Connect with us

Fashion

កូឡិកហ្សិនសម្លៀកបំពាក់ Miu Miu សម្រាប់និទាឃរដូវ/រដូវក្តៅ ២០១៧

ត្រៀម​មួក​ហែល​ទឹក និង​កន្សែង​ជូត​ខ្លួន​ឱ្យបាន​រួចរាល់​ទាំងអស់គ្នា​! មើល​ទៅ​អ្នកស្រី Miuccia Prada កំពុងតែ​មាន​អារម្មណ៍​សប្បាយៗ​នា​រដូវក្តៅ​ជា​មួយ​នឹង​ការដាក់ចេញ​នូវ​

ត្រៀម​មួក​ហែល​ទឹក និង​កន្សែង​ជូត​ខ្លួន​ឱ្យបាន​រួចរាល់​ទាំងអស់គ្នា​! មើល​ទៅ​អ្នកស្រី Miuccia Prada កំពុងតែ​មាន​អារម្មណ៍​សប្បាយៗ​នា​រដូវក្តៅ​ជា​មួយ​នឹង​ការដាក់ចេញ​នូវ​កូឡិក​ហ្សិ​ន Miu Miu របស់ខ្លួន (​តែ​គួរ​ឱ្យ​ស្តាយ ក្រុម​តារា​បង្ហាញ​ម៉ូដ​របស់​អ្នកស្រី​ហាក់ដូចជា​មិន​ញញឹមញញែម​សោះ​)​។ មានពេលខ្លះ​ជីវិត​តែង​ជួប​បញ្ហា និង​ស្ត្រេ​ស ដូច្នេះ​យើង​គួរតែ​ឆ្លៀត​ពេល​ខ្លះ​សម្រាក​ខួរក្បាល​កុំ​ឱ្យ​គិត​ច្រើនពេក​។ ជាមួយនឹង​ឈុត​សម្លៀក​បំពាក់​អ៊ីតាលី​បែប​រ៉េ​ត្រូ​រដូវ​ក្តៅដែល​គេ​ធ្លាប់​ពេញនិយម​បំផុត​ក្រោយ​សង្គ្រាម​លោក​ស្អាតៗ​បែបនេះ នរណា​ដែលថា​មិន​ចង់បាន​នោះ​? មិន​ខុស​ទេ​នៅ​ពេល​នោះ​អ្នកស្រី Prada គឺ​នៅ​ជា​ក្មេងស្រី​នៅឡើយ​ទេ​។ ចំណែក​ពេលនេះ​អ្នកស្រី​មាន​ចំណេះដឹង​ផ្នែក​នេះ​យ៉ាង​ជំនាញ – ក្នុង​កូឡិក​ហ្សិ​ន​នេះ​អ្នកស្រី​ដាក់បញ្ចូល​នូវ​ផ្ទៃ​ក្រណាត់​ស្តា​យល៍​នា​ទសវត្សរ៍​ទី ៦០ និង​ដើម​ទសវត្សរ៍​ទី ៧០ (​ដូចជា​ផ្ទៃ​ក្រណាត់​រូប​ផ្កា រូប​គំនូរ និង​ច្នៃ​ម៉ូដ​អាវ​កូន​ក្មេង​ចាប់​ជីប​ទៅជា​អាវ​រលុង​ខ្លី​ដ៏​ស្រស់ស្អាត​)​។ អ្នកស្រី​ក៏​បាន​ធំ​ចម្រើន​វ័យ​ឡើង​ជាមួយ​អ្នក​ម្តាយ និង​ជីដូន​ដែល​តែងតែ​និយម​ស្លៀក​រ៉ូប​ស្តាយល៍​សម័យ​ទសវត្ស​រ៍​ទី ៤០ ដូច្នេះហើយ​ទើប​នៅលើ​ពិស្ត​បង្ហាញម៉ូដ​គេ​ឃើញ​មាន​ម៉ូដ​គំរូ​នេះ​យ៉ាង​ច្រើន ដោយ​បន្ថែម​ជាមួយ​ខ្សែ​ចង​ចង្កេះ​ពីក្រោយ​។ ម៉ូដ​សម្លៀកបំពាក់​ទាំង​នេះ​គឺ​ភាគច្រើន​ស្លៀក​គូ​ជាមួយ​ស្បែកជើង​ស៊ក ឬ​ស្បែកជើងសង្រែក​បាត​ក្រាស់ ហើយ​បើ​មើល​ឱ្យ​ជិត​ស្បែកជើង​ទាំងនេះ​គឺ​មាន​លំអ​ដោយ​សម្បក​គ្រំ និង​ផ្កាយ​សមុទ្រ​នៅ​ពី​លើ​យ៉ាង​ស្រស់ស្អាត​។ តារា​ម៉ូ​ដែល​ទាំងនេះ​គឺ​តុបតែង​សក់​បែប​នារី​ទសវត្សរ៍​ទី ៥០ ដ៏​សិច​ស៊ី អម​ជាមួយ​ឈុត​ប៊ី​គីនី​សាច់​យឺតដ៏​ស្រស់ស្អាត​។ ក្នុង​កូឡិក​ហ្សិន​នេះ​គឺ​សម្បូរ​ទៅ​ដោយ​អាវ​ក្រៅ​វែងៗ​ស្តា​យល៍​ទសវត្សរ៍​ទី ៦០ ពាក់​អម​ជាមួយ​ឈុត​ប៊ី​គីនី​។ ជា​ម៉ូដ​ដ៏​ស្រស់ស្អាត​បែប​សប្បាយៗ និង​ទទួលបាន​ការកោតសរសើ​រ​យ៉ាងច្រើន​នៅក្នុង​រដូវ​កាល​នេះ​។​

