Connect with us

Entertainment

ការប្រតិបត្តិខ្លួនដើម្បីក្លាយជាសហគ្រិនដ៏ជោគជ័យ

ពិភពលោក​សព្វថ្ងៃនេះ​គឺ​ពិតជា​គាំទ្រ​ដល់​ស្ត្រី​ទាំងអស់​ដែល​ឈាន​ជើង​ចូលប្រឡូក​ក្នុង​ការប្រកប​អាជីវកម្ម​ផ្សេងៗ​។ ឧទាហរណ៍​នៃ​ស្ត្រី​ដែល​បាន​ក្លាយខ្លួន​ជា​សហគ្រិន​ដ៏​

ពិភពលោក​សព្វថ្ងៃនេះ​គឺ​ពិតជា​គាំទ្រ​ដល់​ស្ត្រី​ទាំងអស់​ដែល​ឈាន​ជើង​ចូលប្រឡូក​ក្នុង​ការប្រកប​អាជីវកម្ម​ផ្សេងៗ​។ ឧទាហរណ៍​នៃ​ស្ត្រី​ដែល​បាន​ក្លាយខ្លួន​ជា​សហគ្រិន​ដ៏​ជោគជ័យ​ដូចដែល​បាន​រៀបរាប់​ខាងក្រោម​នឹង​ជួយ​បំផុសគំនិត​ដល់​ស្ត្រី​ទាំងឡាយ​ឱ្យ​ចេះ​ស្វែងរក​អ្វីដែល​ថ្មីៗ ព្រមទាំង​បង្រៀន​ឱ្យ​ពួកគេ​ចេះ​ប្រឈម​ទៅ​នឹង​ឧបស័គ្គ​ដែល​កើតមាន​ជា​ហូរហែរ​ផងដែរ​។​

​លោកស្រី Diana Heavin

​មុនពេល​លោក​ស្រី​ក្លាយខ្លួន​ជា​ស្ថាបនិក​រួម​នៃ​មជ្ឈមណ្ឌល Curves ដែល​រក​ចំណូល​បាន​ខ្ទង់​ប៊ីលាន​ដុល្លារ លោកស្រី Diana ធ្លាប់​ធ្វើការ​នៅ​ផ្នែក​ផ្សព្វផ្សាយ​ពាណិជ្ជកម្ម​នៃ​ក្រុមហ៊ុន​សារព័ត៌មាន​មួយ​។ លោកស្រី​បាន​រៀប​អាពាហ៍ពិពាហ៍​ជាមួយ​លោក Gary Heavin ហើយ​ពួកគេ​ទាំង​ពីរ​នាក់​គឺ​ស្រលាញ់​ការធ្វើ​លំ​ហាត់ប្រាណ​ខ្លាំងណាស់​។​

​គោលដៅ​របស់​ប្ដី​ប្រពន្ធ​មួយគូ​នេះ​គឺ​ចង់​បើក​ដំណើរការ​មជ្ឈមណ្ឌល​ធ្វើ​លំ​ហាត់ប្រាណ​មួយ​ជាមួយ​គ្នា​។ វា​ជា​ទស្សនៈ​របស់​លោកស្រី Diana ដែល​ចង់ឱ្យ​មជ្ឈមណ្ឌល​មួយ​នេះ​បង្កើត​ឡើង​គឺ​សម្រាប់​តែ​ស្ត្រី​ប៉ុណ្ណោះ ខណៈ​ដែល​ជា​ទូទៅ​កន្លែង​ធ្វើ​លំ​ហាត់ប្រាណ​គឺ​សម្រាប់​បំពេញ​បំណង​តែ​បុរសៗ​ប៉ុណ្ណោះ​។ គំនិត​របស់​លោកស្រី​គឺ​ចង់​បង្កើត​កន្លែង​ធ្វើ​លំ​ហាត់ប្រាណ​មួយ​ដែល​ធ្វើឱ្យ​ស្ត្រី​ទាំងអស់​មាន​អារម្មណ៍​ថា​មាន​ផា​សុកភាព​ក្នុង​ពេល​ធ្វើ​លំ​ហាត់ប្រាណ​។​
​ប្ដី​ប្រពន្ធ​មួយគូ​នេះ​បាន​រៀបចំ​គម្រោង​អាជីវកម្ម​ដ៏​ជាក់លាក់​មួយ ដោយ​បាន​វិនិយោគ​ប្រាក់​សន្សំ​របស់​ពួកគេ ហើយក៏​បាន​ឃើញ​ថា​មជ្ឈមណ្ឌល Curves បាន​ក្លាយជា​មជ្ឈមណ្ឌល​ធ្វើ​លំ​ហាត់ប្រាណ​ដែល​រីកចម្រើន​លូតលាស់​ជាងគេ​បង្អស់​ក្នុង​ពិភពលោក​។ ជោគជ័យ​ដ៏​ធំធេង​នៃ​មជ្ឈមណ្ឌល​នេះ​គឺ​បានមកពី​ការស្វែងរក​ទីផ្សារ​ដ៏​ត្រឹមត្រូវ ក៏​ដូចជា​ការខិតខំ​ប្រឹង​ប្រែង​ដើម្បី​ធ្វើឱ្យ​អាជីវកម្ម​របស់​លោកស្រី​ជោគជ័យ​ផងដែរ​។​
​អាជីវកម្ម​អាច​ចាត់ទុក​ជា​ការលក់​ដំណោះស្រាយ​ទៅ​កាន់​បញ្ហា​មួយ​អ៊‍ីចឹង​។ លោកស្រី Diana កំណត់​បាន​បញ្ហា​ដែល​ស្ត្រី​ជួបប្រទះ​នោះ​គឺ​ការ​ដែល​ពិបាក​រក​ទីកន្លែង​ដើម្បី​ធ្វើ​លំ​ហាត់ប្រាណ​ដ៏​សមស្រប​មួយ ហើយ​លោក​ស្រី​ក៏​បាន​នឹកឃើញ​នូវ​ដំណោះស្រាយ​នេះ​។ ភាពជោគជ័យ​របស់​លោក​ស្រី​មិនមែន​ត្រឹមតែ​ការ​ដែល​មានគំនិត​ដ៏​ល្អ​នេះឡើយ​។ លោកស្រី Diana បាន​ខិតខំ​យ៉ាងខ្លាំង​ក្នុង​ការរៀបចំ និង​ដាក់ឱ្យ​គម្រោងការ​របស់​លោកស្រី​លេច​ជា​រូបរៀង​ឡើង​។ មិន​ថា​គំនិតល្អ​យ៉ាងណា​នោះទេ​គឺ​សុទ្ធ​តែ​អាច​ក្លាយ​ជា​គ្មាន​តម្លៃ​ប្រសិនបើ​អ្នក​មិន​បាន​គិតគូរ​ពី​វា​ឱ្យបាន​ល្អិន​ល្អន់​បំផុត​នោះ​។
​សម្រាប់​ស្ត្រី ឬ​អ្នក​ណា​ក៏​ដោយ​ដែល​មាន​បំណង​ចង់​ក្លាយ​ជា​សហគ្រិន​ដ៏​ជោគជ័យ វា​ពិតជា​មាន​សារសំខាន់​ខ្លាំងណាស់​ក្នុង​ការរៀបចំ​គម្រោង​អាជីវកម្ម​ដែល​រឹងមាំ និង​មាន​ប្រសិទ្ធភាព​បំផុត​។ ការធ្វើ​ទីផ្សារ និង​ការផ្សព្វផ្សាយ​ពាណិជ្ជកម្ម​ជា​រឿង​ដែល​អាច​ធ្វើ​នៅ​ពេល​ក្រោយ​បាន​។​

