Connect with us

Entertainment

ប្រពៃណីទាំង ១២ នៃការរៀបអាពាហ៍ពិពាហ៍ជុំវិញពិភពលោក

ប្រទេស​នីមួយៗ​មាន​បែបបទ​នៃ​ការរស់នៅ និង​វប្បធម៌​ខុសប្លែក​ពី​គ្នា​។ ខណៈ​ដែល​ប្រពៃណី​មាន​ជាច្រើន​ហូរហែរ មាន​ប្រពៃណី​ខ្លះ​ត្រូវបាន​គេ​កត់ត្រា​ទុក ខាងក្រោម​នេះ​ជា​

ប្រទេស​នីមួយៗ​មាន​បែបបទ​នៃ​ការរស់នៅ និង​វប្បធម៌​ខុសប្លែក​ពី​គ្នា​។ ខណៈ​ដែល​ប្រពៃណី​មាន​ជាច្រើន​ហូរហែរ មាន​ប្រពៃណី​ខ្លះ​ត្រូវបាន​គេ​កត់ត្រា​ទុក ខាងក្រោម​នេះ​ជា​ប្រពៃណី​ទាំង ១២ ជុំវិញ​ពិភពលោក​ដែល​ទទួលបាន​ពី​ប្រទេស​ផ្សេងៗ​គ្នា​នៃ​ពិភពលោក​។
​ប្រពៃណី​ចោល​ដុំថ្ម​ចូល​ទន្លេ​នៃ​ប្រទេស​អូស្ត្រាលី​
​ពិធីមង្គលការ​នៃ​ប្រទេស​អុស្ត្រាលីមាន​ប្រពៃណី​មួយ​ដែល​តម្រូវ​ឱ្យ​កូនក្រមុំ និង​កូនកំលោះ​ចោល​ដុំថ្ម​ចូល​ទន្លេ​ដើម្បី​ជា​សក្ខីភាព​នៃ​សេចក្ដីស្នេហា​របស់​ពួកគេ​។ នេះ​សរ​បញ្ជាក់​ឱ្យឃើញ​ថា​ប្ដី​ប្រពន្ធ​ដែល​បាន​ធ្វើ​បែប​នេះ​នឹង​រួមរស់​ជាមួយ​គ្នា​អស់​មួយ​ជីវិត​របស់​ពួកគេ​។​
​កា​ផ្សាំង​សត្វ​លា​នៅ​ប្រទេសប្រេ​ស៊ីល​
​ប្រពៃណី​ប្រេ​ស៊ីល​នៃ​ការ​រៀប​មង្គលកា​រដែ​ល​នៅ​តែ​អនុវត្ត​នៅ​តំបន់​ខ្លះ​នៃ​ប្រទេសប្រេ​ស៊ីល​នោះ​គឺ​ការផ្សាំង​សត្វ​លា​ដែល​ធ្វើឡើង​ដោយ​កូនកំលោះ​។ ការធ្វើ​បែប​នេះ​បង្ហាញថា​កូនកំលោះ​ជា​អ្នក​ចិញ្ចឹម​ដ៏​ល្អ ព្រមទាំង​បញ្ជាក់​ថា​គាត់​នឹង​ក្លាយ​ជា​ស្វាមី​ដ៏​ល្អ​សម្រាប់​កូនក្រមុំ​ផងដែរ​។​
​កូនក្រុំ​ជិះ​គ្រែស្នែង​នៃ​ប្រទេស​ចិន​
​សម្រាប់​ពិធីមង្គលការ​បែប​ប្រពៃណី​របស់​ប្រទេស​ចិន កូនក្រមុំ​ត្រូវបាន​គេ​តម្រូវ​ឱ្យ​ជិះ​លើ​គ្រែ​ស្នែង​។ វា​ជា​រទេះ​ដែល​តម្រូវ​ឱ្យមាន​អ្នក​សែង ឬ​អូស​ដោយ​សត្វ​។ គ្រែស្នែង​តម្រូវឱ្យ​មាន​ពណ៌​ក្រហម ឬ​មាន​វាំងនន​ពណ៌​ក្រហម​ដែល​មាន​ក្បូរ​ក្បាច់រចនា​ដ៏​ពិសេស​។ កូនក្រមុំ​ក៏​តម្រូវ​ឱ្យ​គ្រប​ស្បៃ​មុខ​ពណ៌​ក្រហម ខណៈ​ដែល​ពណ៌​ក្រហម​តំណាង​ឱ្យ​ក្ដី​ស្រលាញ់ និង​សំណាងល្អ​នៃ​ប្រទេស​ចិន​។​
​ប្រទេស​បារាំង និង​រ៉ូប​អាពាហ៍ពិពាហ៍ព​ណ៌ស​
​នៅ​ប្រទេស​បារាំង គ្រួសារ​កូនក្រមុំ​នឹង​រៀបចំ​ក្រណាត់​លី​នី​ន និង​ក្រណាត់​ធម្មតា​ជាច្រើន​ព្រមទាំង​បាន​ប៉ាក់​ជា​អក្សរ​ដ៏​ស្រស់​ស្អាត​ដែល​តំណាង​ឱ្យ​អាពាហ៍ពិពាហ៍​របស់​ពួកគេ​ផង​ដែរ​។ របស់​ទាំងអស់នេះ​ត្រូវ​បាន​ទុក​ដាក់​នៅក្នុង​ទូ​សម្លៀកបំពាក់ ឬ​ហិប​ដែល​ជា​និមិត្តសញ្ញា​នៃ​ទ្រព្យសម្បត្តិ និង​សំណាងល្អ​ផងដែរ​។ ការផ្ដល់​ឱ្យ​កូនក្រមុំ​នូវ​រ៉ូប​អាពាហ៍ពិពាហ៍ និង​ទូ​សម្លៀក​បំពាក់​នេះ​មានន័យថា​ជា​ការផ្ដល់​ក្ដី​ស្រលាញ់ ព្រមទាំង​បង្ហាញ​ថា​កូនក្រមុំ​មាន​អ្វីៗ​គ្រប់បែប​យ៉ាង​សម្រាប់​អាពាហ៍ពិពាហ៍​របស់​នាង​។​
