Connect with us

Beauty

ស្តាយល៍ក្រចកពណ៌ខុសគ្នា

តោះ​នាំគ្នា​និយាយ​អំពី​ការ​លាបថ្នាំ​ក្រចក​ឱ្យ​មាន​ពណ៌​ផ្សេងគ្នា​តាម​វិធីសាស្ត្រ​ដ៏​អស្ចារ្យ​បំផុត​។ អ្នក​ប្រាកដជា​ធ្លាប់​បាន​ឃើញ​អំពី​ការបង្ហាញ​ម៉ូដ​ក្រចក​ក្នុង​ការដើរ​បង្ហាញ​ម៉ូដ​

តោះ​នាំគ្នា​និយាយ​អំពី​ការ​លាបថ្នាំ​ក្រចក​ឱ្យ​មាន​ពណ៌​ផ្សេងគ្នា​តាម​វិធីសាស្ត្រ​ដ៏​អស្ចារ្យ​បំផុត​។ អ្នក​ប្រាកដជា​ធ្លាប់​បាន​ឃើញ​អំពី​ការបង្ហាញ​ម៉ូដ​ក្រចក​ក្នុង​ការដើរ​បង្ហាញ​ម៉ូដ​នៅឯ Fashion Week ហើយ​ពេលនេះ​យើង​នឹង​បង្ហាញ​ពី​វិធី​ដើម្បី​ឱ្យ​អ្នកចេះ​ច្នៃ​ម៉ូដ​ដ៏​ស្រស់​ស្អាត​ទាំងនោះ​នៅផ្ទះ​ដោយ​ខ្លួនឯងបាន​។ តើ​អ្វី​ទៅ​ជា​វិធីសាស្ត្រ​ក្នុងការ​លាប​ក្រចក​ឱ្យបាន​ស្រស់ស្អាត​ទាក់ទាញ​បំផុត​នោះ​? ពិតណាស់ អ្នក​មិន​ចាំបាច់​ជា​អ្នក​ច្នៃ​ម៉ូដ​ក្រចក​ទើប​ធ្វើ​វា​បានឡើយ​។
​ជ្រើសរើស​ការ​លាប​ក្រចក​ពណ៌​ផ្សេង​ពីគ្នា​
​មុន​ពេល​អ្នកសម្រេចចិត្ត​ក្នុង​ការជ្រើសរើស​ពណ៌ ឬ​ការ​រចនា​ណាមួយ អ្នក​ត្រូវ​តែ​ជ្រើសរើស​ក្រចក​ណាមួយ​ដែល​អ្នក​ចង់​លាប​ពណ៌​ផ្សេង​ពី​ក្រចក​ដទៃទៀត​។ ក្រចក​ដែល​អ្នក​អាច​លាប​ពណ៌​ខុស​ពី​ក្រចក​ដទៃ​អាច​មាន​គ្រប់​ទំហំ​។ លា​បាត់​ដៃ សន្ធឹង​ទៅមុខ​រួច​អ្នក​អាច​ជ្រើសរើស​បាន​ហើយ​៖
•​ ​ម្រាម​កូនដៃ មិនសូវ​មាន​អ្នក​លាប​ក្រចក​នេះ​ឱ្យ​មាន​ពណ៌​ខុស​ពី​គេ​ឡើយ ប៉ុន្តែ​វា​ពិត​ជា​តំណាងឱ្យ​ភាពទន់ភ្លន់​ជា​ស្ត្រីភេទ​ពិត​។​
•​ ​ម្រាម​នាងដៃ ពិតជា​ស័ក្ដិសម​នឹង​អ្នក​ដែល​ស្រស់ស្អាត​បែប​ក្លា​ស៊ី​ក​។​
•​ ​ម្រាម​កណ្ដាល សម្រាប់​អ្នក​ស្រលាញ់​ភាព​ស្អាត​បែប​ឆើត​ឆាយ​
•​ ​ម្រាម​ចង្អុលដៃ សម្រាប់​អ្នក​ដែល​ក្លាហាន មោះមុត​។​
•​ ​ម្រាម​មេដៃ សម្រាប់​អ្នក​ដែល​ចូលចិត្ត​សម្ដែង​នូវ​មនោសញ្ចេតនា​។​
​អ្នក​ក៏​អាច​លាប​ក្រចក​ចំនួន ២ ឱ្យ​មាន​ពណ៌​ខុស​ពី​ក្រចក​ដទៃ​ទៀត​បាន​ផងដែរ​។ ហើយ​អ្នកខ្លះ​ទៀត​ចូលចិត្ត​លាប​ពណ៌​ក្រចក​មេដៃ ឱ្យ​ដូច​ទៅ​នឹង​ម្រាមដៃ​ចង្អុល ឬ​ម្រាម​នាងដៃ​។ ហើយក៏​មាន​អ្នកខ្លះ​ទៀត​លាប​ពណ៌​ម្រាម​ចង្អុលដៃ​ឱ្យ​ដូច​ទៅ​នឹង​ម្រាម​កណ្ដាល​ដើម្បី​ឱ្យ​មើល​ទៅ​លេចធ្លោ​ជាង​ម្រាម​ដទៃទៀត​។​