លោកស្រី Genevieve Thiers

​លោកស្រី Genevieve Thiers បើក​ដំណើរការ​ក្រុមហ៊ុន SitterCity នៅ​រដ្ឋ Chicago ដោយ​ផ្អែក​លើ​គំនិត​ដែល​លោកស្រី​ធ្លាប់​មាន​កាលពី​សិក្សា​នៅ​មហាវិទ្យាល័យ​។ តាម​ដែល​លោកស្រី​ធ្លាប់​ចាំ លោកស្រី​ធ្លាប់​បានឃើញ​ស្ត្រី​ម្នាក់​បាន​បិទ​ខិត្តបណ្ណ​ស្វែងរក​អ្នក​មើល​ថែ​ក្មេង​។ ស្ត្រី​ដែល​បិទ​ខិត្តបណ្ណ​នោះ​កំពុងព​រពោះ​កូន​ក្នុងផ្ទៃ ហើយ​ប្រការ​នេះ​ហើយ​ដែល​ជម្រុញ​ឱ្យ​លោកស្រី Genevieve គិតគូរ​ថា​តើ​គួរ​ធ្វើ​យ៉ាងណា​ដើម្បី​ឱ្យ​ការស្វែងរក​អ្នក​មើល​ថែ​ក្មេង​មាន​ភាពងាយស្រួល​ជាង​មុន​។
​លោកស្រី Genevieve ទទួលរង​ការនិយាយ​មិន​ល្អ​ជាច្រើន​ពេល​ទើប​នឹង​ចាប់ផ្ដើម​។ អ្នកវិនិយោគ​ភាគច្រើន​បាន​ធ្វើឱ្យ​លោកស្រី​បាក់​ទឹកចិត្ត​។ ប៉ុន្តែ​លោកស្រី​មិន​បាន​បោះបង់​វា​ចោល​ឡើយ ហើយ​ថែមទាំង​បាន​ផ្សព្វផ្សាយ​វេបសាយ​របស់​លោកស្រី​ក្នុង​ឆ្នាំ ២០១០​ថែមទៀត​ផង​។ ក្រុមហ៊ុន SitterCity បាន​ក្លាយ​ជា​ក្រុមហ៊ុន​ដែល​ល្បីល្បាញ​ដល់​ឆាក​អន្តរជាតិ និង​ទទួលបាន​ការកោតសរសើ​រ​ជាច្រើន​ផងដែរ​។ បំណង​សំខាន់​បំផុត​នៃ​ក្រុមហ៊ុន​នេះ​គឺ​ភ្ជាប់​ទំនាក់ទំនង​រវាង​ឪពុក​ម្ដាយ​ទៅ​កាន់​អ្នក​មើល​ថែ​ក្មេង​ដែល​ស័ក្ដិសម​នឹង​តម្រូវការ​របស់​ពួក​គេ​បំផុត​។
​ក្រុមហ៊ុន SitterCity ជា​ក្រុមហ៊ុន​ដំបូងបង្អស់​នៅ​អាមេរិក​ដែល​បាន​ផ្ដល់​នូវ​សេវាកម្ម​ដ៏​ល្អ​បំផុត​។ ចំនុច​មួយ​ដែល​អ្នក​ទាំងអស់​គ្នា​អាច​សិក្សា​បាន​ពី​ក្រុមហ៊ុន SitterCity គឺ​កុំ​ចុះចាញ់​។ មុនពេល​ដែល​ទទួលបាន​ជោគជ័យ បរាជ័យ​តែងតែ​កើត​មាន​ជានិច្ច​។ វា​មិន​ចោទ​ជា​បញ្ហា​អ្វី​ឡើយ​នៅពេលដែល​គ្មាន​នរណា​ម្នាក់​យល់ស្រប​ជាមួយ​ក្ដី​សុបិន​របស់​អ្នក​។ អ្វី​ដែល​មិន​គួរ​កើតឡើង​គឺ​អ្នក​ខ្លួនឯង​បាត់បង់​ជំនឿ​ចិត្ត​លើ​ខ្លួនឯង​។