​ប្រពៃណី​គ្រាប់​អាល់​ម៉ុន​ណៃ​ប្រទេស​អ៊ីតាលី​
​នំ​ខេ​ក​មិន​ត្រូវបាន​គេ​ប្រើប្រាស់​ឡើយ​ក្នុង​ពិធី​អាពាហ៍ពិពាហ៍​នៃ​ប្រទេស​អ៊ីតាលី​។ ភ្ញៀវ​កិត្តិយស​ទាំងឡាយ​នឹង​ទទួលបាន​ស្ករ​គ្រាប់​រាង​គ្រាប់​អាល់​ម៉ុន​ដែល​វេច​ខ្ចប់​ក្នុង​ប្រអប់​ដ៏​ស្រស់ស្អាត​។ គ្រាប់​អាល់​ម៉ុន​អាច​មាន​ចំនួន​ពី ៥ ទៅ ៧ គ្រាប់​ដោយ​តំណាង​ឱ្យ​សំណាងល្អ​។ គ្រាប់​អាល់​ម៉ុន​តំណាង​ឱ្យ​ភាពល្វីង និង​ផ្អែម​ដែល​កូនក្រមុំ និង​កូនកំលោះ​ត្រូវ​ចែករំលែក និង​ផ្ដល់​ឱ្យ​គ្នា​។​
​ស្បែកជើង​កូនក្រមុំ​នៃ​ប្រទេសក្រិក​
​នៅ​ប្រទេស​ក្រិច អ្នក​កំដរ​កូនក្រមុំ​នឹង​សរសេរ​ឈ្មោះ​របស់​ពួកគេ​នៅ​បាត​ស្បែកជើង ដើម្បី​ស្វែងរក​ថា​តើ​អ្នកណា​នឹង​រៀប​អាពាហ៍ពិពាហ៍​បន្ទាប់​។ វា​ត្រូវ​បាន​គេ​ប្រដូច​ទៅ​នឹង​ការបោះ​ផ្កា​ដែរ​។ ក្នុង​ករណី​ខ្លះ ឈ្មោះ​អ្នក​កំដរ​កូនក្រមុំ​ណា​ដែល​ត្រូវបាន​លុប​ជ្រះ​មុនគេ​នោះ​នឹង​ត្រូវ​រៀប​អាពាហ៍ពិពាហ៍​បន្ទាប់​។ ហើយ​ក្នុង​ករណី​ផ្សេងទៀត ឈ្មោះ​អ្នក​កំដរ​កូនក្រមុំ​ដែល​លុប​ជ្រះ​ក្រោយ​គេ​នឹង​រៀប​អាពាហ៍ពិពាហ៍​បន្ទាប់​។​
​ដើរ​ជុំវិញ​ភ្នក់ភ្លើង ៧ ជុំ​នៃ​ប្រទេស​ឥណ្ឌា​
​ប្រពៃណី​បុរាណ​ដែល​ត្រូវបាន​គេ​ហៅថា Sapdapati ឬ​ការដើរ​ជុំវិញ​ភ្នក់ភ្លើង​ចំនួន ៧ ជុំ​ដោយ​យក​ស្បៃ​គ្រប​មុខ​របស់​កូនក្រមុំ​ចងភ្ជាប់​ជាមួយ​អាវ​វែង​របស់​កូនកំលោះ​ខណៈ​ដែល​ដើរ​ទៅ​មុខ​ជាមួយ​គ្នា​ជុំវិញ​ភ្នក់ភ្លើង​ស័ក្ដិ​សិទ្ធ​ចំនួន ៧ ជុំ​។
​ជុំ​នីមួយៗ​តំណាងឱ្យ​ការយល់​ស្រប​តាម​ក្បួន​វិន័យ​នៃ​អាពាហ៍ពិពាហ៍​របស់​ពួកគេ​។ នៅពេលដែល​ពួកគេ​ដើរ​ជុំវិញ​ភ្នក់ភ្លើង អង្ករ ឬ​ស្លឹក​តែ​នឹង​ត្រូវ​បាន​បោះ​ចូល​ទៅក្នុង​ភ្នក់ភ្លើង​។ នេះ​សរ​បញ្ជាក់ថា​គូ​ស្វាមីភរិយា​បាន​សច្ចា​ថា​នឹង​អនុវត្ត​តាម​គោលការណ៍​ទាំង ៧ ដើម្បី​ទទួលបាន​ជីវិត​ក្រោយ​អាពាហ៍ពិពាហ៍​ដ៏​រីករាយ​។​
​ចិញ្ចៀន Claddagh នៃ​ប្រទេស​អៀរ​ឡង់​ដ៍​
​ការរៀប​អាពាហ៍ពិពាហ៍​នៃ​ប្រទេស​អៀរ​ឡង់​ដ៍​តម្រូវឱ្យ​មាន​ចិញ្ចៀន Claddagh​។ ចិញ្ចៀន​នេះ​ច្នៃ​ម៉ូដ​ដោយ​មាន​ដៃ​ចំនួន ២ កាន់​ភ្ជាប់​គ្នា​ព្រមទាំង​មាន​រូប​បេះដូង​មួយ​នៅ​ពី​លើ​ផង​ដែរ​។ ម៉ូដ​នេះ​តំណាង​ឱ្យ​ក្ដី​ស្រលាញ់ សេចក្ដីស្នេហា និង​ភាពស្មោះត្រង់​រវាង​គូ​ស្វាមី ភរិយា​។​
​ចិញ្ចៀន​នេះ​តម្រូវ​ឱ្យ​ពាក់​នៅ​ម្រាមដៃ​ខាងឆ្វេង ដោយ​ដាក់​បែរ​ទៅ​មុខ​នៅ​ថ្ងៃ​ភ្ជាប់ពាក្យ ហើយ​បែរ​ចូល​ក្នុង​បន្ទាប់ពី​រៀប​អាពាហ៍ពិពាហ៍​រួចរាល់​ដើម្បី​បង្ហាញ​ថា​អ្នក​ទាំង​ពីរ​មាន​ម្ចាស់​កម្មសិទ្ធិ​បេះដូង​រួចហើយ​។ ប្រវត្តិ​នៃ​ចិញ្ចៀន​ត្រូវបាន​គេ​លើក​ឡើង​ខុសៗ​ពីគ្នា​។ អ្នក​ខ្លះ​លើក​ឡើង​អំពី​ព្រះរាជបុត្រ ឯ​ខ្លះ​ទៀត​លើកឡើង​អំពី​បុរស​ម្នាក់​ដែល​ជា​ទាសករ​។ ប៉ុន្តែ​ការលើកឡើង​ទាំង​ពីរ​នៅ​តែ​បង្ហាញ​ពី​ក្ដី​ស្រលាញ់ និង​ការប្ដេជ្ញា​ចិត្ត​ដូចគ្នា​។​
