Connect with us

Entertainment

ក្រុង Incheon ប្រទេសកូរ៉េ

​ក្រុង​មួយ​ដែល​នៅ​ជាប់​ក្រុង Gyeonggi និង​ក្រុង Seoul ក្រុង Incheon ស្ថិត​នៅ​ទិស​ខាងជើង​ឆៀង​ខាងលិច​ប្រទេស​កូរ៉េខាងត្បូង​។ ទីក្រុង​ដ៏​ធំ​ដែល​មាន​ពលរដ្ឋ​ច្រើន​ជាង​គេ​

​ក្រុង​មួយ​ដែល​នៅ​ជាប់​ក្រុង Gyeonggi និង​ក្រុង Seoul ក្រុង Incheon ស្ថិត​នៅ​ទិស​ខាងជើង​ឆៀង​ខាងលិច​ប្រទេស​កូរ៉េខាងត្បូង​។ ទីក្រុង​ដ៏​ធំ​ដែល​មាន​ពលរដ្ឋ​ច្រើន​ជាង​គេ​លំដាប់​ទី ៣ នៃ​ប្រទេស​កូរ៉េខាងត្បូង ក្រុង Incheon ស្ថិត​នៅ​ឆ្នេរសមុទ្រ ដែល​ធ្វើឱ្យ​ក្រុង​នេះ​ក្លាយ​ជា​គោលដៅ​ទេសចរណ៍​ដ៏​ប្រជាប្រិយ​។ ប៉ុន្តែ អ្នកទេសចរ​មិនមែន​មកលេង​ក្រុង Incheon ដោយសារ​តែ​ឆ្នេរសមុទ្រ​តែមួយ​មុខ​ទេ​។ ពួកគេ​មក​ដើម្បី​រីករាយ​ជាមួយ​នឹង​អ្វី​ជាច្រើន​ទៀត​។ ទាំងនេះ​ជា​អ្វីដែល​ធ្វើឱ្យ​ក្រុង Incheon កាន់តែ​ពិសេស និង​មាន​ប្រជាប្រិយភាព​។​

​កូរ៉េខាងត្បូង​នៅ​ជិត​កូរ៉េខាងជើង​ប៉ុន្តែ​វា​បាន​ទាក់ទាញ​ភ្ញៀវទេសចរ​រាប់លាន​នាក់​ក្នុង​មួយឆ្នាំៗ​។ ប៉ុន្តែ​មិន​ដូច​អ្នក​ជិតខាង​របស់​ខ្លួន​ឡើយ កូរ៉េខាងត្បូង​បាន​បើកចំហ​ទៅកាន់​ពិភពលោក​ទាំងមូល​។ មិន​មាន​អាថ៌កំបាំង​អំពី​ក្រុង​នេះឡើយ ហើយ​អរគុណ​ព្រះ​ជា​ម្ចាស់ ឬ​យើង​នឹង​មិន​អាច​ដឹង​អំពី​អ្វី​ដែល​ល្អៗ​ដែល​ក្រុង​ដូចជា Seoul ក្រុង Busan និង​ក្រុង Incheon បាន​ផ្ដល់​ឱ្យ​ឡើយ​។ ដូច្នេះ​តើ​ក្រុង Incheon បាន​ផ្ដល់​អ្វីខ្លះ​ដល់​លោកអ្នក​? យើង​នឹង​បង្ហាញ​ប្រាប់​លោក​អ្នក ប៉ុន្តែ​ជា​ដំបូង​យើង​នឹង​បង្ហាញ​អំពី​ការធ្វើដំណើរ​ទៅ​ដល់​ក្រុង​ដែល​មាន​ពលរដ្ឋ​ច្រើន​ជាង​គេ​លំដាប់​ទី ៣ នៃ​ប្រទេស​កូរ៉េ​ខាងត្បូង​នេះ​។​មធ្យោបាយ​ទៅកាន់​ក្រុង Incheon ប្រទេស​កូរ៉េខាងត្បូង​មាន​ជើងហោះហើរ​ទៅកាន់​គ្រប់​ទីកន្លែង​ក្នុង​ពិភពលោក ជា​ការពិត​ណាស់ ក៏​មាន​ទៅ​កាន់​ប្រទេស​កូរ៉េខាងជើង​ផងដែរ​។ ប៉ុន្តែ​ប្រទេស​កូរ៉េខាងជើង​មិនមែនជា​គោលដៅ​ដែល​យើង​ត្រូវ​ទៅ​ឡើយ​។ ជំនួស​មកវិញ យើង​ចង់​ធ្វើដំណើរ​ទៅ​កាន់​ទីកន្លែង​ដែល​មាន​ភាព​រួសរាយ​រាក់ទាក់​គឺ​ប្រទេស​កូរ៉េខាងត្បូង ជា​ពិសេស​យើង​ចង់​ធ្វើ​ដំណើរ​ទៅ​កាន់​ក្រុង​ធំ​ជាង​គេ​លំដាប់​ទី ៣ នៃ​ប្រទេស​កូរ៉េខាងត្បូង​។

ដូច្នេះ​តើ​យើង​អាច​ធ្វើ​ដំណើរ​ទៅ​ដល់​ទីនោះ​បាន​ដោយ​របៀប​ណា​បើ​យើង​ធ្វើដំណើរ​ចេញ​ពី​សហរដ្ឋអាមេរិក​? មាន​ជើងហោះហើរ​មួយចំនួន​ដែល​អាច​ជូន​អ្នក​ទៅ​កាន់​ទីនោះ​បាន​៖

•​ ​ជើងហោះហើរ American Airlines
•​ ​ជើងហោះហើរ The Airways International
•​ ​ជើងហោះហើរ Delta Air
•​ ​ជើងហោះហើរ Air India
•​ ​ជើងហោះហើរ US Airways
•​ ​ជើងហោះហើរ Hawaiian Airlines
•​ ​ជើងហោះហើរ United Airlines
•​ ​ជើងហោះហើរ Korean Air
•​ ​ជើងហោះហើរ Singapore Airlines
•​ ​ជើងហោះហើរ Asiana Airlines

