត​ល្មម​។​

​ខ្ញុំ​យល់​ថា​ពណ៌ និង​សាច់​ក្រណាត់​ក៏​ជា​ផ្នែក​មួយ​ដ៏​សំខាន់​ដែរ​ដែល​ធ្វើឱ្យ​មនុស្ស​ម្នាក់​ស្លៀក​មើលទៅ​សម​ឬ​មិន​សម​។​

​ក្នុងនាម​ជា​អ្នកជំនាញ​តុបតែង​ខ្លួន​មួយរូប តើ​អ្នកនាង​ចង់​ឃើញ​អ្វី​បន្ថែម​ទៀត​នៅក្នុង​ពិធី​អាពាហ៍ពិពាហ៍​?
​ក្នុងនាម​ខ្ញុំ​ជា​ជនជាតិ​ខ្មែរ​មួយរូប ខ្ញុំ​ស្រឡាញ់ និង​ចូលចិត្ត​ឈុត​ប្រពៃណី​ហូល​ផាមួង​លក្ខណៈ​សំពត់​ដាច់​ពី​អាវ​ណាស់​។ ប៉ុន្តែ​ខ្ញុំ​ក៏​ចង់​ឃើញ​ឱ្យ​មាន​ការបញ្ចូល​គ្នា​រវាង​ស្តាយល៍​ខ្មែរ និង​សាច់​ក្រណាត់​អ៊ឺរ៉ុប ឬក៏​ស្តាយល៍​អ៊ឺរ៉ុ​បប្រើ​សាច់ក្រណា​ត់​ខ្មែរ​។ បែបនេះ​វា​មិន​ត្រឹមតែ​បង្ហាញ​ពី​ស្តា​យល៍​ថ្មី​នោះទេ តែ​វា​ក៏​បង្ហាញ​ពី​ភាពទំនើប​លើ​ឈុត​ប្រពៃណី​ខ្មែរ​ផងដែរ​។ ម្យ៉ាង​ខ្ញុំ​យល់​ថា​ពេល​ដែល​ស្លៀក​ទៅ​គឺ​មាន​អារម្មណ៍​ថា​ស្រួលខ្លួន​ណាស់​។ ពេលនេះ​ខ្ញុំ​កំពុងតែ​ច្នៃ​ម៉ូដ​មួយចំនួន​លើ​សាច់​ក្រណាត់​ផ្សេងៗ​គ្នា ហើយ​ខ្ញុំ​សង្ឃឹម​ថា​ការងារ​នេះ​នឹង​រួចរាល់​មុនពេល​រដូវ​អាពាហ៍ពិពាហ៍​ឆ្នាំ​ក្រោយ​មក​ដល់​។

​ចុះ​ប្រសិនបើ​មាន​ភ្ញៀវ​ចង់​សម្រក​ទម្ងន់​មុនពេល​ពិធី​អាពាហ៍ពិពាហ៍​មកដល់ តើ​អ្នកនាង​នឹង​ធ្វើ​បែប​ណា​ដែរ​? តើ​ស្តង់ដារ​របស់​ភ្ញៀវ​ខ្លះ​អាច​នឹង​ហួសហេតុ​ពេក​ដែរ​ទេ​?
​ដំបូង​ប្រសិនបើ​ភ្ញៀវ​គាត់​មាន​គម្រោង​ចង់​សម្រក​ទម្ងន់​មុន​ចូលរួម​ពិធី​អាពាហ៍ពិពាហ៍ ខ្ញុំ​នឹង​ផ្តល់​យោបល់​ឱ្យ​គាត់​សម្រក​ទម្ងន់​ឱ្យបាន​សម្រេច​មុន​នឹង​ធ្វើការ​កុម្ម៉ង់​។ គ្មាន​អ្វី​ដែល​នាំ​ឱ្យ​ឈឺក្បាល​ជាង​ពេលដែល​យើង​កាត់​តម្រូវ​ទៅតាម​រាង​របស់គាត់​ហើយ​ស្រាប់តែ​ទំហំ​និង​ទម្ងន់​របស់​គាត់​ផ្លាស់ប្តូរ​ឡើយ​។ ប្រសិនបើ​ពួកគាត់​មិន​អាច​សម្រក​ទម្ងន់​ទៅ​តាម​គម្រោង​ដែល​គាត់​គ្រោងទុក​ទេ ពួក​យើង​មាន​វិធី​ខ្លះៗ​ដើម្បី​ជួយ​ឱ្យ​គាត់​មាន​រាង​ស្លីម​ជា​ង​មុន​ដូចជា​រើស​ម៉ូដ ពណ៌ និង​សាច់​ក្រណាត់​ឱ្យ​សម​ទៅ​នឹង​រាងរៅ​របស់គាត់​។​

​តើ​ចំណុច​អ្វីដែល​ធ្វើឱ្យ​អ្នកនាង​ពេញចិត្ត​ចង់​ជួយ​តុបតែង និង​កែកុន​ម៉ូដ​សម្លៀកបំពាក់​ដល់​អ្នក​ដទៃ​នៅ​ថ្ងៃ​អាពាហ៍ពិពាហ៍​?
​មូលហេតុ​ចម្បង​ដែល​ធ្វើឱ្យ​ខ្ញុំ​ពេញចិត្ត​តុបតែង និង​កាត់ដេរ​សម្លៀកបំពាក់​សម្រាប់​អ្នក​ដទៃ​នៅ​ថ្ងៃដ៏​សំខាន់​នេះ​ព្រោះ​វា​ធ្វើឱ្យ​ខ្ញុំ​សប្បាយចិត្ត​នៅពេលដែល​ខ្ញុំ​អាចបង្កើត​ឈុត​សម្លៀក​បំពាក់​ដ៏​ស្រស់​ស្អាត​មួយ​ឈុត​ដែល​ធ្វើឱ្យ​អ្នក​ស្លៀក​មាន​អារម្មណ៍​ថា​សិច​ស៊ី ថ្លៃថ្នូរ ទាន់សម័យ និង​មាន​ផា​សុកភាព​។ អ្វី​ដែល​ខ្ញុំ​ខ្លាច​បំផុត​នោះ​គឺ​នៅពេល​ដែល​អ្នក​ស្លៀក​បែរ​ជា​កាន់​ជាយសំពត់​ដើរ​ព្រោះតែ​វែង​ពេក​។ ក្នុង​ឱកាស​ដ៏​រីករាយ​នេះ​នរណា​ក៏​ចង់​រីករាយ និង​អាច​ដើរ​ទៅ​មក​យ៉ាង​ស្រួល​ខ្លួន​ជាមួយ​រ៉ូប​ដ៏​ស្រស់ស្អាត​ដែរ​៕​

Continue Reading

Trending

Copyright © 2018 Ladies Magazine Cambodia.