​កូនក្រមុំ​ស្លៀក​រ៉ូប​ព​ណ៌សនៃប្រទេស​ជប៉ុន​ ​
​នៅ​ប្រទេស​ជប៉ុន គេ​តម្រូវ​ឱ្យ​កូនក្រមុំ​ស្លៀក​រ៉ូប​ពណ៌​ស ជា​ពិសេស​ប្រសិនបើ​អាពាហ៍ពិពាហ៍​ត្រូវ​បាន​ប្រារព្វ​ឡើង​តាមបែប Shinto ។ ពណ៌​ស​មិនមែន​មាន​តែ​ចំពោះ​រ៉ូប​តែ​មួយ​មុខឡើយ​។ កូនក្រមុំ​តម្រូវឱ្យ​ពាក់មួក​កំប៉ាង​ពណ៌​ស ហើយ​ការតុបតែង​មុខ​របស់​ពួកគេ​ក៏​ត្រូវតែ​ស​ដែរ​។ ការ​ពាក់មួក​កំប៉ាង​ពណ៌​សគឺ​តំណាង​ឱ្យ​ការ​លាក់បាំង​នូវ​ស្នែង​ច្រណែន​ឈ្នានីស ដែល​មាន​ចំពោះ​ម្ដាយក្មេក​របស់​ពួកគេ​។
​ប្រពៃណី​ចងខ្សែ Lazo នៃ​ប្រទេស​ម៉ិក​ស៊ី​កូ​
​ការរៀប​អាពាហ៍ពិពាហ៍​តាម​សាសនា​កាតូលិក​នៃ​ប្រទេស​ម៉ិក​ស៊ីកូ​គឺ​គេ​តែង​ប្រតិបត្តិការ​ចង់ខ្សែ Lazo​។ ខ្សែ Lazo ជា​ខ្សែ​អង្កាំ​វែង​ដែល​ចង​ភ្ជាប់​ពី​ស្មា​កូនក្រមុំ​ទៅ​ស្មា​កូនកំលោះ​។ នេះ​សរ​បញ្ជាក់ថា​ពួកគេ​ទាំង​ពីរ​នាក់​នឹង​ស្រលាញ់គ្នា​ព្រមទាំង​ស្មោះស្ម័គ្រ​នឹង​គ្នា​ជានិច្ច ហើយ​ពួកគេ​ទាំង​ពីរ​នាក់​ត្រូវ​តែ​រក្សា​ទុក​ខ្សែ​អង្កាំ​នេះ​ដើម្បី​ជា​ការ​រំលឹក​ដល់​គុណ​តម្លៃ​របស់​នៃ​វា​។​
​ឧបស័គ្គ​សម្រាប់​កូនកំលោះ​នៃ​ប្រទេស​រុស្ស៊ី​
​នៅ​ប្រទេស​រុស្ស៊ី មិត្ត​ភ័ក្ដិ រួម​ទាំង​ក្រុម​គ្រួសារ​របស់​កូនក្រមុំ​អាច​នឹង​រៀបចំ​ជា​ឧបស័គ្គ​ខ្លះៗ​សម្រាប់​កូនកំលោះ​មុនពេល​ដែល​គាត់​អាច​ជួប​ជាមួយ​កូនក្រមុំ​។ ឧបស័គ្គ​ដែល​ពេញនិយម​ជាងគេ​គឺ​ការ​លួច​យក​កូនក្រមុំ ហើយ​តម្រូវ​ឱ្យ​កូនកំលោះ​មាន​អ្វី​ជា​ថ្នូរ​ដើម្បី​ដូរ​យក​កូនក្រមុំ​ត្រឡប់​ទៅ​វិញ​។ កូនកំលោះ​អាច​ផ្ដល់ឱ្យ​ពួកគេ​នូវ​ប្រាក់​កាស​មួយចំនួន​ដើម្បី​អាច​យក​កូនក្រមុំ​មកវិញ​។ ពិធី​នេះ​ធ្វើឡើង​ដើម្បី​ភាពសប្បាយ​រីករាយ​តែប៉ុណ្ណោះ ហើយ​វា​បង្ហាញ​អំពី​ទឹក​ចិត្តអន្ទះសារ​ក្នុង​ការ​ដែល​គាត់​ចង់​រៀប​អាពាហ៍ពិពាហ៍​ជាមួយ​កូនក្រមុំ​។​
​ការជូន​អំណោយ​នៃ​ប្រទេស​ទួរគី​
​ប្រពៃណី​ទួរគី​គឺ​ការ​ជូនអំណោយ​ដល់​កូនក្រមុំ និង​កូនកំលោះ​នូវ​ប្រាក់​កាស ឬ​កាក់​មាស​មុនពេល​ដែល​អ្នក​ទាំង​ពីរ​រៀប​អាពាហ៍ពិពាហ៍​ជាជាង​ការ​ជូនអំណោយ​ជា​គ្រឿង​ប្រើប្រាស់​ក្នុង​ផ្ទះបាយ ឬ​សម្លៀកបំពាក់​ផ្សេងៗ​។ កាក់​មាស​ត្រូវតែមាន​ចង​ខ្សែបូរ​ពណ៌​ក្រហម និង​ម្ជុល​ក្លាស់​មួយ​ដែល​អាច​ឱ្យ​កូនក្រមុំ​ខ្ទាស់​វា​នៅ​លើ​រ៉ូប​របស់​នាង​។ នេះ​ជា​ការបង្ហាញ​ថា​គូ​ស្វាមីភរិយា​ថ្មីថ្មោង​មិន​មាន​បញ្ហា​ផ្នែក​ហិរញ្ញាវត្ថុ​ឡើយ​ក្នុងពេល​រៀប​អាពាហ៍ពិពាហ៍​របស់​ពួកគេ​ទាំង​ទ្វេ​៕