​ទៅកាន់​ជើងហោះហើ​រទាំង​អស់​នេះ និង​ពិនិត្យ​រក​ថ្ងៃ​ដែល​អ្នក​អាច​ធ្វើ​ដំណើរ​ទៅកាន់​ក្រុង Incheon​។ ក៏ដូចជា​រក​ថ្ងៃ​ដែល​លោកអ្នក​ត្រូវ​ត្រឡប់មកវិញ​ផងដែរ​។ ប្រៀបធៀប​គ្នា​រួច​ធ្វើការ​ជ្រើសរើស ធ្វើដំណើរ​ដោយ​ចំណាយ​តិច ឬ​ធ្វើ​ដំណើរ​ដោយ​ចំណាយ​ច្រើន​!អ្វី​ដែល​ល្អៗ​ដែល​លោកអ្នក​អាច​ទស្សនា​ក្នុង​ក្រុង Incheon ប្រទេស​កូរ៉េខាងត្បូង​បន្ទាប់ពី​លោក​អ្នក​បាន​ទៅដល់​អាកាសយានដ្ឋាន​អន្តរជាតិ Incheon International Airport និង​ស្វែងរក​កន្លែង​សម្រាក​រួចហើយ លោកអ្នក​ត្រូវ​ចាប់ផ្ដើម​គិត​អំពី​ទីកន្លែង​ដែល​លោក​អ្នក​នឹងត្រូវ​ទៅ​ទស្សនា​។ បើទោះបីជា រឿង​ដែល​អ្នក​ត្រូវ​ធ្វើ​គឺ​រៀប​គម្រោង​ឱ្យបាន​មុនពេល​លោក​អ្នក​មក​ដល់​ក្រុង​នេះ ថា​តើ​លោកអ្នក​ចង់​ទស្សនា​អ្វីខ្លះ​ក្នុង​ក្រុង Incheon ប្រទេស​កូរ៉េខាងត្បូង​? ខាងក្រោម​នេះ​ជា​ទីកន្លែង​ល្អៗ​ដែល​លោកអ្នក​គួរ​ទៅ​ទស្សនា​ក្នុង​ក្រុង Incheon​។

​ឆ្នេរ Eurwangni

​អ្នក​ណា​ខ្លះ​ចូល​ចិត្ត​កម្សាន្ត​នៅ​ឆ្នេរសមុទ្រ​? ប្រសិន​បើ​លោក​អ្នក​ដូច​ទៅ​នឹង​មនុស្ស​ដទៃ​ផ្សេង​ទៀត នោះ​លោក​អ្នក​ប្រាកដ​ជា​ចូលចិត្ត​ឆ្នេ​ខ្សាច់​សក្បុស​នៃ​ក្រុង Incheon​។ ឆ្នេរ​ខ្សាច់​ដ៏​ស្រស់​ស្អាត​នោះ​គឺ Eurwangni ជា​ឆ្នេរ​ខ្សាច់​ដែល​មាន​ជម្រៅ​ទឹកសមុទ្រ​ត្រឹមតែ ១ ម៉ែត្រ​កន្លះ​ប៉ុណ្ណោះ ព្រមទាំង​មាន​ការកម្សាន្ត​ជាច្រើន​ដែល​ក្នុងនោះ​មាន​ដូច​ជា​ការ​ជិះ​ម៉ូតូ​ទឹក និង​ជិះទូក​បា​ណា​ណា​ផងដែរ​។ ម្យ៉ាងវិញទៀត ឆ្នេរ​សមុទ្រ​នេះ​ជា​កន្លែង​ដែល​លោកអ្នក​អាច​សម្លឹង​មើល​តារាៗ​ជាច្រើន​។​

ប្រាសាទ Jeondeungsa

​មិន​ថា​តែ​លោក​អ្នកជា​អ្នក​កាន់​សាសនាព្រះពុទ្ធ​ឬ​យ៉ាងណា​ឡើយ លោកអ្នក​ត្រូវ​តែ​ទៅ​ទស្សនា​ប្រាសាទ Jeondeungsa ក្នុង​ក្រុង Incheon ជា​ប្រាសាទ​ដ៏​ល្អ​ឯក​ដែលមាន​អាយុកាល​រាប់ពាន់​ឆ្នាំ​មកហើយ​។ ក្នុង​ប្រាសាទ​នេះ​មាន​រចនាសម្ព័ន្ធ និង​អគារ​ជាច្រើន​ដែល​រួម​មាន​សាល Yaksajeon វិមាន Yangheonsu Victory Monument ជួង Beomjong Bell និង​សាល Daeungbojeon​។

​ព័ទ្ធជុំវិញ​ដោយ​ផ្កា​ចម្រុះ​ពណ៌ និង​ដើមឈើ​ជាច្រើន​ប្រភេទ ប្រាសាទ​នេះ​ជា​ទីកន្លែង​ដែល​លោកអ្នក​គួរ​មក​ទស្សនា​ក្រុង Incheon ប្រទេស​កូរ៉េខាងត្បូង​។​
​ក្រៅ​ពី​ទីកន្លែង​ដែល​បាន​រៀបរាប់​ខាងលើ នៅ​មាន​ទីកន្លែង​ជា​ច្រើន​ផ្សេង​ទៀត​ដែល​លោកអ្នក​គួរតែ​ទៅ​ទស្សនា​ក្រុង Incheon ដែល​ក្នុងនោះ​រួមមាន​៖

•​ ​កោះ Wolmido
•​ ​ហាង​ស្ប៉ា Spasis
•​ ​ឧទ្យាន Jayu
•​ ​តំបន់ Chinatown
•​ ​ផ្សារ​អន្តរជាតិ Sinpo