​ការ​លាប​ពណ៌​ក្រចក​ឱ្យ​មាន​ពណ៌​ខុស​ប្លែក​ពីគ្នា​
​នៅពេល​ដែល​អ្នក​ជ្រើសរើស​ម្រាមដៃ​ណាមួយ​ដែល​អ្នក​ចង់​លាប​ពណ៌​ឱ្យ​ខុស​គេ​រួច​ហើយ​នោះ ដល់ពេល​ដែល​អ្នក​ជ្រើសរើស​ម៉ូដ និង​ពណ៌​ឱ្យ​ខុស​ពី​ម្រាមដៃ​ដទៃ​។ សម្រាប់​ម្រាម​កូនដៃ​របស់​អ្នក អ្នក​អាច​លាប​ពណ៌​រាង​ស្រាល ខណៈ​ដែល​លាប​ពណ៌​រាង​ដិត​ចំពោះ​ម្រាមដៃ​ដទៃទៀត​។ សម្រាប់​ម្រាម​ចង្អុលដៃ អ្នក​អាច​លាប​ពណ៌​ទឹកក្រូច ហើយ​លាប​ពណ៌​មាស​សម្រាប់​ម្រាមដៃ​ដទៃទៀត​។
​ហើយ​ប្រសិនបើ​អ្នក​ចង់​លាប​ពណ៌​ណា​ដែល​ខុសប្លែក​ពី​គេ​ក្នុង​ពិភព​ពណ៌​ដ៏​ច្រើន​លើសលប់​នោះ អ្នក​អាច​លាបម្សៅ​ផ្លេកៗ​ពីលើ​ក្រចក​ដែល​អ្នក​លាប​ពណ៌​ប្លែក​ពី​គេ​នោះ​ដើម្បី​ទទួលបាន​ក្រចកដៃ​ដែល​មាន​ពណ៌​ស្រស់​ចម្រុះ​ដ៏​ទាក់ទាញ​បំផុត​។​
​ក្រចក​ពណ៌​ផ្សេង​ពី​គេ​ជាមួយនឹង​ស្តាយល៍​ប្លែកៗ​
​សម្រាប់​អ្នក​ដែល​មាន​ការលំបាក​ក្នុង​ការជ្រើសរើស​ពណ៌​រាង​ស្រាល​លាយ​ជាមួយ​នឹង​ពណ៌​ដិត អ្នក​ក៏​អាច​ជ្រើសរើស​ស្តា​យល៍​ក្រចក​ប្លែកៗ​។ សម្រាប់​ស្តាយល៍​បែបនេះ អ្នក​អាច​មាន​ជម្រើស​ចំនួន ៤៖
•​ ​អ្នក​អាច​ជ្រើសរើស​ស្តាយល៍​ប្លែកៗ​ជាមួយនឹង​ការ​គូរ​ក្រចក​សណ្ឋាន​ផ្សេងៗ​
•​ ​អ្នក​អាច​លាប​ពណ៌​ខុសប្លែក​ពី​គ្នា គូរ​ចំណុចៗ និង​គូរ​ឆ្នូតៗ​ដើម្បី​បង្កើត​ជា​ស្តា​យល៍​ប្លែកៗ​
•​ ​អ្នក​ក៏​អាច​បិទ​ស្កុតលើ​ក្រចក​ដើម្បី​លាប​ពណ៌​ក្រចក​ឱ្យចេញ​ជា​ម៉ូដ​ផ្សេងៗ​
•​ ​អ្នក​អាច​ទិញ​រោមសត្វ​ស្លាប​ដែល​មាន​លក់​នៅ​តាម​ទីផ្សារ​មក​ច្នៃ​ពីលើ​ក្រចក​របស់​អ្នក​បន្ថែម​ក៏បាន​
•​ ​អ្នក​អាច​លាប​ផ្លេកៗ​ពីលើ​ក្រចក​ដែល​អ្នក​លាប​ពណ៌​ប្លែក​ពី​គេ​ក៏បាន​។​
​ឥឡូវ​នេះ​អ្នក​អាច​លេង​ស្តាយល៍​ប្លែកៗ​ដ៏​ស្រស់ស្អាត​ជាមួយនឹង​ក្រឡា​ស្បែក​ខ្លា ឆ្នូត​កាច់​ចុះឡើង ស្តាយ៍​ទឹករលក ម៉ូដ​ផ្កា ម៉ូដ​ផ្លែឈើ ម៉ូដ​ក្រឡេ​ក្រឡាពណ៌​ខ្មៅ ស និង​ម៉ូដ​ជាច្រើន​ផ្សេង​ទៀត​ដ៏​ស្រស់ស្អាត​។​
​សុភាព​ស្ត្រី​ជាទី​ស្រលាញ់​រាប់អាន​ទាំងឡាយ នេះ​ជា​ពេល​ដែល​អ្នក​បង្ហាញ​ភាពស្រស់ស្អាត ភាព​ទាក់ទាញ​ប៉ុន្តែ​នៅ​តែ​រក្សា​បាន​នូវ​ភាពស្រស់ស្អាត​បែប​ធម្មជាតិ​របស់​អ្នក​ទៅ​កាន់​ពិភពលោក​ទាំងមូល​ឱ្យ​បាន​ឃើញ​!​

