Connect with us

Fashion

ស្លាកសញ្ញា GUCCI

ស្លាក​សញ្ញា GUCCI គឺ​ពិតជា​មាន​ភាពល្បីល្បាញ​ខ្លាំងណាស់ វា​ជា​ស្លាក​សញ្ញា​ដ៏​ប្រណីត របស់​អ៊ីតាលី​ដែល​ត្រូវបាន​បង្កើតឡើង​ដោយ​លោក Guccio Gucci នៅ​ដើមឆ្នាំ

ស្លាក​សញ្ញា GUCCI គឺ​ពិតជា​មាន​ភាពល្បីល្បាញ​ខ្លាំងណាស់ វា​ជា​ស្លាក​សញ្ញា​ដ៏​ប្រណីត របស់​អ៊ីតាលី​ដែល​ត្រូវបាន​បង្កើតឡើង​ដោយ​លោក Guccio Gucci នៅ​ដើមឆ្នាំ ១៩២០​។ លោក Guccio Gucci ជា​ពាណិជ្ជករ​ដ៏​ប្លែក​ពី​គេ និង​ជោគជ័យ​បំផុត​ជា​កូនប្រុស​របស់​អ្នក​ឌី​ហ្សា​ញ​ម៉ូដ​ហ្វេ​ហ្សិន និង​ជា​ពាណិជ្ជករ​ជនជាតិ​អ៊ីតាលី​ដែលជា​ម្ចាស់​នៃ The House of Gucci​។ លោក Guccio Gucci បាន​ប្រើប្រាស់​ជំនាញ​ពាណិជ្ជកម្ម​ដ៏​អស្ចារ្យ​របស់លោក​ដើម្បី​ក្លាយខ្លួនជា​អ្នក​ច្នៃ​ម៉ូដ និង​ជា​អ្នក​ផលិត​ផលិតផល​ម៉ូដ​ច្នៃ​ពី​ស្បែក​សត្វ​ដ៏​មាន​គុណភាព​ខ្ពស់ និង​គួរឱ្យ​កត់សម្គាល់​បំផុត​ផងដែរ​។​
​លោក Guccio Gucci បាន​ចាប់ផ្ដើម​ដំណើរការ​នៃ​ស្លាក​សញ្ញា​របស់លោក​ជាមួយនឹង​ការផលិត​វ៉ា​លី​ស​ប្រណីតៗ​ស័ក្ដិសម​បំផុត​សម្រាប់​អ្នក​មាន​ទ្រព្យធន​ច្រើន​នាពេលនោះ​។ ជា​បន្តបន្ទាប់​មក​ទៀត លោក​ក៏​បាន​បន្ត​ផលិត​គ្រឿង​អា​សេស​សឺ​រី​ជាច្រើន​ប្រភេទ​ផ្សេង​ទៀត​ដែល​ត្រូវបាន​ផលិតឡើង​ពី​ស្បែក​សត្វ​ពិតៗ និង​ពិតជា​ទទួលបាន​ជោគជ័យ​ដ៏​ខ្លាំងក្លា​បំផុត​។​`
Kering ជា​ក្រុមហ៊ុន​បារាំង​ដែល​គ្រប់គ្រង​លើ​ស្លាក​សញ្ញា Gucci ដែល​មាន​ការិយាល័យ​កណ្ដាល​នៅ​ទីក្រុង​ប៉ារីស​។ ពួកគេ​បាន​ផ្ដល់ជូន​អតិថិជន​នូវ​ជម្រើស​ផលិតផល​ជាច្រើន​ប្រភេទ​ផ្សេងៗ​ពីគ្នា ផលិតផល​កីឡា និង​ផលិតផល​ដែល​ស័ក្ដិសម​នឹង​បែបបទ​ជីវិត​រស់នៅ​ប្រចាំថ្ងៃ​របស់​អតិថិជន​។ ថ្មីៗ​នេះ​ហាង Gucci មាន​វត្តមាន​នៅ​ទូទាំង​សកលលោក ព្រមទាំង​បាន​ផ្ដល់​នូវ​ផលិតផល​ដែល​មាន​គុណភាព​ខ្ពស់​បំផុត​ដែល​ក្នុងនោះ​រួមមាន​ទាំង​សម្លៀកបំពាក់ កាបូប ស្បែកជើង គ្រឿងអលង្ការ នាឡិកា ទឹកអប់ គ្រឿងសម្អាង ផលិតផល​ថែរក្សា​សម្រស់​ផ្សេងៗ​ទៀត​ផង​ដែរ​។​
​គួរឱ្យកត់សម្គាល់​ផងដែរ​ថា​ស្លាក​សញ្ញា Gucci ត្រូវ​បាន​ជាប់​ចំណាត់ថ្នាក់​ទី ៣៧ ជា​ស្លាក​សញ្ញា​ដែល​រកចំណូលបាន ១២.៤ ពាន់​លាន​ដុល្លារ ត្រូវបាន​កត់ត្រា​ក្នុង​បញ្ជី Forbes World’s Most Valuable Brands កាលពី​ឆ្នាំ​២០១៥​។​
​ចូល​ទៅ​កាន់​វេបសាយ​ផ្លូវកា​ររបស់​ស្លាកស​ញ្ញា Gucci ដើម្បី​ទស្សនា​ផលិតផល​ប្រណីតៗ​ជាច្រើន​ប្រភេទ​ដែល​មាន​ក្នុង​បញ្ជី​ផលិតផល​ដ៏​ឈានមុខ​គេ​របស់ខ្លួន​។​