​ទីកន្លែង​ទទួលទាន​អាហារ​នៅ​ក្រុង Incheon ប្រទេស​កូរ៉េខាងត្បូង​

​លោកអ្នក​អាច ហើយ​លោក​អ្នកនឹង​ឃ្លាន​ជាក់​ជាមិនខាន​នៅពេលដែល​លោក​អ្នក​ទៅ​ដល់​ក្រុង Incheon ហើយ​នៅពេល​ដែល​លោកអ្នក​ឃ្លាន អ្នក​អាច​ទៅ​កាន់​ទីកន្លែង​ខាងក្រោម​នេះ​ដើម្បី​ទទួលទាន​អាហារ​ដ៏​ឆ្ងាញ់​ពិសា​៖

​ភោជនីយដ្ឋាន Gonghwachun

​មាន​ទីតាំង​នៅ​តំបន់ Posh នៃ​ក្រុង Incheon ភោជនីយដ្ឋាន Gonghwachunជា​ភោជនីយដ្ឋាន​ដែល​មាន​បម្រើ​មុខម្ហូប​គ្រឿង​សមុទ្រ​ជាច្រើន​មុខ​។ ក្រៅពី​គ្រឿង​សមុទ្រ​លោកអ្នក​ក៏​អាច​ទទួល​ទាន​អាហារ​ប្រចាំ​ប្រទេស​កូរ៉េខាងត្បូង​បានដែរ​។ សាកល្បង​ភ្លក់​អាហារ​ទាំងអស់នោះ រួច​មើលថា​តើ​លោក​អ្នក​ចូលចិត្ត​វា​ខ្លាំង​កម្រិតណា​។​

​ភោជនីយដ្ឋាន Chapter 1

​ទេ ខ្ញុំ​មិន​បាន​វាយ​អក្សរ​ខុស​ទេ​។ Chapter 1 ជា​ឈ្មោះ​ភោជនីយដ្ឋាន​មួយ​ក្នុង​ក្រុង Incheon​ប្រទេស​កូរ៉េខាងត្បូង​។ តើ​លោក​អ្នក​អាច​ទៅ​ទីនោះ​បាន​ដោយ​របៀប​ណា​? មាន​ផា​ស្តា​ជាច្រើន​! ភោជនីយដ្ឋាន​ដែល​បម្រើ​អាហារ​អ៊ីតាលី ភោជនីយដ្ឋាន Chapter 1 ជា​ភោជនីយដ្ឋាន​ដែល​មាន​ភ្ញៀវ​បរទេស​ជាច្រើន​ក្នុង​ក្រុង Incheon​។ ភោជនីយដ្ឋាន​នេះ​បម្រើ​មុខម្ហូប​គ្រប់​ប្រភេទ​ដែល​ពួក​លោក​ខាងលិច​ដូច​ពួកយើង​ចូលចិត្ត និង​ទម្លាប់​ទទួលទាន​ជា​ប្រចាំ​ដែល​ក្នុង​នោះ​រួច​មាន​សាឡា​ដ ផា​ស្តា និង​ភីហ្សា​។​

​ក្រៅពី​ភោជនីយដ្ឋាន​ខាងលើ ក៏​នៅ​មាន​ភោជនីយដ្ឋាន​ជាច្រើន​ទៀត​រួមមាន​៖

​ភោជនីយដ្ឋាន Tochon
​ភោជនីយដ្ឋាន Mandabok
​ភោជនីយដ្ឋាន Relish
​ភោជនីយដ្ឋាន Restaurant 8
​ភោជនីយដ្ឋាន Wonjo Sinpo Dakgangjeong

​ដូច្នេះ​តើ​លោកអ្នក​ត្រៀមខ្លួន​ហើយ​ឬ​នៅ​ដើម្បី​ទៅ​កម្សាន្ត​នៅក្នុង Incheon?

​ឥឡូវនេះ​លោកអ្នក​បានដឹងថា​តើ​អ្នក​ត្រូវ​ធ្វើដំណើរ​ទៅ​ក្រុង Incheon អ្វី​ដែល​អ្នក​អាច​ទស្សនា​នៅ​ទីនោះ ទីកន្លែង​ដែល​លោកអ្នក​អាច​ទទួល​ទាន​អាហារ​ឆ្ងាញ់ៗ លោកអ្នក​ត្រូវ​ធ្វើ​ការសម្រេចចិត្ត​ថា​តើ​លោកអ្នក​ចង់​ទៅ​កម្សាន្ត​នៅ​ក្រុង Incheon ដែរឬទេ​? ប្រសិនបើ​លោកអ្នក​ចង់ អ្នក​ត្រូវ​រៀបចំ​វ៉ា​លី​ស ទិញ​សំបុត្រ​យន្តហោះ រួច​ធ្វើ​ដំណើរ​ទៅ​កាន់​ក្រុង Incheon និង​ត្រៀម​ខ្លួន​ក្នុង​ការទទួលយក​បទ​ពិសោធន៍​រីករាយ​ជាច្រើន​នៅ​ទីនោះ​!​

Entertainment

​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ

សំភារៈ​លំហែកាយ

សំភារៈ​លំហែកាយ

​រៀបចំ​ខ្លួន​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ ដែល ធ្វើអោយ​ដំណើរ​កំសាន្តរ​បស់​អ្នក​កាន់តែ​រីករាយ​និង​មាន​ភាពងាយស្រួល​។