Beauty

អ្វីដែលមិនគួរមើលរំលង

ផលិតផល​ផ្តល់​ជាតិ​សំណើម Tom Ford Radiant Moisture Soufflé

ផលិតផល​ផ្តល់​ជាតិ​សំណើម Tom Ford Radiant Moisture Soufflé
​នេះ​ជា​ផលិតផល​ផ្តល់​ជាតិ​សំណើម​ប្រើ​សម្រាប់​លាបមុខ​មុន​ពេល​ផាត់​ម៉ាហ្គីយ៉េ ជា​ក្រែ​មរលោង​ប្រើ​សម្រាប់​លាប​លើ​ស្បែក​ដែល​មិន​ទាន់​តុបតែង ឬ​អ្នក​អាច​លាប​មុនពេល​ផាត់ម្សៅ​ទ្រនាប់​ដើម្បី​ឱ្យ​ស្បែក​មើល​ទៅ​ភ្លឺ​ស្អាត​និង​រលោង​។​


​រោម​ភ្នែក Battington Lashes
​រោមភ្នែក​ក្លែងក្លាយ​ជា​ស្តា​យល៍​ពេញនិយម​បំផុត​នា​បច្ចុប្បន្ននេះ​។ រោម​ភ្នែក Battington ច្បាស់​ជា​ធ្វើឱ្យ​អ្នក​លែង​ចង់​ទិញ​រោម​ភ្នែក​ដែល​មាន​តម្លៃ​ថោក​ទៀត​មិន​ខាន​។ លក្ខណៈ​ពិសេស​នៃ​រោមភ្នែក​នេះ​គឺ​ថា​អ្នក​អាចយ​ករោម​ភ្នែក​នេះ​មកប្រើប្រាស់​ឡើងវិញ​បាន​រហូត​ដល់ ២៥​ដង​ឯណោះ​។​