Fashion

ដំណើរ​តាម​នាវា​កម្សាន្ដ​

​តើ​លោក Ralph Lauren ជា​នរណា​?

​តើ​លោក Ralph Lauren ជា​នរណា​?

​ហេតុផល​ដែល​ធ្វើឱ្យ​ល្បីឈ្មោះ​៖ អ្នក​ឌី​ហ្សា​ញ​ហ្វេ​ហ្សិន​សញ្ជាតិ​អាមេរិកាំង​រូបនេះ មាន​ក្រុមហ៊ុន​ផលិត​សម្លៀកបំពាក់​ដែល​អាច​រក​ប្រាក់​បាន​រាប់​កោដិ​ដុល្លារ​។

គាត់​តែងតែ​មានបំណង​ចង់​បង្កើត​ភាព​ហ៊ឺហា​សាមញ្ញ​ដែល​មនុស្ស​គ្រប់​គ្នា​ចង់បាន​។ គាត់​ប្រើប្រាស់​ពណ៌​សំខាន់ៗ​តែប៉ុណ្ណោះ ហើយ​តែងតែ​ជា​អ្នក​ស្រឡាញ់​ពេញចិត្ដ​នឹង​ពណ៌​ស​ទន់​រលោង​។

ការ​កាត់ដេរ​សម្លៀកបំពាក់​យ៉ាង​ល្អ​ឥតខ្ចោះ កអាវ​ដ៏​ទាក់ទាញ និង​កូឡិក​ហ្សិន​ដ៏​ស្រស់ស្អាត គឺជា​សោភណភាព​របស់គាត់​។ នារី (The Ralph Lauren girl) ត្រូវបាន​គេ​ស្រមើស្រមៃ​ឃើញ​នៅ​លើ​នាវា​កម្សាន្ដ​មួយ ស្ទើរតែ​គ្មាន​ក្ដីបារម្ភ និង​ខ្យល់​ដ៏​ត្រជាក់​បក់​ផាត់រ​វិចរ​វិចៗ​។

​បុព្វហេតុ​ដើម្បី​ការងារ​មនុស្សធម៌​៖ ជាមួយនឹង​ក្រុមហ៊ុន​ស្លាក​សញ្ញា​ដ៏​ប្រណីត​របស់គាត់ ដែល​ងាយ​នឹងត្រូវ​គេ​ស្គាល់​ជុំវិញ​ពិភពលោក ដោយ​រក​ប្រាក់​បាន​យ៉ាង​មហាសាល លោក Ralph Lauren ក៏​បាន​បរិច្ចាគ​ទៅវិញ​ដើម្បី​បុព្វហេតុ​ការងារ​មនុស្សធម៌​។