លោកស្រី Julie Aigner-Clark

​លោកស្រី Julie Aigner-Clark ធ្លាប់​ជា​គ្រូបង្រៀន​ផ្នែក​ភាសា​អង់គ្លេស​ថ្នាក់​វិទ្យាល័យ​ដែល​បាន​បោះបង់​ការងារ​របស់​ខ្លួន​ដើម្បី​មក​បីបាច់​ថែរក្សា​កូន​។ ខណៈ​ដែល​លោកស្រី​លែង​ជា​គ្រូបង្រៀន ទឹកចិត្ត​ស្រលាញ់​ការបង្រៀន​នៅតែមាន​ជានិច្ច​ចំពោះ​លោកស្រី​។ បន្ទាប់ពី​នាង​សម្រាលកូន​រួច​ហើយ លោកស្រី Julie យល់​ថា​មិន​មាន​ឧបករណ៍​គ្រប់គ្រាន់​ក្នុងការ​បង្រៀន​កូន​អ្នកស្រី​អំពី​មុខវិជ្ជា​វិទ្យាសាស្ត្រ និង​សិល្បៈ​ឡើយ​។ ដូច្នេះ​នាង​បាន​នឹកឃើញ​អំពី​ការបង្កើត​វីដេអូ​អប់រំ​ដែល​លោកស្រី​បាន​ដាក់ឈ្មោះថា Baby Einstein​។​
​ក្រុមហ៊ុន Baby Einstein ចំណាយ​អស់​រយៈពេល​មួយ​ឆ្នាំ​ទើប​មាន​ដំណើរការ​ល្អ ហើយ​នៅពេល​ដែល​គម្រោង​នេះ​ត្រៀមខ្លួន​រួចរាល់ លោកស្រី Julie សម្រេចចិត្ត​ដាក់លក់​ផលិតផល​របស់​លោកស្រី​ដល់​អ្នក​យក​ទៅ​លក់​បន្ត​។ អ្នក​លក់រាយ​ម្នាក់នេះ​បាន​យក​ផលិតផល​របស់​លោកស្រី​ទៅ​លក់ ហើយ​លក់​បាន ១០០ វីដេអូ ចំនួន ១០០​បន្ទះ​ក្នុង​រយៈពេល ២ ថ្ងៃ​។ វីដេអូ Baby Einstein ភ្លាមៗ​នោះ​ក៏​ទទួលបាន​ភាពជោគជ័យ ព្រមទាំង​បាន​បង្កើត​សាខា​ក្នុង​គោលបំណង​បង្កើត​ជា​របស់​លេង​បែប​អប់រំ​សម្រាប់​កុមារ​។ Baby Einstein ក្រោយ​មក​ទទួល​បានកា​រ​ចាប់អារម្មណ៍​ពី​ក្រុមហ៊ុន Disney ព្រមទាំង​ជា​ការ​បំផុសគំនិត​ដែល​ស្ថិត​នៅ​ពីក្រោយ​ការចាក់​បង្ហាញ​ក្នុង​កម្មវិធី​ទូរទស្សន៍ Little Einsteins ផងដែរ​។​
​លោកស្រី Julie Aigner-Clark​មិន​ធ្លាប់មាន​បទពិសោធន៍​ក្នុង​អាជីវកម្ម​ឡើយ លោកស្រី​បាន​ឃើញ​ពី​តម្រូវការ ហើយ​លោក​ស្រី​ក៏​បំពេញ​តាម​តម្រូវការ​នោះ​ដោយ​ប្រើប្រាស់​នូវ​គំនិត​ដ៏​ល្អ​ប្រពៃ​។ ជោគជ័យ​របស់​លោកស្រី​គឺ​បានមកពី​ការពិត​ដែល​លោកស្រី​សម្រេចចិត្ត​ក្នុង​ការដោះស្រាយ​បញ្ហា​ដោយ​ខ្លួនឯង ដែល​ជា​ការ​បង្រៀន​ដ៏​មាន​ប្រសិទ្ធភាព​ខ្ពស់​បំផុត​ទៅ​កាន់​កូនៗ​របស់​លោកស្រី​។​

 

​នាង Ashley Qualls

​ក្នុងនាម​ជា​សហគ្រិន​វ័យក្មេង​បំផុត​ក្នុងចំណោម​សហគ្រិន​ជាច្រើន​ផ្សេង​ទៀត នាង Ashley Qualls ជា​សហគ្រិន​ដែល​ប្រែក្លាយ​ខ្លួន​ឱ្យ​ទៅជា​សេដ្ឋីនី​ដោយ​ខ្លួនឯង​ផ្ទាល់ គឺ​ជោគជ័យ​ក្នុង​អាជីវកម្ម​មុនពេល​ដែល​នាង​ប្រឡង​បាន​សិទ្ធិ​បើកបរ​រថយន្ត​ទៀត​ឯ​ណោះ​។ ក្នុងនាម​ជា​យុវវ័យ​ម្នាក់ នាង Ashley រក​ចំណូល​បាន​រាប់​លាន​ដុល្លារ​ដោយ​បង្កើត​ជា​វេបសាយ​មួយ​ដែល​មិន​លក់ដូរ​អ្វី​ទាំងអស់​។
WhateverLife.com ជា​វេបសាយ​មួយ​ដែល​និយាយ​អំពី​ចំណង់​ចំណូលចិត្ត ដែល​ផ្ដល់ឱ្យ​អ្នកប្រើប្រាស់​នូវ​កម្មវិធី MySpace និង​ការបង្រៀន HTML សម្រាប់​ក្មេងៗ​។ វេបសាយ​នេះ​រកចំណូលបា​ន​តាមរយៈ​ការផ្សព្វផ្សា​យ​ពាណិជ្ជកម្ម​។ នាង Ashley ធ្វើការ​នៅ​ទីធ្លា​ផ្ទះ​របស់​នាង ជាមួយ​នឹង​ការគាំទ្រ​ពី​សំណាក់​មិត្ត​ភ័ក្ដិ និង​ក្រុមគ្រួសារ​របស់​នាង​។ នៅ​ខែ​ដំបូង​នៃ​ការងារ​របស់​នាង វេបសាយ Whatever Life រកចំណូលបាន ៧០,០០០​ដុល្លារ ហើយ​នាង Ashley បាន​ក្លាយ​ជា​សេដ្ឋីនី​នៅពេលដែល​នាង​មាន​អាយុ ១៧ ឆ្នាំ​។
​គោលបំណង​ធំ​បំផុត​របស់​នាង Ashley គឺ​នាង​ចង់​ឱ្យ​វេបសាយ​របស់​នាង​ក្លាយជា​កន្លែង​មួយ​ដែល​មនុស្ស​គ្រប់គ្នា​អាច​ទទួលបាន​”​ព័ត៌មាន និង​អ្វី​ដែល​រីករាយ​”​។ នាង​បដិសេធ​មិន​ព្រម​លក់​វេបសាយ​របស់​នាង​ទៅ​កាន់​អ្នក​ដេល​ចាប់​អារម្មណ៍​ចង់​ទិញ​វេបសាយ​ពី​នាង​ជា​ច្រើន ព្រមទាំង​រកចំណូលបាន​លើសពី ៧ លាន​ដុល្លារ​ឯណោះ​។ អ្វី​ដែល​យើងទាំងអស់គ្នា​អាច​សិក្សា​ពី​នាង​បាន​គឺ​ភាព​ជោគជ័យ​មិនមែន​កំណត់​ដោយ​ប្រាក់ចំណូល​ឡើយ ប៉ុន្តែ​វា​ជា​អ្វី​ដែល​អ្នក​ពេញចិត្ត​នឹង​ធ្វើ ព្រមទាំង​ការជឿជាក់​ដែល​អ្នក​មាន​ទៅលើ​វា​៕​