​សេរ៉ូម​ការពារ​ភាព​ជ្រីវជ្រួញ La Prairie Cellular Swiss Ice Crystal Serum
​នេះ​ជា​ផលិតផល​ការពារ​ភាពចំណាស់​ដ៏​ល្អ​ជាង​គេ​បំផុត ហើយ​ក៏​កំពុងតែ​ពេញនិយម​បំផុត​ផងដែរ​នៅលើ​ទីផ្សារ​។ គ្រឿងផ្សំ​ថ្មី​ចុងក្រោយ​របស់ La Prairie គឺ​មាន​លក្ខណៈ​រលោង​ជួយ​ការពារ​ស្នាម​ជ្រីវជ្រួញ និង​ធ្វើឱ្យ​ស្បែក​ភ្លឺរលោង​ស្អាត​។​


ពណ៌​សម្រាប់​លាយ​ម្សៅ​ទ្រនាប់ The Body Shop Shade Adjusting Drops
​ការស្វែងរក​ម្សៅ​ទ្រនាប់​ឱ្យ​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​មែន​ជា​រឿង​ងាយ​ឡើយ​។ ក៏​ប៉ុន្តែ​ប្រសិនបើ​អ្នក​បន្ថែម​ទឹក​ពណ៌​មួយ​តំណក់​លាយ​ជាមួយ​ម្សៅ​ទ្រនាប់​ដែល​អ្នក​ចូលចិត្ត ពណ៌​លឿងចាស់​ដែល​បានមកពី​ទឹក​ពណ៌​នោះ​នឹង​បង្កើតបាន​ជា​ពណ៌​ម្សៅ​ទ្រនាប់​ដែល​អ្នក​ចង់​បាន​មិន​ខាន​។ បន្ទាប់​ពី​លាយ​រួច អ្នក​នឹង​ទទួលបាន​ពណ៌​ថ្មី​ដែល​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​ខាន​។ គឺ​ប្រៀប​ដូចជា​វេទមន្ត​ដូច្នោះ​ឯង​។​


ម្សៅ​រលោង ​Make Beauty Moonlight Primer
​ម្សៅ​រលោង Make Beauty’s Moonlight Primer ជួយ​ការពារ​ស្បែក​អ្នក​ពី​កាំរស្មី​យូ​វី និង​កាំរស្មី HEV ដែល​ឡេ​ការពារ​កម្តៅថ្ងៃ​ប្រភេទ​ធម្មតា​មិន​អាច​ការពារ​បាន​។ សេរ៉ូម​នេះ​ក៏​ជួយ​ធ្វើឱ្យ​ស្បែក​របស់​អ្នក​មើល​ទៅ​រលោង​គ្មាន​ស្លាកស្នាម​ផងដែរ​៕

Continue Reading

Beauty

ធ្វើឱ្យ​ត្រគាក​ស្រ​ឡូ​ន

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន

​ធ្វើឱ្យ​រាង​ត្រគាក​របស់​អ្នក​កាន់តែ​ស្រ​ឡូ​ន​ស្រស់​ស្អាត​ដើម្បី​ស្លៀកខោ​ខូវប៊យ ខោខ្លី ឬ​ឈុត​ហែល​ទឹក​ឱ្យ​មើលទៅ​ឃើញ​សម​សួន​!

