Connect with us

Beauty

បបូរមាត់ដ៏ស្រស់ស្អាត

ក្នុងពេល​បច្ចុប្បន្ន​នេះ យើង​ម្នាក់ៗ​ស្លៀកពាក់​ទៅ​តាម​បុគ្គលិកលក្ខណៈ​របស់​យើង និង​អ្វី​ដែល​ស័ក្ដិសម​នឹង​យើង​។ យើង​តែងតែ​ច្របល់​បញ្ចូល​គ្នា​រវាង​ស្តា​យល៍​តាមផ្លូវ និង​

ក្នុងពេល​បច្ចុប្បន្ន​នេះ យើង​ម្នាក់ៗ​ស្លៀកពាក់​ទៅ​តាម​បុគ្គលិកលក្ខណៈ​របស់​យើង និង​អ្វី​ដែល​ស័ក្ដិសម​នឹង​យើង​។ យើង​តែងតែ​ច្របល់​បញ្ចូល​គ្នា​រវាង​ស្តា​យល៍​តាមផ្លូវ និង​ស្តាយល៍​ទាន់សម័យ​។ វា​ដូច​ទៅ​នឹង​ការ​ផាត់មុខ​របស់​យើង​ដូច្នោះ​ដែរ វា​អាស្រ័យ​ទៅលើ​បុគ្គលិកលក្ខណៈ អត្តចរិត ស្តាយល៍ និង​អ្វី​ដែល​ស័ក្ដិសម​នឹង​យើង​។ យើង​ម្នាក់ៗ​មាន​ផលិតផល​ដែល​យើង​ចូលចិត្ត​ប្រើ​រៀងៗ​ខ្លួន ប៉ុន្តែ​ក្បួន​នៃ​ការ​ផាត់មុខ​នៃ​អ្វី​ដែល​អ្នក​គួរ​ធ្វើ និង​មិន​គួរ​ធ្វើ​គឺ​ដូចគ្នា​ទាំងអស់​។​
​បបូរមាត់​របស់​អ្នក​ជា​ផ្នែក​ដ៏​សំខាន់​នៃ​ផ្ទៃ​មុខ​របស់​អ្នក​។ វា​ជា​ផ្នែក​ដ៏​សំខាន់​ក្នុង​ការបំពេញ​នូវ​ការ​ផាត់មុខ​របស់​អ្នក​។ ថា​តើ​អ្នក​ចូលចិត្ត​បង្ហាញ​ពី​ខ្លួន​អ្នក និង​អារម្មណ៍​ដ៏​ប្រសើរ​ជាមួយនឹង​សម្រស់​បែប​ធម្មជាតិ​ដ៏​ស្រស់​ស្អាត​ឬ​យ៉ាងណា​។ ការ​ផាត់មុខ​នឹង​មិន​បញ្ចប់​ដោយ​ស្រស់​ស្អាត​ឡើយ​ប្រសិនបើ​អ្នក​មិន​មាន​បបូរមាត់​ដ៏​ស្អាត​ឥតខ្ចោះ​។​
​ដើម្បី​ទទួលបាន​បបូរមាត់​ដ៏​ស្រស់​ស្អាត​ទាក់ទាញ អ្នក​ត្រូវ​តែ​យល់​ឱ្យបាន​ច្បាស់​អំពី​ការ​លាប​ក្រែម​បបូរមាត់ និង​ជ្រើសរើស​ពណ៌​ដែល​ស័ក្ដិសម​នឹង​រាង​នៃ​បបូរមាត់ និង​ពណ៌​នៃ​ស្បែក​របស់​អ្នក​។ មិន​មាន​ពណ៌​ក្រែម និង​ស្តាយល៍​នៃ​ការលាបប​បូរមាត់ដែ​លឥត​ខ្ចោះ​ឡើយ​សម្រាប់​មនុស្ស​ម្នាក់ៗ​។​
​អាន​ដើម្បី​ស្វែងយល់​អំពី​ការ​លាប​ក្រែម​បបូរមាត់ដ៏​ឥតខ្ចោះ ស្រស់​ស្អាត​ដែល​អ្នក​តែង​ស្រមៃ​ចង់បាន​៖