​ស្លាក​សញ្ញា Christian Dior
​អ្នក​ច្នៃ​ម៉ូដ​សម្លៀកបំពាក់​ជនជាតិ​បារាំង​លោក Christian Dior បាន​ពាំនាំ​ស្លាក​សញ្ញា​របស់​លោក​មក​កាន់​ពិភពលោក​នៅ​ថ្ងៃទី ១៦ ខែ​ធ្នូ ឆ្នាំ ១៩៤៦ នៅឯ Avenue Montaigne Paris​។ មួយ​រយៈពេល​ក្រោយមក នៅក្នុង​ឆ្នាំ ១៩៤៧ លោក Dior បានបង្ហាញ​ស្នាដៃ​ដ៏​ពិសេស​របស់​លោក​ដោយ​បាន​ច្នៃ​ម៉ូដ​ជាង ៩០ ម៉ូដ​ឯណោះ​។ ចាប់ផ្ដើម​ពី​ការពង្រីក​ខ្លួន​នៅក្នុង​ទីក្រុង​ប៉ារីស និង​បាន​បន្ត​អភិវឌ្ឍ​ខ្លួន​រហូត​ឈាន​ទៅ​កាន់​បណ្ដា​ប្រទេស​ផ្សេងៗ​ទៀត​ក្នុង​ពិភពលោក ស្លាក​សញ្ញា​ដ៏​គួរឱ្យ​កត់សម្គាល់​របស់​លោក​ទទួលបាន​ការពេញចិត្ត​ពី​សំណាក់​អតិថិជន​របស់​ខ្លួន​ជាមួយនឹង​កូឡិក​ហ្សិន​ដ៏​ស្រស់​ស្អាត​អស្ចារ្យ ក៏ដូចជា​ការកែប្រែ​ម៉ូដ​ហ្វេ​ហ្សិន​ដើម្បី​ឱ្យ​កាន់តែ​ពិសេស​អស្ចារ្យ​ជាង​មុន​បន្ថែមទៀត​។​
​ថ្មីៗ​នេះ ក្រុមហ៊ុន​ស្លាក​សញ្ញា​ប្រណីត​ដ៏​ល្បីល្បាញ​ទទួលបាន​ការគ្រប់គ្រង​ពី​ពាណិជ្ជករ​ជនជាតិ​បារាំង​លោក Bernard Arnault​។ ស្លាក​សញ្ញា Christian Dior ទទួលបាន​ការទទួល​ស្គាល់​ដោយសារ​តែ​ការច្នៃ​ម៉ូដ​បែប​ប្រពៃណី​របស់ខ្លួន​។ ទោះជា​យ៉ាងណា​ក៏ដោយ​ក៏​ស្លាក​សញ្ញា​នេះ​បាន​ផលិត​នូវ​ផលិតផល​ប្រណីត​ទាន់សម័យ​បំផុត​សម្រាប់​បុរស និង​ស្ត្រី​ដែល​ក្នុងនោះ​មានដូចជា​គ្រឿង​អា​សេស​សឺ​រី ផលិតផល​ស្បែក ស្បែកជើង គ្រឿងអលង្ការ គ្រឿង​តុបតែង​មុខ និង​ផលិតផល​ថែរក្សា​សម្រស់​ផងដែរ​។​
​ស្លាក​សញ្ញា Dior រួមបញ្ចូល​ទាំង​ផលិតផល Baby Dior ដែល​ជា​ការ​រចនា​ពិសេស​សម្រាប់​ក្មេងៗ និង​កុមារ​តូចៗ​។ លើសពីនេះ​ទៀត ស្លាក​សញ្ញា Dior ទទួលបាន​ប្រជាប្រិយភាព​យ៉ាងខ្លាំង​ចំពោះ​ផលិតផល​ទឹកអប់ Miss Dior Perfume ដែល​យក​តាម​ឈ្មោះ​ប្អូនស្រី​របស់​លោក Dior គឺ​នាង Catherine Dior និង​បាន​ធ្វើឱ្យ​ផលិតផល​ទឹកអប់​នេះ​ល្បី​ខ្ទរខ្ទា​ទូទាំង​សកលលោក​ផងដែរ​។​
​ស្លាក​សញ្ញា Dior មិន​ខ្វះ​ឡើយ​នូវ​គំនិត​ច្នៃប្រឌិត​ខ្ពស់ ព្រមទាំង​មាន​ភាព​ប៉ិនប្រសប់​ដ៏​ច្រើន​សន្ធឹកសន្ធាប់​ផងដែរ​សម្រាប់​លោក Christian Dior ខ្លួនឯង​ផ្ទាល់ លោក Yves Saint Laurent និង​លោក John Galliano នា​ពេល​ថ្មីៗ​នេះ​ផង​ដែរ​។ មិន​មាន​ចម្ងល់​អ្វី​ឡើយ​ដែល​ស្លាក​សញ្ញា Dior មាន​អ្នកគាំទ្រ​ជាច្រើន​ដែល​ក្នុងនោះ​ក៏​មាន​តារា​ល្បីៗ​ដូចជា​នាង Madonna នាង Blake Lively និង​លោក Brad Pitt ។​ល​៕