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន​រាង​ត្រគាក​ឡូយ​។


​ដេក​ពើង​ត្រគាក​ឡើងលើ​
​គេង​ផ្ងារ​ដោយ​ដាក់​ដៃ​របស់​អ្នក​សណ្ដូក​ចុះក្រោម ហើយ​ដាក់​ជើង​របស់​អ្នក​អង្កុញ​នៅលើ​កម្រាល​។​
​លើក​ត្រគាក​របស់​អ្នក​ឡើងលើ​។ ទប់​ឱ្យ​ជាប់ បន្ទាប់​មក​ចំកោង​ចុះក្រោម​។​
​ចាប់​កំភួនជើង​របស់​អ្នក នៅពេលដែល​ត្រគាក​របស់​អ្នក​ពើង​ឡើងលើ​។​
​ដើម្បី​ធ្វើឱ្យ​លំ​ហាត់ប្រាណ​នេះ​លំបាក​ថែម​ទៀត កន្ធែកជើង​ម្ខាង​លើក​ឡើង​លើ និង​ដាក់​ភ្លៅ​របស់​អ្នក​ឱ្យ​ស្មើ​ស្របគ្នា​។​​បន្ទាប់​មក​ទម្លាក់​ខ្នង​ចុះ​ក្រោម​សន្សឹមៗ​។​
​អនុវត្ដ​ការធ្វើ​លំ​ហាត់ប្រាណ​នេះ​រយៈពេល​៣០​វិនាទី ប្ដូរ​ចុះឡើងៗ​ហើយ​ធ្វើ​ចលនា​រយៈពេល​៣០​វិនាទី​ទៀត ដោយ​ប្រើ​ជើង​ម្ខាង​ទៀត​។


​លើកជើង​ឡើងលើ​
​ឈរ​កន្ធែកជើង​ចេញ​ពី​គ្នា ហើយ​លើក​ដុំ​ដែក​ទម្ងន់​៥​ផោន​ដ៍​នៅ​នឹង​ដៃ​ម្ខាងៗ​។ ប្រសិនបើ​អ្នក​មិន​មាន​ដុំ​ដែក​ទេ រក​ដប​ពីរ​ច្រក​ទឹក​ឱ្យ​ពេញ ឬ​ប្រើ​វត្ថុ​អ្វីមួយ​ដែល​មាន​ទម្ងន់​ប្រហាក់ប្រហែលគ្នា​។
​ពត់​ជើង​ស្ដាំ​របស់​អ្នក​ហើយ​លើក​វា​ឡើង​លើ​ឱ្យ​ផុត​ពី​កម្រាល​កម្ពស់​ប្រហែល​បី​អ៊ិញ​។ លាតដៃ​ទាំង​ពីរ​ដាក់​មុខ​អ្នក​កម្ពស់​ស្មើ​ទ្រូង និង​ដាក់​បាតដៃ​របស់​អ្នក​ចុះក្រោម​។​
​ដាក់​ដៃ​របស់​អ្នក​ឱ្យ​ត្រង់ ហើយ​លើកដៃ​ឆ្វេង​ឱ្យ​ផុត​ក្បាល រួច​ទប់​ឱ្យ​ជាប់​ដោយ​រាប់​ឱ្យបាន​បី​ដង បន្ទាប់​មក​ទម្លាក់​ឱ្យមក​ត្រឹម​កម្ពស់​ទ្រូង​វិញ​។ បន្ដ​លើក​ដៃ​របស់​អ្នក​ប្ដូរ​ចុះឡើង​។ អនុវត្ដ​ចុះឡើងៗ​ឱ្យបាន​ប្រាំបី​ដង ដោយ​ប្រើ​ដៃ​ម្ខាងៗ​ឱ្យ​បាន​បួន​ដង​។ ប្ដូរ​ជើង​ហើយ​អនុវត្ដ​ឱ្យបាន​ប្រាំបី​ដង​ចុះឡើងៗ​បន្ថែមទៀត ខណៈពេល​ឈរ​ដោយ​ប្រើ​ជើង​ស្ដាំ​របស់​អ្នក​។