​បបូរមាត់​លើ​ក្រាស់​

​ប្រសិនបើ​អ្នក​មាន​បបូរមាត់​លើ​ក្រាស់ អ្នក​អាច​ទទួលបាន​បបូរមាត់​ដ៏​ស្រស់ស្អាត​ជាមួយនឹង​គន្លឹះ​ទាំង ៣ នេះ​៖
•​ ​គូរ​រឹមបបូរមាត់​ដោយ​ប្រើ​ពណ៌​គូរ​រឹម​បបូរមាត់ និង​សង្កត់​ឱ្យ​ដិត​បន្ថែម​ត្រង់​បបូរមាត់​ផ្នែក​ខាងក្រោម​
•​ ​លាប​ក្រែម​ដែល​មាន​ពណ៌​ស្រស់​នៅ​បបូរមាត់​ផ្នែក​ខាងក្រោម និង​ពណ៌​រាង​ស្អាប់​ចំពោះ​បបូរមាត់​ផ្នែក​ខាងលើ​
•​ ​ផ្ដិត​ពណ៌​លាប​ត្របកភ្នែក​បន្តិច​នៅត្រង់​ផ្នែក​កណ្ដាល​នៃ​បបូរមាត់​ផ្នែក​ខាងក្រោម​របស់​អ្នក​

​បបូរមាត់​ខាងក្រោម​ក្រាស់​

​បបូរមាត់​ផ្នែក​ខាងក្រោម​ក្រាស់​គឺ​ពិតជា​ស្រស់​ស្អាត​ខ្លាំងណាស់ ប៉ុន្តែ​មនុស្ស​ស្រី​តែងតែ​ចង់បាន​បបូរមាត់​ដែល​ប៉ុនគ្នា​ទាំង​លើ និង​ក្រោម​។ នេះ​ជា​វិធី​ដែល​អ្នក​អាច​ទទួលបាន​បបូរមាត់​ដ៏​ទាក់ទាញ​៖
•​ ​គូរ​រឹមបបូរមាត់​ទាំង​ខាង​លើ និង​ខាងក្រោម ប៉ុន្តែ​គូរ​ផ្នែក​ខាងលើ​ឱ្យ​ក្រាស់​ជាង​បន្តិច​
•​ ​លាប​ពណ៌​ក្រែម​ដែល​អ្នក​បាន​ជ្រើសរើស​រួច​
•​ ​ផ្ដិត​ពណ៌​លាប​ត្របកភ្នែក​បន្តិច​នៅត្រង់​ផ្នែក​កណ្ដាល​នៃ​បបូរមាត់​ផ្នែក​ខាង​លើ​របស់​អ្នក​

​បបូរមាត់​តូច​

​ប្រសិនបើ​អ្នក​មាន​បបូរមាត់​តូច អ្នក​អាច​ធ្វើឱ្យ​វា​មើលទៅ​ឃើញ​ធំ​ជាង​មុន​ដោយ​៖
•​ ​ប្រើ​ពណ៌​គូរ​បបូរមាត់​ដែល​មាន​ពណ៌​ស្រាល​គូរ​ជុំវិញ​រឹមបបូរមាត់​របស់​អ្នក រួច​វា​សវា​ឱ្យ​សព្វ​បបូរមាត់​ដើម្បី​មើល​ទៅ​ដូច​ធម្មជាតិ​
•​ ​បន្ទាប់មក លាប​ពណ៌​ក្រែម​ដែល​អ្នក​ចូលចិត្ត​។ ជ្រើសរើស​ពណ៌​រាង​ស្រស់​បន្តិច​ដើម្បី​ធ្វើឱ្យ​ផ្ទៃមុខ​របស់​អ្នក​កាន់តែ​ស្រស់ស្អាត​
•​ ​ហាយ​ឡៃ​ត៍រឹម​បបូរមាត់ ក៏​ដូចជា​ផ្នែក​កណ្ដាល​នៃ​បបូរមាត់​ផ្នែក​ក្រោម​

​បបូរមាត់​ស្ដើង​

​អ្នក​មិន​ចាំបាច់​ប្រើ​ឧបករណ៍​ធ្វើឱ្យ​បបូរមាត់​រីក​ធំ​ឡើយ អ្នក​អាច​ធ្វើឱ្យ​វា​ធំ​បាន​ដោយ​៖
•​ ​គូរ​រឹមបបូរមាត់​ឱ្យ​ធំ​ជាង​រឹម​ពិតប្រាកដ​នៃ​បបូរមាត់​របស់​អ្នក​ដើម្បី​ឱ្យ​មើល​ទៅ​ធំ​ជាង​មុន​។ វា​សវា​ឱ្យ​សព្វ​ដើម្បី​ឱ្យ​មើល​ទៅ​ដូច​ធម្មជាតិ​។​
•​ ​លាប​ពណ៌​ក្រែម​ដែល​រាងដិ​ត​បន្តិច​នៅ​បបូរមាត់​ខាងក្រោម រួច​យក​ពណ៌​ដែល​រាង​ស្រាល​មក​លាប​បបូរមាត់​ផ្នែក​ខាងលើ​។ ពណ៌​រាង​ស្រស់​ពិតជា​ស័ក្ដិសម​នឹង​បបូរមាត់​តូច​បែបនេះ​។​
•​ ​វា​សវា​ឱ្យ​សព្វ​ដោយ​ប្រើ​ជក់​