Entertainment

​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ

សំភារៈ​លំហែកាយ

សំភារៈ​លំហែកាយ

​រៀបចំ​ខ្លួន​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ ដែល ធ្វើអោយ​ដំណើរ​កំសាន្តរ​បស់​អ្នក​កាន់តែ​រីករាយ​និង​មាន​ភាពងាយស្រួល​។


​អស់​បញ្ហា​ជាមួយ
​សំបក​ទូរស័ព្ទ​មិន​ជ្រាប​ទឹក​ម៉ាក ECOXPRO

​សំបក​ទូរ​សព្ទ័​ដ៏​រឹងមាំ​មួយ​នេះ​មាន​មុខងារ​មិន​ត្រឹមតែ​ជា​សំបក​ទូរស័ព្ទ​ធម្មតា​នេះ​ទេ ប៉ុន្តែ​វា​ក៏ ជា​ប៉ាស​បំពង​សម្លេង​ដែល​មិន​ជ្រាប​ទឹកបាន​ទៀតផង​។ លើសពីនេះទៅទៀត សំបក​ទូរស័ព្ទ​ដ៏ នេះ​មាន​ថត​សម្រាប់​កាត​សំខាន់ៗ ដូចជា​កាត​ឥណទាន ឬ ប័ណ្ឌបើកបរ​របស់អ្នក បាន​យ៉ាង​ងាយស្រួល​ផងដែរ​។ ជាពិសេស ECOXPRO ក៏​នៅ​មាន​អត្ថប្រយោជន៍ ជាច្រើន​ទៀត​នៅពេល​ដែល​អ្នក​យក​វា​ទៅ​ជា​មួយ​តាម​ខ្លួន​នៅ​ពេល​ទៅលេង​ទឹកសមុទ្រ ឬ ងូតទឹក​ជាមួយ​ទូរស័ព្ទ​របស់​អ្នក​យ៉ាង​រំភើយ​ស្របពេល​ដែល​សំបក​ទូរស័ព្ទ​នេះ​អណ្តែត​លើទឹក​ក្បែរ​អ្នក​ដោយ​មិន​ជ្រាប​ទឹក​សូម្បីតែ​មួយ​ដំណក់​ផងដែរ​។​


​អស់​កង្វល់​ជា​មួយ​
​កន្ត្រក CGear

​នេះ​គឺជា​របស់​ក្នុង​ក្តី​សុ​បិនសម្រាប់​អ្នក​ដែល​ចូលចិត្ត​ទៅ​ស្រស់​ស្រង់​បរិយាកាស​បរិសុទ្ធ នៅឯ​ឆ្នេរសមុទ្រ​…
​តើ​អ្នក​ត្រៀមខ្លួន​ហើយ​ឬ​នៅ​?
​វា​គឺជា​កន្ត្រក​ដាក់​ឥ​វ៉ាន់​សម្រាប់​ពេល​ទៅ​លេង​សមុទ្រ​! តើ​អ្នក​ធុញ ទ្រាន់​នឹង​ដីខ្សាច់​ចូល​ពាស ពេញ​លើ ទូរស័ព្ទ​ដែល​វា​នឹង​អាច​ធ្វើឱ្យ​ខូច ឬ​ប្រឡាក់ប្រឡូស​អាហារ​ថ្ងៃ​ត្រង់​ដែល​អ្នក​ខំ ត្រៀម ទុក ធូលី​ខ្សាច់​ហុយ​ហើរ​ពេញ​ឡាន​របស់​អ្នក ឬ​ក៏​នៅ​ពេល មក​ដល់​គេហដ្ឋាន​វិញ ហើយ​ឃើញ​ធូលី​ខ្សាច់​នៅ​ពាសពេញ​ក្នុងផ្ទះ​ជាទី ស្រលាញ់​របស់​អ្នក​ដែរ​ហើយ​មែន​ទេ​? អ្នកនឹង​អស់​ក្តីបារម្ភ​ចំពោះ​បញ្ហា​ទាំងអស់​នេះ​ទៀតហើយ ជាមួយ​នឹង​ខ្សែ​យួរ​ដ៏​រឹង មាំ ស្រួល​ដាក់​ភេសជ្ជៈ ដូចជា ទឹកក្រូច ឬ​ស្រា​បៀរ​បាន​ច្រើន អ្នកនឹង​អស់​កង្វល់ ដោយឡែក​ផ្តល់នូវ​អារម្មណ៍​យ៉ាង​ស្រណុក​សុខ​ស្រួល​ជាមួយនឹង​បរិយាកាស​បរិសុទ្ធ​នៅឯ​ឆ្នេរសមុទ្រ​ជាមួយនឹង​ភាព​រីករាយ និង​ភាព​ស្រលះ​ក្នុង​ហទ័យ​យ៉ាង​ពិសេស​ជាមិនខាន​។