​អស់​បញ្ហា​ជាមួយ
​សំបក​ទូរស័ព្ទ​មិន​ជ្រាប​ទឹក​ម៉ាក ECOXPRO

​សំបក​ទូរ​សព្ទ័​ដ៏​រឹងមាំ​មួយ​នេះ​មាន​មុខងារ​មិន​ត្រឹមតែ​ជា​សំបក​ទូរស័ព្ទ​ធម្មតា​នេះ​ទេ ប៉ុន្តែ​វា​ក៏ ជា​ប៉ាស​បំពង​សម្លេង​ដែល​មិន​ជ្រាប​ទឹកបាន​ទៀតផង​។ លើសពីនេះទៅទៀត សំបក​ទូរស័ព្ទ​ដ៏ នេះ​មាន​ថត​សម្រាប់​កាត​សំខាន់ៗ ដូចជា​កាត​ឥណទាន ឬ ប័ណ្ឌបើកបរ​របស់អ្នក បាន​យ៉ាង​ងាយស្រួល​ផងដែរ​។ ជាពិសេស ECOXPRO ក៏​នៅ​មាន​អត្ថប្រយោជន៍ ជាច្រើន​ទៀត​នៅពេល​ដែល​អ្នក​យក​វា​ទៅ​ជា​មួយ​តាម​ខ្លួន​នៅ​ពេល​ទៅលេង​ទឹកសមុទ្រ ឬ ងូតទឹក​ជាមួយ​ទូរស័ព្ទ​របស់​អ្នក​យ៉ាង​រំភើយ​ស្របពេល​ដែល​សំបក​ទូរស័ព្ទ​នេះ​អណ្តែត​លើទឹក​ក្បែរ​អ្នក​ដោយ​មិន​ជ្រាប​ទឹក​សូម្បីតែ​មួយ​ដំណក់​ផងដែរ​។​


​អស់​កង្វល់​ជា​មួយ​
​កន្ត្រក CGear

​នេះ​គឺជា​របស់​ក្នុង​ក្តី​សុ​បិនសម្រាប់​អ្នក​ដែល​ចូលចិត្ត​ទៅ​ស្រស់​ស្រង់​បរិយាកាស​បរិសុទ្ធ នៅឯ​ឆ្នេរសមុទ្រ​…
​តើ​អ្នក​ត្រៀមខ្លួន​ហើយ​ឬ​នៅ​?
​វា​គឺជា​កន្ត្រក​ដាក់​ឥ​វ៉ាន់​សម្រាប់​ពេល​ទៅ​លេង​សមុទ្រ​! តើ​អ្នក​ធុញ ទ្រាន់​នឹង​ដីខ្សាច់​ចូល​ពាស ពេញ​លើ ទូរស័ព្ទ​ដែល​វា​នឹង​អាច​ធ្វើឱ្យ​ខូច ឬ​ប្រឡាក់ប្រឡូស​អាហារ​ថ្ងៃ​ត្រង់​ដែល​អ្នក​ខំ ត្រៀម ទុក ធូលី​ខ្សាច់​ហុយ​ហើរ​ពេញ​ឡាន​របស់​អ្នក ឬ​ក៏​នៅ​ពេល មក​ដល់​គេហដ្ឋាន​វិញ ហើយ​ឃើញ​ធូលី​ខ្សាច់​នៅ​ពាសពេញ​ក្នុងផ្ទះ​ជាទី ស្រលាញ់​របស់​អ្នក​ដែរ​ហើយ​មែន​ទេ​? អ្នកនឹង​អស់​ក្តីបារម្ភ​ចំពោះ​បញ្ហា​ទាំងអស់​នេះ​ទៀតហើយ ជាមួយ​នឹង​ខ្សែ​យួរ​ដ៏​រឹង មាំ ស្រួល​ដាក់​ភេសជ្ជៈ ដូចជា ទឹកក្រូច ឬ​ស្រា​បៀរ​បាន​ច្រើន អ្នកនឹង​អស់​កង្វល់ ដោយឡែក​ផ្តល់នូវ​អារម្មណ៍​យ៉ាង​ស្រណុក​សុខ​ស្រួល​ជាមួយនឹង​បរិយាកាស​បរិសុទ្ធ​នៅឯ​ឆ្នេរសមុទ្រ​ជាមួយនឹង​ភាព​រីករាយ និង​ភាព​ស្រលះ​ក្នុង​ហទ័យ​យ៉ាង​ពិសេស​ជាមិនខាន​។

​កាន់តែ​ស្រស់ស្រាយ​
​ជាមួយនឹង​ដប​ទឹក​ម៉ាក S’well

​ទាំង​មាន​កំលាំង​គ្រប់គ្រាន់ ទាំង​ធ្វើអោយ​អ្នក​មើល​ទៅ​កាន់​លេចធ្លោ នឹង​អាច​ចែករំលែក​ជា មួយ​អ្នកដទៃ​ជាមួយនឹង​ដប​ទឹក​ម៉ាក S’well ។ ដប​ទឹក​ម៉ាក S’well នេះ​មាន​រូបរាង​ស្រស់​ស្អាត​ជាមួយនឹង​ពណ៌​ចិញ្ចាចចិញ្ចាំង​ដែល​រចនា​ដោយ​ដៃ​ហើយ​ជាពិសេស​ទៅទៀត នៅពេល​ដែល​អ្នកទិញ​ដប​ទឹក S’well នេះហើយ ចំនួន​ទឹកប្រាក់ មួយចំណែក​ដែល​អ្នក​បាន​ជាវ​ត្រូវបាន​យក​ទៅ​ធ្វើ​ជា​ជំនួយ​ជា​ទឹកស្អាត និង អនាម័យ​នៅឯ​ទ្វីប​អាហ្វ្រិក​។ ជាងនេះទៅទៀត ប្រសិនបើ​នៅ​មិន​គាប់ ចិត្ត​អ្នក​នៅ​ឡើយ ទេនោះ ដប់​ទឹក S’well នៅ​មាន​លក្ខណៈ​ពិសេស​មួយ​ទៀត គឺថា វា​អាច​រក្សា សីតុណ្ហភាព​ភេសជ្ជៈ​របស់​អ្នក​បាន​រហូត​ដល់​ទៅ ២៤​ម៉ោង​ឯណោះ​។