​បបូរមាត់​សំប៉ែត​

​អ្នក​អាច​ធ្វើឱ្យ​បបូរមាត់​របស់​អ្នក​មាន​រាង​ស្អាត និង​មើលទៅ​ពេញ​ស្អាត​។ នេះ​ជា​វិធី​៖
•​ ​គូរ​រឹមបបូរមាត់ ហើយ​គូរ​ឱ្យ​ដិត​ខ្លាំង​បន្តិច​ត្រង់​បបូរមាត់​ខាងលើ​
•​ ​លាប​ពណ៌​ក្រែម​ដែល​អ្នក​ចូលចិត្ត​។ ពណ៌​ណាមួយ​ក៏​ស័ក្ដិសម​នឹង​បបូរមាត់​បែបនេះ​ដែរ ដូច្នេះ​អ្នក​គួរ​ជ្រើសរើស​ពណ៌​ដែល​ស័ក្ដិសម​នឹង​ពណ៌​ស្បែក​របស់​អ្នក​

​គន្លឹះ​ទាំង​អស់​ខាងលើ​ជួយ​អ្នក​ឱ្យ​ទទួលបាន​បបូរមាត់​ដ៏​ស្រស់ស្អាត និង​ពេញ​ស្អាត​។ អ្នក​អាច​សាកល្បង​ដើម្បី​ទទួលបាន​ភាពស្រស់ស្អាត​បន្តិចទៀត​!
​ក្រចក​ដ៏​ស្រស់ស្អាត​

​វា​ជា​ពេល​ដែល​អ្នក​គួរ​រីករាយ​ជាមួយនឹង​ម៉ូដ​ក្រចក​ថ្មី​ប្លែក​។ ផ្លាស់ប្ដូរ​ស្តាយល៍​ថ្មីៗ​ដែល​ពិតជា​ទាន់សម័យ​នាពេល​បច្ចុប្បន្ន​នេះ​! អ្នក​មិន​ចាំបាច់​ទៅ​ជួប​អ្នកជំនាញ​ដើម្បី​ទទួលបាន​ក្រចក​បែប​នេះ​ឡើយ អ្នក​អាច​ធ្វើ​វា​នៅ​ផ្ទះ​ដោយ​ខ្លួនឯង​។ មាន​វិធី​ជាច្រើន​ក្នុង​ការធ្វើ​ក្រចក​ឱ្យ​ស្រស់ស្អាត ហើយ​វា​នឹង​កាន់តែ​ងាយស្រួល​ប្រសិនបើ​អ្នក​ប្រើ​ឧបករណ៍​ដ៏​ត្រឹមត្រូវ​។​
​នេះ​ជា​គំនិត​ដើម្បី​ទទួលបាន​៖

​ចុង​ក្រចក​ភ្លឺ​ផ្លេក​

​អ្នក​គ្រប់​គ្នា​សុទ្ធតែ​លេង​ស្តាយល៍ចុង​ក្រចក​ភ្លឺផ្លេក​! អ្នក​គ្រាន់តែ​លាប​ពណ៌​ក្រចក​ដែល​អ្នក​ចូលចិត្ត រួច​រោយ​ផ្លេកៗ​នៅ​ផ្នែក​ចុង​ក្រចក​ជា​ការ​ស្រេច​។ អ្នក​ត្រូវ​លាបទឹក​រលោង​មួយ​ជាន់​ពី​លើ​ដើម្បី​ឱ្យ​ក្រចក​កាន់តែ​ស្រស់ស្អាត និង​ជាប់​បានយូរ​។​

​ព្រះ​ខែ​មួយ​ចំហៀង​នៅ​គល់​ក្រចក​ដែល​មិន​ឥតខ្ចោះ​
​ធុញទ្រាន់​ជាមួយនឹង​ស្តា​យល៍​ព្រះ​ខែ​មួយ​ចំហៀង​នៅ​គល់​ក្រចក​មែន​ទេ​។ អ្នក​អាច​លេង​ស្តា​យល៍​ព្រះ​ខែ​មួយ​ចំហៀង​នៅ​គល់​ក្រចក​ដែល​មិន​ឥតខ្ចោះ​។ វា​មើលទៅ​ស្រស់​ស្អាត​ជា​ង ហើយ​អ្នក​មិនសូវ​ស្រេ្ត​ស​ដូច​ម៉ូដ​មុន​ឡើយ​។ អ្នក​អាច​លេង​ពណ៌​ដែល​អ្នក​ចូល​ចិត្ត​ដើម្បី​ឱ្យ​ក្រចក​របស់​អ្នក​មើល​ទៅ​កាន់តែ​ស្រស់ស្អាត​។​