Fashion

មន្ត​ស្នេហ៍​ជាមួយ​វ៉ែនតា​ស្តាយល៍​ក្លាស៊ី​ក​

​ចេញ​ដើរ​លេង​ក្រោម​ពន្លឺ​ថ្ងៃ​ជាមួយ​ស្តាយល៍​វ៉ែនតាដ៏​

​ចេញ​ដើរ​លេង​ក្រោម​ពន្លឺ​ថ្ងៃ​ជាមួយ​ស្តាយល៍​វ៉ែនតាដ៏​ស្រស់ស្អាត និង​ទាន់សម័យ​

ស្តា​យល៍​វ៉ែនតា​ដង និង​ស៊ុម​ស្តើង​តែ​មុខ​កញ្ចក់​ធំ
​វ៉ែនតា​ដ៏​ធន់ និង​ស្រស់ស្អាត​ម៉ូដ​នេះ​គឺ​ជាទី​ពេញនិយម​សម្រាប់​តារាៗ​ជាច្រើន​។ រូបរាង​ដ៏​ស្រស់​ស្អាត​របស់​វា​ផ្តល់​ឱ្យ​អ្នក​ពាក់​នូវ​ភាពទាន់ សម័យ និង​មិន​ងាយ​ខូច​បែកបាក់ ហើយ​ស័ក្តិសម​ស្ទើរតែ​គ្រប់​ទម្រង់​មុខ​។ ចំពោះ​អ្នក​ដែល​មាន​មុខ​មូល​គួរតែ​ប្រើ​ម៉ូដ​រាង​ជ្រុង​ដើម្បី​ឱ្យ មាន​តុល្យភាព​ជាមួយ​ទម្រង់​មុខ​មូល​របស់​អ្នក ចំណែក​អ្នក​ដែល​មាន​មុខស្រួច​គួរតែ​ពាក់​វ៉ែនតា​ដែល​មាន​រាង​ដូច​ពងមាន់​។