​កាន់តែ​ស្រស់ស្រាយ​
​ជាមួយនឹង​ដប​ទឹក​ម៉ាក S’well

​ទាំង​មាន​កំលាំង​គ្រប់គ្រាន់ ទាំង​ធ្វើអោយ​អ្នក​មើល​ទៅ​កាន់​លេចធ្លោ នឹង​អាច​ចែករំលែក​ជា មួយ​អ្នកដទៃ​ជាមួយនឹង​ដប​ទឹក​ម៉ាក S’well ។ ដប​ទឹក​ម៉ាក S’well នេះ​មាន​រូបរាង​ស្រស់​ស្អាត​ជាមួយនឹង​ពណ៌​ចិញ្ចាចចិញ្ចាំង​ដែល​រចនា​ដោយ​ដៃ​ហើយ​ជាពិសេស​ទៅទៀត នៅពេល​ដែល​អ្នកទិញ​ដប​ទឹក S’well នេះហើយ ចំនួន​ទឹកប្រាក់ មួយចំណែក​ដែល​អ្នក​បាន​ជាវ​ត្រូវបាន​យក​ទៅ​ធ្វើ​ជា​ជំនួយ​ជា​ទឹកស្អាត និង អនាម័យ​នៅឯ​ទ្វីប​អាហ្វ្រិក​។ ជាងនេះទៅទៀត ប្រសិនបើ​នៅ​មិន​គាប់ ចិត្ត​អ្នក​នៅ​ឡើយ ទេនោះ ដប់​ទឹក S’well នៅ​មាន​លក្ខណៈ​ពិសេស​មួយ​ទៀត គឺថា វា​អាច​រក្សា សីតុណ្ហភាព​ភេសជ្ជៈ​របស់​អ្នក​បាន​រហូត​ដល់​ទៅ ២៤​ម៉ោង​ឯណោះ​។

​វ៉ែនតា​ងូតទឹក​ដ៏​ទំនើប
​ម៉ាក Liquid Image ប្រភេទ 305 Hydra Series HD 720P

​វ៉ែនតា​ងូតទឹក​ដ៏​ទំនើប​មួយ​នេះ​បំពាក់​មក​ជាមួយនឹង​កាមេរ៉ា​វីដេអូ​កំរិត HD ភ្លឺ​ច្បាស់ ទាំង​រូបភាព​និង​សម្លេង​។ វ៉ែនតា​នេះ មិន​ត្រឹមតែ​អាច​ថត​វីដេអូ​បាន​តែ​ប៉ុណ្ណោះ​នោះ​ទេ តែ​ក៏​អាច​ថតរូប​ធម្មតា​បាន​ផងដែរ អ្នក​អាច​ថតរូប​ជា​លក្ខណៈ​បណ្តាក់​ក៏បាន ហើយ​វ៉ែនតា មួយ​នេះ​ក៏​អាច​ថត​បាន​យ៉ាងជ្រៅ រហូតដល់ ៤០ ម៉ែត្រ​ឯណោះ​។ ដូចនេះ តើ​ចាំ​អង្កាល់​ទៀត ចូរ​ថតរូប​ក្នុង​ទឹក​ជាមួយនឹង​វ៉ែនតា​ងូតទឹក ម៉ាក Liquid Image ប្រភេទ 305 Hydra Series HD 720P ពិតជា​មិន​ធ្វើអោយ​លោកអ្នក​ខក​បំណង​ឡើយ​។


​អស់​ថ្ម​តើ​មែន​ទេ​!?
​ឧបករណ៍​សាក​ថ្ម​ចល័ត WakaWaka ជួយ​បាន​

​តើ​អ្នក​ធ្លាប់​មាន​អារម្មណ៍​សៅហ្មង​នៅពេលដែល​ថ្ម​ទូរស័ព្ទ​របស់​អ្នក​ជិត​អស់​ដែរ​ឬទេ​? ឧបករណ៍​សាក​ថ្ម​ចល័ត WakaWaka​គឺជា​ជម្រើស​ដ៏​ល្អ ដែល​ឧបករណ៍​ដ៏​ស្រស់ស្អាត​នេះ​មាន រូបរាង​តូច​ស្តើង និង មាន​ប្រព័ន្ធ​ទទួល​ថាមពល​តាមរយៈ​ពន្លឺព្រះអាទិត្យ​ផងដែរ ដែល​ប្រដាប់ សាក​ថ្ម​ចល័ត​នឹង​ធ្វើអោយ​ទូរស័ព្ទ​របស់​អ្នកទទួល​ថាមពល​បាន​ពេញ​ត្រឹម​តែ​រយៈពេល ២​ម៉ោង​តែ​ប៉ុណ្ណោះ​។ គន្លឹះ​ដើម្បី​ក្នុងកា​រសាក​ឧបករណ៍​សាក​ថ្ម​ចល័ត WakaWaka ដោយ​ពន្លឺ​ថ្ងៃ​នោះ​គឺ ត្រឹមតែ​តំរូវឱ្យ​អ្នក​ដាក់​ឧបករណ៍​នេះ​ដាក់​ហាលថ្ងៃ​នៅ​កន្លែង​ដែល​មាន​ពន្លឺ គ្រប់គ្រាន់​តែ​ប៉ុណ្ណោះ ឬក៏​សាក​ភ្លើង​តាម​លក្ខណៈ​ធម្មតា​តាមរយៈ USB មុនពេល ដែល​អ្នក​ចេញ​ដំណើរ ជា​ការ​ស្រេច​។ កាន់តែ​ល្អ​ជាង​នេះ​ទៀត​នោះ គឺថា ឧបករណ៍​មួយ​នាំ​មក​ជាមួយ​នឹង​ភ្លើង​សញ្ញា​ប្រកាសអាសន្ន សម្រាប់​អ្នក​នាពេល​ចាំបាច់​ណាមួយ ផងដែរ​។ ប៉ុន្តែ​អ្វី​កាន់តែ​ពិសេស​លើស​ពី​ប​ឧបករណ៍​សាក​ថ្ម​ចល័ត​ផ្សេង ដទៃ​ពី​នេះ​ទៅ ទៀត​នោះ​គឺថា ថវិការ​ដែល​អ្នក​ទិញ​ឧបរណ៍​នេះ​ហើយ មួយចំនួន​គឺ​ត្រូវបាន​យក ទៅ​ជួយ​ដល់​ទុរគតជន​នៅ​ឯ​ប្រទេស​ហ្វ៊ីលីពីន​ទៀតផង​។