​ក្រចក​ដាំ​ត្បូង​

​ការដាំ​គ្រឿងអលង្កា​លើ​ក្រចក​របស់​អ្នក​គឺ​កាន់តែ​ធ្វើឱ្យ​ក្រចក​របស់​អ្នក​មើល​ទៅ​ទាន់សម័យ​។ អ្នក​អាច​បន្ថែម​ការតុបតែង​បែប​ភ្លឺ​ចិញ្ចាច​ដោយ​ប្រើ​កាវ​បិទ​ជា​ជំនួយ​ដើម្បី​ឱ្យ​ជាប់​បាន​យូរ​។​

​ក្រច​កណេ​អុង​

​អ្នក​មិន​អាច​ចេះតែ​លេង​ពណ៌​ណេ​អុង​តាម​តែ​ចិត្ត​នឹកឃើញ​បានឡើយ​។ អ្នក​អាច​ស្លៀក​សម្លៀក​បំពាក់​ពណ៌​ស្រស់​ដើម្បី​ឱ្យ​ស័ក្ដិសម​ទៅ​នឹង​ពណ៌​ក្រច​កណេ​អុង​របស់​អ្នក​។ អ្នក​អាច​លាប​ពណ៌​ដូចគ្នា​ទាំងអស់ ឬ​ពណ៌​ខុស​គេ​មួយ​ក្នុង​ចំណៅម​ពណ៌​ទាំងអស់​។ វា​ពិតជា​ស្រស់​ស្អាត​ពិសេស​នៅពេល​ដែល​អ្នក​ទៅ​កម្សាន្ត​ខាងក្រៅ​ជាមួយនឹង​មិត្ត​ភ័ក្ដិ ឬ​ថ្ងៃ​ណាត់​ជួប​ពិសេស​ក៏បាន​។​

​ក្រចក​ស្តាយល៍​បិទ​ស្កុត​រួច​លាប​

​មាន​វិធី​ជាច្រើន​ក្នុង​ការប្រើ​ស្កុត​ដើម្បី​បិទ​លើ​ក្រចក​រួច​លាប​ពណ៌​លើ​ក្រចក​របស់​អ្នក​។ ប្រើ​វា​ដើម្បី​ទទួលបាន​ស្តា​យល៍​ក្រចក​បញ្ឆៀង ក្រចក​មាន​ឆ្នូត​ច្រើន ឬ​ប្រើ​វា​ដើម្បី​រចនា​ម៉ូដ​ដែល​អ្នក​ចង់​បាន​។ ប្រើ​ពណ៌​ខុស​ពី​គ្នា​ដើម្បី​ទទួលបាន​ភាពស្រស់ស្អាត​បន្ថែម​។​

​ក្រចក​ហ្គា​ឡា​ក់​ស៊ី​

​អ្នកណា​ដែល​មិន​ចូល​ចិត្ត​ក្រចក​ស្តាយល៍​ហ្គា​ឡា​ក់​ស៊ី​? អ្នក​អាច​គូរ​ម៉ូដ​ហ្គា​ឡា​ក់​ស៊ី​ពេញ​ក្រចក​របស់​អ្នក​តែ​ម្ដង​ក៏​បាន​។ វា​មិន​ស្មុគស្មាញ​ដូច​កាល​ដែល​អ្នក​ឃើញ​ឡើយ​។ អ្នក​អាច​លាបថ្នាំ​ក្រចក​ពណ៌​ខ្មៅ រួច​យក​អេ​ប៉ុង​ជ្រលក់​ថ្នាំ​ពណ៌​ខៀវ ពណ៌​ស្វាយ និង​ពណ៌​សរួច​ផ្ដិត​ពីលើ​ក្រចក​ពណ៌​ខ្មៅ​ដែល​លាប​រួច​។ អ្នក​អាច​បន្តក់ថ្នាំ​ក្រចក​ពណ៌​ស​ដើម្បី​មើល​ទៅ​ដូចជា​ផ្កាយ​។​
​ការ​រចនា​ម៉ូដ​ក្រចក​គឺ​មិន​មាន​ព្រំដែន​ឡើយ​។ សាកល្បង​គន្លឹះ​ទាំង​នេះ​ជាមួយនឹង​ថ្នាំ​ក្រចក​ដែល​មាន​ពណ៌​ផ្សេងៗ​ពីគ្នា អ្នក​ក៏​អាច​លេង​ពណ៌​ក្រចក​ដែល​អ្នក​មិន​ធ្លាប់​លាប​ពីមុន​។ អ្នក​អាច​សាកល្បង​ពណ៌​ក្រមៅ ពណ៌​ណឺ​ត្រល និង​ការលេង​ត្បូង ឬ​ផ្លេកៗ ពណ៌​ណេ​អុង អ្នក​អាច​លេង​ម៉ូដ​ចុង​ក្រចក​ជាមួយ​ពណ៌​ផ្សេងៗ​ក្រៅពី​ពណ៌​ស​បាន​ផង​ដែរ​។ អ្វីៗ​ក៏​អាច​ទៅ​រួច​បាន​ដែរ​!