គាត់​បាន​ចូលរួម​ផ្ដល់​មូលនិធិ​ទៅ​ដល់​មជ្ឈមណ្ឌល Nina Hyde ផ្នែក​ស្រាវជ្រាវ​ជំងឺមហារីក​សុដន់ (Nina Hyde Center for Breast Cancer Research) នៅឯ​សាកលវិទ្យាល័យ Georgetown University ហើយ​នៅ​ឆ្នាំ​២០០១ សាជីវកម្ម Ralph Lauren Corporation បាន​បើក​មូលនិធិ Polo Ralph Lauren Foundation ដើម្បី​លើកកម្ពស់​ការយល់ដឹង​ចំពោះ​គំនិត​ផ្ដួចផ្ដើម​ការងារ​មនុស្សធម៌​ដទៃទៀត​នៅ​ជុំវិញ​ពិភពលោក​។

Ralph Lauren Fashion Show, Ready to Wear Collection Spring Summer 2016 in New York

លោក Lauren ក៏​បាន​ចាប់ផ្ដើម​គំនិត​ផ្ដួចផ្ដើម​ទូទាំង​ពិភពលោក​មួយ​ផងដែរ ក្នុង​ការប្រយុទ្ធប្រឆាំង​ទៅ​នឹង​ជំងឺមហារីក​ដែល​មានឈ្មោះ​ថា​មូលនិធិ Pink Pony Fund​។ គាត់​ក៏​កំពុងតែ​ផ្ដល់​មូលនិធិ​ទៅ​ដល់​មន្ទីរ​ស្រាវជ្រាវ​ជំងឺមហារីក​ដ៏​ទំនើប​មួយ​ផង​ដែរ​៕

Ralph Lauren Fashion Show, Ready to Wear Collection Spring Summer 2016 in New York

Continue Reading

Fashion

ការច្នៃ​ម៉ូដមាន​លក្ខណៈ​ប្លែក

ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​

Isabel Marant
អ្នកស្រី Isabel Marant និង​ការ​បំផុស​គំនិត​ដែល​ទទួលបាន​ពី​អាស៊ី​ខាងកើត​


​ស្ត្រី​អ្នក​ច្នៃ​ម៉ូដ​ជនជាតិ​បារាំង​ដ៏​ល្បី​អ្នកស្រី Isabel Marant បាន​បង្វែរ​ចំណាប់​អារម្មណ៍​ច្នៃ​ម៉ូដ​របស់​ខ្លួន​ទៅរក​ក្រុម​ជនជាតិ​ម្តងទៀត​ហើយ​។ អ្នកស្រី​មិន​បាន​ធ្វើឱ្យ​យើង​ខកចិត្ត​ឡើយ​ជាមួយ​ស្នាដៃ​ច្នៃ​ម៉ូដ​ដ៏​ស្រស់​ស្អាត​បង្កប់​ម៉ូដ​ប្រពៃណី​ជនជាតិ​។

ម៉ូដ​ដែល​អ្នកស្រី​ច្នៃ​គឺ​ទទួល​ឥទ្ធិពល​ពី​មជ្ឈឹម​បូព៌ា​មានដូចជា​ម៉ូដ​ខោ​ប៉ោង​ជើងវែង​គូ​ជាមួយ​អាវ​ក្រៅ​តូច​រលុង​មាន​ជាយ​រសាត់​បន្ថែម​ជាមួយ​ស្បែកជើង​ចង​ខ្សែកម្ពស់​ផ្សេងៗ​គ្នា​។

ក្រណាត់​ទាំងនោះ​លម្អ​ទៅដោយ​ក្បាច់​ប្រពៃណី ក្បាច់​ប៉ាក់​ភ្លឺ​ផ្លេក និង​ត្បូង​ថ្លា​ផ្សេងៗ​ដែល​អ្នកស្រី Marrant ចូលចិត្ត​ប្រើ​យក​មក​ច្នៃ​ពីលើ​ដូចជា​ម៉ូដ​អាវ​ក្រៅ​វែង ម៉ូដ​អាវ​ក្រប់​ថប់ និង​នៅលើ​ចង្កេះ​។

ការច្នៃ​ម៉ូដ​លើក​នេះ​មាន​លក្ខណៈ​ប្លែក​មើល​ទៅ​ស្រស់ស្អាត​ជាង​ស្នាដៃ​មុនៗ​របស់​អ្នកស្រី Marant​។

Max Mara
ពី​សុភាពនារី​ទៅ​ជា​នារី​ឡូយឆាយ​

ម៉ាក Max Mara ផ្លាស់ប្តូរ​ជា​មួយ​ស្តា​យល៍​ហ្វេ​ហ្សិន​បែប​ទំនើង​
​ក្រុមហ៊ុន​ជំនួញ​ផ្នែក​សម្លៀក​បំពាក់​លំដាប់​ខ្ពស់​អ៊ីតាលី​បាន​ផ្ទាត់​ចោល​នូវ​ច្បាប់​កាត់ដេរ​ហើយ​បង្កើត​ច្បាប់​ថ្មី​ដោយ​ខ្លួនឯង​។