Continue Reading
Advertisement
1 Comment

1 Comment

  1. Garry Conn

    March 13, 2019 at 9:04 am

    Hello

    I had visited your store last week, and I saw very nice baby clothes.
    But I have a question, today I wanted to order it, but can not find the clothes anymore in your store.
    it looks like the first picture on this site http://bit.ly/Itembabyclothes7356
    Mail me if you are going to sell it again.
    I hope soon so that I can place an order.
    I’ll wait.

    Yours sincerely

Leave a Reply

Your email address will not be published.

Entertainment

​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ

សំភារៈ​លំហែកាយ

សំភារៈ​លំហែកាយ

​រៀបចំ​ខ្លួន​ទៅ​លេង​មាត់សមុទ្រ​ជាមួយនឹង​ឧបករណ៍​សំភារៈ​ទាំងនេះ ដែល ធ្វើអោយ​ដំណើរ​កំសាន្តរ​បស់​អ្នក​កាន់តែ​រីករាយ​និង​មាន​ភាពងាយស្រួល​។


​អស់​បញ្ហា​ជាមួយ
​សំបក​ទូរស័ព្ទ​មិន​ជ្រាប​ទឹក​ម៉ាក ECOXPRO

​សំបក​ទូរ​សព្ទ័​ដ៏​រឹងមាំ​មួយ​នេះ​មាន​មុខងារ​មិន​ត្រឹមតែ​ជា​សំបក​ទូរស័ព្ទ​ធម្មតា​នេះ​ទេ ប៉ុន្តែ​វា​ក៏ ជា​ប៉ាស​បំពង​សម្លេង​ដែល​មិន​ជ្រាប​ទឹកបាន​ទៀតផង​។ លើសពីនេះទៅទៀត សំបក​ទូរស័ព្ទ​ដ៏ នេះ​មាន​ថត​សម្រាប់​កាត​សំខាន់ៗ ដូចជា​កាត​ឥណទាន ឬ ប័ណ្ឌបើកបរ​របស់អ្នក បាន​យ៉ាង​ងាយស្រួល​ផងដែរ​។ ជាពិសេស ECOXPRO ក៏​នៅ​មាន​អត្ថប្រយោជន៍ ជាច្រើន​ទៀត​នៅពេល​ដែល​អ្នក​យក​វា​ទៅ​ជា​មួយ​តាម​ខ្លួន​នៅ​ពេល​ទៅលេង​ទឹកសមុទ្រ ឬ ងូតទឹក​ជាមួយ​ទូរស័ព្ទ​របស់​អ្នក​យ៉ាង​រំភើយ​ស្របពេល​ដែល​សំបក​ទូរស័ព្ទ​នេះ​អណ្តែត​លើទឹក​ក្បែរ​អ្នក​ដោយ​មិន​ជ្រាប​ទឹក​សូម្បីតែ​មួយ​ដំណក់​ផងដែរ​។​


​អស់​កង្វល់​ជា​មួយ​
​កន្ត្រក CGear

​នេះ​គឺជា​របស់​ក្នុង​ក្តី​សុ​បិនសម្រាប់​អ្នក​ដែល​ចូលចិត្ត​ទៅ​ស្រស់​ស្រង់​បរិយាកាស​បរិសុទ្ធ នៅឯ​ឆ្នេរសមុទ្រ​…
​តើ​អ្នក​ត្រៀមខ្លួន​ហើយ​ឬ​នៅ​?
​វា​គឺជា​កន្ត្រក​ដាក់​ឥ​វ៉ាន់​សម្រាប់​ពេល​ទៅ​លេង​សមុទ្រ​! តើ​អ្នក​ធុញ ទ្រាន់​នឹង​ដីខ្សាច់​ចូល​ពាស ពេញ​លើ ទូរស័ព្ទ​ដែល​វា​នឹង​អាច​ធ្វើឱ្យ​ខូច ឬ​ប្រឡាក់ប្រឡូស​អាហារ​ថ្ងៃ​ត្រង់​ដែល​អ្នក​ខំ ត្រៀម ទុក ធូលី​ខ្សាច់​ហុយ​ហើរ​ពេញ​ឡាន​របស់​អ្នក ឬ​ក៏​នៅ​ពេល មក​ដល់​គេហដ្ឋាន​វិញ ហើយ​ឃើញ​ធូលី​ខ្សាច់​នៅ​ពាសពេញ​ក្នុងផ្ទះ​ជាទី ស្រលាញ់​របស់​អ្នក​ដែរ​ហើយ​មែន​ទេ​? អ្នកនឹង​អស់​ក្តីបារម្ភ​ចំពោះ​បញ្ហា​ទាំងអស់​នេះ​ទៀតហើយ ជាមួយ​នឹង​ខ្សែ​យួរ​ដ៏​រឹង មាំ ស្រួល​ដាក់​ភេសជ្ជៈ ដូចជា ទឹកក្រូច ឬ​ស្រា​បៀរ​បាន​ច្រើន អ្នកនឹង​អស់​កង្វល់ ដោយឡែក​ផ្តល់នូវ​អារម្មណ៍​យ៉ាង​ស្រណុក​សុខ​ស្រួល​ជាមួយនឹង​បរិយាកាស​បរិសុទ្ធ​នៅឯ​ឆ្នេរសមុទ្រ​ជាមួយនឹង​ភាព​រីករាយ និង​ភាព​ស្រលះ​ក្នុង​ហទ័យ​យ៉ាង​ពិសេស​ជាមិនខាន​។