​ស្តា​យល៍​វ៉ែនតា​ធំៗ​
​មាន​មុខធំ​ឬ​? អ្នក​មិន​ចាំបាច់​ទៅ​ធ្វើ​ការវះកាត់​ឡើយ គ្រាន់តែ​ពាក់​វ៉ែនតា​ធំៗ​ដើម្បី​បំភ័ន្ត​ភ្នែក​អ្នកដទៃ​ជា​ការ​ស្រេច​។ មាន​គន្លឹះ​មួយ​ចំនួន​ដែល​អ្នក​គួរតែ​អនុវត្តតាម​។ វ៉ែនតា​ដែល​មាន​មុខ​មូល​ធំៗ​ជួយ​សម្រាល​ទម្រង់​មុខ​រាង​ជ្រុង​របស់​អ្នក​បាន​យ៉ាង​ល្អ​។ វ៉ែនតា​ម៉ូដ​រាង​ស្លាប​សត្វ​បែប​ភ្នែកឆ្មា​គឺ​ស័ក្តិសម​សម្រាប់​អ្នក​មាន​មុខ​មូល​។ វ៉ែនតា​រាង​មូល​ស្រដៀង​រូប​បេះដូង​គឺ​ស័ក្តិសម​សម្រាប់​អ្នកមាន​ទម្រង់​មុខ​ថ្គាម​ខ្លា​។


​ស្តា​យល៍​វ៉ែន​តាខ្មៅ​ម៉ាក Wayfarer
​ពណ៌​ខ្មៅ​គឺ​ធានា​បាន​ថា​ជា​ពណ៌​ដែល​ជួយ​ឱ្យ​មុខ​របស់​អ្នក​មើល​ទៅ​កាន់តែ​តូច​។ មិនថាតែ​ការ​ផាត់​មុខ ពណ៌ និង​ផ្ទៃ​ក្រណាត់​ឡើយ​គឺ​សុទ្ធតែ​ជួយ​លើក​សម្បុរស្បែក​របស់​អ្នក​។ ធ្វើឱ្យ​មុខ​វែង​ទៅជា​ខ្លី​តាម​រយៈ​ការពាក់​វ៉ែនតា​ពណ៌​ខ្មៅ​ធំ និង​មាន​ស៊ុម​ក្រាស់​៕

Continue Reading

Fashion

Giorgio Armani នៅតែ​មាន​ប្រជាប្រិយភាព​

ហ្វេ​ហ្សិន​លំដាប់​ខ្ពស់​

ហ្វេ​ហ្សិន​លំដាប់​ខ្ពស់​

​រយៈពេល​៤០​ឆ្នាំ​កន្លងទៅនេះ ចំណាប់អារម្មណ៍​ដែល​មាន​តិចតួច​នៅក្នុង​វិស័យ​ហ្វេ​ហ្សិន អាច​ជួយ​ទៅ​ដល់​លោក Giorgio Armani​។

អ្នក​ឌី​ហ្សា​ញ​វ័យ​៨១​ឆ្នាំ​ដែល​ថ្មីៗ​នេះ​បាន​ផ្សព្វផ្សាយ​ជី​វប្រ​វត្ដិ​ផ្ទាល់ខ្លួន ដើម្បី​ឧទ្ទិស​ទៅ​ដល់​រយៈពេល​បួន​ទសវត្សរ៍​នៃ​មុខ​ជំនួញ​សម្លៀក​បំពាក់ គឺ​មិនមែន​ដើម្បី​ឱ្យ​ភាព​ដ៏​អធិកអធម​នេះ​បន្ដូចបន្ទាប​គាត់​មិន​ឱ្យធ្វើ​អ្វី​ដែល​ជា​ការ​ឌី​ហ្សា​ញ​ហ្វេ​ហ្សិន​ដ៏​អស្ចារ្យ​របស់​គាត់​នោះ​ទេ​។​