Continue Reading
Click to comment

Leave a Reply

Your email address will not be published.

Beauty

អ្វីដែលមិនគួរមើលរំលង

ផលិតផល​ផ្តល់​ជាតិ​សំណើម Tom Ford Radiant Moisture Soufflé

ផលិតផល​ផ្តល់​ជាតិ​សំណើម Tom Ford Radiant Moisture Soufflé
​នេះ​ជា​ផលិតផល​ផ្តល់​ជាតិ​សំណើម​ប្រើ​សម្រាប់​លាបមុខ​មុន​ពេល​ផាត់​ម៉ាហ្គីយ៉េ ជា​ក្រែ​មរលោង​ប្រើ​សម្រាប់​លាប​លើ​ស្បែក​ដែល​មិន​ទាន់​តុបតែង ឬ​អ្នក​អាច​លាប​មុនពេល​ផាត់ម្សៅ​ទ្រនាប់​ដើម្បី​ឱ្យ​ស្បែក​មើល​ទៅ​ភ្លឺ​ស្អាត​និង​រលោង​។​


​រោម​ភ្នែក Battington Lashes
​រោមភ្នែក​ក្លែងក្លាយ​ជា​ស្តា​យល៍​ពេញនិយម​បំផុត​នា​បច្ចុប្បន្ននេះ​។ រោម​ភ្នែក Battington ច្បាស់​ជា​ធ្វើឱ្យ​អ្នក​លែង​ចង់​ទិញ​រោម​ភ្នែក​ដែល​មាន​តម្លៃ​ថោក​ទៀត​មិន​ខាន​។ លក្ខណៈ​ពិសេស​នៃ​រោមភ្នែក​នេះ​គឺ​ថា​អ្នក​អាចយ​ករោម​ភ្នែក​នេះ​មកប្រើប្រាស់​ឡើងវិញ​បាន​រហូត​ដល់ ២៥​ដង​ឯណោះ​។​


​សេរ៉ូម​ការពារ​ភាព​ជ្រីវជ្រួញ La Prairie Cellular Swiss Ice Crystal Serum
​នេះ​ជា​ផលិតផល​ការពារ​ភាពចំណាស់​ដ៏​ល្អ​ជាង​គេ​បំផុត ហើយ​ក៏​កំពុងតែ​ពេញនិយម​បំផុត​ផងដែរ​នៅលើ​ទីផ្សារ​។ គ្រឿងផ្សំ​ថ្មី​ចុងក្រោយ​របស់ La Prairie គឺ​មាន​លក្ខណៈ​រលោង​ជួយ​ការពារ​ស្នាម​ជ្រីវជ្រួញ និង​ធ្វើឱ្យ​ស្បែក​ភ្លឺរលោង​ស្អាត​។​


ពណ៌​សម្រាប់​លាយ​ម្សៅ​ទ្រនាប់ The Body Shop Shade Adjusting Drops
​ការស្វែងរក​ម្សៅ​ទ្រនាប់​ឱ្យ​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​មែន​ជា​រឿង​ងាយ​ឡើយ​។ ក៏​ប៉ុន្តែ​ប្រសិនបើ​អ្នក​បន្ថែម​ទឹក​ពណ៌​មួយ​តំណក់​លាយ​ជាមួយ​ម្សៅ​ទ្រនាប់​ដែល​អ្នក​ចូលចិត្ត ពណ៌​លឿងចាស់​ដែល​បានមកពី​ទឹក​ពណ៌​នោះ​នឹង​បង្កើតបាន​ជា​ពណ៌​ម្សៅ​ទ្រនាប់​ដែល​អ្នក​ចង់​បាន​មិន​ខាន​។ បន្ទាប់​ពី​លាយ​រួច អ្នក​នឹង​ទទួលបាន​ពណ៌​ថ្មី​ដែល​ស៊ីគ្នា​នឹង​ពណ៌​ស្បែក​មុខ​របស់​អ្នក​មិន​ខាន​។ គឺ​ប្រៀប​ដូចជា​វេទមន្ត​ដូច្នោះ​ឯង​។​