​កាន់តែ​ស្រស់ស្រាយ​
​ជាមួយនឹង​ដប​ទឹក​ម៉ាក S’well

​ទាំង​មាន​កំលាំង​គ្រប់គ្រាន់ ទាំង​ធ្វើអោយ​អ្នក​មើល​ទៅ​កាន់​លេចធ្លោ នឹង​អាច​ចែករំលែក​ជា មួយ​អ្នកដទៃ​ជាមួយនឹង​ដប​ទឹក​ម៉ាក S’well ។ ដប​ទឹក​ម៉ាក S’well នេះ​មាន​រូបរាង​ស្រស់​ស្អាត​ជាមួយនឹង​ពណ៌​ចិញ្ចាចចិញ្ចាំង​ដែល​រចនា​ដោយ​ដៃ​ហើយ​ជាពិសេស​ទៅទៀត នៅពេល​ដែល​អ្នកទិញ​ដប​ទឹក S’well នេះហើយ ចំនួន​ទឹកប្រាក់ មួយចំណែក​ដែល​អ្នក​បាន​ជាវ​ត្រូវបាន​យក​ទៅ​ធ្វើ​ជា​ជំនួយ​ជា​ទឹកស្អាត និង អនាម័យ​នៅឯ​ទ្វីប​អាហ្វ្រិក​។ ជាងនេះទៅទៀត ប្រសិនបើ​នៅ​មិន​គាប់ ចិត្ត​អ្នក​នៅ​ឡើយ ទេនោះ ដប់​ទឹក S’well នៅ​មាន​លក្ខណៈ​ពិសេស​មួយ​ទៀត គឺថា វា​អាច​រក្សា សីតុណ្ហភាព​ភេសជ្ជៈ​របស់​អ្នក​បាន​រហូត​ដល់​ទៅ ២៤​ម៉ោង​ឯណោះ​។

​វ៉ែនតា​ងូតទឹក​ដ៏​ទំនើប
​ម៉ាក Liquid Image ប្រភេទ 305 Hydra Series HD 720P

​វ៉ែនតា​ងូតទឹក​ដ៏​ទំនើប​មួយ​នេះ​បំពាក់​មក​ជាមួយនឹង​កាមេរ៉ា​វីដេអូ​កំរិត HD ភ្លឺ​ច្បាស់ ទាំង​រូបភាព​និង​សម្លេង​។ វ៉ែនតា​នេះ មិន​ត្រឹមតែ​អាច​ថត​វីដេអូ​បាន​តែ​ប៉ុណ្ណោះ​នោះ​ទេ តែ​ក៏​អាច​ថតរូប​ធម្មតា​បាន​ផងដែរ អ្នក​អាច​ថតរូប​ជា​លក្ខណៈ​បណ្តាក់​ក៏បាន ហើយ​វ៉ែនតា មួយ​នេះ​ក៏​អាច​ថត​បាន​យ៉ាងជ្រៅ រហូតដល់ ៤០ ម៉ែត្រ​ឯណោះ​។ ដូចនេះ តើ​ចាំ​អង្កាល់​ទៀត ចូរ​ថតរូប​ក្នុង​ទឹក​ជាមួយនឹង​វ៉ែនតា​ងូតទឹក ម៉ាក Liquid Image ប្រភេទ 305 Hydra Series HD 720P ពិតជា​មិន​ធ្វើអោយ​លោកអ្នក​ខក​បំណង​ឡើយ​។


​អស់​ថ្ម​តើ​មែន​ទេ​!?
​ឧបករណ៍​សាក​ថ្ម​ចល័ត WakaWaka ជួយ​បាន​

​តើ​អ្នក​ធ្លាប់​មាន​អារម្មណ៍​សៅហ្មង​នៅពេលដែល​ថ្ម​ទូរស័ព្ទ​របស់​អ្នក​ជិត​អស់​ដែរ​ឬទេ​? ឧបករណ៍​សាក​ថ្ម​ចល័ត WakaWaka​គឺជា​ជម្រើស​ដ៏​ល្អ ដែល​ឧបករណ៍​ដ៏​ស្រស់ស្អាត​នេះ​មាន រូបរាង​តូច​ស្តើង និង មាន​ប្រព័ន្ធ​ទទួល​ថាមពល​តាមរយៈ​ពន្លឺព្រះអាទិត្យ​ផងដែរ ដែល​ប្រដាប់ សាក​ថ្ម​ចល័ត​នឹង​ធ្វើអោយ​ទូរស័ព្ទ​របស់​អ្នកទទួល​ថាមពល​បាន​ពេញ​ត្រឹម​តែ​រយៈពេល ២​ម៉ោង​តែ​ប៉ុណ្ណោះ​។ គន្លឹះ​ដើម្បី​ក្នុងកា​រសាក​ឧបករណ៍​សាក​ថ្ម​ចល័ត WakaWaka ដោយ​ពន្លឺ​ថ្ងៃ​នោះ​គឺ ត្រឹមតែ​តំរូវឱ្យ​អ្នក​ដាក់​ឧបករណ៍​នេះ​ដាក់​ហាលថ្ងៃ​នៅ​កន្លែង​ដែល​មាន​ពន្លឺ គ្រប់គ្រាន់​តែ​ប៉ុណ្ណោះ ឬក៏​សាក​ភ្លើង​តាម​លក្ខណៈ​ធម្មតា​តាមរយៈ USB មុនពេល ដែល​អ្នក​ចេញ​ដំណើរ ជា​ការ​ស្រេច​។ កាន់តែ​ល្អ​ជាង​នេះ​ទៀត​នោះ គឺថា ឧបករណ៍​មួយ​នាំ​មក​ជាមួយ​នឹង​ភ្លើង​សញ្ញា​ប្រកាសអាសន្ន សម្រាប់​អ្នក​នាពេល​ចាំបាច់​ណាមួយ ផងដែរ​។ ប៉ុន្តែ​អ្វី​កាន់តែ​ពិសេស​លើស​ពី​ប​ឧបករណ៍​សាក​ថ្ម​ចល័ត​ផ្សេង ដទៃ​ពី​នេះ​ទៅ ទៀត​នោះ​គឺថា ថវិការ​ដែល​អ្នក​ទិញ​ឧបរណ៍​នេះ​ហើយ មួយចំនួន​គឺ​ត្រូវបាន​យក ទៅ​ជួយ​ដល់​ទុរគតជន​នៅ​ឯ​ប្រទេស​ហ្វ៊ីលីពីន​ទៀតផង​។