​វ៉ែនតា​ងូតទឹក​ដ៏​ទំនើប
​ម៉ាក Liquid Image ប្រភេទ 305 Hydra Series HD 720P

​វ៉ែនតា​ងូតទឹក​ដ៏​ទំនើប​មួយ​នេះ​បំពាក់​មក​ជាមួយនឹង​កាមេរ៉ា​វីដេអូ​កំរិត HD ភ្លឺ​ច្បាស់ ទាំង​រូបភាព​និង​សម្លេង​។ វ៉ែនតា​នេះ មិន​ត្រឹមតែ​អាច​ថត​វីដេអូ​បាន​តែ​ប៉ុណ្ណោះ​នោះ​ទេ តែ​ក៏​អាច​ថតរូប​ធម្មតា​បាន​ផងដែរ អ្នក​អាច​ថតរូប​ជា​លក្ខណៈ​បណ្តាក់​ក៏បាន ហើយ​វ៉ែនតា មួយ​នេះ​ក៏​អាច​ថត​បាន​យ៉ាងជ្រៅ រហូតដល់ ៤០ ម៉ែត្រ​ឯណោះ​។ ដូចនេះ តើ​ចាំ​អង្កាល់​ទៀត ចូរ​ថតរូប​ក្នុង​ទឹក​ជាមួយនឹង​វ៉ែនតា​ងូតទឹក ម៉ាក Liquid Image ប្រភេទ 305 Hydra Series HD 720P ពិតជា​មិន​ធ្វើអោយ​លោកអ្នក​ខក​បំណង​ឡើយ​។


​អស់​ថ្ម​តើ​មែន​ទេ​!?
​ឧបករណ៍​សាក​ថ្ម​ចល័ត WakaWaka ជួយ​បាន​

​តើ​អ្នក​ធ្លាប់​មាន​អារម្មណ៍​សៅហ្មង​នៅពេលដែល​ថ្ម​ទូរស័ព្ទ​របស់​អ្នក​ជិត​អស់​ដែរ​ឬទេ​? ឧបករណ៍​សាក​ថ្ម​ចល័ត WakaWaka​គឺជា​ជម្រើស​ដ៏​ល្អ ដែល​ឧបករណ៍​ដ៏​ស្រស់ស្អាត​នេះ​មាន រូបរាង​តូច​ស្តើង និង មាន​ប្រព័ន្ធ​ទទួល​ថាមពល​តាមរយៈ​ពន្លឺព្រះអាទិត្យ​ផងដែរ ដែល​ប្រដាប់ សាក​ថ្ម​ចល័ត​នឹង​ធ្វើអោយ​ទូរស័ព្ទ​របស់​អ្នកទទួល​ថាមពល​បាន​ពេញ​ត្រឹម​តែ​រយៈពេល ២​ម៉ោង​តែ​ប៉ុណ្ណោះ​។ គន្លឹះ​ដើម្បី​ក្នុងកា​រសាក​ឧបករណ៍​សាក​ថ្ម​ចល័ត WakaWaka ដោយ​ពន្លឺ​ថ្ងៃ​នោះ​គឺ ត្រឹមតែ​តំរូវឱ្យ​អ្នក​ដាក់​ឧបករណ៍​នេះ​ដាក់​ហាលថ្ងៃ​នៅ​កន្លែង​ដែល​មាន​ពន្លឺ គ្រប់គ្រាន់​តែ​ប៉ុណ្ណោះ ឬក៏​សាក​ភ្លើង​តាម​លក្ខណៈ​ធម្មតា​តាមរយៈ USB មុនពេល ដែល​អ្នក​ចេញ​ដំណើរ ជា​ការ​ស្រេច​។ កាន់តែ​ល្អ​ជាង​នេះ​ទៀត​នោះ គឺថា ឧបករណ៍​មួយ​នាំ​មក​ជាមួយ​នឹង​ភ្លើង​សញ្ញា​ប្រកាសអាសន្ន សម្រាប់​អ្នក​នាពេល​ចាំបាច់​ណាមួយ ផងដែរ​។ ប៉ុន្តែ​អ្វី​កាន់តែ​ពិសេស​លើស​ពី​ប​ឧបករណ៍​សាក​ថ្ម​ចល័ត​ផ្សេង ដទៃ​ពី​នេះ​ទៅ ទៀត​នោះ​គឺថា ថវិការ​ដែល​អ្នក​ទិញ​ឧបរណ៍​នេះ​ហើយ មួយចំនួន​គឺ​ត្រូវបាន​យក ទៅ​ជួយ​ដល់​ទុរគតជន​នៅ​ឯ​ប្រទេស​ហ្វ៊ីលីពីន​ទៀតផង​។

Continue Reading

Entertainment

សម្រាប់​អាន​នៅ​ថ្ងៃ​វិស្សមកាល

តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា

​តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា​ជម្រើស​ដ៏​ល្អ​បំផុត​របស់​យើង​ដើម្បី​អាន​នៅ​មាត់សមុទ្រ តំបន់ភ្នំ ឬ​កន្លែង​ណាមួយ​ដែល​អ្នកធ្វើដំណើរ​ទៅដល់​។ មាន​ខ្លឹមសារ​ខុសៗ​គ្នា​ក្នុងចំណោម​សៀវភៅ​ទាំងអស់នេះ​៖ ថា​តើ​អ្នក​កំពុងតែ​មាន​អារម្មណ៍​រីករាយ​ស្រស់​ស្រាយ តានតឹង រំភើប​ញាប់​ញ័រ ឬក៏​យ៉ាងណា​នោះទេ សៀវភៅ​រឿងនិទាន​សម្រាប់​កុមារ ឬ​សៀវភៅ​ធ្វើឱ្យ​អារម្មណ៍​អណ្ដែត​អណ្ដូង គឺ​និយាយ​ទាក់ទង​ទៅនឹង​ការរស់នៅ​ក្នុង​ពិភព​ដ៏​វឹកវរ​នេះ​។ ចូរ​អាន​បន្ដ​ដើម្បី​ដឹងថា​តើ​សៀវភៅ​មួយ​ណា​ដែល​ធ្វើឱ្យ​អ្នក​ចាប់​អារម្មណ៍​បំផុត អំឡុង​វិស្សមកាល​ដ៏​គួរ​ជាទី​រីករាយ​។