ម្សៅ​រលោង ​Make Beauty Moonlight Primer
​ម្សៅ​រលោង Make Beauty’s Moonlight Primer ជួយ​ការពារ​ស្បែក​អ្នក​ពី​កាំរស្មី​យូ​វី និង​កាំរស្មី HEV ដែល​ឡេ​ការពារ​កម្តៅថ្ងៃ​ប្រភេទ​ធម្មតា​មិន​អាច​ការពារ​បាន​។ សេរ៉ូម​នេះ​ក៏​ជួយ​ធ្វើឱ្យ​ស្បែក​របស់​អ្នក​មើល​ទៅ​រលោង​គ្មាន​ស្លាកស្នាម​ផងដែរ​៕

Continue Reading

Beauty

ធ្វើឱ្យ​ត្រគាក​ស្រ​ឡូ​ន

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន

​ធ្វើឱ្យ​រាង​ត្រគាក​របស់​អ្នក​កាន់តែ​ស្រ​ឡូ​ន​ស្រស់​ស្អាត​ដើម្បី​ស្លៀកខោ​ខូវប៊យ ខោខ្លី ឬ​ឈុត​ហែល​ទឹក​ឱ្យ​មើលទៅ​ឃើញ​សម​សួន​!

សាកល្បង​ធ្វើ​លំ​ហាត់ប្រាណ​ដ៏​ងាយ​នេះ​ចុះឡើងៗ ដើម្បី​ទទួលបាន​រាង​ត្រគាក​ឡូយ​។


​ដេក​ពើង​ត្រគាក​ឡើងលើ​
​គេង​ផ្ងារ​ដោយ​ដាក់​ដៃ​របស់​អ្នក​សណ្ដូក​ចុះក្រោម ហើយ​ដាក់​ជើង​របស់​អ្នក​អង្កុញ​នៅលើ​កម្រាល​។​
​លើក​ត្រគាក​របស់​អ្នក​ឡើងលើ​។ ទប់​ឱ្យ​ជាប់ បន្ទាប់​មក​ចំកោង​ចុះក្រោម​។​
​ចាប់​កំភួនជើង​របស់​អ្នក នៅពេលដែល​ត្រគាក​របស់​អ្នក​ពើង​ឡើងលើ​។​
​ដើម្បី​ធ្វើឱ្យ​លំ​ហាត់ប្រាណ​នេះ​លំបាក​ថែម​ទៀត កន្ធែកជើង​ម្ខាង​លើក​ឡើង​លើ និង​ដាក់​ភ្លៅ​របស់​អ្នក​ឱ្យ​ស្មើ​ស្របគ្នា​។​​បន្ទាប់​មក​ទម្លាក់​ខ្នង​ចុះ​ក្រោម​សន្សឹមៗ​។​
​អនុវត្ដ​ការធ្វើ​លំ​ហាត់ប្រាណ​នេះ​រយៈពេល​៣០​វិនាទី ប្ដូរ​ចុះឡើងៗ​ហើយ​ធ្វើ​ចលនា​រយៈពេល​៣០​វិនាទី​ទៀត ដោយ​ប្រើ​ជើង​ម្ខាង​ទៀត​។


​លើកជើង​ឡើងលើ​
​ឈរ​កន្ធែកជើង​ចេញ​ពី​គ្នា ហើយ​លើក​ដុំ​ដែក​ទម្ងន់​៥​ផោន​ដ៍​នៅ​នឹង​ដៃ​ម្ខាងៗ​។ ប្រសិនបើ​អ្នក​មិន​មាន​ដុំ​ដែក​ទេ រក​ដប​ពីរ​ច្រក​ទឹក​ឱ្យ​ពេញ ឬ​ប្រើ​វត្ថុ​អ្វីមួយ​ដែល​មាន​ទម្ងន់​ប្រហាក់ប្រហែលគ្នា​។
​ពត់​ជើង​ស្ដាំ​របស់​អ្នក​ហើយ​លើក​វា​ឡើង​លើ​ឱ្យ​ផុត​ពី​កម្រាល​កម្ពស់​ប្រហែល​បី​អ៊ិញ​។ លាតដៃ​ទាំង​ពីរ​ដាក់​មុខ​អ្នក​កម្ពស់​ស្មើ​ទ្រូង និង​ដាក់​បាតដៃ​របស់​អ្នក​ចុះក្រោម​។​
​ដាក់​ដៃ​របស់​អ្នក​ឱ្យ​ត្រង់ ហើយ​លើកដៃ​ឆ្វេង​ឱ្យ​ផុត​ក្បាល រួច​ទប់​ឱ្យ​ជាប់​ដោយ​រាប់​ឱ្យបាន​បី​ដង បន្ទាប់​មក​ទម្លាក់​ឱ្យមក​ត្រឹម​កម្ពស់​ទ្រូង​វិញ​។ បន្ដ​លើក​ដៃ​របស់​អ្នក​ប្ដូរ​ចុះឡើង​។ អនុវត្ដ​ចុះឡើងៗ​ឱ្យបាន​ប្រាំបី​ដង ដោយ​ប្រើ​ដៃ​ម្ខាងៗ​ឱ្យ​បាន​បួន​ដង​។ ប្ដូរ​ជើង​ហើយ​អនុវត្ដ​ឱ្យបាន​ប្រាំបី​ដង​ចុះឡើងៗ​បន្ថែមទៀត ខណៈពេល​ឈរ​ដោយ​ប្រើ​ជើង​ស្ដាំ​របស់​អ្នក​។