Continue Reading

Entertainment

សម្រាប់​អាន​នៅ​ថ្ងៃ​វិស្សមកាល

តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា

​តើ​មាន​អ្វី​ប្រសើរ​ជាង​គេ​នៅ​ថ្ងៃ​វិស្សមកាល​របស់​អ្នក ភេសជ្ជៈ​ដ៏​ត្រជាក់​ដែល​អ្នក​ចូលចិត្ដ ឬក៏​សៀវភៅអាន​ដែល​ល្អ​? ខាងក្រោម​នេះ​គឺជា​ជម្រើស​ដ៏​ល្អ​បំផុត​របស់​យើង​ដើម្បី​អាន​នៅ​មាត់សមុទ្រ តំបន់ភ្នំ ឬ​កន្លែង​ណាមួយ​ដែល​អ្នកធ្វើដំណើរ​ទៅដល់​។ មាន​ខ្លឹមសារ​ខុសៗ​គ្នា​ក្នុងចំណោម​សៀវភៅ​ទាំងអស់នេះ​៖ ថា​តើ​អ្នក​កំពុងតែ​មាន​អារម្មណ៍​រីករាយ​ស្រស់​ស្រាយ តានតឹង រំភើប​ញាប់​ញ័រ ឬក៏​យ៉ាងណា​នោះទេ សៀវភៅ​រឿងនិទាន​សម្រាប់​កុមារ ឬ​សៀវភៅ​ធ្វើឱ្យ​អារម្មណ៍​អណ្ដែត​អណ្ដូង គឺ​និយាយ​ទាក់ទង​ទៅនឹង​ការរស់នៅ​ក្នុង​ពិភព​ដ៏​វឹកវរ​នេះ​។ ចូរ​អាន​បន្ដ​ដើម្បី​ដឹងថា​តើ​សៀវភៅ​មួយ​ណា​ដែល​ធ្វើឱ្យ​អ្នក​ចាប់​អារម្មណ៍​បំផុត អំឡុង​វិស្សមកាល​ដ៏​គួរ​ជាទី​រីករាយ​។


​សៀវភៅ​រឿង The Rumor
​ដោយ​អ្នកនិពន្ធ Elin Hilderbrand តើ​អ្នក​កំពុងតែ​ស្វែងរក​សៀវភៅ​ដើម្បី​អាន​នៅ​ឆ្នេរសមុទ្រ​ដើម្បី​បន្ធូរ​អារម្មណ៍​មែន​ទេ​? ប្រសិនបើ​អ្នក​ខកចិត្ដ​ដោយសារតែ​ខ្សែភាពយន្ដ​មិន​ល្អមើល សាកល្បង​អាន​សៀវភៅ​រឿង The Rumor ដែល​និយាយ​អំពី​មិត្ដភ័ក្ដិដ៏​ជិត​ស្និទ្ធិពី​រនា​ក់​គឺ Madeline និង Grace បន្ដ​ការ​ណាត់ជួប​ផ្ទួនៗ​នា​រដូវក្ដៅ​មួយ ដោយ​ពួកគេ​ទទួលទាន​ស្រា​ខកថេល​នា​ពេល​ព្រះអាទិត្យ​អស្ដង្គ​ត ប៉ុន្ដែ​មាន​ពាក្យ​ច​ចាម​អារាម​មួយ​លេចឡើង ហើយ​បាន​ផ្លាស់ប្ដូរ​អ្វីៗ​គ្រប់យ៉ាង​។ ពាក្យ​ច​ចាម​អារាម​នោះ​គឺ​អំពី​ដុំ​ព្រិល​និង​សំណួរ​គឺថា​… តើ​មិត្ដភាព​របស់​ពួកគេ​ស្ថិត​នៅ​ដដែល​ឬ​យ៉ាងណា​?


​សៀវភៅ​រឿង Girl on the Train
​ដោយ​អ្នកនិពន្ធ Paula Hawkins
​សៀវភៅ​រឿង Girl on the Train គឺជា​រឿង​ធ្វើឱ្យ​រំភើប​ញាប់​ញ័រ ដែល​នឹង​ធ្វើឱ្យ​អ្នក​ងឿងឆ្ងល់​អំពី​ជីវិត​របស់​អ្នកដទៃ​។ Rachel បាន​ហែល​ឆ្លង​នូវ​ការបាត់បង់​មួយ ហើយ​ពុះពារ​រកឃើញ​នូវ​សុភមង្គល​នៅក្នុង​ផ្ទះ​នា​ជាយក្រុង​មួយ ដែល​នាង​ឆ្លងកាត់​នៅ​ពេល​ធ្វើដំណើរ​ពី​ផ្ទះ​ទៅ​កន្លែង​ធ្វើការ​វេលា​ព្រឹក​មួយ​។ នាង​មាន​ពេល​ប្រហែល​ត្រឹមតែ​មួយ​នាទី​ប៉ុណ្ណោះ ដើម្បី​សម្លឹងមើល​ក្រុមគ្រួសារ​ដែល​គួរឱ្យ​ស្រឡាញ់ មុនពេល​នាង​ជិះ​រថភ្លើង​ឆ្លងកាត់ ប៉ុន្ដែ​នាង​មាន​ក្ដី​រីករាយ​ជា​ពន់ពេក​។

​អ្វីមួយ​ផ្លាស់ប្ដូរ​គួរឱ្យកត់សម្គាល់ នៅពេលដែល Rachel ឃើញ​នូវ​ហេតុការណ៍​មួយ​ក្នុង​រយៈពេល​ដ៏​ខ្លី​ហើយ​ងឿងឆ្ងល់​ជាខ្លាំង ថា​តើ​នាង​គួរតែ​ប្រាប់​ប៉ូលីស​នូវ​អ្វី​ដែល​នាង​បានឃើញ​ឬ​យ៉ាងណា​។ លុះ​ក្រោយមក​នាង​មាន​អារម្មណ៍​ច្របូកច្របល់ ហើយ​មាន​អារម្មណ៍​ស្ទាក់ស្ទើរ​ក្នុង​ការជួយ​សង្គ្រោះ​។

Girl on the Train ជា​រឿង​ធ្វើឱ្យ​រំភើប​ញាប់​ញ័រ ដែល​អ្នក​មិន​អាច​នឹង​អាន​រំលង​ឡើយ​។