​សៀវភៅ​រឿង The Rumor
​ដោយ​អ្នកនិពន្ធ Elin Hilderbrand តើ​អ្នក​កំពុងតែ​ស្វែងរក​សៀវភៅ​ដើម្បី​អាន​នៅ​ឆ្នេរសមុទ្រ​ដើម្បី​បន្ធូរ​អារម្មណ៍​មែន​ទេ​? ប្រសិនបើ​អ្នក​ខកចិត្ដ​ដោយសារតែ​ខ្សែភាពយន្ដ​មិន​ល្អមើល សាកល្បង​អាន​សៀវភៅ​រឿង The Rumor ដែល​និយាយ​អំពី​មិត្ដភ័ក្ដិដ៏​ជិត​ស្និទ្ធិពី​រនា​ក់​គឺ Madeline និង Grace បន្ដ​ការ​ណាត់ជួប​ផ្ទួនៗ​នា​រដូវក្ដៅ​មួយ ដោយ​ពួកគេ​ទទួលទាន​ស្រា​ខកថេល​នា​ពេល​ព្រះអាទិត្យ​អស្ដង្គ​ត ប៉ុន្ដែ​មាន​ពាក្យ​ច​ចាម​អារាម​មួយ​លេចឡើង ហើយ​បាន​ផ្លាស់ប្ដូរ​អ្វីៗ​គ្រប់យ៉ាង​។ ពាក្យ​ច​ចាម​អារាម​នោះ​គឺ​អំពី​ដុំ​ព្រិល​និង​សំណួរ​គឺថា​… តើ​មិត្ដភាព​របស់​ពួកគេ​ស្ថិត​នៅ​ដដែល​ឬ​យ៉ាងណា​?


​សៀវភៅ​រឿង Girl on the Train
​ដោយ​អ្នកនិពន្ធ Paula Hawkins
​សៀវភៅ​រឿង Girl on the Train គឺជា​រឿង​ធ្វើឱ្យ​រំភើប​ញាប់​ញ័រ ដែល​នឹង​ធ្វើឱ្យ​អ្នក​ងឿងឆ្ងល់​អំពី​ជីវិត​របស់​អ្នកដទៃ​។ Rachel បាន​ហែល​ឆ្លង​នូវ​ការបាត់បង់​មួយ ហើយ​ពុះពារ​រកឃើញ​នូវ​សុភមង្គល​នៅក្នុង​ផ្ទះ​នា​ជាយក្រុង​មួយ ដែល​នាង​ឆ្លងកាត់​នៅ​ពេល​ធ្វើដំណើរ​ពី​ផ្ទះ​ទៅ​កន្លែង​ធ្វើការ​វេលា​ព្រឹក​មួយ​។ នាង​មាន​ពេល​ប្រហែល​ត្រឹមតែ​មួយ​នាទី​ប៉ុណ្ណោះ ដើម្បី​សម្លឹងមើល​ក្រុមគ្រួសារ​ដែល​គួរឱ្យ​ស្រឡាញ់ មុនពេល​នាង​ជិះ​រថភ្លើង​ឆ្លងកាត់ ប៉ុន្ដែ​នាង​មាន​ក្ដី​រីករាយ​ជា​ពន់ពេក​។

​អ្វីមួយ​ផ្លាស់ប្ដូរ​គួរឱ្យកត់សម្គាល់ នៅពេលដែល Rachel ឃើញ​នូវ​ហេតុការណ៍​មួយ​ក្នុង​រយៈពេល​ដ៏​ខ្លី​ហើយ​ងឿងឆ្ងល់​ជាខ្លាំង ថា​តើ​នាង​គួរតែ​ប្រាប់​ប៉ូលីស​នូវ​អ្វី​ដែល​នាង​បានឃើញ​ឬ​យ៉ាងណា​។ លុះ​ក្រោយមក​នាង​មាន​អារម្មណ៍​ច្របូកច្របល់ ហើយ​មាន​អារម្មណ៍​ស្ទាក់ស្ទើរ​ក្នុង​ការជួយ​សង្គ្រោះ​។

Girl on the Train ជា​រឿង​ធ្វើឱ្យ​រំភើប​ញាប់​ញ័រ ដែល​អ្នក​មិន​អាច​នឹង​អាន​រំលង​ឡើយ​។


​រឿង Room
​និពន្ធ​ដោយ Emma Donoghue
​បន្ទប់​គឺជា​កន្លែង​មួយ​សម្រាប់​រស់នៅ​ដ៏​សុខសាន្ដ​និង​គួរ​ជាទី​ស្រឡាញ់រ​បស់ Jack ប៉ុន្ដែ​ចំពោះ​ម្ដាយ​របស់​គាត់ វា​ជា​គុក​ទៅវិញ​ដែល​គាត់​បាន​ជាប់​ឃុំឃាំង​នៅ​ទីនោះ អស់​រយៈពេល​ប្រាំពីរ​ឆ្នាំ​ដោយសារ​ស្នាដៃ​របស់ Old Nick​។ ជាមួយនឹង​ការ​ជម្រុញ​ខ្លាំង​ពី​ម្ដាយ Ma ដើម្បីឱ្យ Nick រស់នៅ​បាន​ល្អ​ប្រសើរ​ជាង​មុន គាត់​រៀបចំ​គម្រោង​ដើម្បី​រត់​ចេញ​។ តើ​អ្នក​ម្ដាយ Ma បាន​គិត​អំពី​អ្វី​ដែល​បាន​កើតឡើង បន្ទាប់ពី​ពួកគេ​បាន​រត់គេចខ្លួន និង​អ្វី​ដែល​ពិភព​ដទៃទៀត​កំពុងតែ​ជួបប្រទះ​ដែរ​ឬទេ​?