អង្គុយ​ច្រហោង​
​ឈរ​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា​។​
​អង្គុយ​ច្រហោង ហើយ​ដាក់​ប្រអប់ដៃ​ឱ្យ​កៀក​នឹង​ចង្កា​របស់​អ្នក​។​
​បន្ទាប់​មក​បោះ​ជើងឆ្វេង​របស់​អ្នក​ឱ្យ​ត្រង់​ទៅក្រោយ ខណៈពេល​លាតដៃ​របស់​អ្នក​ឱ្យ​ត្រង់​ទៅ​មុខ​។​
​ត្រឡប់​ទៅ​រក​ជំហរ​អង្គុយច្រហោង ហើយ​អនុវត្ដ​ដោយ​ប្រើ​ជើង​និង​ដៃ​ម្ខាង​ទៀត​។​
​បន្ដ​អនុវត្ដ​រយៈពេល​មួយ​នាទី​ឬ​លើសពីនេះ​។​
​នៅពេល​ដែល​អ្នក​អង្គុយច្រហោង ដាក់​ត្រគាក​របស់​អ្នក​ឱ្យ​ត្រូវ​ជំហរ ហើយ​ប្រើ​កែងជើង​ដើម្បី​ទប់​ទម្ងន់​។


​អង្គុយច្រហោង​ដោយ​ប្រើ​ទម្ងន់​
​ចាប់ផ្ដើម​ដោយ​ដាក់​ជើង​និង​ស្មា​របស់​អ្នក​ចេញ​ពី​គ្នា ហើយ​ដាក់​ដុំ​ដែក​ឬ​ទម្រង់​ទម្ងន់​មួយចំនួនទៀត​នៅ​ប្រប​នឹង​ភ្លៅ​។​
​អង្គុយច្រហោង​ចុះ​ហាក់បីដូច​ជា​អ្នក​អង្គុយ​នៅលើ​កៅអី​អ‍៊ីចឹង ដោយ​ប្រើ​កែងជើង​របស់​អ្នក​ទ្រ​ទម្ងន់​។​
​ចាប់​កំភួនជើង​របស់​អ្នក ហើយ​ត្រឡប់​ទៅ​ចាប់ផ្ដើម​ជំហរ​ឡើងវិញ​។​
​អនុវត្ដ​ចុះឡើង​រយៈពេល​ពី​១៥-២០​ដង​។​
​ប្រើ​កែងជើង​របស់​អ្នក​ទ្រ​ទម្ងន់ ដោយ​ត្រូវ​ប្រាកដ​ច្បាស់​ថា ជង្គង់​របស់​អ្នក​កុំ​ឱ្យ​លូត​ទៅមុខ​ហួស​ពី​ម្រាម​ជើង​។​
​កម្រិត​ឈាន​ទៅ​មុខ​៖ សាកល្បង​ដោយ​មិនចាំបាច់​ប្រើ​ទម្ងន់ ប៉ុន្ដែ​លោត​ឡើង​លើ​ឱ្យ​ខ្ពស់ ហើយ​ទម្លាក់​ខ្លួន​ចុះ​ក្នុង​ជំហរ​ច្រហោង​។

Fitness woman. Slim woman with dumbbells.