សម្រាប់​និទាឃ​រដូវ​នេះ ម៉ាក Max Mara បាន​ធ្វើ​ការផ្លាស់ប្តូរ​ហ្វេ​ហ្សិន​ប្រពៃណី​ទៅជា​ហ្វេ​ហ្សិ​ន​សប្បាយៗ​បែប​ទំនើប​។ តើ​នរណា​ទៅ​នឹកឃើញ​កាត់ដេរ​សម្លៀកបំពាក់​ដែល​មាន​ដៃ​វែង​ជ្រុល រីឯ​ឡេវអាវ​រត់​ខុស​ជួរ និង​មិន​ត្រូវ​គ្នា​បែប​នេះ​?

ប្រសិនបើ​ស្តាយល៍​ដ៏​ប្លែក​នេះ​នៅ​មិន​អាច​ទាក់ទាញ​ចិត្ត​របស់​អ្នក​បាន​ទេ សាកល្បង​មក​មើល​ឈុត​សម្លៀក​បំពាក់​ដែល​មាន​រូប​ផ្កាយ​ពី​ស្មា​ដល់​ចុងជើង​ទាំងនេះ​ទៅ​មើល៎​! មិនតែប៉ុណ្ណោះ​នៅ​មាន​ឈុត​ក្រឡា​ឆ្នូត​ម៉ូដ​នាវិក​គូ​ជាមួយនឹង​កាបូប​ក្រណាត់​ចងខ្សែ​ធ្វើឱ្យ​មាន​អារម្មណ៍​ដូចជា​នាវិកា​ដ៏​ស្រស់​សោភា​ពិតៗ​៕​

Continue Reading

Fashion

Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន

Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍

ត្រឡប់​ទៅ​អនាគតកាល​
Chloe នាំ​យើង​ត្រឡប់​ទៅ​កាន់​ពេលវេលា​មួយ​ដែល​ពិបាក​បង្កើត​ហ្វេ​ហ្សិន


Clare Waight Keller នៅឯ Chloe បង្កើត​ហ្វេ​ហ្សិន atheleisure ដោយ​ប្រើ​ពាក្យពេចន៍​ផ្ទាល់ខ្លួន​។

“​កូឡិក​ហ្សិន​ប្រចាំ​រដូវ​កាលនេះ​គឺជា​ការឧ​ទ្ទិស​ចំពោះ​យុវតី​ឈ្មោះ Kate, Chloé, Cecilia, Corinne, Rosemary, Emma និង Courtney ដែល​តំណាងឱ្យ​សេរីភាព​និង​អេ​ឡេ​ហ្គង់​នៃ​ភាពសាមញ្ញដ៏​អស្ចារ្យ​បំផុត​។​”

ការ​ចងចាំ​នូវ​មោទកភាព​នា​ទសវត្សរ៍​ទី​៩០ បាន​ត្រឡប់​មក​វិញ​យ៉ាង​ជោរជន់​ជាមួយនឹង​ភាពទាន់សម័យ​។

ខោជើងវែង​រលោង​ស្រិល​ត្រូវបាន​គេ​ស្លៀក​ជាមួយនឹង​អាវ​បំពង់​វាល​ស្មា ហើយ​ឈុត​សម្លៀក​ផ្នែក​ខាងលើនេះ ក៏​ស័ក្ដិសម​ជា​មួយ​នឹង​សំពត់​ម៉ាក់​ស៊ី​ផងដែរ រីឯ​ភាព​ឡូយឆាយ​នេះ​មាន​ភាព​សមសួន​បំផុត និង​ភាព​រីករាយ​ឥត​ក្ដីបារម្ភ​នៃ​កូឡិក​ហ្សិន​នេះ ក៏បាន​ផ្ដល់​នូវ​ស្ដាយល៍​ដ៏​រីករាយ​ដែល​មិន​អាច​បំភ្លេចបាន​។

ឈុត​បែប​កីឡា​ដ៏​ស្រស់​ស្អាត​នេះ​ពិតជា​អស្ចារ្យ​ខ្លាំងណាស់​៕


Continue Reading

Trending

Copyright © 2018 Ladies Magazine Cambodia.