​ខណៈពេល​ដែល​មាន​ភាព​ដូច​គ្នា​គួរ​ឱ្យ​ចាប់អារម្មណ៍​ជាមួយនឹង​ការពេញចិត្ដ​ដែល​គួរ​ឱ្យ​ចង់​ទស្សនា​ឡើងវិញ​ដូចជា​ដាក់​បញ្ចូល​នូវ​ប្រដាប់ប្រដា​កីឡា ធ្វើ​ឱ្យ​ទាក់ទាញ​ចំពោះ​លក្ខណៈ​ធម្មតា និង​បង្ហាញ​ភាពស្រស់ស្អាត​នៅលើ​កម្រាលព្រំ​ក្រហម លោក Armani បាន​ធ្វើ​ការសិក្សា​ស្រាវជ្រាវ​មួយ​អំពី​ពណ៌​ត្នោត​ខ្ចី​ដែល​គាត់​ចូលចិត្ដ​ជាងគេ និង​ក្ដារ​លាយថ្នាំ​ពណ៌​ព្រលាំ​ប៉ា​ស្ដែល​ដែល​មាន​ពណ៌​ក្រហម ពណ៌​ខៀវ និង​ពណ៌​ស​។ តើ​អាច​ក្លាយទៅជា Un-Armani ដោយ​របៀប​ណា​។​

​ដូចគ្នានេះដែរ ការ​បាត់​ពី​កូឡិក​ហ្សិន​នេះ​គឺជា​រឿង​ដែល​គួរឱ្យ​កត់សម្គាល់​ចំពោះ​ការនិយមពេញចិត្ដ​របស់​ពលរដ្ឋ​អ៊ីតាលី​។ ឈុត​សម្លៀកបំពាក់​ដែល​មាន​ហត្ថលេខា​នេះ​គឺ​មិន​ស៊ីគ្នា​ទាល់តែសោះ​។ គ្មាន​ចម្ងល់​ដែល​ថា​ពណ៌​អាវធំ​ស្ថិតនៅ​ក្នុង​កូឡិក​ហ្សិន​ជាមួយនឹង​ខោនោះ​ទេ វា​បង្ហាញ​ឱ្យ​ឃើញ​ច្បាស់​ថា សម្លៀក​បំពាក់​នោះ​កាត់​ចេញពី​សាច់​ក្រណាត់​ផ្សេងគ្នា​។

តើ​នេះ​គឺ​អ្វី​ដែល​កើតមាន​នៅ​ហាង​ហ្វេ​ហ្សិន​ដ៏​ល្បីឈ្មោះ​នេះ​ឬ​? តើ​នៅពេល​ក្រោយ​លោក Armani នឹង​ផ្លាស់ប្ដូរ​គោលការណ៍​ដែរឬទេ​? ពេលវេលា​នឹង​ប្រាប់ឱ្យដឹង​។

Continue Reading

Fashion

ថ្លៃថ្នូរ & មិន​ឆ្មើងឆ្មៃ​

តោះ​នាំគ្នា​មក​ជួប​តារា​សម្តែង​ល្បីៗ​ដែល​ស្រស់ស្អាត​ទាំង

​តោះ​នាំគ្នា​មក​ជួប​តារា​សម្តែង​ល្បីៗ​ដែល​ស្រស់ស្អាត​ទាំង​ថ្លៃថ្នូរ និង​សិច​ស៊ី​

​នាង Margot Robbie

​ការឈាន​បាន​ភាពល្បីល្បាញ​៖ នាង​ជា​តារា​សម្តែង​ជនជាតិ​អូស្ត្រាលី​សម្តែង​ក្នុង​រឿង “The Wolf of Wall Street” ដើរតួ​ជា​មួយ​លោក Leonardo DiCaprio ។​