Room គឺជា​សៀវភៅ​ដ៏​អស្ចារ្យ​ដែល​បរិយាយ​អំពី​ការភ័យខ្លាច ការតបត និង​ការជាប់​ចំណង​។ តើ​យើង​បាន​ធ្វើ​ការពណ៌នា​អំពី​រឿង​នេះ​ហើយ​ឬ​នៅ​?
​សៀវភៅ​នេះ​ត្រូវបាន​និទាន​ដោយ​ការយល់ឃើញ​របស់ Jack ដែល​មាន​អាយុ​៥​ឆ្នាំ​តែ​ប៉ុណ្ណោះ​។​


​សៀវភៅ​រឿង Where are you Bernadette
​និពន្ធ​ដោយ Maria Semple
Bernadette ជា​មនុស្ស​អង់អាច​ក្លាហាន ឥត​ចេះ​កោតញញើត និង​និយាយ​ឥត​សំចៃ​។ នាង​ជា​ស្ថាបត្យករ​ថ្មីថ្មោង និង​ជា​អ្នក​ម្ដាយ​/​មិត្ដភ័ក្ដិ​ដ៏​ល្អ​បំផុត​របស់ Bee ដែល​មាន​អាយុ​ដប់​ប្រាំ​ឆ្នាំ​។

​ពួកគេ​រស់នៅ​ទីក្រុង Seattle ហើយ​ពលរដ្ឋ​និង​បរិយាកាស​នៅ​ទីនោះ មាន​ច្រើន​លើសលុប​សម្រាប់ Bernadette ហើយ​ការ​ធ្វើការ​លើស​ម៉ោង​បាន​ក្លាយជា​រឿង​គួរឱ្យ​បារម្ភ​។ ទោះបីជា​យ៉ាងណា​ក៏ដោយ Bernadette បាន​សន្យា​ជាមួយ​នឹង Bee ថា​នឹង​ទៅ​កម្សាន្ដ​នៅ​ទ្វីប​អង់​តា​ក់ទិច ប្រសិន​បើ​នាង​ទទួលបាន​និទ្ទេស “A” ចំពោះ​របាយការណ៍​របស់​នាង ជា​ការពិត Bee អាចធ្វើ​បាន ប៉ុន្ដែ Bernadette បាន​បាត់​ខ្លួន​។
Bee ស្វែងរក​អ្នក​ម្ដាយ​របស់​នាង ហើយ​បាន​ប្រឈមមុខ​ជាមួយ​នឹង​ពិភពលោក​ដែល​តម្រង់​មក​រក​នាង​៕

Continue Reading

Entertainment

តើ​អ្នកដឹង​ទេ​?

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារា

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារាចម្រៀង​ល្បី​ផ្សេងទៀត​ដែរ​ទេ​? មិនមែន​តារាចម្រៀង​ទាំងអស់​សុទ្ធតែ​ចេះ​និពន្ធ​បទ​ចម្រៀង​ដោយ​ខ្លួនឯង​នោះទេ ប៉ុន្តែ​សម្រាប់​នាង Sia វិញ នាង​ជា​តារាចម្រៀង​ប្រកប​ដោយ​ទេព​កោ​ល​សល្យ​ដ៏​អស្ចារ្យ ហើយក៏​ជា​អ្នកនិពន្ធ​ចម្រៀង​ដ៏​ឆ្នើម​ម្នាក់​ផង​ដែរ​។ នាង​ជា​តារាចម្រៀង​ដែល​មានសំនៀង​ដ៏​ពិរោះ និង​មិន​ដែល​បង្ហាញមុខ​ឱ្យ​គេ​ឃើញ​ឡើយ​។ នាង​បាន​សរសេរ​បទ​ចម្រៀង​ល្បីៗ​ជាច្រើន​ឱ្យ​តារាចម្រៀង​ដទៃទៀត​ជាច្រើន​។ លោកអ្នក​ច្បាស់​ជា​ភ្ញាក់ផ្អើល​មិន​ខាន​ជាមួយ​ឈ្មោះ​បទ​ចម្រៀង​ខាងក្រោម​ដែល​នាង Sia បាន​សរសេរ​ដែល​បទ​ទាំងនោះ​មាន​តាំង​ពី​បទ​ឈឺចាប់ បទ​ដែល​ត្រូវ​ប្រើ​សំឡេង​ខ្ពស់ និង​បទ​សប្បាយៗ​បែប​ទាក់ទាញ​ជាច្រើន​។