Continue Reading

Entertainment

សម្រាប់​អាន​នៅ​ថ្ងៃ​វិស្សមកាល

តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា

​តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា​ជម្រើស​ដ៏​ល្អ​បំផុត​របស់​យើង​ដើម្បី​អាន​នៅ​មាត់សមុទ្រ តំបន់ភ្នំ ឬ​កន្លែង​ណាមួយ​ដែល​អ្នកធ្វើដំណើរ​ទៅដល់​។ មាន​ខ្លឹមសារ​ខុសៗ​គ្នា​ក្នុងចំណោម​សៀវភៅ​ទាំងអស់នេះ​៖ ថា​តើ​អ្នក​កំពុងតែ​មាន​អារម្មណ៍​រីករាយ​ស្រស់​ស្រាយ តានតឹង រំភើប​ញាប់​ញ័រ ឬក៏​យ៉ាងណា​នោះទេ សៀវភៅ​រឿងនិទាន​សម្រាប់​កុមារ ឬ​សៀវភៅ​ធ្វើឱ្យ​អារម្មណ៍​អណ្ដែត​អណ្ដូង គឺ​និយាយ​ទាក់ទង​ទៅនឹង​ការរស់នៅ​ក្នុង​ពិភព​ដ៏​វឹកវរ​នេះ​។ ចូរ​អាន​បន្ដ​ដើម្បី​ដឹងថា​តើ​សៀវភៅ​មួយ​ណា​ដែល​ធ្វើឱ្យ​អ្នក​ចាប់​អារម្មណ៍​បំផុត អំឡុង​វិស្សមកាល​ដ៏​គួរ​ជាទី​រីករាយ​។


​សៀវភៅ​រឿង The Rumor
​ដោយ​អ្នកនិពន្ធ Elin Hilderbrand តើ​អ្នក​កំពុងតែ​ស្វែងរក​សៀវភៅ​ដើម្បី​អាន​នៅ​ឆ្នេរសមុទ្រ​ដើម្បី​បន្ធូរ​អារម្មណ៍​មែន​ទេ​? ប្រសិនបើ​អ្នក​ខកចិត្ដ​ដោយសារតែ​ខ្សែភាពយន្ដ​មិន​ល្អមើល សាកល្បង​អាន​សៀវភៅ​រឿង The Rumor ដែល​និយាយ​អំពី​មិត្ដភ័ក្ដិដ៏​ជិត​ស្និទ្ធិពី​រនា​ក់​គឺ Madeline និង Grace បន្ដ​ការ​ណាត់ជួប​ផ្ទួនៗ​នា​រដូវក្ដៅ​មួយ ដោយ​ពួកគេ​ទទួលទាន​ស្រា​ខកថេល​នា​ពេល​ព្រះអាទិត្យ​អស្ដង្គ​ត ប៉ុន្ដែ​មាន​ពាក្យ​ច​ចាម​អារាម​មួយ​លេចឡើង ហើយ​បាន​ផ្លាស់ប្ដូរ​អ្វីៗ​គ្រប់យ៉ាង​។ ពាក្យ​ច​ចាម​អារាម​នោះ​គឺ​អំពី​ដុំ​ព្រិល​និង​សំណួរ​គឺថា​… តើ​មិត្ដភាព​របស់​ពួកគេ​ស្ថិត​នៅ​ដដែល​ឬ​យ៉ាងណា​?


​សៀវភៅ​រឿង Girl on the Train
​ដោយ​អ្នកនិពន្ធ Paula Hawkins
​សៀវភៅ​រឿង Girl on the Train គឺជា​រឿង​ធ្វើឱ្យ​រំភើប​ញាប់​ញ័រ ដែល​នឹង​ធ្វើឱ្យ​អ្នក​ងឿងឆ្ងល់​អំពី​ជីវិត​របស់​អ្នកដទៃ​។ Rachel បាន​ហែល​ឆ្លង​នូវ​ការបាត់បង់​មួយ ហើយ​ពុះពារ​រកឃើញ​នូវ​សុភមង្គល​នៅក្នុង​ផ្ទះ​នា​ជាយក្រុង​មួយ ដែល​នាង​ឆ្លងកាត់​នៅ​ពេល​ធ្វើដំណើរ​ពី​ផ្ទះ​ទៅ​កន្លែង​ធ្វើការ​វេលា​ព្រឹក​មួយ​។ នាង​មាន​ពេល​ប្រហែល​ត្រឹមតែ​មួយ​នាទី​ប៉ុណ្ណោះ ដើម្បី​សម្លឹងមើល​ក្រុមគ្រួសារ​ដែល​គួរឱ្យ​ស្រឡាញ់ មុនពេល​នាង​ជិះ​រថភ្លើង​ឆ្លងកាត់ ប៉ុន្ដែ​នាង​មាន​ក្ដី​រីករាយ​ជា​ពន់ពេក​។

​អ្វីមួយ​ផ្លាស់ប្ដូរ​គួរឱ្យកត់សម្គាល់ នៅពេលដែល Rachel ឃើញ​នូវ​ហេតុការណ៍​មួយ​ក្នុង​រយៈពេល​ដ៏​ខ្លី​ហើយ​ងឿងឆ្ងល់​ជាខ្លាំង ថា​តើ​នាង​គួរតែ​ប្រាប់​ប៉ូលីស​នូវ​អ្វី​ដែល​នាង​បានឃើញ​ឬ​យ៉ាងណា​។ លុះ​ក្រោយមក​នាង​មាន​អារម្មណ៍​ច្របូកច្របល់ ហើយ​មាន​អារម្មណ៍​ស្ទាក់ស្ទើរ​ក្នុង​ការជួយ​សង្គ្រោះ​។

Girl on the Train ជា​រឿង​ធ្វើឱ្យ​រំភើប​ញាប់​ញ័រ ដែល​អ្នក​មិន​អាច​នឹង​អាន​រំលង​ឡើយ​។