​លោត​ហក់​ខ្ពស់ៗ​
​ឈរ​ដោយ​ដាក់​ជើង​របស់​អ្នក​ផ្គួប​ចូលគ្នា ហើយ​យក​ដៃ​របស់​អ្នក​ច្រត់​ចង្កេះ​។​
​លោត​ហក់​ទៅ​មុខ​ដោយ​ប្រើ​ជើង​ស្ដាំ​របស់​អ្នក​។​
​លោត​ឡើងលើ ដោយ​ប្ដូរ​ជើង​ផុតពី​ដី ហើយ​ឱ្យ​ធ្លាក់​ចុះ​ក្រោម​ជាមួយនឹង​ជើងឆ្វេង​របស់​អ្នក នៅក្នុង​ជំហរ​លោត​ហក់​ទៅមុខ​។​
​បន្ដ​លោត​ហក់​ខ្ពស់ៗ​បែបនេះ ដោយ​ផ្លាស់ប្ដូរ​គ្នា រយៈពេល​មួយ​នាទី​ឬ​យូរ​ជាង​នេះ​។​
​ទ្រោប​ខ្លួន​នៅ​ពី​លើ​កម្រាល​ដោយ​ប្រើ​ជើង​ទាំង​ពីរ ហើយ​ជង្គង់​ខាង​មុខ​ពត់​ជា​មុំ​៩០​ដឺ​ក្រេ និង​តម្រង់​កជើង​ឱ្យ​ស្មើគ្នា​៕

Continue Reading

Beauty

​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!

សូម​ស្ងាត់​…​នាង​ខ្ញុំ​មានរឿង​ចង់​ប្រាប់​!
​តើ​អ្នកដឹង​អំពី​ការធ្វើ​ថ្នាំលាបក្រចក​ដោយ​ខ្លួនឯង​ដែរឬទេ​?


​សម្រាប់​ក្រចកដៃ​ដែល​រក្សាបាន​នូវ​ភាព​ភ្លឺ​ស្អាត​បានយូ​នោះ សុភាពនារី​ភាគច្រើន​តែងតែ​គិត​ថា​ត្រូវ​ពឹងពាក់​លើ​អ្នកជំនាញ​ម៉ូដ​ក្រចក​ជាពិសេស​។ ប៉ុន្តែ​ជាមួយ​នឹង​ផលិតផល​ចេញ​ថ្មី​នៃ​កូឡិក​ហ្សិន​ម៉ាក Miracle Gel TM របស់ Sally Hansen ត្រូវបាន​ដឹង​ថា​ការ​លាប​ក្រចក​ដោយ​ប្រើជែ​លលាប​ក្រច​កដោយខ្លួន​ឯង​ត្រឹម​២​ដំណាក់​ការ​ប៉ុណ្ណោះ ជា​វិធី​ថ្មី​មួយ​ដែល​ធ្វើអោយ​អ្នក​អស់​ក្តីបារម្ភ​មិនចាំបាច់​ពឹងពាក់​ជាង​ធ្វើ​ក្រចក​ទៀតឡើយ​។


​បន្ទាប់​ពី​លាបទឹក​រលោង​ស្រទាប់​ដំបូង​រួចមក ចូរ​លាប​ជែល Miracle Gel varnish ដើម្បី​បំបាត់​ផ្ទៃ​ដែល​ភ្លឺ​មិន​ស្មើ​សាច់​ល្អ​ដែល​វា​អាច​ថែរក្សា​ទំ​រង​ក្រចក​របស់​អ្នក​អោយ​នៅ​ភ្លឺ​ស្អាត​ដដែល​រហូត​ដល់​រយៈពេល​ពេល ១៤​ថ្ងៃ​ឯណោះ​។ ជែល​បំបាត់ស្នាម​នឹង​ធ្វើអោយ​ក្រចក​អ្នកភ្លឺរ​លោ​ង​ស្អាត និង​ជាប់​បានយូរ​ដោយ​ងាយស្រួល​។ ការ​លាប​ពី​ជាន់​ខាងលើ​នេះ​គឺ​ពិតជា​សម​ល្មម​នៅពេល​ដែល​អ្នក​លាបថ្នាំ​ក្រចក​ដែល​ពណ៌​ដិតៗ​ពីលើ​។ ជា​កិច្ច​បង្ហើយ យើងខ្ញុំ​សូម​ណែនាំ​ថា អ្នក​គួរតែ​ប្រើ​ថ្នាំ​ក្រចក​ណា​ដែល​មាន​ជាតិ​ជែល​ដែលជាប់​ល្អ​។


​ដើម្បី​លាង​សំអាត​ក្រចក​ចេញ អ្នក​ត្រូវ​ប្រើ​ទឹក​លាង​ក្រចក​ដូច​ធម្មតា​។ ជ្រលក់​សំឡី​រួច​ដាក់​សំឡី​សើម​ពីលើ​ដោយ​ថ្ម​មៗ ទុកចោល​យ៉ាងហោចណាស់​មួយ​នាទី មិន​ពេល​ដែល​អ្នក​ជូត​សំអាត​ក្រចក​។ ពិត​ណាស់​ការ​លាប​ក្រចក​ដោយ​ខ្លួនឯង​នេះ គឺ​ពិតជា​ងាយស្រួល​មែនទែន​។

Continue Reading

Trending

Copyright © 2018 Ladies Magazine Cambodia.