​បទ​ចម្រៀង​ល្បីៗ​ដែល​នាង Sia និពន្ធ​៖
​បទ “Expertease (Ready, Set, Go)” ច្រៀង​ដោយ Jennifer Lopez
​បទ “Opportunity” ច្រៀង​ដោយ Quvenzhané Wallis
​បទ “Diamonds” ច្រៀង​ដោយ Rihanna
​បទ “Making the Most of the Night” ច្រៀង​ដោយ Carly Rae Jepsen
​បទ “Chasing Shadows” ច្រៀង​ដោយ Shakira
​បទ “Get Over U” ច្រៀង​ដោយ Neon Hitch
​បទ “Blank Page” ច្រៀង​ដោយ Christina Aguilera
​បទ “Brightest Morning Star” ច្រៀង​ដោយ Britney Spears
​បទ “My Heart Is Open” ច្រៀង​ដោយ Maroon 5 និង Gwen Stefani
​បទ “Double Rainbow” ច្រៀង​ដោយ Katy Perry
​បទ “Kiss Me Once” ច្រៀង​ដោយ Kylie Minogue
​បទ “Battlefield” ច្រៀង​ដោយ Lea Michele
​បទ “Boy Problems” ច្រៀង​ដោយ Carly Rae Jepsen
​បទ “Perfume” ច្រៀង​ដោយ Britney Spears
​បទ “Pretty Hurts” ច្រៀង​ដោយ Beyoncé
​បទ​ចម្រៀង​ជាច្រើន​ទៀត​ដែល​និពន្ធ​ដោយ​នាង Sia៖
​បទ “Godzillionaire” ច្រៀង​ដោយ Brooke Candy
​បទ “Guitars and Microphones” ច្រៀង​ដោយ Kate Pierson
​បទ “We Are One (Ole Ola)” ច្រៀង​ដោយ Pitbull, Jennifer Lopez និង Claudia Leitte
​បទ “Pop Rock” ច្រៀង​ដោយ Brooke Candy
​បទ “Matrix” ច្រៀង​ដោយ Kate Pierson
​បទ “Acid Rain” ច្រៀង​ដោយ Alexis Jordan
​បទ “Any Day Now” ច្រៀង​ដោយ Cheyenne Jackson
​បទ “I Will Get Over You” ច្រៀង​ដោយ Prischilla Ahn
​បទ “These Hands I Hold” ច្រៀង​ដោយ Bo Bruce
​បទ “Gentlemen” ច្រៀង​ដោយ Jessica Sanchez
​បទ “Crush Me With Your Love” ច្រៀង​ដោយ Kate Pierson
​បទ “Bound to You” ច្រៀង​ដោយ Christina Aguilera
​បទ “God Made You Beautiful” ច្រៀង​ដោយ Beyoncé
​បទ “She’s Pretty, She Lies” ច្រៀង​ដោយ Cheyenne Jackson
​បទ “Freeze You Out” ច្រៀង​ដោយ Marina Kaye
​បទ “Rise Up” ច្រៀង​ដោយ Beyoncé
​បទ “Knock You Out” ច្រៀង​ដោយ Bingo Players


​បទ “Don’t Look at Me” ច្រៀង​ដោយ Cheyenne Jackson
​បទ “Kill, F—k, Marry” ច្រៀង​ដោយ Nikki Williams
​បទ “Rock Bottom” ច្រៀង​ដោយ Marco Mengoni
​បទ “Unite” ច្រៀង​ដោយ Jessie J
​បទ “Bottoms Up” ច្រៀង​ដោយ Kate Pierson
​បទ “Stronger Than Ever” ច្រៀង​ដោយ Christina Aguilera
​បទ “You’re Mine” ច្រៀង​ដោយ Lea Michele
​បទ “Opulence” ច្រៀង​ដោយ Brooke Candy
​បទ “Mister Sister” ច្រៀង​ដោយ Kate Pierson
​បទ “Break the Walls” ច្រៀង​ដោយ Fitz and the Tantrums
​បទ “Strange Birds” ច្រៀង​ដោយ Birdy
​បទ “Radioactive” ច្រៀង​ដោយ Rita Ora
​បទ “Round Your Little Finger” ច្រៀង​ដោយ Katharine McPhee
​បទ “Tears Fall” ច្រៀង​ដោយ Jacquie Lee
​បទ “Breathe” ច្រៀង​ដោយ Jessie J
​បទ “Firecracker” ច្រៀង​ដោយ Cheryl
​បទ “You Don’t Know” ច្រៀង​ដោយ Will Young
​បទ “The Game” ច្រៀង​ដោយ Kelly Rowland
​បទ “You Lost Me” ច្រៀង​ដោយ Christina Aguilera
​បទ “Bring Your Arms” ច្រៀង​ដោយ Kate Pierson
​បទ “Let Me Love You (Until You Learn to Love Yourself)” ច្រៀង​ដោយ Ne-Yo
​បទ “All I Need” ច្រៀង​ដោយ Christina Aguilera
​បទ “Green Card” ច្រៀង​ដោយ Oh Land
​បទ “Standing on the Sun” ច្រៀង​ដោយ Beyoncé


​បទ “Invincible” ច្រៀង​ដោយ Kelly Clarkson
​បទ “Loved Me Back to Life” ច្រៀង​ដោយ Celine Dion
​បទ “Utopia” ច្រៀង​ដោយ Belinda
​បទ “Time Wave Zero” ច្រៀង​ដោយ Kate Pierson
​បទ “Flashlight” ច្រៀង​ដោយ Jessie J
​បទ “Cannonball” ច្រៀង​ដោយ Lea Michele
​បទ “Who Am I?” ច្រៀង​ដោយ Jamie Foxx, Cameron Diaz និង Quvenzhané Wallis
​បទ “I Am” ច្រៀង​ដោយ Christina Aguilera
​បទ “If You Say So” ច្រៀង​ដោយ Lea Michele
​បទ “Let Your Tears Fall” ច្រៀង​ដោយ Kelly Clarkson
​បទ “I Am Me” ច្រៀង​ដោយ Willow
​បទ “The City’s Yours” ច្រៀង​ដោយ Jamie Foxx និង Quvenzhané Wallis
​បទ “Try Everything” ច្រៀង​ដោយ Shakira
​បទ “Passenger” ច្រៀង​ដោយ Britney Spears
​បទ “Pulls You Under” ច្រៀង​ដោយ Kate Pierson
​បទ “Sexercise” ច្រៀង​ដោយ Kylie Minogue
​បទ “Throw Down the Roses” ច្រៀង​ដោយ Kate Pierson​

Continue Reading

Trending

Copyright © 2018 Ladies Magazine Cambodia.