អង្គុយ​ច្រហោង​
​ឈរ​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា​។​
​អង្គុយ​ច្រហោង ហើយ​ដាក់​ប្រអប់ដៃ​ឱ្យ​កៀក​នឹង​ចង្កា​របស់​អ្នក​។​
​បន្ទាប់​មក​បោះ​ជើងឆ្វេង​របស់​អ្នក​ឱ្យ​ត្រង់​ទៅក្រោយ ខណៈពេល​លាតដៃ​របស់​អ្នក​ឱ្យ​ត្រង់​ទៅ​មុខ​។​
​ត្រឡប់​ទៅ​រក​ជំហរ​អង្គុយច្រហោង ហើយ​អនុវត្ដ​ដោយ​ប្រើ​ជើង​និង​ដៃ​ម្ខាង​ទៀត​។​
​បន្ដ​អនុវត្ដ​រយៈពេល​មួយ​នាទី​ឬ​លើសពីនេះ​។​
​នៅពេល​ដែល​អ្នក​អង្គុយច្រហោង ដាក់​ត្រគាក​របស់​អ្នក​ឱ្យ​ត្រូវ​ជំហរ ហើយ​ប្រើ​កែងជើង​ដើម្បី​ទប់​ទម្ងន់​។


​អង្គុយច្រហោង​ដោយ​ប្រើ​ទម្ងន់​
​ចាប់ផ្ដើម​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា ហើយ​ដាក់​ដុំ​ដែក​ឬ​ទម្រង់​ទម្ងន់​មួយចំនួនទៀត​នៅ​ប្រប​នឹង​ភ្លៅ​។​
​អង្គុយច្រហោង​ចុះ​ហាក់បីដូច​ជា​អ្នក​អង្គុយ​នៅលើ​កៅអី​អ‍៊ីចឹង ដោយ​ប្រើ​កែងជើង​របស់​អ្នក​ទ្រ​ទម្ងន់​។​
​ចាប់​កំភួនជើង​របស់​អ្នក ហើយ​ត្រឡប់​ទៅ​ចាប់ផ្ដើម​ជំហរ​ឡើងវិញ​។​
​អនុវត្ដ​ចុះឡើង​រយៈពេល​ពី​១៥-២០​ដង​។​
​ប្រើ​កែងជើង​របស់​អ្នក​ទ្រ​ទម្ងន់ ដោយ​ត្រូវ​ប្រាកដ​ច្បាស់​ថា ជង្គង់​របស់​អ្នក​កុំ​ឱ្យ​លូត​ទៅមុខ​ហួស​ពី​ម្រាម​ជើង​។​
​កម្រិត​ឈាន​ទៅ​មុខ​៖ សាកល្បង​ដោយ​មិនចាំបាច់​ប្រើ​ទម្ងន់ ប៉ុន្ដែ​លោត​ឡើង​លើ​ឱ្យ​ខ្ពស់ ហើយ​ទម្លាក់​ខ្លួន​ចុះ​ក្នុង​ជំហរ​ច្រហោង​។

Fitness woman. Slim woman with dumbbells.

​លោត​ហក់​ខ្ពស់ៗ​
​ឈរ​ដោយ​ដាក់​ជើង​របស់​អ្នក​ផ្គួប​ចូលគ្នា ហើយ​យក​ដៃ​របស់​អ្នក​ច្រត់​ចង្កេះ​។​
​លោត​ហក់​ទៅ​មុខ​ដោយ​ប្រើ​ជើង​ស្ដាំ​របស់​អ្នក​។​
​លោត​ឡើងលើ ដោយ​ប្ដូរ​ជើង​ផុតពី​ដី ហើយ​ឱ្យ​ធ្លាក់​ចុះ​ក្រោម​ជាមួយនឹង​ជើងឆ្វេង​របស់​អ្នក នៅក្នុង​ជំហរ​លោត​ហក់​ទៅមុខ​។​
​បន្ដ​លោត​ហក់​ខ្ពស់ៗ​បែបនេះ ដោយ​ផ្លាស់ប្ដូរ​គ្នា រយៈពេល​មួយ​នាទី​ឬ​យូរ​ជាង​នេះ​។​
​ទ្រោប​ខ្លួន​នៅ​ពី​លើ​កម្រាល​ដោយ​ប្រើ​ជើង​ទាំង​ពីរ ហើយ​ជង្គង់​ខាង​មុខ​ពត់​ជា​មុំ​៩០​ដឺ​ក្រេ និង​តម្រង់​កជើង​ឱ្យ​ស្មើគ្នា​៕

Continue Reading

Beauty

​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!
​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?