​រឿង Room
​និពន្ធ​ដោយ Emma Donoghue
​បន្ទប់​គឺជា​កន្លែង​មួយ​សម្រាប់​រស់នៅ​ដ៏​សុខសាន្ដ​និង​គួរ​ជាទី​ស្រឡាញ់រ​បស់ Jack ប៉ុន្ដែ​ចំពោះ​ម្ដាយ​របស់​គាត់ វា​ជា​គុក​ទៅវិញ​ដែល​គាត់​បាន​ជាប់​ឃុំឃាំង​នៅ​ទីនោះ អស់​រយៈពេល​ប្រាំពីរ​ឆ្នាំ​ដោយសារ​ស្នាដៃ​របស់ Old Nick​។ ជាមួយនឹង​ការ​ជម្រុញ​ខ្លាំង​ពី​ម្ដាយ Ma ដើម្បីឱ្យ Nick រស់នៅ​បាន​ល្អ​ប្រសើរ​ជាង​មុន គាត់​រៀបចំ​គម្រោង​ដើម្បី​រត់​ចេញ​។ តើ​អ្នក​ម្ដាយ Ma បាន​គិត​អំពី​អ្វី​ដែល​បាន​កើតឡើង បន្ទាប់ពី​ពួកគេ​បាន​រត់គេចខ្លួន និង​អ្វី​ដែល​ពិភព​ដទៃទៀត​កំពុងតែ​ជួបប្រទះ​ដែរ​ឬទេ​?

Room គឺជា​សៀវភៅ​ដ៏​អស្ចារ្យ​ដែល​បរិយាយ​អំពី​ការភ័យខ្លាច ការតបត និង​ការជាប់​ចំណង​។ តើ​យើង​បាន​ធ្វើ​ការពណ៌នា​អំពី​រឿង​នេះ​ហើយ​ឬ​នៅ​?
​សៀវភៅ​នេះ​ត្រូវបាន​និទាន​ដោយ​ការយល់ឃើញ​របស់ Jack ដែល​មាន​អាយុ​៥​ឆ្នាំ​តែ​ប៉ុណ្ណោះ​។​


​សៀវភៅ​រឿង Where are you Bernadette
​និពន្ធ​ដោយ Maria Semple
Bernadette ជា​មនុស្ស​អង់អាច​ក្លាហាន ឥត​ចេះ​កោតញញើត និង​និយាយ​ឥត​សំចៃ​។ នាង​ជា​ស្ថាបត្យករ​ថ្មីថ្មោង និង​ជា​អ្នក​ម្ដាយ​/​មិត្ដភ័ក្ដិ​ដ៏​ល្អ​បំផុត​របស់ Bee ដែល​មាន​អាយុ​ដប់​ប្រាំ​ឆ្នាំ​។

​ពួកគេ​រស់នៅ​ទីក្រុង Seattle ហើយ​ពលរដ្ឋ​និង​បរិយាកាស​នៅ​ទីនោះ មាន​ច្រើន​លើសលុប​សម្រាប់ Bernadette ហើយ​ការ​ធ្វើការ​លើស​ម៉ោង​បាន​ក្លាយជា​រឿង​គួរឱ្យ​បារម្ភ​។ ទោះបីជា​យ៉ាងណា​ក៏ដោយ Bernadette បាន​សន្យា​ជាមួយ​នឹង Bee ថា​នឹង​ទៅ​កម្សាន្ដ​នៅ​ទ្វីប​អង់​តា​ក់ទិច ប្រសិន​បើ​នាង​ទទួលបាន​និទ្ទេស “A” ចំពោះ​របាយការណ៍​របស់​នាង ជា​ការពិត Bee អាចធ្វើ​បាន ប៉ុន្ដែ Bernadette បាន​បាត់​ខ្លួន​។
Bee ស្វែងរក​អ្នក​ម្ដាយ​របស់​នាង ហើយ​បាន​ប្រឈមមុខ​ជាមួយ​នឹង​ពិភពលោក​ដែល​តម្រង់​មក​រក​នាង​៕

Continue Reading

Entertainment

តើ​អ្នកដឹង​ទេ​?

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារា

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារាចម្រៀង​ល្បី​ផ្សេងទៀត​ដែរ​ទេ​? មិនមែន​តារាចម្រៀង​ទាំងអស់​សុទ្ធតែ​ចេះ​និពន្ធ​បទ​ចម្រៀង​ដោយ​ខ្លួនឯង​នោះទេ ប៉ុន្តែ​សម្រាប់​នាង Sia វិញ នាង​ជា​តារាចម្រៀង​ប្រកប​ដោយ​ទេព​កោ​ល​សល្យ​ដ៏​អស្ចារ្យ ហើយក៏​ជា​អ្នកនិពន្ធ​ចម្រៀង​ដ៏​ឆ្នើម​ម្នាក់​ផង​ដែរ​។ នាង​ជា​តារាចម្រៀង​ដែល​មានសំនៀង​ដ៏​ពិរោះ និង​មិន​ដែល​បង្ហាញមុខ​ឱ្យ​គេ​ឃើញ​ឡើយ​។ នាង​បាន​សរសេរ​បទ​ចម្រៀង​ល្បីៗ​ជាច្រើន​ឱ្យ​តារាចម្រៀង​ដទៃទៀត​ជាច្រើន​។ លោកអ្នក​ច្បាស់​ជា​ភ្ញាក់ផ្អើល​មិន​ខាន​ជាមួយ​ឈ្មោះ​បទ​ចម្រៀង​ខាងក្រោម​ដែល​នាង Sia បាន​សរសេរ​ដែល​បទ​ទាំងនោះ​មាន​តាំង​ពី​បទ​ឈឺចាប់ បទ​ដែល​ត្រូវ​ប្រើ​សំឡេង​ខ្ពស់ និង​បទ​សប្បាយៗ​បែប​ទាក់ទាញ​ជាច្រើន​។