​រឿង Room
​និពន្ធ​ដោយ Emma Donoghue
​បន្ទប់​គឺជា​កន្លែង​មួយ​សម្រាប់​រស់នៅ​ដ៏​សុខសាន្ដ​និង​គួរ​ជាទី​ស្រឡាញ់រ​បស់ Jack ប៉ុន្ដែ​ចំពោះ​ម្ដាយ​របស់​គាត់ វា​ជា​គុក​ទៅវិញ​ដែល​គាត់​បាន​ជាប់​ឃុំឃាំង​នៅ​ទីនោះ អស់​រយៈពេល​ប្រាំពីរ​ឆ្នាំ​ដោយសារ​ស្នាដៃ​របស់ Old Nick​។ ជាមួយនឹង​ការ​ជម្រុញ​ខ្លាំង​ពី​ម្ដាយ Ma ដើម្បីឱ្យ Nick រស់នៅ​បាន​ល្អ​ប្រសើរ​ជាង​មុន គាត់​រៀបចំ​គម្រោង​ដើម្បី​រត់​ចេញ​។ តើ​អ្នក​ម្ដាយ Ma បាន​គិត​អំពី​អ្វី​ដែល​បាន​កើតឡើង បន្ទាប់ពី​ពួកគេ​បាន​រត់គេចខ្លួន និង​អ្វី​ដែល​ពិភព​ដទៃទៀត​កំពុងតែ​ជួបប្រទះ​ដែរ​ឬទេ​?

Room គឺជា​សៀវភៅ​ដ៏​អស្ចារ្យ​ដែល​បរិយាយ​អំពី​ការភ័យខ្លាច ការតបត និង​ការជាប់​ចំណង​។ តើ​យើង​បាន​ធ្វើ​ការពណ៌នា​អំពី​រឿង​នេះ​ហើយ​ឬ​នៅ​?
​សៀវភៅ​នេះ​ត្រូវបាន​និទាន​ដោយ​ការយល់ឃើញ​របស់ Jack ដែល​មាន​អាយុ​៥​ឆ្នាំ​តែ​ប៉ុណ្ណោះ​។​


​សៀវភៅ​រឿង Where are you Bernadette
​និពន្ធ​ដោយ Maria Semple
Bernadette ជា​មនុស្ស​អង់អាច​ក្លាហាន ឥត​ចេះ​កោតញញើត និង​និយាយ​ឥត​សំចៃ​។ នាង​ជា​ស្ថាបត្យករ​ថ្មីថ្មោង និង​ជា​អ្នក​ម្ដាយ​/​មិត្ដភ័ក្ដិ​ដ៏​ល្អ​បំផុត​របស់ Bee ដែល​មាន​អាយុ​ដប់​ប្រាំ​ឆ្នាំ​។

​ពួកគេ​រស់នៅ​ទីក្រុង Seattle ហើយ​ពលរដ្ឋ​និង​បរិយាកាស​នៅ​ទីនោះ មាន​ច្រើន​លើសលុប​សម្រាប់ Bernadette ហើយ​ការ​ធ្វើការ​លើស​ម៉ោង​បាន​ក្លាយជា​រឿង​គួរឱ្យ​បារម្ភ​។ ទោះបីជា​យ៉ាងណា​ក៏ដោយ Bernadette បាន​សន្យា​ជាមួយ​នឹង Bee ថា​នឹង​ទៅ​កម្សាន្ដ​នៅ​ទ្វីប​អង់​តា​ក់ទិច ប្រសិន​បើ​នាង​ទទួលបាន​និទ្ទេស “A” ចំពោះ​របាយការណ៍​របស់​នាង ជា​ការពិត Bee អាចធ្វើ​បាន ប៉ុន្ដែ Bernadette បាន​បាត់​ខ្លួន​។
Bee ស្វែងរក​អ្នក​ម្ដាយ​របស់​នាង ហើយ​បាន​ប្រឈមមុខ​ជាមួយ​នឹង​ពិភពលោក​ដែល​តម្រង់​មក​រក​នាង​៕

Continue Reading

Entertainment

តើ​អ្នកដឹង​ទេ​?

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារា

​មាន​តារា​ចម្រៀង​ពោរពេញ​ដោយ​ទេពកោសល្យ​ជាច្រើន​នៅលើ​ពិភពលោក ប៉ុន្តែ​តើ​អ្នក​ដឹង​ទេ​ថា​មាន​តារា​ចម្រៀង​ខ្លះ​បាន​និពន្ធ​ចម្រៀង​សម្រាប់​តារាចម្រៀង​ល្បី​ផ្សេងទៀត​ដែរ​ទេ​? មិនមែន​តារាចម្រៀង​ទាំងអស់​សុទ្ធតែ​ចេះ​និពន្ធ​បទ​ចម្រៀង​ដោយ​ខ្លួនឯង​នោះទេ ប៉ុន្តែ​សម្រាប់​នាង Sia វិញ នាង​ជា​តារាចម្រៀង​ប្រកប​ដោយ​ទេព​កោ​ល​សល្យ​ដ៏​អស្ចារ្យ ហើយក៏​ជា​អ្នកនិពន្ធ​ចម្រៀង​ដ៏​ឆ្នើម​ម្នាក់​ផង​ដែរ​។ នាង​ជា​តារាចម្រៀង​ដែល​មានសំនៀង​ដ៏​ពិរោះ និង​មិន​ដែល​បង្ហាញមុខ​ឱ្យ​គេ​ឃើញ​ឡើយ​។ នាង​បាន​សរសេរ​បទ​ចម្រៀង​ល្បីៗ​ជាច្រើន​ឱ្យ​តារាចម្រៀង​ដទៃទៀត​ជាច្រើន​។ លោកអ្នក​ច្បាស់​ជា​ភ្ញាក់ផ្អើល​មិន​ខាន​ជាមួយ​ឈ្មោះ​បទ​ចម្រៀង​ខាងក្រោម​ដែល​នាង Sia បាន​សរសេរ​ដែល​បទ​ទាំងនោះ​មាន​តាំង​ពី​បទ​ឈឺចាប់ បទ​ដែល​ត្រូវ​ប្រើ​សំឡេង​ខ្ពស់ និង​បទ​សប្បាយៗ​បែប​ទាក់ទាញ​ជាច្រើន​។