​ស្តា​យល៍​របស់​នាង​៖ ទាក់ទាញ​បែប​ក្លា​ស៊ិក​។ ជាមួយ​សមត្ថភាព​សម្តែង​ដ៏​ពូកែ និង​ស្តាយល៍​ដ៏ទា​ក់​ទាញ​របស់​នាង​បាន​ធ្វើឱ្យ​នាង Margot Robbie ក្លាយ​ជា​តារា​ថ្មី​ទើបតែ​រះ​ទទួលបាន​ភាពល្បីល្បាញ​នៅក្នុង​ហូលីវូដ​។ នាង​ចូល​ចិត្ត​ស្តា​យល៍​សម្លៀក​បំពាក់​ពណ៌​ខ្មៅ ពណ៌​ស និង​ពណ៌​ក្រហម ហើយ​ស្តាយល៍​ទាំងនោះ​គឺ​សុទ្ធតែ​ស័ក្តិសម​នឹង​នាង​។ នាង​មិន​ត្រឹមតែ​ស្រស់ស្អាត​ប៉ុណ្ណោះ​ទេ នាង​គឺជា​នារី​ថ្លៃថ្នូរ ទាក់ទាញ និង​សិច​ស៊ី​ថែមទៀត​ផង​។​

នាង Lucy Liu

​ការឈាន​បាន​ភាពល្បីល្បាញ​៖ នាង​ជា​តារា​សម្តែង និង​តារា​ចម្រៀង​ជនជាតិ​អាមេរិក​ហើយ​ខ្សែភាពយន្ត​ដែល​ធ្វើឱ្យ​នាង​ទទួលបាន​កេរ្តិ៍ឈ្មោះ​ល្បីល្បាញ​គឺ​រឿង Ally McBeal, Charlie’s Angels, Chicago និង​រឿង Kung Fu Panda ។​

​ស្តា​យល៍​របស់​នាង​៖ នាង Lucy Liu ចូលចិត្ត​ស្តា​យល៍​សម្លៀក​បំពាក់​រឹប​ចង្កេះ និង​បង្ហាញ​សាច់​ជើង​ខ្លះ​។ ជាមួយ​រាង​តូច​ច្រឡឹង​ដ៏​ស្រស់ស្អាត នាង​តែងតែ​ស្លៀក​រ៉ូប​ខ្លីៗ និង​ស្បែកជើងកែងចោត​។

epa02746711 Taiwanese-American actress Lucy Liu poses as she walks the red carpet for the premiere of the animinated movie Kung Fu Panda 2 in Hollywood, California USA 22 May 2011. Liu voices the role of Viper in the movie. EPA/MIKE NELSON

នាង Julia Roberts
​ការឈាន​បាន​ភាពល្បីល្បាញ​៖ នាង​ជា​តារា​សម្តែង និង​អ្នកដឹកនាំ​រឿង ហើយ​ខ្សែភាពយន្ត​ដែល​ធ្វើឱ្យ​នាង​ល្បីល្បាញ​គឺ​រឿង “Pretty Woman”​។​

​ស្តា​យល៍​របស់​នាង​៖ ស្តា​យល៍​សក់រួញ​ទឹករលក​ពណ៌​ទង់ដែង​គឺជា​ស្តាយល៍​ពិសេស​ប្រចាំ​របស់​នាង​។ ចំណែក​ស្តា​យល៍​សម្លៀក​បំពាក់​របស់​នាង​គឺ​មាន​ដូចជា​ស្តាយល៍​រ៉ូប​ខ្លីៗ អាវធំ​ក្រៅ រ៉ូប​វាល​ខ្នង​ចងក ជាមួយ​ស្បែកជើង​កែង​ចេញ​ម្រាម​ជើង ហើយ​និង​ឈុត​រ៉ូប​កស្រួច​៕

Continue Reading

Trending

Copyright © 2018 Ladies Magazine Cambodia.