​បទ​ចម្រៀង​ល្បីៗ​ដែល​នាង Sia និពន្ធ​៖
​បទ “Expertease (Ready, Set, Go)” ច្រៀង​ដោយ Jennifer Lopez
​បទ “Opportunity” ច្រៀង​ដោយ Quvenzhané Wallis
​បទ “Diamonds” ច្រៀង​ដោយ Rihanna
​បទ “Making the Most of the Night” ច្រៀង​ដោយ Carly Rae Jepsen
​បទ “Chasing Shadows” ច្រៀង​ដោយ Shakira
​បទ “Get Over U” ច្រៀង​ដោយ Neon Hitch
​បទ “Blank Page” ច្រៀង​ដោយ Christina Aguilera
​បទ “Brightest Morning Star” ច្រៀង​ដោយ Britney Spears
​បទ “My Heart Is Open” ច្រៀង​ដោយ Maroon 5 និង Gwen Stefani
​បទ “Double Rainbow” ច្រៀង​ដោយ Katy Perry
​បទ “Kiss Me Once” ច្រៀង​ដោយ Kylie Minogue
​បទ “Battlefield” ច្រៀង​ដោយ Lea Michele
​បទ “Boy Problems” ច្រៀង​ដោយ Carly Rae Jepsen
​បទ “Perfume” ច្រៀង​ដោយ Britney Spears
​បទ “Pretty Hurts” ច្រៀង​ដោយ Beyoncé
​បទ​ចម្រៀង​ជាច្រើន​ទៀត​ដែល​និពន្ធ​ដោយ​នាង Sia៖
​បទ “Godzillionaire” ច្រៀង​ដោយ Brooke Candy
​បទ “Guitars and Microphones” ច្រៀង​ដោយ Kate Pierson
​បទ “We Are One (Ole Ola)” ច្រៀង​ដោយ Pitbull, Jennifer Lopez និង Claudia Leitte
​បទ “Pop Rock” ច្រៀង​ដោយ Brooke Candy
​បទ “Matrix” ច្រៀង​ដោយ Kate Pierson
​បទ “Acid Rain” ច្រៀង​ដោយ Alexis Jordan
​បទ “Any Day Now” ច្រៀង​ដោយ Cheyenne Jackson
​បទ “I Will Get Over You” ច្រៀង​ដោយ Prischilla Ahn
​បទ “These Hands I Hold” ច្រៀង​ដោយ Bo Bruce
​បទ “Gentlemen” ច្រៀង​ដោយ Jessica Sanchez
​បទ “Crush Me With Your Love” ច្រៀង​ដោយ Kate Pierson
​បទ “Bound to You” ច្រៀង​ដោយ Christina Aguilera
​បទ “God Made You Beautiful” ច្រៀង​ដោយ Beyoncé
​បទ “She’s Pretty, She Lies” ច្រៀង​ដោយ Cheyenne Jackson
​បទ “Freeze You Out” ច្រៀង​ដោយ Marina Kaye
​បទ “Rise Up” ច្រៀង​ដោយ Beyoncé
​បទ “Knock You Out” ច្រៀង​ដោយ Bingo Players


​បទ “Don’t Look at Me” ច្រៀង​ដោយ Cheyenne Jackson
​បទ “Kill, F—k, Marry” ច្រៀង​ដោយ Nikki Williams
​បទ “Rock Bottom” ច្រៀង​ដោយ Marco Mengoni
​បទ “Unite” ច្រៀង​ដោយ Jessie J
​បទ “Bottoms Up” ច្រៀង​ដោយ Kate Pierson
​បទ “Stronger Than Ever” ច្រៀង​ដោយ Christina Aguilera
​បទ “You’re Mine” ច្រៀង​ដោយ Lea Michele
​បទ “Opulence” ច្រៀង​ដោយ Brooke Candy
​បទ “Mister Sister” ច្រៀង​ដោយ Kate Pierson
​បទ “Break the Walls” ច្រៀង​ដោយ Fitz and the Tantrums
​បទ “Strange Birds” ច្រៀង​ដោយ Birdy
​បទ “Radioactive” ច្រៀង​ដោយ Rita Ora
​បទ “Round Your Little Finger” ច្រៀង​ដោយ Katharine McPhee
​បទ “Tears Fall” ច្រៀង​ដោយ Jacquie Lee
​បទ “Breathe” ច្រៀង​ដោយ Jessie J
​បទ “Firecracker” ច្រៀង​ដោយ Cheryl
​បទ “You Don’t Know” ច្រៀង​ដោយ Will Young
​បទ “The Game” ច្រៀង​ដោយ Kelly Rowland
​បទ “You Lost Me” ច្រៀង​ដោយ Christina Aguilera
​បទ “Bring Your Arms” ច្រៀង​ដោយ Kate Pierson
​បទ “Let Me Love You (Until You Learn to Love Yourself)” ច្រៀង​ដោយ Ne-Yo
​បទ “All I Need” ច្រៀង​ដោយ Christina Aguilera
​បទ “Green Card” ច្រៀង​ដោយ Oh Land
​បទ “Standing on the Sun” ច្រៀង​ដោយ Beyoncé


​បទ “Invincible” ច្រៀង​ដោយ Kelly Clarkson
​បទ “Loved Me Back to Life” ច្រៀង​ដោយ Celine Dion
​បទ “Utopia” ច្រៀង​ដោយ Belinda
​បទ “Time Wave Zero” ច្រៀង​ដោយ Kate Pierson
​បទ “Flashlight” ច្រៀង​ដោយ Jessie J
​បទ “Cannonball” ច្រៀង​ដោយ Lea Michele
​បទ “Who Am I?” ច្រៀង​ដោយ Jamie Foxx, Cameron Diaz និង Quvenzhané Wallis
​បទ “I Am” ច្រៀង​ដោយ Christina Aguilera
​បទ “If You Say So” ច្រៀង​ដោយ Lea Michele
​បទ “Let Your Tears Fall” ច្រៀង​ដោយ Kelly Clarkson
​បទ “I Am Me” ច្រៀង​ដោយ Willow
​បទ “The City’s Yours” ច្រៀង​ដោយ Jamie Foxx និង Quvenzhané Wallis
​បទ “Try Everything” ច្រៀង​ដោយ Shakira
​បទ “Passenger” ច្រៀង​ដោយ Britney Spears
​បទ “Pulls You Under” ច្រៀង​ដោយ Kate Pierson
​បទ “Sexercise” ច្រៀង​ដោយ Kylie Minogue
​បទ “Throw Down the Roses” ច្រៀង​ដោយ Kate Pierson​

Continue Reading

Trending

Copyright © 2018 Ladies Magazine Cambodia.