​បទ​ចម្រៀង​ល្បីៗ​ដែល​នាង Sia និពន្ធ​៖
​បទ “Expertease (Ready, Set, Go)” ច្រៀង​ដោយ Jennifer Lopez
​បទ “Opportunity” ច្រៀង​ដោយ Quvenzhané Wallis
​បទ “Diamonds” ច្រៀង​ដោយ Rihanna
​បទ “Making the Most of the Night” ច្រៀង​ដោយ Carly Rae Jepsen
​បទ “Chasing Shadows” ច្រៀង​ដោយ Shakira
​បទ “Get Over U” ច្រៀង​ដោយ Neon Hitch
​បទ “Blank Page” ច្រៀង​ដោយ Christina Aguilera
​បទ “Brightest Morning Star” ច្រៀង​ដោយ Britney Spears
​បទ “My Heart Is Open” ច្រៀង​ដោយ Maroon 5 និង Gwen Stefani
​បទ “Double Rainbow” ច្រៀង​ដោយ Katy Perry
​បទ “Kiss Me Once” ច្រៀង​ដោយ Kylie Minogue
​បទ “Battlefield” ច្រៀង​ដោយ Lea Michele
​បទ “Boy Problems” ច្រៀង​ដោយ Carly Rae Jepsen
​បទ “Perfume” ច្រៀង​ដោយ Britney Spears
​បទ “Pretty Hurts” ច្រៀង​ដោយ Beyoncé
​បទ​ចម្រៀង​ជាច្រើន​ទៀត​ដែល​និពន្ធ​ដោយ​នាង Sia៖
​បទ “Godzillionaire” ច្រៀង​ដោយ Brooke Candy
​បទ “Guitars and Microphones” ច្រៀង​ដោយ Kate Pierson
​បទ “We Are One (Ole Ola)” ច្រៀង​ដោយ Pitbull, Jennifer Lopez និង Claudia Leitte
​បទ “Pop Rock” ច្រៀង​ដោយ Brooke Candy
​បទ “Matrix” ច្រៀង​ដោយ Kate Pierson
​បទ “Acid Rain” ច្រៀង​ដោយ Alexis Jordan
​បទ “Any Day Now” ច្រៀង​ដោយ Cheyenne Jackson
​បទ “I Will Get Over You” ច្រៀង​ដោយ Prischilla Ahn
​បទ “These Hands I Hold” ច្រៀង​ដោយ Bo Bruce
​បទ “Gentlemen” ច្រៀង​ដោយ Jessica Sanchez
​បទ “Crush Me With Your Love” ច្រៀង​ដោយ Kate Pierson
​បទ “Bound to You” ច្រៀង​ដោយ Christina Aguilera
​បទ “God Made You Beautiful” ច្រៀង​ដោយ Beyoncé
​បទ “She’s Pretty, She Lies” ច្រៀង​ដោយ Cheyenne Jackson
​បទ “Freeze You Out” ច្រៀង​ដោយ Marina Kaye
​បទ “Rise Up” ច្រៀង​ដោយ Beyoncé
​បទ “Knock You Out” ច្រៀង​ដោយ Bingo Players


​បទ “Don’t Look at Me” ច្រៀង​ដោយ Cheyenne Jackson
​បទ “Kill, F—k, Marry” ច្រៀង​ដោយ Nikki Williams
​បទ “Rock Bottom” ច្រៀង​ដោយ Marco Mengoni
​បទ “Unite” ច្រៀង​ដោយ Jessie J
​បទ “Bottoms Up” ច្រៀង​ដោយ Kate Pierson
​បទ “Stronger Than Ever” ច្រៀង​ដោយ Christina Aguilera
​បទ “You’re Mine” ច្រៀង​ដោយ Lea Michele
​បទ “Opulence” ច្រៀង​ដោយ Brooke Candy
​បទ “Mister Sister” ច្រៀង​ដោយ Kate Pierson
​បទ “Break the Walls” ច្រៀង​ដោយ Fitz and the Tantrums
​បទ “Strange Birds” ច្រៀង​ដោយ Birdy
​បទ “Radioactive” ច្រៀង​ដោយ Rita Ora
​បទ “Round Your Little Finger” ច្រៀង​ដោយ Katharine McPhee
​បទ “Tears Fall” ច្រៀង​ដោយ Jacquie Lee
​បទ “Breathe” ច្រៀង​ដោយ Jessie J
​បទ “Firecracker” ច្រៀង​ដោយ Cheryl
​បទ “You Don’t Know” ច្រៀង​ដោយ Will Young
​បទ “The Game” ច្រៀង​ដោយ Kelly Rowland
​បទ “You Lost Me” ច្រៀង​ដោយ Christina Aguilera
​បទ “Bring Your Arms” ច្រៀង​ដោយ Kate Pierson
​បទ “Let Me Love You (Until You Learn to Love Yourself)” ច្រៀង​ដោយ Ne-Yo
​បទ “All I Need” ច្រៀង​ដោយ Christina Aguilera
​បទ “Green Card” ច្រៀង​ដោយ Oh Land
​បទ “Standing on the Sun” ច្រៀង​ដោយ Beyoncé


​បទ “Invincible” ច្រៀង​ដោយ Kelly Clarkson
​បទ “Loved Me Back to Life” ច្រៀង​ដោយ Celine Dion
​បទ “Utopia” ច្រៀង​ដោយ Belinda
​បទ “Time Wave Zero” ច្រៀង​ដោយ Kate Pierson
​បទ “Flashlight” ច្រៀង​ដោយ Jessie J
​បទ “Cannonball” ច្រៀង​ដោយ Lea Michele
​បទ “Who Am I?” ច្រៀង​ដោយ Jamie Foxx, Cameron Diaz និង Quvenzhané Wallis
​បទ “I Am” ច្រៀង​ដោយ Christina Aguilera
​បទ “If You Say So” ច្រៀង​ដោយ Lea Michele
​បទ “Let Your Tears Fall” ច្រៀង​ដោយ Kelly Clarkson
​បទ “I Am Me” ច្រៀង​ដោយ Willow
​បទ “The City’s Yours” ច្រៀង​ដោយ Jamie Foxx និង Quvenzhané Wallis
​បទ “Try Everything” ច្រៀង​ដោយ Shakira
​បទ “Passenger” ច្រៀង​ដោយ Britney Spears
​បទ “Pulls You Under” ច្រៀង​ដោយ Kate Pierson
​បទ “Sexercise” ច្រៀង​ដោយ Kylie Minogue
​បទ “Throw Down the Roses” ច្រៀង​ដោយ Kate Pierson​

Continue Reading

Trending

Copyright © 2018 Ladies Magazine Cambodia.