​សម្រាប់​ក្រចកដៃ​ដែល​រក្សាបាន​នូវ​ភាព​ភ្លឺ​ស្អាត​បានយូ​នោះ សុភាពនារី​ភាគច្រើន​តែងតែ​គិត​ថា​ត្រូវ​ពឹងពាក់​លើ​អ្នកជំនាញ​ម៉ូដ​ក្រចក​ជាពិសេស​។ ប៉ុន្តែ​ជាមួយ​នឹង​ផលិតផល​ចេញ​ថ្មី​នៃ​កូឡិក​ហ្សិន​ម៉ាក Miracle Gel TM របស់ Sally Hansen ត្រូវបាន​ដឹង​ថា​ការ​លាប​ក្រចក​ដោយ​ប្រើជែ​លលាប​ក្រច​កដោយខ្លួន​ឯង​ត្រឹម​២​ដំណាក់​ការ​ប៉ុណ្ណោះ ជា​វិធី​ថ្មី​មួយ​ដែល​ធ្វើអោយ​អ្នក​អស់​ក្តីបារម្ភ​មិនចាំបាច់​ពឹងពាក់​ជាង​ធ្វើ​ក្រចក​ទៀតឡើយ​។


​បន្ទាប់​ពី​លាបទឹក​រលោង​ស្រទាប់​ដំបូង​រួចមក ចូរ​លាប​ជែល Miracle Gel varnish ដើម្បី​បំបាត់​ផ្ទៃ​ដែល​ភ្លឺ​មិន​ស្មើ​សាច់​ល្អ​ដែល​វា​អាច​ថែរក្សា​ទំ​រង​ក្រចក​របស់​អ្នក​អោយ​នៅ​ភ្លឺ​ស្អាត​ដដែល​រហូត​ដល់​រយៈពេល​ពេល ១៤​ថ្ងៃ​ឯណោះ​។ ជែល​បំបាត់ស្នាម​នឹង​ធ្វើអោយ​ក្រចក​អ្នកភ្លឺរ​លោ​ង​ស្អាត និង​ជាប់​បានយូរ​ដោយ​ងាយស្រួល​។ ការ​លាប​ពី​ជាន់​ខាងលើ​នេះ​គឺ​ពិតជា​សម​ល្មម​នៅពេល​ដែល​អ្នក​លាបថ្នាំ​ក្រចក​ដែល​ពណ៌​ដិតៗ​ពីលើ​។ ជា​កិច្ច​បង្ហើយ យើងខ្ញុំ​សូម​ណែនាំ​ថា អ្នក​គួរតែ​ប្រើ​ថ្នាំ​ក្រចក​ណា​ដែល​មាន​ជាតិ​ជែល​ដែលជាប់​ល្អ​។


​ដើម្បី​លាង​សំអាត​ក្រចក​ចេញ អ្នក​ត្រូវ​ប្រើ​ទឹក​លាង​ក្រចក​ដូច​ធម្មតា​។ ជ្រលក់​សំឡី​រួច​ដាក់​សំឡី​សើម​ពីលើ​ដោយ​ថ្ម​មៗ ទុកចោល​យ៉ាងហោចណាស់​មួយ​នាទី មិន​ពេល​ដែល​អ្នក​ជូត​សំអាត​ក្រចក​។ ពិត​ណាស់​ការ​លាប​ក្រចក​ដោយ​ខ្លួនឯង​នេះ គឺ​ពិតជា​ងាយស្រួល​មែនទែន​។

Continue Reading

Trending

Copyright © 2018 Ladies Magazine Cambodia.